१ तिमोथि 6
6
1मालिकसिक अधिनम भेल सभे नोकरस्या आप्न मालिकक आदर करुस, ताकि कुन्हुँले पर्मेसोरक ना आ हमर्स्या सिखाइल सिछ्याक बद्नाम कर नाइ पाउस। 2जक्र मालिकसब बिस्वासि स्यो, ओक्रा नोकरस्या आप्ने बिस्वासि दाजुभाइ त स्यो नि कहिक हेला नाइ करुस। बरु ओकर्स्या उ बिस्वासि मालिकसिक झन आरो थुप्रे सेबा करुस किरकि ओकर्सिक कामस फैदा पाइलाहार मालिकसब त ओकर्सिक आप्ने बिस्वासि दाजुभाइसब त स्यो। तुइं एहे बातसब मन्डलिक बिस्वासिसिका सिखा आ हौसला धि।
झुठा सिछ्या आ साँच्चेक धन
3तर कुन्हुँले झुठा सिछ्या सिखाइतो आ आपन्सिक प्रभु येसु खिरिस्टक बचन आ पर्मेसोरक भक्ति कर्लाहार सिछ्याम सहमत नाइ हेतो त, 4उ मानुक घमन्डस फुल्ल रहछो आ कथ्यो नाइ बुझ्ल रहछो। एहेन मानुकले कन्कि-कन्कि बातम पनि बाद-बिबाद करिक झग्रा कर्छो। जक्र कारनस रिस, झग्रा, बद्नामि आ खराब सङ्खासब मत्रे उब्जाइ छो। 5एहेन मानुकस्या जखन पनि झग्रा कर्ति रहछो किरकि ओकर्सिक बुद्धि बिगर्ल रहछो आ सत्ये बातस बर्कि दुरि भेल रहछो। ओकर्स्या पर्मेसोरक भक्ति कर चाहिं धन कमाइलाहार काम स्यो कहिक सम्झ छो।
6तर आप्नसङ जे छो, ओहेम खुसि भइक पर्मेसोरक भक्ति कर सभेस बर्कि धन स्यो। 7किरकि आपन्स्या यि सन्सारम न त कथ्यो लइक आइल स्या, न त कथ्यो लइक जेब। 8ओहेस आपन्सिका खाइ आ पिन्हँ लागि पुग्तो त ओहेम खुसि हब चाहि। 9तर धनिक बन खोज्लाहार मानुकसब चाहिं लोभ-लालचम फसिक थुप्रे बेकारक बात आ हानिकर्लाहार इच्छाक जालम फस्छो, जुन लोभ-लालचले ओकर्सिका बर्कि दुख आ बिनासम पुगाइ छो। 10किरकि धन-सम्पतिक लोभ-लालच सभे खालक खराबिक जर स्यो। एहे लोभ-लालचक कारनस कतेक मानुकसब बिस्वासस पछा हट्ल छो। अनि बर्कि दुखम परिक ओकर्सिक मन एक्दम दुखाइल छो।
तिमोथिका पावलक आदेस
11तर तुइं पर्मेसोरक सेबक भेल कारनस यि सभे बातस दुर रह। अनि पर्मेसोरका मन पर्लाहार ठिक जिबन बिताइक भक्ति, बिस्वास, मयाँ, सहनसिलता आ नम्र भइक रहलाहार बातम आप्न मन लगा। 12तुइं बिस्वासक अस्लि लराइ लर् आ सब्दिन रहलाहार जिबनका पक्रिक राख्। किरकि एहे जिबनक लागि पर्मेसोरले तोरा बलाइल स्यो, एक्र बारेम तुइं थुप्रे मानुकसिक अगाम आप्न बिस्वासक अस्लि गबाहि पनि धिल स्या। 13सभे कथ्योका जिबन देल्हार पर्मेसोर आ पन्तियस पिलातसक अगाम अस्लि गबाहि देल्हार खिरिस्ट येसुक अगाम हम तोरा यि आग्या देस्यो कि, 14आपन्सिक प्रभु येसु खिरिस्ट नाइ आइल तलिक यि आग्याका अस्लिमे पालन कर्, ताकि कुन्हुँले तोरा दोस लगाब नाइ पाउस। 15पर्मेसोरले ठिक समैम आपन्सिक प्रभु येसु खिरिस्टका फेरि पठाइ देतो। किरकि धन्ये पर्मेसोर सभे सक्तिक मालिक, रजासिक रजा आ प्रभुसिक प्रभु स्यो। 16कह्याहु नाइ मोर्लाहार उ मत्रे स्यो। उ एहेन धोगर इजोतम रहछो कि कुन्हुँ मानुक ओक्रलग जाइ नाइ सक्तो। ओक्रा कुन्हुँले देख्ल नाइ छो, न त देख सक्तो। ओक्र आदर आ राज्ये जुग-जुग तलिक रहतो। आमेन।
17यि सन्सारक धनिक मानुकसिका घमन्डि नाइ बन् कहिक आग्या धि। अनि ओकर्सिका नास भेल्हार धन-सम्पतिम नाइ तर आपन्सिका सभे कथ्यो देल्हार पर्मेसोरम भरोसा राख लागि आग्या धि। 18ओकर्सिका अरुक भलाइ कर, अस्लि कामम धनिक बन अनि खुला मनक हब आ अरुका सहयोग कर्लाहार बन लागि आग्या धि। 19एना करिक ओकर्स्या आप्न लागि सोर्गम सम्पति धेर्याइतो। ओहे सम्पति पछास पाइलाहार साँच्चेक जिबनक लागि जोर्गर आधार हेतो। जक्र कारनस ओकर्स्या साँच्चेक जिबन पाब सक्तो।
20ए तिमोथि, पर्मेसोरले तोरा जे जिम्मा देल छो, ओक्र अस्लिमे देख्भाल कर्। अनि पर्मेसोरक निन्दा कर्लाहार मुर्ख बातस आ पर्मेसोरक बिरोधम कर्ल झुठ बातस दुर रह, जक्रा कतेक मानुकस्या ग्यान कहिक कहछो। 21किरकि कतेक मानुकसब एहेन बातक पछा लगिक बिस्वासस पछा हट्ल छो।
तोर्सिसङ पर्मेसोरक किर्पा रहुस।
Currently Selected:
१ तिमोथि 6: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
१ तिमोथि 6
6
1मालिकसिक अधिनम भेल सभे नोकरस्या आप्न मालिकक आदर करुस, ताकि कुन्हुँले पर्मेसोरक ना आ हमर्स्या सिखाइल सिछ्याक बद्नाम कर नाइ पाउस। 2जक्र मालिकसब बिस्वासि स्यो, ओक्रा नोकरस्या आप्ने बिस्वासि दाजुभाइ त स्यो नि कहिक हेला नाइ करुस। बरु ओकर्स्या उ बिस्वासि मालिकसिक झन आरो थुप्रे सेबा करुस किरकि ओकर्सिक कामस फैदा पाइलाहार मालिकसब त ओकर्सिक आप्ने बिस्वासि दाजुभाइसब त स्यो। तुइं एहे बातसब मन्डलिक बिस्वासिसिका सिखा आ हौसला धि।
झुठा सिछ्या आ साँच्चेक धन
3तर कुन्हुँले झुठा सिछ्या सिखाइतो आ आपन्सिक प्रभु येसु खिरिस्टक बचन आ पर्मेसोरक भक्ति कर्लाहार सिछ्याम सहमत नाइ हेतो त, 4उ मानुक घमन्डस फुल्ल रहछो आ कथ्यो नाइ बुझ्ल रहछो। एहेन मानुकले कन्कि-कन्कि बातम पनि बाद-बिबाद करिक झग्रा कर्छो। जक्र कारनस रिस, झग्रा, बद्नामि आ खराब सङ्खासब मत्रे उब्जाइ छो। 5एहेन मानुकस्या जखन पनि झग्रा कर्ति रहछो किरकि ओकर्सिक बुद्धि बिगर्ल रहछो आ सत्ये बातस बर्कि दुरि भेल रहछो। ओकर्स्या पर्मेसोरक भक्ति कर चाहिं धन कमाइलाहार काम स्यो कहिक सम्झ छो।
6तर आप्नसङ जे छो, ओहेम खुसि भइक पर्मेसोरक भक्ति कर सभेस बर्कि धन स्यो। 7किरकि आपन्स्या यि सन्सारम न त कथ्यो लइक आइल स्या, न त कथ्यो लइक जेब। 8ओहेस आपन्सिका खाइ आ पिन्हँ लागि पुग्तो त ओहेम खुसि हब चाहि। 9तर धनिक बन खोज्लाहार मानुकसब चाहिं लोभ-लालचम फसिक थुप्रे बेकारक बात आ हानिकर्लाहार इच्छाक जालम फस्छो, जुन लोभ-लालचले ओकर्सिका बर्कि दुख आ बिनासम पुगाइ छो। 10किरकि धन-सम्पतिक लोभ-लालच सभे खालक खराबिक जर स्यो। एहे लोभ-लालचक कारनस कतेक मानुकसब बिस्वासस पछा हट्ल छो। अनि बर्कि दुखम परिक ओकर्सिक मन एक्दम दुखाइल छो।
तिमोथिका पावलक आदेस
11तर तुइं पर्मेसोरक सेबक भेल कारनस यि सभे बातस दुर रह। अनि पर्मेसोरका मन पर्लाहार ठिक जिबन बिताइक भक्ति, बिस्वास, मयाँ, सहनसिलता आ नम्र भइक रहलाहार बातम आप्न मन लगा। 12तुइं बिस्वासक अस्लि लराइ लर् आ सब्दिन रहलाहार जिबनका पक्रिक राख्। किरकि एहे जिबनक लागि पर्मेसोरले तोरा बलाइल स्यो, एक्र बारेम तुइं थुप्रे मानुकसिक अगाम आप्न बिस्वासक अस्लि गबाहि पनि धिल स्या। 13सभे कथ्योका जिबन देल्हार पर्मेसोर आ पन्तियस पिलातसक अगाम अस्लि गबाहि देल्हार खिरिस्ट येसुक अगाम हम तोरा यि आग्या देस्यो कि, 14आपन्सिक प्रभु येसु खिरिस्ट नाइ आइल तलिक यि आग्याका अस्लिमे पालन कर्, ताकि कुन्हुँले तोरा दोस लगाब नाइ पाउस। 15पर्मेसोरले ठिक समैम आपन्सिक प्रभु येसु खिरिस्टका फेरि पठाइ देतो। किरकि धन्ये पर्मेसोर सभे सक्तिक मालिक, रजासिक रजा आ प्रभुसिक प्रभु स्यो। 16कह्याहु नाइ मोर्लाहार उ मत्रे स्यो। उ एहेन धोगर इजोतम रहछो कि कुन्हुँ मानुक ओक्रलग जाइ नाइ सक्तो। ओक्रा कुन्हुँले देख्ल नाइ छो, न त देख सक्तो। ओक्र आदर आ राज्ये जुग-जुग तलिक रहतो। आमेन।
17यि सन्सारक धनिक मानुकसिका घमन्डि नाइ बन् कहिक आग्या धि। अनि ओकर्सिका नास भेल्हार धन-सम्पतिम नाइ तर आपन्सिका सभे कथ्यो देल्हार पर्मेसोरम भरोसा राख लागि आग्या धि। 18ओकर्सिका अरुक भलाइ कर, अस्लि कामम धनिक बन अनि खुला मनक हब आ अरुका सहयोग कर्लाहार बन लागि आग्या धि। 19एना करिक ओकर्स्या आप्न लागि सोर्गम सम्पति धेर्याइतो। ओहे सम्पति पछास पाइलाहार साँच्चेक जिबनक लागि जोर्गर आधार हेतो। जक्र कारनस ओकर्स्या साँच्चेक जिबन पाब सक्तो।
20ए तिमोथि, पर्मेसोरले तोरा जे जिम्मा देल छो, ओक्र अस्लिमे देख्भाल कर्। अनि पर्मेसोरक निन्दा कर्लाहार मुर्ख बातस आ पर्मेसोरक बिरोधम कर्ल झुठ बातस दुर रह, जक्रा कतेक मानुकस्या ग्यान कहिक कहछो। 21किरकि कतेक मानुकसब एहेन बातक पछा लगिक बिस्वासस पछा हट्ल छो।
तोर्सिसङ पर्मेसोरक किर्पा रहुस।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.