१ तिमोथि 5
5
बिध्वा, अगुवा आ नोकरसिक बारेम सल्लाहा
1बुर्भा मानुकसिका नाइ हप्का, बरु ओकर्सिका आप्ने बाप जक्या मानिक सम्झा। अनि आप्नस छोटका चाहिं भाइ जक्या बेबहार कर्। 2एनाहिमे बुर्ह्या जनिसिका मतार जक्या आ आप्नस छोट जनिसिका चाहिं पबित्र मनस बहिन मानिक बेबहार कर्।
3जुन बिध्वासिक कुन्हुँ नाइ छो, ओकर्सिक देख्भाल कर्। 4तर जुन बिध्वासिक बेटा-बेटि आ नाति-नातिनि रहतो, उ बिध्वासिक देख्भाल ओक्र आप्ने बेटा-बेटि आ नाति-नातनिस्या करुस। ओकर्स्या अगा आप्ने परिबारक देख्भाल करिक आप्न जिम्मेबारि पुरा करुस अनि आप्न बाप-मतारले लगाइल गुन तिरुस। किरकि एहेन कामस पर्मेसोर एक्दम खुसि हब्छो। 5जुन बिध्वाक आप्न कुन्हुँ नाइ रहछो, ओइले आप्न पुरा भरोसा पर्मेसोरम राखिक दिन-रात पर्मेसोरसङ बिन्ति आ पर्थना कर्ति रह छो। 6तर जुन बिध्वाले मौज-मज्जा करिक आप्न जिबन बिताइतो, उ जिउँत भइक पनि मोर्ले जक्या स्यो। 7ओहेस तुइं यि बातसब पालन कर लागि बिस्वासिसिका आग्या धि, ताकि ओकर्सिका कुन्हुँले दोस लगाब नाइ पाउस। 8तर कुन्हुँले आप्न मानुकसिक, खास करिक आप्ने परिबारक देख्भाल नाइ कर्तो त उ बिस्वासस पछा हट्ल स्यो अनि बिस्वास नाइ कर्लाहार्सिस पनि बिगर्ल स्यो।
9जुन बिध्वा आप्न साँइसङ इमान्दार छलो आ साठि बरिसस बेसि भेल रहतो, ओक्र ना मत्रे बिध्वासिक खताम दर्ता कर्ह्य। 10एत्के मत्रे नाइ, उ बिध्वा अस्लि काम करिक सम्मान पाइल, आप्न बेटा-बेटिसिका अस्लिमे हुर्काइल, पर्देसिसिक सेबा-सत्कार कर्ल अनि पबित्र मानुकसिक टाँङ् धोइल आ दुखम पर्ल मानुकसिका सहयोग कर्ल हब पर्तो। एहेने अस्लि-अस्लि कामसब कर्ल रह पर्तो।
11तर कम उमेरक बिध्वासिक ना चाहिं बिध्वासिक ना दर्ता कर्लाहार खताम नाइ निख्ह्य। किरकि जब ओकर्सिका बिह्या कर लागि मन लग्तो त ओकर्स्या खिरिस्टस बर्कि दुरि भइक फेरि बिह्या कर सक्तो। 12एनामे ओकर्स्या खिरिस्टसङ कर्ल अग्ला बाचाका बिस्राइल कारनस दोसि ठहर्तो। 13एत्के मत्रे नाइ, कम उमेरक बिध्वासब अरुक घर-घर जाइक गफ कर्लाहार बानि भइक आल्छि हेतो। ओकर्स्या चुग्लि कर्लाहार, अरुक कामम हाथ घाल्लाहार आ बज नाइ भेल्हार बात पनि बज्लाहार हेतो। 14ओहेस कम उमेरक बिध्वास्या फेरि बिह्या करुस कहिक हम सल्लाहा देस्यो। ओकर्स्या बेटा-बेटिका जनम दिउस आ आप्न घर-परिबार अस्लिमे सम्हालुस। एना हेतो त आपन्सिक बिरोधिस्या आपन्सिक खिसि कर्लाहार मौका नाइ पाइतो। 15किरकि कुन्हुँ-कुन्हुँ कम उमेरक बिध्वासब त अगाहि बहकिक सैतानभर घुमिक गइसक्ल छो। 16तर कुन्हुँ बिस्वासि जनिक परिबारम बिध्वासब रहतो त ओहेले ओकर्सिक देख्भाल करुस। एना कर्ब त मन्डलिक उप्रिम भार नाइ पर्तो। तब मन्डलिले जुन बिध्वासिक आप्न कुन्हुँ नाइ रहतो ओकर्सिक देख्भाल कर सक्तो।
