Matayo 22
22
Eꞌyo oꞌbezà òmù ìmgbélé izí jerɨa vɨɨ drìa vɨɨ
(Luka 14:15-24)
1Yesu nze eꞌyo drìle ꞌba Yahudi nɨ vɨɨ ꞌyowa vɨɨ ɨbe eꞌyo oꞌbezà yɨ̀ díká kɨ́nɨ̀, 2“Kárí ꞌbùnɨ vɨɨ ꞌonɨ kɨ̀le opɨ àloo mvápia awo òmù ìzí jezà nɨ vɨɨ otʉle vɨɨ lé. 3Pè àzíꞌbá nɨ awo vɨɨ ɨnɨ ti omu ꞌbanɨ omvele òmù ndee alɨa vɨɨ ɨnɨ àꞌíjʉ́, te gá cale sɨ̀.
4“Acete pè àzíꞌbá alóo ɨnɨ ti àálé ꞌdɨ̀vɨɨ be díká kɨ́nɨ̀, ‘Àmɨ ꞌyó ꞌba ꞌbanɨ omvele vɨɨ ɨnɨ yɨ́, ma otʉ òmùtà ace ngónde ꞌba; manùu ma awo vɨɨ ɨnɨ tí kàjáá osàbe vɨɨ ɨbe ꞌba òlí ɨnɨ ꞌba díká àfa drɨ́á ace ngónde. Àmɨ cá kara òmù izí jezà nɨ vɨɨ alɨa.’
5“Te ꞌba ndee awɨ́ɨ́ así ꞌba eꞌyo vɨɨ drìa kʉ. Alóo kódrì mu ꞌyowa ngaa díká alóo kó drì mu eꞌyo ànɨ drìlia vɨɨ ɨnɨ oꞌrɨa. 6Àsìle vɨɨ orú àzíꞌbá opɨ awo vɨɨ ɨnɨ cɨ, ɨnzá ɨnɨ díká òkí ɨnɨ ra. 7Eꞌyo ꞌdɨ̀vɨɨ yɨ̀, opɨ ca àako yɨ̀ tʉ̀, ànɨ pè àsɨ̀kárɨ̀ nɨ awo vɨɨ ɨnɨ ti díká òkí ꞌba ꞌba òkile vɨɨ ɨnɨ drɨ́á díká ɨvé ꞌyowa àkú ìmgbélé vɨɨ ɨnɨ ra.
8“Acete ꞌyo àzíꞌbá nɨ awo vɨɨ ɨnɨ yɨ́ kɨ́nɨ̀, ‘Òmùtà izí ruzà nɨ vɨɨ ngónde, te ꞌba manɨ omvele vɨɨ léé ca òmù ꞌdɨ̀vɨɨ alɨa kʉ. 9Àmɨ mú ace ngùꞌdù ìmgbélé vɨɨ ɨnɨ ti yɨ̀ díká àmɨ àꞌí ꞌba cɨ àmɨ nɨ isúlé vɨɨ ɨnɨ òmù ꞌdɨ̀vɨɨ alɨa.’ 10Ànɨ àzíꞌbá ndee pʉ́ ngùꞌdù ti yɨ̀ díká trá ꞌbá cɨ ɨnɨ nɨ isúlé vɨ́ɨ ɨnɨ drɨ́á, ꞌba alatará ɨnɨ ꞌba onzɨ be drɨ́á díká òmù jó ga ace tree ꞌba omvezà yɨ̀.
11“Te opɨ nɨ murɨa ꞌba omvezà ndee ɨnɨ andrírɨ́a, ndrè agú àloo bòngo òmù ndee nɨ vɨɨ sùkokò drʉ. 12Zi ɨ̀rɨ kɨ́nɨ̀, ‘Àrɨmonyɨ, mɨ fɨ vɨ̀a bòngo òmù nɨ vɨɨ koa drʉ ngóningóni yà?’ Te agú ndee tilia àngà haa.
13“Acete opɨ ꞌyo azíꞌbá nɨ awo vɨɨ ɨnɨ yɨ́ kɨ́nɨ̀, ‘Àmɨ òtɨ́ ɨ̀rɨ gí ɨnɨ ka be cɨ, díká àmɨ ꞌbé ɨ̀rɨ dúmú alɨa àja, nàale àwʉ nɨ ngaa ovʉʉ sí nyazà be cɨ.’
14“Àrɨ̀yɨ̀kʉ ꞌba omvezà ɨnɨ òꞌbɨ́, te òpèzà vɨɨ ɨnɨ were.”
Mʉ̀sorò òfèzà Kaisari yɨ́ vɨɨ
(Mariko 12:13-17; Luka 20:20-26)
15Acete ꞌba Farasayi nɨ vɨɨ mú àjalele drʉ díká otʉ́ ti Yesu nɨ mbàjʉ eꞌyo ɨ̀rɨ nɨ ꞌyole vɨɨ ɨnɨ yɨ̀ ànɨ ɨ̀rɨ rujʉ benì. 16Ànɨ pé ꞌba ɨnɨ nɨ ɨmbale vɨɨ alóo ɨnɨ ti ɨ̀rɨ bʉ ꞌba Herode awo vɨɨ ɨnɨ be kɨ́nɨ̀, “Ɨmbaápi, àma nì ra mɨ eꞌyo ada be díká mɨ eꞌyo Orɨ awo vɨɨ ɨmba así ada yɨ̀. Mɨ ꞌoo òrì ꞌba drɨ́á yɨ̀ kʉ mɨnɨ eꞌyo Orɨ awo vɨɨ ɨmbarɨa, àrɨ̀yɨ̀kʉ mɨ ꞌoo òrì eꞌyo òꞌbɨ ꞌyowa vɨɨ ɨnɨ yɨ̀ kʉ. 17Mɨ ɨ̀ce àma yɨ́, acete mɨ ɨgataa ngóni yà? Àzítáá ꞌba Yahudi nɨ vɨɨ ꞌyowa vɨɨ àtì ɨnɨ mʉ̀sorò òfèjʉ opɨ Kaisari drʉ vɨɨ yɨ́ rá yà nòsɨ̀kʉ òfèjʉ kʉ yà?” 18Te Yesu nɨ nìjʉ ɨnɨ asíònzɨ ꞌba, ꞌyo ɨnɨ yɨ́ kɨ́nɨ̀, “Àmɨ ꞌba lókìrí be drʉ! Àmɨ lèe ma ruu àrɨ eꞌyo yɨ̀ yà? 19Àmɨ ɨ̀ꞌdá má yɨ́ séndè ɨkɨ́kɨ́ mʉ̀sórò òfèjʉ vɨɨ.” Jí ɨ̀rɨ yɨ́ séndè ɨkɨ́ dɨ̀narɨ̀ drʉ vɨɨ àlʉ 20díká zi ɨnɨ kɨ́nɨ̀, “Ɨ̀ꞌda drìa vɨɨ ji àrɨ ɨ yà? Rú ꞌbanɨ sɨ̀le drìa vɨɨ àrɨ awo nɨ yà?” 21Òmvɨ́ ɨ̀rɨ yɨ́ kɨ́nɨ̀, “Kaisari awo nɨ.” Ànɨ Yesu ꞌyo ɨnɨ yɨ́ kɨ́nɨ̀, “Àmɨ fé àfa Kaisari awo vɨɨ Kaisari yɨ́, díká Orɨ awo vɨɨ Orɨ yɨ́.” 22Ɨnɨ eꞌyo ꞌdɨ̀vɨɨ ɨrɨjʉ ꞌba, ovʉ́ òsùtaa yɨ̀. Ànɨ kʉ́ ɨ̀rɨ ra díká dá ace anɨ ra.
Zitaa ɨ̀gàtaa drìa vɨɨ
(Mariko 12:18-27; Luka 20:27-40)
23Oꞌdú ndee naa yɨ̀ ꞌba Sadukayo drʉ ꞌyole ꞌba ada ɨcoo ɨ̀ga drà alɨa vɨɨ yɨ̀ kʉ vɨɨ cá Yesu bʉ zitaa be 24kɨ́nɨ̀, “Ɨmbaápi, Musa ꞌyo ndráánɨ́ àma yɨ́ kɨ́nɨ̀, agú àloo mvako vɨ́ɨvɨɨ tè dràa nɨ̀, lè adripi ɨ̀rɨ ru àwúzí ɨ̀rɨ nɨ kʉle vɨɨ azílé ɨnɨ tí anzɨ agú dràle naa yɨ́ drʉ benì. 25Anzɨ alóo ɨnɨ ndráánɨ́ adrí drʉ àma ɨ̀sɨlɨa aziìrì. Mva òkò vɨɨ ru izí díká drà mva koko drʉ, ànɨ kʉ nɨ awo àwúzí adripi yɨ́. 26Eꞌyo àlʉ ꞌdɨ̀vɨɨ ꞌonɨ adripi ìrìzorè vɨɨ be, nazore vɨɨ be díká ꞌonɨ pàba mva àsìꞌjʉ nambà suzorè vɨɨ be vɨ́nɨ. 27Àsìjʉ izí ndee drà ra. 28Acete oꞌdú ɨ̀gàtaa nɨ vɨɨ yɨ̀, izí ndee nɨ ngaa àdrɨ̀ɨ àrɨ awo nɨ adríanzɨ aziìrì ꞌdɨ̀vɨɨ ɨnɨ ɨ̀sɨlɨa, vɨɨ dèè rú ɨ̀rɨ izí drʉ drɨ́á rá?”
29Yesu òmvɨ ɨnɨ yɨ́ kɨ́nɨ̀, “Àmɨ àbàzà alɨa àrɨ̀yɨ̀kʉ àmɨ nìi eꞌyo sɨ̀zà nòsìkʉ òkpo Orɨ awo vɨɨ kʉ. 30Ànɨyɨ̀ oꞌdú ɨ̀gàtaa nɨ naa yɨ̀, ꞌba drɨ́á nɨ ngaa ovʉʉ malaika ꞌbùa vɨɨ ɨnɨ lé díká ꞌba ngáá ànɨ ru kʉ nòsɨ̀kʉ ꞌba ngáá ꞌba aloo òmɨ rutaa yɨ̀ kʉ. 31Tè àdrɨ̀ɨ eꞌyo ɨ̀gàtaa drà alɨa vɨɨ drìa vɨɨ yɨ̀, àmɨ awɨɨ ngà kíríá eꞌyo Orɨ nɨ azílé kɨ́nɨ̀, 32‘Ma Orɨ Iburahimu awo vɨɨ ɨ, Isaka awo vɨɨ ɨ díká Yakobo awo vɨɨ ɨ’ vɨɨ la kʉ yà? Ovʉʉ Orɨ ꞌba dràle ìríti vɨɨ ꞌyowa nɨ kʉ te ɨ̀rɨ Orɨ ꞌba ɨdrɨ be vɨɨ ꞌyowa nɨ.”
33Òꞌbɨ nɨ eꞌyo ꞌdɨ̀vɨɨ ɨrɨjʉ ꞌba, ovʉ́ òsùtaa yɨ̀ ɨmbataa ɨ̀rɨ awo vɨɨ yɨ̀.
Àzítáá ìmgbélé ndenɨ̀ vɨɨ
(Mariko 12:28-34; Luka 10:25-28)
34ꞌBa Farasayi drʉ vɨɨ ɨnɨ nɨ ɨrɨjʉ Yesu ombe ꞌba Sadukayo drʉ vɨɨ ɨnɨ ti drɨ́á cɨ́, trá ànɨ kara àlʉa. 35ꞌBa àlʉ ɨnɨ ɨsɨlɨa ɨmbaꞌba àzítáá Orɨ awo vɨɨ nɨ vɨɨ nga ɨ̀rɨ zi zitaa yɨ̀ ɨ̀rɨ òꞌbìjʉ kɨ́nɨ̀, 36“Ɨmbaápi, àzítáá ndèle nɨ̀ vɨɨ ngoo ɨ yà?”
37Yesu òmvɨ kɨ́nɨ̀, “ ‘Lè àmɨ lé Opɨ Orɨ àmɨ ꞌyowa vɨɨ así drɨ́á yɨ̀, orɨndɨ drɨ́á yɨ̀ díká ɨgataa drɨ́á yɨ̀.’ 38ꞌDɨ̀vɨɨ ɨrɨ àzítáá òkò díká ndèle nɨ̀ vɨɨ ɨ. 39Ìrìzorè vɨɨ ɨ̀rɨ kòꞌbò adro vɨɨ lé kɨ́nɨ̀, ‘Lè àmɨ lé àmɨ ꞌyowa jó ɨ̀jèle nɨ kòꞌbò àmɨ nɨ àmɨ ngʉlʉpɨ nɨ lèle vɨ́nɨ.’ 40Àzítáá Musa awo vɨɨ ɨnɨ ɨmbataa ꞌba eꞌyo ondrílé vɨɨ ꞌyowa vɨɨ ɨbe, sóká drɨ́á àzítáá ìrì ꞌdɨ̀vɨɨ ɨnɨ drìa.”
Zitaa Mesia drìa vɨɨ
(Mariko 12:35-37; Luka 20:41-44)
41ꞌBa Farasayi nɨ vɨɨ alóo ɨnɨ ànɨ trarɨa karaàlʉa, Yesu nga ɨnɨ zi kɨ́nɨ̀, 42“Àmɨ eꞌyo ɨgaa Kristo drìa ngóni yà? Ɨ̀rɨ àrɨ mvápi ɨ yà?”
Òmvɨ́ ɨ̀rɨ yɨ́ kɨ́nɨ̀, “Mva Daudi yɨla drʉ vɨɨ ɨ.”
43Yesu zi ɨnɨ kɨ́nɨ̀, “Acete Daudi ɨ rɨ ɨ̀rɨ omve ‘Opɨ ɨ’ òkpo Orɨndɨ awo yɨ̀ àrɨ eꞌyo yɨ̀ ya? Àrɨ̀yɨ̀kʉ ɨ rɨ ꞌyo kɨ́nɨ̀,
44‘Opɨ ꞌyo Opɨ ma awo vɨɨ yɨ́ kɨ́nɨ̀,
“Mɨ rɨ ma gí ndépia
kpere manɨ arɨꞌboo mɨ awo vɨɨ ɨnɨ òmvɨrɨa
mɨ kalɨa.” ’
45“Daudi tè ɨ̀rɨ omvee ‘Opɨ ɨ,’ Mesia ɨco ovʉ Daudi yɨla nɨ ngóni ngóni yà?”
46ꞌBa àloo ɨcole ɨ̀rɨ awo zitaa vɨɨ òmvɨle raa tʉ́á yʉ́, díká ɨꞌdojʉ oꞌdú ꞌdànaa yɨ̀, ꞌba àloo ɨ̀rɨ zile zitaa yɨ̀ vɨ́ɨvɨɨ tʉ́á yʉ́.
Currently Selected:
Matayo 22: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 22
22
Eꞌyo oꞌbezà òmù ìmgbélé izí jerɨa vɨɨ drìa vɨɨ
(Luka 14:15-24)
1Yesu nze eꞌyo drìle ꞌba Yahudi nɨ vɨɨ ꞌyowa vɨɨ ɨbe eꞌyo oꞌbezà yɨ̀ díká kɨ́nɨ̀, 2“Kárí ꞌbùnɨ vɨɨ ꞌonɨ kɨ̀le opɨ àloo mvápia awo òmù ìzí jezà nɨ vɨɨ otʉle vɨɨ lé. 3Pè àzíꞌbá nɨ awo vɨɨ ɨnɨ ti omu ꞌbanɨ omvele òmù ndee alɨa vɨɨ ɨnɨ àꞌíjʉ́, te gá cale sɨ̀.
4“Acete pè àzíꞌbá alóo ɨnɨ ti àálé ꞌdɨ̀vɨɨ be díká kɨ́nɨ̀, ‘Àmɨ ꞌyó ꞌba ꞌbanɨ omvele vɨɨ ɨnɨ yɨ́, ma otʉ òmùtà ace ngónde ꞌba; manùu ma awo vɨɨ ɨnɨ tí kàjáá osàbe vɨɨ ɨbe ꞌba òlí ɨnɨ ꞌba díká àfa drɨ́á ace ngónde. Àmɨ cá kara òmù izí jezà nɨ vɨɨ alɨa.’
5“Te ꞌba ndee awɨ́ɨ́ así ꞌba eꞌyo vɨɨ drìa kʉ. Alóo kódrì mu ꞌyowa ngaa díká alóo kó drì mu eꞌyo ànɨ drìlia vɨɨ ɨnɨ oꞌrɨa. 6Àsìle vɨɨ orú àzíꞌbá opɨ awo vɨɨ ɨnɨ cɨ, ɨnzá ɨnɨ díká òkí ɨnɨ ra. 7Eꞌyo ꞌdɨ̀vɨɨ yɨ̀, opɨ ca àako yɨ̀ tʉ̀, ànɨ pè àsɨ̀kárɨ̀ nɨ awo vɨɨ ɨnɨ ti díká òkí ꞌba ꞌba òkile vɨɨ ɨnɨ drɨ́á díká ɨvé ꞌyowa àkú ìmgbélé vɨɨ ɨnɨ ra.
8“Acete ꞌyo àzíꞌbá nɨ awo vɨɨ ɨnɨ yɨ́ kɨ́nɨ̀, ‘Òmùtà izí ruzà nɨ vɨɨ ngónde, te ꞌba manɨ omvele vɨɨ léé ca òmù ꞌdɨ̀vɨɨ alɨa kʉ. 9Àmɨ mú ace ngùꞌdù ìmgbélé vɨɨ ɨnɨ ti yɨ̀ díká àmɨ àꞌí ꞌba cɨ àmɨ nɨ isúlé vɨɨ ɨnɨ òmù ꞌdɨ̀vɨɨ alɨa.’ 10Ànɨ àzíꞌbá ndee pʉ́ ngùꞌdù ti yɨ̀ díká trá ꞌbá cɨ ɨnɨ nɨ isúlé vɨ́ɨ ɨnɨ drɨ́á, ꞌba alatará ɨnɨ ꞌba onzɨ be drɨ́á díká òmù jó ga ace tree ꞌba omvezà yɨ̀.
11“Te opɨ nɨ murɨa ꞌba omvezà ndee ɨnɨ andrírɨ́a, ndrè agú àloo bòngo òmù ndee nɨ vɨɨ sùkokò drʉ. 12Zi ɨ̀rɨ kɨ́nɨ̀, ‘Àrɨmonyɨ, mɨ fɨ vɨ̀a bòngo òmù nɨ vɨɨ koa drʉ ngóningóni yà?’ Te agú ndee tilia àngà haa.
13“Acete opɨ ꞌyo azíꞌbá nɨ awo vɨɨ ɨnɨ yɨ́ kɨ́nɨ̀, ‘Àmɨ òtɨ́ ɨ̀rɨ gí ɨnɨ ka be cɨ, díká àmɨ ꞌbé ɨ̀rɨ dúmú alɨa àja, nàale àwʉ nɨ ngaa ovʉʉ sí nyazà be cɨ.’
14“Àrɨ̀yɨ̀kʉ ꞌba omvezà ɨnɨ òꞌbɨ́, te òpèzà vɨɨ ɨnɨ were.”
Mʉ̀sorò òfèzà Kaisari yɨ́ vɨɨ
(Mariko 12:13-17; Luka 20:20-26)
15Acete ꞌba Farasayi nɨ vɨɨ mú àjalele drʉ díká otʉ́ ti Yesu nɨ mbàjʉ eꞌyo ɨ̀rɨ nɨ ꞌyole vɨɨ ɨnɨ yɨ̀ ànɨ ɨ̀rɨ rujʉ benì. 16Ànɨ pé ꞌba ɨnɨ nɨ ɨmbale vɨɨ alóo ɨnɨ ti ɨ̀rɨ bʉ ꞌba Herode awo vɨɨ ɨnɨ be kɨ́nɨ̀, “Ɨmbaápi, àma nì ra mɨ eꞌyo ada be díká mɨ eꞌyo Orɨ awo vɨɨ ɨmba así ada yɨ̀. Mɨ ꞌoo òrì ꞌba drɨ́á yɨ̀ kʉ mɨnɨ eꞌyo Orɨ awo vɨɨ ɨmbarɨa, àrɨ̀yɨ̀kʉ mɨ ꞌoo òrì eꞌyo òꞌbɨ ꞌyowa vɨɨ ɨnɨ yɨ̀ kʉ. 17Mɨ ɨ̀ce àma yɨ́, acete mɨ ɨgataa ngóni yà? Àzítáá ꞌba Yahudi nɨ vɨɨ ꞌyowa vɨɨ àtì ɨnɨ mʉ̀sorò òfèjʉ opɨ Kaisari drʉ vɨɨ yɨ́ rá yà nòsɨ̀kʉ òfèjʉ kʉ yà?” 18Te Yesu nɨ nìjʉ ɨnɨ asíònzɨ ꞌba, ꞌyo ɨnɨ yɨ́ kɨ́nɨ̀, “Àmɨ ꞌba lókìrí be drʉ! Àmɨ lèe ma ruu àrɨ eꞌyo yɨ̀ yà? 19Àmɨ ɨ̀ꞌdá má yɨ́ séndè ɨkɨ́kɨ́ mʉ̀sórò òfèjʉ vɨɨ.” Jí ɨ̀rɨ yɨ́ séndè ɨkɨ́ dɨ̀narɨ̀ drʉ vɨɨ àlʉ 20díká zi ɨnɨ kɨ́nɨ̀, “Ɨ̀ꞌda drìa vɨɨ ji àrɨ ɨ yà? Rú ꞌbanɨ sɨ̀le drìa vɨɨ àrɨ awo nɨ yà?” 21Òmvɨ́ ɨ̀rɨ yɨ́ kɨ́nɨ̀, “Kaisari awo nɨ.” Ànɨ Yesu ꞌyo ɨnɨ yɨ́ kɨ́nɨ̀, “Àmɨ fé àfa Kaisari awo vɨɨ Kaisari yɨ́, díká Orɨ awo vɨɨ Orɨ yɨ́.” 22Ɨnɨ eꞌyo ꞌdɨ̀vɨɨ ɨrɨjʉ ꞌba, ovʉ́ òsùtaa yɨ̀. Ànɨ kʉ́ ɨ̀rɨ ra díká dá ace anɨ ra.
Zitaa ɨ̀gàtaa drìa vɨɨ
(Mariko 12:18-27; Luka 20:27-40)
23Oꞌdú ndee naa yɨ̀ ꞌba Sadukayo drʉ ꞌyole ꞌba ada ɨcoo ɨ̀ga drà alɨa vɨɨ yɨ̀ kʉ vɨɨ cá Yesu bʉ zitaa be 24kɨ́nɨ̀, “Ɨmbaápi, Musa ꞌyo ndráánɨ́ àma yɨ́ kɨ́nɨ̀, agú àloo mvako vɨ́ɨvɨɨ tè dràa nɨ̀, lè adripi ɨ̀rɨ ru àwúzí ɨ̀rɨ nɨ kʉle vɨɨ azílé ɨnɨ tí anzɨ agú dràle naa yɨ́ drʉ benì. 25Anzɨ alóo ɨnɨ ndráánɨ́ adrí drʉ àma ɨ̀sɨlɨa aziìrì. Mva òkò vɨɨ ru izí díká drà mva koko drʉ, ànɨ kʉ nɨ awo àwúzí adripi yɨ́. 26Eꞌyo àlʉ ꞌdɨ̀vɨɨ ꞌonɨ adripi ìrìzorè vɨɨ be, nazore vɨɨ be díká ꞌonɨ pàba mva àsìꞌjʉ nambà suzorè vɨɨ be vɨ́nɨ. 27Àsìjʉ izí ndee drà ra. 28Acete oꞌdú ɨ̀gàtaa nɨ vɨɨ yɨ̀, izí ndee nɨ ngaa àdrɨ̀ɨ àrɨ awo nɨ adríanzɨ aziìrì ꞌdɨ̀vɨɨ ɨnɨ ɨ̀sɨlɨa, vɨɨ dèè rú ɨ̀rɨ izí drʉ drɨ́á rá?”
29Yesu òmvɨ ɨnɨ yɨ́ kɨ́nɨ̀, “Àmɨ àbàzà alɨa àrɨ̀yɨ̀kʉ àmɨ nìi eꞌyo sɨ̀zà nòsìkʉ òkpo Orɨ awo vɨɨ kʉ. 30Ànɨyɨ̀ oꞌdú ɨ̀gàtaa nɨ naa yɨ̀, ꞌba drɨ́á nɨ ngaa ovʉʉ malaika ꞌbùa vɨɨ ɨnɨ lé díká ꞌba ngáá ànɨ ru kʉ nòsɨ̀kʉ ꞌba ngáá ꞌba aloo òmɨ rutaa yɨ̀ kʉ. 31Tè àdrɨ̀ɨ eꞌyo ɨ̀gàtaa drà alɨa vɨɨ drìa vɨɨ yɨ̀, àmɨ awɨɨ ngà kíríá eꞌyo Orɨ nɨ azílé kɨ́nɨ̀, 32‘Ma Orɨ Iburahimu awo vɨɨ ɨ, Isaka awo vɨɨ ɨ díká Yakobo awo vɨɨ ɨ’ vɨɨ la kʉ yà? Ovʉʉ Orɨ ꞌba dràle ìríti vɨɨ ꞌyowa nɨ kʉ te ɨ̀rɨ Orɨ ꞌba ɨdrɨ be vɨɨ ꞌyowa nɨ.”
33Òꞌbɨ nɨ eꞌyo ꞌdɨ̀vɨɨ ɨrɨjʉ ꞌba, ovʉ́ òsùtaa yɨ̀ ɨmbataa ɨ̀rɨ awo vɨɨ yɨ̀.
Àzítáá ìmgbélé ndenɨ̀ vɨɨ
(Mariko 12:28-34; Luka 10:25-28)
34ꞌBa Farasayi drʉ vɨɨ ɨnɨ nɨ ɨrɨjʉ Yesu ombe ꞌba Sadukayo drʉ vɨɨ ɨnɨ ti drɨ́á cɨ́, trá ànɨ kara àlʉa. 35ꞌBa àlʉ ɨnɨ ɨsɨlɨa ɨmbaꞌba àzítáá Orɨ awo vɨɨ nɨ vɨɨ nga ɨ̀rɨ zi zitaa yɨ̀ ɨ̀rɨ òꞌbìjʉ kɨ́nɨ̀, 36“Ɨmbaápi, àzítáá ndèle nɨ̀ vɨɨ ngoo ɨ yà?”
37Yesu òmvɨ kɨ́nɨ̀, “ ‘Lè àmɨ lé Opɨ Orɨ àmɨ ꞌyowa vɨɨ así drɨ́á yɨ̀, orɨndɨ drɨ́á yɨ̀ díká ɨgataa drɨ́á yɨ̀.’ 38ꞌDɨ̀vɨɨ ɨrɨ àzítáá òkò díká ndèle nɨ̀ vɨɨ ɨ. 39Ìrìzorè vɨɨ ɨ̀rɨ kòꞌbò adro vɨɨ lé kɨ́nɨ̀, ‘Lè àmɨ lé àmɨ ꞌyowa jó ɨ̀jèle nɨ kòꞌbò àmɨ nɨ àmɨ ngʉlʉpɨ nɨ lèle vɨ́nɨ.’ 40Àzítáá Musa awo vɨɨ ɨnɨ ɨmbataa ꞌba eꞌyo ondrílé vɨɨ ꞌyowa vɨɨ ɨbe, sóká drɨ́á àzítáá ìrì ꞌdɨ̀vɨɨ ɨnɨ drìa.”
Zitaa Mesia drìa vɨɨ
(Mariko 12:35-37; Luka 20:41-44)
41ꞌBa Farasayi nɨ vɨɨ alóo ɨnɨ ànɨ trarɨa karaàlʉa, Yesu nga ɨnɨ zi kɨ́nɨ̀, 42“Àmɨ eꞌyo ɨgaa Kristo drìa ngóni yà? Ɨ̀rɨ àrɨ mvápi ɨ yà?”
Òmvɨ́ ɨ̀rɨ yɨ́ kɨ́nɨ̀, “Mva Daudi yɨla drʉ vɨɨ ɨ.”
43Yesu zi ɨnɨ kɨ́nɨ̀, “Acete Daudi ɨ rɨ ɨ̀rɨ omve ‘Opɨ ɨ’ òkpo Orɨndɨ awo yɨ̀ àrɨ eꞌyo yɨ̀ ya? Àrɨ̀yɨ̀kʉ ɨ rɨ ꞌyo kɨ́nɨ̀,
44‘Opɨ ꞌyo Opɨ ma awo vɨɨ yɨ́ kɨ́nɨ̀,
“Mɨ rɨ ma gí ndépia
kpere manɨ arɨꞌboo mɨ awo vɨɨ ɨnɨ òmvɨrɨa
mɨ kalɨa.” ’
45“Daudi tè ɨ̀rɨ omvee ‘Opɨ ɨ,’ Mesia ɨco ovʉ Daudi yɨla nɨ ngóni ngóni yà?”
46ꞌBa àloo ɨcole ɨ̀rɨ awo zitaa vɨɨ òmvɨle raa tʉ́á yʉ́, díká ɨꞌdojʉ oꞌdú ꞌdànaa yɨ̀, ꞌba àloo ɨ̀rɨ zile zitaa yɨ̀ vɨ́ɨvɨɨ tʉ́á yʉ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved