Matayo 23
23
Àgatàzà ɨmbaꞌba àzítáá Orɨ awo vɨɨ nɨ vɨɨ ɨnɨ yɨ̀ Farasayi be vɨɨ
(Mariko 12:38-39; Luka 11:43-46; 20:45-46)
1Acete Yesu ꞌyo òꞌbɨ yɨ́ díká ꞌba ɨ̀rɨ nɨ ɨmbale vɨɨ ɨnɨ be kɨ́nɨ̀, 2“Ɨmbaꞌba àzítáá Orɨ awo vɨɨ nɨ vɨɨ ɨnɨ ꞌba Farasayi drʉ vɨɨ ɨbe ꞌbá ànɨ ꞌba àzítáá Musa awo vɨɨ ɨkɨ́á ɨ̀cejʉ vɨɨ ɨnɨ drʉ. 3Ànɨ lè àmɨ òbɨ́ díká àmɨ ꞌó eꞌyo drɨ́á ɨnɨ nɨ ꞌyole àmɨ yɨ́ vɨɨ ɨnɨ ra. Te àmɨ ꞌó eꞌyo ɨnɨ nɨ ꞌole vɨɨ ɨnɨ kʉ, àrɨ̀yɨ̀kʉ ꞌóó eꞌyo ɨnɨ nɨ ɨmbale vɨɨ ɨnɨ kʉ. 4Ɨ́ térí nzìzà ombe díká òꞌba àgu ombetia, te léé ànɨ gí ɨlo térí ndee àꞌdújʉ́ wereá kʉ.”
5“Ɨ́ eꞌyo drɨ́á ꞌo ànɨ ɨ̀cejʉ ꞌbandépi mulia. Ɨ́ okporoo alɨa eꞌyo sɨ̀zà be vɨɨ ɨnɨ àꞌdɨ ànɨ andretia, ànɨ wúá díká ɨ́ wúzì càzà vɨɨ ɨnɨ so bòngo ꞌyowa vɨɨ tia ɨ̀zʉʉ drʉ, #23:5 Wúzì càzà vɨɨ ɨnɨ ꞌbá su ɨ̀ꞌdajʉ ma òwɨ̀ ma Orɨ yɨ́ rá vɨɨ ɨ̀cejʉ. 6lé kara ꞌba ìnzìzà ꞌyowa òmùa vɨɨ ɨnɨ komɨ adro kara drì fuzà nɨ omvele sinagogi drʉ vɨɨ alɨa vɨɨ ɨnɨ tʉ̀; 7ɨ́ lè ɨ zí ànɨ ìnzìtaa be cúù ɨnɨ alɨa, díká ɨ́ omvé ànɨ ‘Ose’ ɨ.
8“Te lè ɨ omvé àmɨ ‘Ose’ ɨ kʉ, àrɨ̀yɨ̀kʉ àmɨ ꞌyowa Ose kíríá àlʉ díká àmɨ drɨ́á adrí nɨ. 9Díká àmɨ fé ìnzìtaa ꞌba àloo omvejʉ nyawú vɨɨ drìa vɨ̀a ‘Ata’ ɨ kʉ, àrɨ̀yɨ̀kʉ Ata àmɨ ꞌyowa vɨɨ kíríá àlʉ díká ɨ ovʉ oru ꞌbùa. 10Pàbaa lè ɨ omvé àmɨ ‘Ɨmbaápi’ ɨ kʉ, àrɨ̀yɨ̀kʉ àmɨ ꞌyowa ɨmbaápi kíríá àlʉ Kristo ɨ. 11ꞌBarʉʉ àmɨ ɨ̀sɨlɨa ìmgbélé drʉ tʉ̀ vɨɨ nɨ ngaa ovʉʉ àmɨ ꞌyowa àzíꞌbá drʉ. 12Àrɨ̀yɨ̀kʉ agú nɨ òtule oru cenɨ̀ vɨɨ, ꞌba ngaa ɨ̀rɨ òmvɨɨ ɨ̀lèè díká nɨ òmvɨle ɨ̀lèè vɨɨ ꞌba ngaa ɨ̀rɨ òtuu oru.”