17मन्डलिका अस्लिमे देख्भाल कर्लाहार एल्डरसब दोब्बर आदर पाइलाहार लायकक रहछो। खास करिक जकर्स्या पर्मेसोरक बचन पर्चार कर्छो आ सिखाइलाहार कामम मेहेनत कर्छो। 18किरकि धर्मसास्तरम एनामे निख्ल छो, “दौनि कर्लाहार बरहधक मुहम जोबि नाइ लगा” अनि “काम कर्लाहारले आप्न जेला पाब पर्तो।” 19कुन्हुँ मानुकले मन्डलिम सेबा कर्लाहार एल्डरक उप्रिम आरोप लगाइतो त दुइ-तिन जनाले गबाहि नाइ देल तलिक उ आरोप साँच्चेक स्यो कहिक नाइ पत्याह्य। 20पाप कर नाइ छोर्लाहार्सिका सभेक अगाम हप्का, एना कर्ब त अरु मानुकसब पनि डेराइतो।
21हम तोरा पर्मेसोर, खिरिस्ट येसु आ पबित्र सोर्गदुतसिक अगाम करा आग्या दैक यि कह स्यो कि तुइं कक्रोसङ भेद-भाब आ पक्छेपात नाइ करिक यि बातसब पालन कर्ह्य। 22तुइं मन्डलिम अगुवा छान्त खुमा ओक्र बारेम बिना बुझिक चट्दबर ओक्र उप्रिम हाथ नाइ राख्ह्य। अनि अरु मानुकसिक पापम आप्न सहमत नाइ धिह्य आ आप्न जिबनका पबित्र राख्ह्य।
23अगाहिक जक्या पानि मत्रे नाइ पि तर तोर पेटम समस्या आ घरि-घरि बिरामि भेल कारनस कनेक-कनेक अङ्गुरक मध पनि पि।
24कुन्हुँ-कुन्हुँ मानुकस्या कर्ल पापसब त छर्लङ्ग देखाइछो आ ओकर्सिक छान-बिन हबस अगाहि सभेले थाहा पाइछो। तर कतेक मानुकसिक पापसब त पछास मत्रे देखा पर्छो। 25एनाहिमे कुन्हुँ-कुन्हुँ मानुकसिक अस्लि कामसब पनि छर्लङ्ग देखा पर्तो। तर जुन अस्लि कामसब छर्लङ्ग देखा नाइ पर्तो, उ काम थुप्रे दिन् तलिक घुस्रिक रह पनि नाइ सक्तो।
Currently Selected:
१ तिमोथि 5: DANU
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
१ तिमोथि 5
5
बिध्वा, अगुवा आ नोकरसिक बारेम सल्लाहा
1बुर्भा मानुकसिका नाइ हप्का, बरु ओकर्सिका आप्ने बाप जक्या मानिक सम्झा। अनि आप्नस छोटका चाहिं भाइ जक्या बेबहार कर्। 2एनाहिमे बुर्ह्या जनिसिका मतार जक्या आ आप्नस छोट जनिसिका चाहिं पबित्र मनस बहिन मानिक बेबहार कर्।
3जुन बिध्वासिक कुन्हुँ नाइ छो, ओकर्सिक देख्भाल कर्। 4तर जुन बिध्वासिक बेटा-बेटि आ नाति-नातिनि रहतो, उ बिध्वासिक देख्भाल ओक्र आप्ने बेटा-बेटि आ नाति-नातनिस्या करुस। ओकर्स्या अगा आप्ने परिबारक देख्भाल करिक आप्न जिम्मेबारि पुरा करुस अनि आप्न बाप-मतारले लगाइल गुन तिरुस। किरकि एहेन कामस पर्मेसोर एक्दम खुसि हब्छो। 5जुन बिध्वाक आप्न कुन्हुँ नाइ रहछो, ओइले आप्न पुरा भरोसा पर्मेसोरम राखिक दिन-रात पर्मेसोरसङ बिन्ति आ पर्थना कर्ति रह छो। 6तर जुन बिध्वाले मौज-मज्जा करिक आप्न जिबन बिताइतो, उ जिउँत भइक पनि मोर्ले जक्या स्यो। 7ओहेस तुइं यि बातसब पालन कर लागि बिस्वासिसिका आग्या धि, ताकि ओकर्सिका कुन्हुँले दोस लगाब नाइ पाउस। 8तर कुन्हुँले आप्न मानुकसिक, खास करिक आप्ने परिबारक देख्भाल नाइ कर्तो त उ बिस्वासस पछा हट्ल स्यो अनि बिस्वास नाइ कर्लाहार्सिस पनि बिगर्ल स्यो।
9जुन बिध्वा आप्न साँइसङ इमान्दार छलो आ साठि बरिसस बेसि भेल रहतो, ओक्र ना मत्रे बिध्वासिक खताम दर्ता कर्ह्य। 10एत्के मत्रे नाइ, उ बिध्वा अस्लि काम करिक सम्मान पाइल, आप्न बेटा-बेटिसिका अस्लिमे हुर्काइल, पर्देसिसिक सेबा-सत्कार कर्ल अनि पबित्र मानुकसिक टाँङ् धोइल आ दुखम पर्ल मानुकसिका सहयोग कर्ल हब पर्तो। एहेने अस्लि-अस्लि कामसब कर्ल रह पर्तो।
11तर कम उमेरक बिध्वासिक ना चाहिं बिध्वासिक ना दर्ता कर्लाहार खताम नाइ निख्ह्य। किरकि जब ओकर्सिका बिह्या कर लागि मन लग्तो त ओकर्स्या खिरिस्टस बर्कि दुरि भइक फेरि बिह्या कर सक्तो। 12एनामे ओकर्स्या खिरिस्टसङ कर्ल अग्ला बाचाका बिस्राइल कारनस दोसि ठहर्तो। 13एत्के मत्रे नाइ, कम उमेरक बिध्वासब अरुक घर-घर जाइक गफ कर्लाहार बानि भइक आल्छि हेतो। ओकर्स्या चुग्लि कर्लाहार, अरुक कामम हाथ घाल्लाहार आ बज नाइ भेल्हार बात पनि बज्लाहार हेतो। 14ओहेस कम उमेरक बिध्वास्या फेरि बिह्या करुस कहिक हम सल्लाहा देस्यो। ओकर्स्या बेटा-बेटिका जनम दिउस आ आप्न घर-परिबार अस्लिमे सम्हालुस। एना हेतो त आपन्सिक बिरोधिस्या आपन्सिक खिसि कर्लाहार मौका नाइ पाइतो। 15किरकि कुन्हुँ-कुन्हुँ कम उमेरक बिध्वासब त अगाहि बहकिक सैतानभर घुमिक गइसक्ल छो। 16तर कुन्हुँ बिस्वासि जनिक परिबारम बिध्वासब रहतो त ओहेले ओकर्सिक देख्भाल करुस। एना कर्ब त मन्डलिक उप्रिम भार नाइ पर्तो। तब मन्डलिले जुन बिध्वासिक आप्न कुन्हुँ नाइ रहतो ओकर्सिक देख्भाल कर सक्तो।
17मन्डलिका अस्लिमे देख्भाल कर्लाहार एल्डरसब दोब्बर आदर पाइलाहार लायकक रहछो। खास करिक जकर्स्या पर्मेसोरक बचन पर्चार कर्छो आ सिखाइलाहार कामम मेहेनत कर्छो। 18किरकि धर्मसास्तरम एनामे निख्ल छो, “दौनि कर्लाहार बरहधक मुहम जोबि नाइ लगा” अनि “काम कर्लाहारले आप्न जेला पाब पर्तो।” 19कुन्हुँ मानुकले मन्डलिम सेबा कर्लाहार एल्डरक उप्रिम आरोप लगाइतो त दुइ-तिन जनाले गबाहि नाइ देल तलिक उ आरोप साँच्चेक स्यो कहिक नाइ पत्याह्य। 20पाप कर नाइ छोर्लाहार्सिका सभेक अगाम हप्का, एना कर्ब त अरु मानुकसब पनि डेराइतो।
21हम तोरा पर्मेसोर, खिरिस्ट येसु आ पबित्र सोर्गदुतसिक अगाम करा आग्या दैक यि कह स्यो कि तुइं कक्रोसङ भेद-भाब आ पक्छेपात नाइ करिक यि बातसब पालन कर्ह्य। 22तुइं मन्डलिम अगुवा छान्त खुमा ओक्र बारेम बिना बुझिक चट्दबर ओक्र उप्रिम हाथ नाइ राख्ह्य। अनि अरु मानुकसिक पापम आप्न सहमत नाइ धिह्य आ आप्न जिबनका पबित्र राख्ह्य।
23अगाहिक जक्या पानि मत्रे नाइ पि तर तोर पेटम समस्या आ घरि-घरि बिरामि भेल कारनस कनेक-कनेक अङ्गुरक मध पनि पि।
24कुन्हुँ-कुन्हुँ मानुकस्या कर्ल पापसब त छर्लङ्ग देखाइछो आ ओकर्सिक छान-बिन हबस अगाहि सभेले थाहा पाइछो। तर कतेक मानुकसिक पापसब त पछास मत्रे देखा पर्छो। 25एनाहिमे कुन्हुँ-कुन्हुँ मानुकसिक अस्लि कामसब पनि छर्लङ्ग देखा पर्तो। तर जुन अस्लि कामसब छर्लङ्ग देखा नाइ पर्तो, उ काम थुप्रे दिन् तलिक घुस्रिक रह पनि नाइ सक्तो।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.