Yesu nɨ ꞌba bílé lɨjʉ lókìrí drìa vɨɨ
13“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ ombe léti fɨjʉ Kárí ꞌBùnɨ vɨɨ alɨa vɨɨ òꞌbɨ yɨ́ cɨ́. Àmɨ ɨcoo nga fɨ alɨa kʉ, te pàbaa àmɨ ngaa fe fɨ ꞌba alóo lèle fɨle ra vɨɨ ɨnɨ yɨ́ kʉ.” 14“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ àríkámbʉ́ ꞌbàa awuzi rúá ànɨ àmɨ mbʉ jó ꞌyowa vɨɨ ɨnɨ drìa ra díká àmɨ Orɨ nɨ zii saa ɨ̀zʉʉ àmɨ ɨ̀cejʉ. Ànɨyɨ̀ àmɨ nga panga òrìòrì vɨ́ɨvɨɨ isúu ra.”
15“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá ꞌba Farasayi drʉ vɨɨ ɨbe, àmɨ ꞌba lókìrí be drʉ! Àmɨ acíi gorígórí nyawú drì yɨ̀ díká mèrè drì yɨ̀ ꞌbarʉʉ así ojale ɨkɨ́ àlʉ vɨ́ɨvɨɨ isújʉ́, díká àmɨ tè ɨ̀rɨ isúu ꞌba, àmɨ ɨ̀rɨ oja ꞌba ònzɨ drʉ paaleko ìrì mujʉ àcɨ drìjàzà nɨ vɨɨ alɨa kɨ̀le àmɨ lé.”
16“Càndɨ àmɨ drìa, àmɨ ꞌba ꞌba drìcele muleko vɨɨ ɨnɨ drʉ! Àmɨ́ ꞌba ɨmbaa kɨ́nɨ̀, ‘ꞌBa àloo tè òyò sòo rú Orɨ jó nɨ vɨɨ yɨ̀, tè butia eꞌyo ndee ꞌoo kʉ, òyò ndee ruu ɨ̀rɨ kʉ, te ꞌba àloo tè òyò sòo golìdì Orɨ jó alɨa vɨɨ rúa yɨ̀, lè ɨ̀rɨ ꞌo eꞌyo ɨ̀rɨ nɨ òyò sòjʉ vɨɨ ra.’ 17Àmɨ ꞌba azazà muleko vɨɨ ɨnɨ! Àfa ngoo òròdrí be tʉ̀ nɨ̀ yà: golìdì nɨ, nòsɨ̀kʉ Orɨ jó golìdì ndee ꞌbàle àlátárá drʉ vɨɨ ɨ yà?” 18Pàbaa àmɨ ɨmbá kɨ́nɨ̀, “ꞌBa àloo tè òyò sòo kara ɨtetaa ɨtejʉ vɨɨ rúa yɨ̀, tè butia eꞌyo ndee ꞌoo kʉ, òyò sòzà ndee ruu ɨ̀rɨ kʉ; te ꞌba àloo tè òyò sòo fètaa kara ɨtetaa ɨtejʉ vɨɨ drìa vɨɨ rúa yɨ̀, lè ɨ̀rɨ ꞌo eꞌyo ɨ̀rɨ nɨ òyò sòjʉ vɨɨ ra.” 19Àmɨ ꞌba muleko drʉ! Àfa ngoo ndè nɨ̀ yà: fètaa nɨ yà, nòsɨ̀kʉ kara ɨtetaa ɨtejʉ fètaa ndee ꞌbàle àlátárá drʉ vɨɨ ɨ yà? 20Ànɨyɨ̀, ꞌbarʉʉ òyò sòle kara ɨtetaa ɨtejʉ vɨɨ rúá yɨ̀ vɨɨ, sò dèè naa òyò àfa drìa vɨɨ ɨnɨ yɨ̀ drɨ́á ɨ̀ndɨ̀. 21Díká ꞌbarʉʉ òyò sòle Orɨ jó rú yɨ̀ vɨɨ, sò dèè naa òyò Orɨ jó ndee yɨ̀ díká Orɨ ovʉle alɨa vɨɨ yɨ̀ ɨ̀ndɨ̀. 22Díká ꞌbarʉʉ òyò sòle ꞌbù rú yɨ̀ vɨɨ, sò òyò òpɨ̀ komɨ Orɨ awo vɨɨ yɨ̀ díká agú rɨle drìa vɨɨ yɨ̀ ɨ̀ndɨ̀.
23“Càndɨ àmɨ drìa, ɨmbaꞌba àzítáá nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ́ ɨ̀sɨle àlʉ mudrí nɨ àfa àyʉle tà àjí ojajʉ kɨ̀le; mindi lé, dili lé díká kumínì lé vɨɨ ɨnɨ fèe Orɨ yɨ́ rá. Àmɨ adɨ eꞌyo òròdrí drʉ àzítáá nɨ lèle kɨ̀le; eꞌyo lizà kílílí nɨ, asíndrɨ̀zà nɨ díká àꞌɨ̀taa nɨ vɨɨ ɨnɨ ra. Te ɨ̀rɨ ònyɨ̀be àmɨ nɨ àzítáá ꞌdɨ̀vɨɨ ɨnɨ buti òbɨ̀jʉ drɨ́á àloo adɨ koko drʉ. 24Àmɨ ꞌba ꞌba drìcele muleko drʉ vɨɨ ɨnɨ lá! Àmɨ́ gugua òzòle àfa mbuzà alɨa vɨɨ ndra ra, te àmɨ àfa ìmgbélé kɨ̀le ngàmɨ́à lé vɨɨ kɨ̀ɨ ndulu.”
25“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ́ kópò ngule ɨnɨ òjɨ pìletì ngule be ɨ, te vɨɨ dèè ɨnɨ ale ga tree àfa àmɨ nɨ isúlé àwànyà yɨ̀ díká afɨmánɨ́ yɨ̀ vɨɨ ɨnɨ yɨ̀.” 26Àmɨ Farasayi muleko vɨɨ ɨnɨ drʉ! Àmɨ òjɨ́ ngà òndi kópò alɨa vɨɨ ɨnɨ pìletì alɨa vɨɨ ɨbe ráká, acete rúa àjale vɨɨ nɨ ànɨ ngaa ovʉʉ àlá drʉ benì.
27“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ ꞌo àmɨ kɨ̀le nyadrì trile ɨmve hwɨ́ɨ́ ɨꞌdale àjalele drʉ ndrɨ̀zà vɨɨ lé, te vɨɨ dèè alɨa lele drʉ ga tree còó ꞌba dràzà ꞌyowa vɨɨ yɨ̀ díká àfa òndi vɨ́ɨvɨɨ ɨnɨ yɨ̀. 28Léti àlʉàlʉ vɨɨ yɨ̀, àmɨ́ ɨꞌda àjalele drʉ ꞌba àlá lé te alɨale drʉ àmɨ ga lókìrí yɨ̀ díká ìzatà yɨ̀ tree.
29“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ́ nyadrì ꞌba eꞌyo ondrílé vɨɨ ꞌyowa vɨɨ ɨnɨ sii ndrɨ̀zà díká ꞌba àlá vɨɨ ꞌyowa vɨɨ ɨnɨ olíi ndrɨ̀zà. 30Díká àmɨ́ ꞌyo kɨ́nɨ̀, ‘Àma tè ndráánɨ́ àdrɨ̀ɨ iwú àꞌbimà nɨ ovʉjʉ naa yɨ̀ cɨ, àma ɨcoo ndráánɨ́ ꞌba eꞌyo ondrílé vɨɨ ɨnɨ àrɨ àda ɨ̀ndɨ̀ kʉ.’ 31Ànɨ àmɨ tò àmɨ cenɨ̀cenɨ̀ ɨ̀cejʉ àmɨ yɨla ꞌba ndráánɨ́ ꞌba ꞌba eꞌyo ondrílé vɨɨ ɨnɨ òkile vɨɨ ꞌyowa nɨ. 32Àmɨ mú adro eꞌyo onzɨ àꞌbiì nɨ ɨꞌdole vɨɨ dejʉ!
33“Àmɨ orí drʉ! Díká olúfúrù anzɨ drʉ! Àmɨ ɨco nga àmɨ òpa àcɨ drìjàzà nɨ vɨɨ alɨa ngóningóni drʉ yà? 34Ànɨyɨ̀ mà ngaa àmɨ yɨ́ ꞌba eꞌyo ondrílé vɨɨ ɨnɨ ti pèe, òndʉ̀a ꞌba be díká ɨmbaꞌba àzítáá Orɨ awo vɨɨ nɨ vɨɨ ɨnɨ be. Àmɨ ngaa alóo vɨɨ ɨnɨ òkii ra díká àmɨ ɨnɨ dii patí àlazà drìa ra; àmɨ ngaa alóo vɨɨ ɨnɨ coo kàlí yɨ̀ kara drì fuzà nɨ omvele sinagogi drʉ vɨɨ alɨa ra, díká àmɨ ɨnɨ ndrùu àkú ìmgbélé àlʉ àlʉ bʉ yɨ̀. 35Ànɨ eꞌyo ꞌdɨ̀vɨɨ nɨ ngaa fèe panga ꞌbanɨ ꞌba àlá òkile nyawúá kɨ̀le Abili lé, Barakia mvápi Zakaria ꞌbanɨ kile Orɨ jó ɨnɨ ɨ̀sɨlɨa kara Orɨ ɨtejʉ vɨɨ be vɨɨ àrɨa nɨ mvɨɨ drɨ́á àmɨ drìa. 36Ma lè ꞌyo àmɨ yɨ́ tàándí drʉ, panga ꞌdɨ̀vɨɨ nɨ ngaa mvɨɨ drɨ́á yɨla ꞌdɨ̀vɨɨ drìa.
Yesu nɨ wʉjʉ ꞌba Yerusalemua vɨɨ ɨnɨ yɨ̀ vɨɨ
(Luka 13:34,35)
37“Yerusalemu là, Yerusalemu là, àmɨ ꞌba ꞌba eꞌyo ondrílé vɨɨ ɨnɨ òki ꞌba vɨɨ ɨnɨ drʉ díká àmɨ kòndè Orɨ nɨ tia pèle vɨɨ ɨnɨ oꞌbee ɨrà yɨ̀! Ma òpòri paaleko ngòpɨ anzɨ àmɨ ꞌyowa vɨɨ ɨnɨ ti òkʉjʉ túàlʉ, kɨ̀le aꞌú nɨ́ nɨ́ awo anzɨ àbùle òpìlé yɨ̀ vɨ́nɨ, te àmɨ awɨɨ àti kʉ. 38Àmɨ ndré ngà, Orɨ jó àmɨ ꞌyowa vɨɨ nɨ ngaa ovʉʉ adɨzà drʉ díká ale be mgbóló drʉ. 39Ànɨ ma lè ꞌyo àmɨ yɨ́, àmɨ ngaa ma ndre díká kʉ kpere àmɨ nɨ ngarɨa ꞌyorɨa kɨ́nɨ̀, ‘Asíndrɨ̀zà ꞌbarʉʉ caa rú Opɨ awo vɨɨ yɨ̀ vɨɨ yɨ́.’ ”
Currently Selected:
Matayo 23: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 23
23
Àgatàzà ɨmbaꞌba àzítáá Orɨ awo vɨɨ nɨ vɨɨ ɨnɨ yɨ̀ Farasayi be vɨɨ
(Mariko 12:38-39; Luka 11:43-46; 20:45-46)
1Acete Yesu ꞌyo òꞌbɨ yɨ́ díká ꞌba ɨ̀rɨ nɨ ɨmbale vɨɨ ɨnɨ be kɨ́nɨ̀, 2“Ɨmbaꞌba àzítáá Orɨ awo vɨɨ nɨ vɨɨ ɨnɨ ꞌba Farasayi drʉ vɨɨ ɨbe ꞌbá ànɨ ꞌba àzítáá Musa awo vɨɨ ɨkɨ́á ɨ̀cejʉ vɨɨ ɨnɨ drʉ. 3Ànɨ lè àmɨ òbɨ́ díká àmɨ ꞌó eꞌyo drɨ́á ɨnɨ nɨ ꞌyole àmɨ yɨ́ vɨɨ ɨnɨ ra. Te àmɨ ꞌó eꞌyo ɨnɨ nɨ ꞌole vɨɨ ɨnɨ kʉ, àrɨ̀yɨ̀kʉ ꞌóó eꞌyo ɨnɨ nɨ ɨmbale vɨɨ ɨnɨ kʉ. 4Ɨ́ térí nzìzà ombe díká òꞌba àgu ombetia, te léé ànɨ gí ɨlo térí ndee àꞌdújʉ́ wereá kʉ.”
5“Ɨ́ eꞌyo drɨ́á ꞌo ànɨ ɨ̀cejʉ ꞌbandépi mulia. Ɨ́ okporoo alɨa eꞌyo sɨ̀zà be vɨɨ ɨnɨ àꞌdɨ ànɨ andretia, ànɨ wúá díká ɨ́ wúzì càzà vɨɨ ɨnɨ so bòngo ꞌyowa vɨɨ tia ɨ̀zʉʉ drʉ, #23:5 Wúzì càzà vɨɨ ɨnɨ ꞌbá su ɨ̀ꞌdajʉ ma òwɨ̀ ma Orɨ yɨ́ rá vɨɨ ɨ̀cejʉ. 6lé kara ꞌba ìnzìzà ꞌyowa òmùa vɨɨ ɨnɨ komɨ adro kara drì fuzà nɨ omvele sinagogi drʉ vɨɨ alɨa vɨɨ ɨnɨ tʉ̀; 7ɨ́ lè ɨ zí ànɨ ìnzìtaa be cúù ɨnɨ alɨa, díká ɨ́ omvé ànɨ ‘Ose’ ɨ.
8“Te lè ɨ omvé àmɨ ‘Ose’ ɨ kʉ, àrɨ̀yɨ̀kʉ àmɨ ꞌyowa Ose kíríá àlʉ díká àmɨ drɨ́á adrí nɨ. 9Díká àmɨ fé ìnzìtaa ꞌba àloo omvejʉ nyawú vɨɨ drìa vɨ̀a ‘Ata’ ɨ kʉ, àrɨ̀yɨ̀kʉ Ata àmɨ ꞌyowa vɨɨ kíríá àlʉ díká ɨ ovʉ oru ꞌbùa. 10Pàbaa lè ɨ omvé àmɨ ‘Ɨmbaápi’ ɨ kʉ, àrɨ̀yɨ̀kʉ àmɨ ꞌyowa ɨmbaápi kíríá àlʉ Kristo ɨ. 11ꞌBarʉʉ àmɨ ɨ̀sɨlɨa ìmgbélé drʉ tʉ̀ vɨɨ nɨ ngaa ovʉʉ àmɨ ꞌyowa àzíꞌbá drʉ. 12Àrɨ̀yɨ̀kʉ agú nɨ òtule oru cenɨ̀ vɨɨ, ꞌba ngaa ɨ̀rɨ òmvɨɨ ɨ̀lèè díká nɨ òmvɨle ɨ̀lèè vɨɨ ꞌba ngaa ɨ̀rɨ òtuu oru.”
Yesu nɨ ꞌba bílé lɨjʉ lókìrí drìa vɨɨ
13“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ ombe léti fɨjʉ Kárí ꞌBùnɨ vɨɨ alɨa vɨɨ òꞌbɨ yɨ́ cɨ́. Àmɨ ɨcoo nga fɨ alɨa kʉ, te pàbaa àmɨ ngaa fe fɨ ꞌba alóo lèle fɨle ra vɨɨ ɨnɨ yɨ́ kʉ.” 14“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ àríkámbʉ́ ꞌbàa awuzi rúá ànɨ àmɨ mbʉ jó ꞌyowa vɨɨ ɨnɨ drìa ra díká àmɨ Orɨ nɨ zii saa ɨ̀zʉʉ àmɨ ɨ̀cejʉ. Ànɨyɨ̀ àmɨ nga panga òrìòrì vɨ́ɨvɨɨ isúu ra.”
15“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá ꞌba Farasayi drʉ vɨɨ ɨbe, àmɨ ꞌba lókìrí be drʉ! Àmɨ acíi gorígórí nyawú drì yɨ̀ díká mèrè drì yɨ̀ ꞌbarʉʉ así ojale ɨkɨ́ àlʉ vɨ́ɨvɨɨ isújʉ́, díká àmɨ tè ɨ̀rɨ isúu ꞌba, àmɨ ɨ̀rɨ oja ꞌba ònzɨ drʉ paaleko ìrì mujʉ àcɨ drìjàzà nɨ vɨɨ alɨa kɨ̀le àmɨ lé.”
16“Càndɨ àmɨ drìa, àmɨ ꞌba ꞌba drìcele muleko vɨɨ ɨnɨ drʉ! Àmɨ́ ꞌba ɨmbaa kɨ́nɨ̀, ‘ꞌBa àloo tè òyò sòo rú Orɨ jó nɨ vɨɨ yɨ̀, tè butia eꞌyo ndee ꞌoo kʉ, òyò ndee ruu ɨ̀rɨ kʉ, te ꞌba àloo tè òyò sòo golìdì Orɨ jó alɨa vɨɨ rúa yɨ̀, lè ɨ̀rɨ ꞌo eꞌyo ɨ̀rɨ nɨ òyò sòjʉ vɨɨ ra.’ 17Àmɨ ꞌba azazà muleko vɨɨ ɨnɨ! Àfa ngoo òròdrí be tʉ̀ nɨ̀ yà: golìdì nɨ, nòsɨ̀kʉ Orɨ jó golìdì ndee ꞌbàle àlátárá drʉ vɨɨ ɨ yà?” 18Pàbaa àmɨ ɨmbá kɨ́nɨ̀, “ꞌBa àloo tè òyò sòo kara ɨtetaa ɨtejʉ vɨɨ rúa yɨ̀, tè butia eꞌyo ndee ꞌoo kʉ, òyò sòzà ndee ruu ɨ̀rɨ kʉ; te ꞌba àloo tè òyò sòo fètaa kara ɨtetaa ɨtejʉ vɨɨ drìa vɨɨ rúa yɨ̀, lè ɨ̀rɨ ꞌo eꞌyo ɨ̀rɨ nɨ òyò sòjʉ vɨɨ ra.” 19Àmɨ ꞌba muleko drʉ! Àfa ngoo ndè nɨ̀ yà: fètaa nɨ yà, nòsɨ̀kʉ kara ɨtetaa ɨtejʉ fètaa ndee ꞌbàle àlátárá drʉ vɨɨ ɨ yà? 20Ànɨyɨ̀, ꞌbarʉʉ òyò sòle kara ɨtetaa ɨtejʉ vɨɨ rúá yɨ̀ vɨɨ, sò dèè naa òyò àfa drìa vɨɨ ɨnɨ yɨ̀ drɨ́á ɨ̀ndɨ̀. 21Díká ꞌbarʉʉ òyò sòle Orɨ jó rú yɨ̀ vɨɨ, sò dèè naa òyò Orɨ jó ndee yɨ̀ díká Orɨ ovʉle alɨa vɨɨ yɨ̀ ɨ̀ndɨ̀. 22Díká ꞌbarʉʉ òyò sòle ꞌbù rú yɨ̀ vɨɨ, sò òyò òpɨ̀ komɨ Orɨ awo vɨɨ yɨ̀ díká agú rɨle drìa vɨɨ yɨ̀ ɨ̀ndɨ̀.
23“Càndɨ àmɨ drìa, ɨmbaꞌba àzítáá nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ́ ɨ̀sɨle àlʉ mudrí nɨ àfa àyʉle tà àjí ojajʉ kɨ̀le; mindi lé, dili lé díká kumínì lé vɨɨ ɨnɨ fèe Orɨ yɨ́ rá. Àmɨ adɨ eꞌyo òròdrí drʉ àzítáá nɨ lèle kɨ̀le; eꞌyo lizà kílílí nɨ, asíndrɨ̀zà nɨ díká àꞌɨ̀taa nɨ vɨɨ ɨnɨ ra. Te ɨ̀rɨ ònyɨ̀be àmɨ nɨ àzítáá ꞌdɨ̀vɨɨ ɨnɨ buti òbɨ̀jʉ drɨ́á àloo adɨ koko drʉ. 24Àmɨ ꞌba ꞌba drìcele muleko drʉ vɨɨ ɨnɨ lá! Àmɨ́ gugua òzòle àfa mbuzà alɨa vɨɨ ndra ra, te àmɨ àfa ìmgbélé kɨ̀le ngàmɨ́à lé vɨɨ kɨ̀ɨ ndulu.”
25“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ́ kópò ngule ɨnɨ òjɨ pìletì ngule be ɨ, te vɨɨ dèè ɨnɨ ale ga tree àfa àmɨ nɨ isúlé àwànyà yɨ̀ díká afɨmánɨ́ yɨ̀ vɨɨ ɨnɨ yɨ̀.” 26Àmɨ Farasayi muleko vɨɨ ɨnɨ drʉ! Àmɨ òjɨ́ ngà òndi kópò alɨa vɨɨ ɨnɨ pìletì alɨa vɨɨ ɨbe ráká, acete rúa àjale vɨɨ nɨ ànɨ ngaa ovʉʉ àlá drʉ benì.
27“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ ꞌo àmɨ kɨ̀le nyadrì trile ɨmve hwɨ́ɨ́ ɨꞌdale àjalele drʉ ndrɨ̀zà vɨɨ lé, te vɨɨ dèè alɨa lele drʉ ga tree còó ꞌba dràzà ꞌyowa vɨɨ yɨ̀ díká àfa òndi vɨ́ɨvɨɨ ɨnɨ yɨ̀. 28Léti àlʉàlʉ vɨɨ yɨ̀, àmɨ́ ɨꞌda àjalele drʉ ꞌba àlá lé te alɨale drʉ àmɨ ga lókìrí yɨ̀ díká ìzatà yɨ̀ tree.
29“Càndɨ àmɨ drìa, ɨmbaꞌba àzítáá Orɨ awo vɨɨ nɨ vɨɨ ɨnɨ lá Farasayi be, àmɨ ꞌba lókìrí be nɨ! Àmɨ́ nyadrì ꞌba eꞌyo ondrílé vɨɨ ꞌyowa vɨɨ ɨnɨ sii ndrɨ̀zà díká ꞌba àlá vɨɨ ꞌyowa vɨɨ ɨnɨ olíi ndrɨ̀zà. 30Díká àmɨ́ ꞌyo kɨ́nɨ̀, ‘Àma tè ndráánɨ́ àdrɨ̀ɨ iwú àꞌbimà nɨ ovʉjʉ naa yɨ̀ cɨ, àma ɨcoo ndráánɨ́ ꞌba eꞌyo ondrílé vɨɨ ɨnɨ àrɨ àda ɨ̀ndɨ̀ kʉ.’ 31Ànɨ àmɨ tò àmɨ cenɨ̀cenɨ̀ ɨ̀cejʉ àmɨ yɨla ꞌba ndráánɨ́ ꞌba ꞌba eꞌyo ondrílé vɨɨ ɨnɨ òkile vɨɨ ꞌyowa nɨ. 32Àmɨ mú adro eꞌyo onzɨ àꞌbiì nɨ ɨꞌdole vɨɨ dejʉ!
33“Àmɨ orí drʉ! Díká olúfúrù anzɨ drʉ! Àmɨ ɨco nga àmɨ òpa àcɨ drìjàzà nɨ vɨɨ alɨa ngóningóni drʉ yà? 34Ànɨyɨ̀ mà ngaa àmɨ yɨ́ ꞌba eꞌyo ondrílé vɨɨ ɨnɨ ti pèe, òndʉ̀a ꞌba be díká ɨmbaꞌba àzítáá Orɨ awo vɨɨ nɨ vɨɨ ɨnɨ be. Àmɨ ngaa alóo vɨɨ ɨnɨ òkii ra díká àmɨ ɨnɨ dii patí àlazà drìa ra; àmɨ ngaa alóo vɨɨ ɨnɨ coo kàlí yɨ̀ kara drì fuzà nɨ omvele sinagogi drʉ vɨɨ alɨa ra, díká àmɨ ɨnɨ ndrùu àkú ìmgbélé àlʉ àlʉ bʉ yɨ̀. 35Ànɨ eꞌyo ꞌdɨ̀vɨɨ nɨ ngaa fèe panga ꞌbanɨ ꞌba àlá òkile nyawúá kɨ̀le Abili lé, Barakia mvápi Zakaria ꞌbanɨ kile Orɨ jó ɨnɨ ɨ̀sɨlɨa kara Orɨ ɨtejʉ vɨɨ be vɨɨ àrɨa nɨ mvɨɨ drɨ́á àmɨ drìa. 36Ma lè ꞌyo àmɨ yɨ́ tàándí drʉ, panga ꞌdɨ̀vɨɨ nɨ ngaa mvɨɨ drɨ́á yɨla ꞌdɨ̀vɨɨ drìa.
Yesu nɨ wʉjʉ ꞌba Yerusalemua vɨɨ ɨnɨ yɨ̀ vɨɨ
(Luka 13:34,35)
37“Yerusalemu là, Yerusalemu là, àmɨ ꞌba ꞌba eꞌyo ondrílé vɨɨ ɨnɨ òki ꞌba vɨɨ ɨnɨ drʉ díká àmɨ kòndè Orɨ nɨ tia pèle vɨɨ ɨnɨ oꞌbee ɨrà yɨ̀! Ma òpòri paaleko ngòpɨ anzɨ àmɨ ꞌyowa vɨɨ ɨnɨ ti òkʉjʉ túàlʉ, kɨ̀le aꞌú nɨ́ nɨ́ awo anzɨ àbùle òpìlé yɨ̀ vɨ́nɨ, te àmɨ awɨɨ àti kʉ. 38Àmɨ ndré ngà, Orɨ jó àmɨ ꞌyowa vɨɨ nɨ ngaa ovʉʉ adɨzà drʉ díká ale be mgbóló drʉ. 39Ànɨ ma lè ꞌyo àmɨ yɨ́, àmɨ ngaa ma ndre díká kʉ kpere àmɨ nɨ ngarɨa ꞌyorɨa kɨ́nɨ̀, ‘Asíndrɨ̀zà ꞌbarʉʉ caa rú Opɨ awo vɨɨ yɨ̀ vɨɨ yɨ́.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved