Matayo 18
18
ꞌBarʉʉ ìmgbélé tʉ̀ Kárí ꞌBùnɨ vɨɨ alɨa vɨɨ
(Mariko 9:33-37; Luka 9:46-48)
1Sawà ꞌdànaa yɨ̀ ꞌba Yesu nɨ ɨmbale vɨɨ cá ɨ̀rɨ bʉ díká zí ɨ̀rɨ kɨ́nɨ̀, “ꞌBarʉʉ ìmgbélé drʉ tʉ̀ Kárí ꞌBùnɨ vɨɨ alɨa vɨɨ ɨ̀rɨ àrɨ ɨ yà?”
2Yesu omve mva wereá nàa vɨ́ɨvɨɨ nɨ bʉ, díká fè ɨ̀rɨ yɨ́ ka so ànɨ ɨ̀sɨlɨa. 3Àcete ꞌyo ɨnɨ yɨ́ kɨ́nɨ̀, “Ma ꞌyo àmɨ yɨ́ tàándí drʉ, àmɨ tè àmɨ ojaa díká opʉʉ kɨ̀le anzɨ nyɨ́rɨ́ lé kʉ, àmɨ ngaa fɨ Kárí ꞌBùnɨ vɨɨ alɨa kʉ. 4Ànɨyɨ̀, ꞌbarʉʉ àloo nɨ dole kɨ̀le mvaa ꞌdɨ̀vɨ́ɨvɨɨ lé vɨɨ ɨ̀rɨ ìmgbélé drʉ tʉ̀ Kárí ꞌBùnɨ vɨɨ alɨa nɨ̀.”
5“Díká ꞌbarʉʉ àloo mva wereá ꞌdɨ̀vɨ́ɨvɨɨ àꞌílé kɨ̀le vɨ́nɨ ma rú yɨ̀ vɨɨ àꞌí ma ɨ. 6Te ꞌbarʉʉ àloo tè fèe anzɨ nyɨ́rɨ́ ma àꞌɨ̀le vɨɨ ɨnɨ yɨ́ ɨ̀zatà ꞌoo, cɨ̀kàa ꞌbanɨ ɨrà nzìzà vɨ́ɨvɨɨ ꞌɨ̀jʉ ɨ̀rɨ òmbéléá díká ɨ̀rɨ ꞌbejʉ mèrè alíbe vɨɨ alɨa ɨ̀rɨ nɨ ambújʉ́ rá vɨɨ ɨ.”
7“Càndɨ wúdrìkúrù drìa àrɨ̀yɨ̀kʉ àfa fèle ꞌbandépi yɨ́ ɨ̀zatà ꞌole vɨɨ ɨnɨ eꞌyo yɨ̀! Eꞌyo ꞌdɨ̀vɨɨ ɨnɨ ngaa ànɨ ꞌoo ra, te càndɨ ꞌba ngale fèle ɨnɨ ꞌó ànɨ léti ànɨ bʉ yɨ̀ vɨɨ ɨnɨ drìa! 8Mɨ gí nòsɨ̀kʉ mɨ ka te fè mɨ yɨ́ ɨ̀zatà ꞌoo, mɨ li ɨ̀rɨ ꞌbe ra. Ɨ̀rɨ cɨ̀kà mɨnɨ fɨjʉ ɨdrɨ nánináni vɨɨ alɨa gí ko drʉ nòsɨ̀kʉ ka ko drʉ ɨ̀gàtɨ mɨ gí ɨnɨ nɨ ovʉjʉ mɨ ka ꞌbe ìrìtro cɨ te ꞌbanɨ mɨ ꞌbejʉ ɨnɨ be àcɨ nánináni vɨɨ alɨa vɨɨ ra. 9Díká mɨ mule tè fèe mɨ yɨ́ ɨ̀zatà ꞌoo nɨ, mɨ nze ɨ̀rɨ ꞌbe ra. Ɨ̀rɨ cɨ̀kà mɨnɨ fɨjʉ ɨdrɨ alɨa muleko drʉ ɨ̀gàtɨ mɨ mule nɨ ovʉjʉ ìrìtro cɨ, te mɨ ꞌbejʉ ɨbe àcɨ drìjàzà nɨ vɨɨ alɨa vɨɨ ra.”
Eꞌyo oꞌbezà kàbèlè àvɨ̀zà drìa vɨɨ
10Yesu mu drìle ꞌyojʉ kɨ́nɨ̀, “Lè àmɨ ndré kílílí drʉ, àmɨ má anzɨ nyɨ́rɨ́ ꞌdɨ̀vɨɨ ɨnɨ àloo kʉ. Àrɨ̀yɨ̀kʉ malaika ꞌyowa vɨɨ ɨ́ ovʉ Ata ꞌbùnɨ vɨɨ àgaa sawà drɨ́á yɨ̀. 11ꞌBa Mvápi ca mu ꞌba àvɨ̀le ra vɨɨ ɨnɨ òpa ɨ.#18:11 Vasi ꞌdɨ̀vɨɨ búkù alóo ɨnɨ alɨa yʉ.
12“Àmɨ ɨgataa ɨ ovʉ ngóni yà? Agú àloo kàbèlè be tʉrʉàlʉ vɨɨ tè alɨa àlʉa àvɨ̀ɨ ra, ngaa kàbèlè àsìle kàlíóròmɨ̀ drìa óròmɨ̀ vɨɨ ɨnɨ kʉ ꞌbee drìa mujʉ àvɨ̀le àlʉ vɨɨ ndrùjʉ kʉ yà? 13Díká tè ɨ̀rɨ isúu ꞌba, ma lè ꞌyo àmɨ yɨ́ tàándí drʉ, ɨ ovʉ àyɨ̀kò yɨ̀ tʉ̀ kàbèlè àlʉ naa eꞌyoa yɨ̀ ɨ̀gàtɨ kàbèlè kàlíóròmɨ̀ drìa óròmɨ̀ àvɨ̀le kʉ vɨɨ ɨnɨ ra. 14Kòꞌbò ꞌdɨ̀vɨɨ lé Ata ꞌbùnɨ vɨɨ ɨcoo àti anzɨ nyɨ́rɨ́ ꞌdɨ̀vɨɨ ɨnɨ àloo ɨ̀rɨ àvɨ ra vɨ́ɨvɨɨ kʉ.
Àrɨɨ̀ ɨ̀zatà ꞌole mɨ bʉ vɨɨ
15“Àrɨɨ̀ tè ɨ̀zatà ꞌoo mɨ bʉ, lè mɨ mu ɨ̀rɨ bʉ díká mɨ ɨ̀ꞌda ɨ̀rɨ yɨ́ eꞌyo ònzɨ ɨ̀rɨ nɨ ꞌole vɨɨ ra, dèè àmɨ ɨ̀rɨ be ꞌba ìrì. Tè nɨ ɨ̀zatà àtìi ra, dèè naa mɨ ɨ̀cɨ àmɨ adrìì be ròò ꞌdà ɨ. 16Te tè mɨ ti gàa sɨ̀, mɨ ꞌdu mɨ rúá ꞌba àlʉ nòsɨ̀kʉ ìrì vɨ̀pɨ gbàrà, ‘Azílé eꞌyo drɨ́á àmɨ ɨ̀sɨlɨa vɨɨ nɨ ngaa ovʉʉ nìzà drʉ sàdénì ìrì nòsɨ̀kʉ na bʉ yɨ̀ benì kɨ̀le eꞌyo sɨ̀zà nɨ ꞌyole vɨ́nɨ.’#Azita Amviza 19:15 17Tè ɨnɨ ti gàa sɨ̀, mɨ òlʉ̀ eꞌyo ndee ꞌba àꞌɨ̀taa be vɨɨ ɨnɨ yɨ́. Díká tè pàbaa ꞌba àꞌɨ̀taa be vɨɨ ɨnɨ ti gàa sɨ̀, àmɨ ꞌdú ɨ̀rɨ kɨ̀le júrúú lé nòsɨ̀kʉ ꞌbarʉʉ mʉ̀sorò ti trale vɨɨ lé.
18“Ma lè ꞌyo àmɨ yɨ́ tàándí drʉ, eꞌyo àmɨ ombele nyawú drìa vɨ̀a cɨ vɨɨ nɨ ngaa àmɨ ombe kpere ꞌbùa, díká eꞌyo àmɨ nɨ àyʉle nyawú drìa vɨ̀a ra vɨɨ nɨ ngaa ovʉ àyʉzà drʉ kpere ꞌbùa.
19“Díká ma lè ꞌyo àmɨ yɨ́, àmɨ ɨsɨlɨa ꞌba ìrì té nyawú drìa eꞌyo zi túàlʉ Orɨ tia, Ata ma awo ꞌbùa vɨɨ nɨ ngaa eꞌyo ndee ɨnɨ ꞌoo ɨnɨ yɨ́ rá. 20Àrɨ̀yɨ̀kʉ ꞌba ìrì nòsɨ̀kʉ ꞌba na té ànɨ òkʉʉ ma rú yɨ̀, Ma ɨnɨ be nàa cɨ.”
Eꞌyo oꞌbezà àzíꞌbá asíánzú kó vɨɨ drìa vɨɨ
21Acete Petero mu Yesu bʉ díká zi ɨ̀rɨ kɨ́nɨ̀, “Opɨ lá lè màá trʉ̀ adrìmà nɨ paaleko sí, tè rɨɨ ɨ̀zatà ꞌoo ma bʉ àsúú nɨ yà? Kpere paaleko aziìrì yà?”
22Yesu òmvɨ kɨ́nɨ̀, “Ma lè ꞌyo mɨ́ yɨ́, ovʉʉ paaleko aziìrì kʉ, te kalíáziìrì paaleko aziìrì.#18:22 nòsɨ̀kʉ kàlíàziìrì paaleko aziìrì.
23“Ànɨyɨ̀, Kárí ꞌBùnɨ vɨɨ ꞌonɨ kòꞌbò kɨ̀le opɨ àloo lèe ndráánɨ́ àzíꞌbá nɨ awo vɨɨ ꞌyowa ɨ̀ró ale andríi vɨɨ lé. 24Ɨ̀rɨ nɨ ɨꞌdorɨa andríríá, àzíꞌbá àloo opɨ awo dénì nɨ ovʉle ɨ̀rɨ drìa tàlantò#18:24 ꞌDìvɨɨ ògògò dolà milìònì tree. alɨ̀fù mudrí vɨ́ɨvɨɨ ꞌba jí ɨ̀rɨ bʉ. 25Àce ɨ̀rɨ nɨ òpòrile séndè ndee òfèle kpé vɨɨ yɨ̀, ꞌba ìmgbélé fè òkpo ɨ̀rɨ ozíjʉ́, izípi ɨbe, anzípí ɨbe díká àfa drɨ́á ɨ̀rɨ awo vɨɨ ɨbe dénì ndee òfèjʉ.
26“Àzíꞌbá ndee sì ùlùúti ɨ̀rɨ drìlia kɨ́nɨ̀, ‘Kɨ́rɨ́kɨ̀rɨ̀ mɨ ovʉ asíndrɨ̀zà be ma bʉ, ma ngaa dénì mɨ awo vɨɨ òfèe drɨ́á rá.’ 27Butia ꞌba ìmgbélé àzíꞌbá vɨɨ awo vɨɨ ca ɨ̀rɨ bʉ kɨ̀sà yɨ̀, trʉ̀ ɨ̀rɨ drìa dénì vɨɨ ra díká fe ɨ̀rɨ yɨ́ mu ra.
28“Te àzíꞌbá ndee nɨ muria àja àle, tɨ̀ àrípi àloo àzíꞌbá drʉ ɨ̀rɨ awo dénì nɨ ovʉle ɨ̀rɨ drìa dìnarì#18:28 ꞌDɨ̀vɨɨ dolà wereá vɨ́ɨvɨɨ ɨ. were vɨ́ɨvɨɨ drìa ꞌba dèè, zò ɨ̀rɨ drìa ɨꞌdo àruu ɨ̀rɨ nzɨnzɨ kɨ́nɨ̀, ‘Ma le mɨ òfè ma awo dénì mɨ drìa vɨɨ!’
29“Àrípi ndee sì ùlùúti ɨ̀rɨ drìlia kɨ́nɨ̀, ‘Kɨ́rɨ́kɨ̀rɨ̀ mɨ ovʉ asíndrɨ̀zà be ma bʉ, ma ngaa dénì mɨ awo vɨɨ ɨnɨ òfèe drɨ́á rá.’
30“Te gà sɨ̀. Ɨ̀ndɨa ráaka, ꞌdu agú ndee ji sʉ màbúsùa kpere agú ndee nɨ ɨ̀rɨ awo dénì òfèrɨa. 31Àzíꞌbá alóo vɨɨ ɨnɨ nɨ eꞌyo nɨ ꞌole vɨɨ ndrèrɨa ꞌba, ovʉ́ càndɨ yɨ̀ tʉ̀ díká jí eꞌyo ndee òlʉ ꞌba ìmgbélé ꞌyowa vɨɨ yɨ́.
32“Butia ꞌba ìmgbélé omve àzíꞌbá ndee nɨ bʉ kɨ́nɨ̀, ‘Àzíꞌbá asíònzɨ́ ꞌdɨ̀vɨɨ, ma trʉ̀ ndráá dénì mɨ drìa vɨɨ ɨnɨ drɨ́á rá àrɨ̀yɨ̀kʉ mɨnɨ ndráánɨ́ ma bʉ asíndrɨ̀zà àꞌílé rá vɨɨ yɨ̀. 33Mɨ ɨco té asíndrɨ̀zà ꞌo àrɨɨ̀ bʉ kɨ̀le manɨ ndráánɨ́ ꞌole mɨ bʉ vɨ́nɨ kʉ yà?’ 34ꞌBa ìmgbélé ca ànɨ ɨ̀rɨ be òmbà yɨ̀, díká ꞌdu ɨ̀rɨ fe ji sʉ màbúsùa drìrima fèjʉ ɨ̀rɨ yɨ́, kpere ɨ̀rɨ nɨ ngarɨa dénì nɨ drìa vɨɨ ɨnɨ òfèrɨa derɨa.
35“ꞌDɨ̀vɨɨ léti Ata ma awo ꞌbùa vɨɨ nɨ ngajʉ àmɨ ꞌdujʉ vɨɨ ɨ àmɨ tè ngaa adrìì nɨ trʉ̀ àmɨ asíá vɨɨ yɨ̀ kʉ.”
Currently Selected:
Matayo 18: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 18
18
ꞌBarʉʉ ìmgbélé tʉ̀ Kárí ꞌBùnɨ vɨɨ alɨa vɨɨ
(Mariko 9:33-37; Luka 9:46-48)
1Sawà ꞌdànaa yɨ̀ ꞌba Yesu nɨ ɨmbale vɨɨ cá ɨ̀rɨ bʉ díká zí ɨ̀rɨ kɨ́nɨ̀, “ꞌBarʉʉ ìmgbélé drʉ tʉ̀ Kárí ꞌBùnɨ vɨɨ alɨa vɨɨ ɨ̀rɨ àrɨ ɨ yà?”
2Yesu omve mva wereá nàa vɨ́ɨvɨɨ nɨ bʉ, díká fè ɨ̀rɨ yɨ́ ka so ànɨ ɨ̀sɨlɨa. 3Àcete ꞌyo ɨnɨ yɨ́ kɨ́nɨ̀, “Ma ꞌyo àmɨ yɨ́ tàándí drʉ, àmɨ tè àmɨ ojaa díká opʉʉ kɨ̀le anzɨ nyɨ́rɨ́ lé kʉ, àmɨ ngaa fɨ Kárí ꞌBùnɨ vɨɨ alɨa kʉ. 4Ànɨyɨ̀, ꞌbarʉʉ àloo nɨ dole kɨ̀le mvaa ꞌdɨ̀vɨ́ɨvɨɨ lé vɨɨ ɨ̀rɨ ìmgbélé drʉ tʉ̀ Kárí ꞌBùnɨ vɨɨ alɨa nɨ̀.”
5“Díká ꞌbarʉʉ àloo mva wereá ꞌdɨ̀vɨ́ɨvɨɨ àꞌílé kɨ̀le vɨ́nɨ ma rú yɨ̀ vɨɨ àꞌí ma ɨ. 6Te ꞌbarʉʉ àloo tè fèe anzɨ nyɨ́rɨ́ ma àꞌɨ̀le vɨɨ ɨnɨ yɨ́ ɨ̀zatà ꞌoo, cɨ̀kàa ꞌbanɨ ɨrà nzìzà vɨ́ɨvɨɨ ꞌɨ̀jʉ ɨ̀rɨ òmbéléá díká ɨ̀rɨ ꞌbejʉ mèrè alíbe vɨɨ alɨa ɨ̀rɨ nɨ ambújʉ́ rá vɨɨ ɨ.”
7“Càndɨ wúdrìkúrù drìa àrɨ̀yɨ̀kʉ àfa fèle ꞌbandépi yɨ́ ɨ̀zatà ꞌole vɨɨ ɨnɨ eꞌyo yɨ̀! Eꞌyo ꞌdɨ̀vɨɨ ɨnɨ ngaa ànɨ ꞌoo ra, te càndɨ ꞌba ngale fèle ɨnɨ ꞌó ànɨ léti ànɨ bʉ yɨ̀ vɨɨ ɨnɨ drìa! 8Mɨ gí nòsɨ̀kʉ mɨ ka te fè mɨ yɨ́ ɨ̀zatà ꞌoo, mɨ li ɨ̀rɨ ꞌbe ra. Ɨ̀rɨ cɨ̀kà mɨnɨ fɨjʉ ɨdrɨ nánináni vɨɨ alɨa gí ko drʉ nòsɨ̀kʉ ka ko drʉ ɨ̀gàtɨ mɨ gí ɨnɨ nɨ ovʉjʉ mɨ ka ꞌbe ìrìtro cɨ te ꞌbanɨ mɨ ꞌbejʉ ɨnɨ be àcɨ nánináni vɨɨ alɨa vɨɨ ra. 9Díká mɨ mule tè fèe mɨ yɨ́ ɨ̀zatà ꞌoo nɨ, mɨ nze ɨ̀rɨ ꞌbe ra. Ɨ̀rɨ cɨ̀kà mɨnɨ fɨjʉ ɨdrɨ alɨa muleko drʉ ɨ̀gàtɨ mɨ mule nɨ ovʉjʉ ìrìtro cɨ, te mɨ ꞌbejʉ ɨbe àcɨ drìjàzà nɨ vɨɨ alɨa vɨɨ ra.”
Eꞌyo oꞌbezà kàbèlè àvɨ̀zà drìa vɨɨ
10Yesu mu drìle ꞌyojʉ kɨ́nɨ̀, “Lè àmɨ ndré kílílí drʉ, àmɨ má anzɨ nyɨ́rɨ́ ꞌdɨ̀vɨɨ ɨnɨ àloo kʉ. Àrɨ̀yɨ̀kʉ malaika ꞌyowa vɨɨ ɨ́ ovʉ Ata ꞌbùnɨ vɨɨ àgaa sawà drɨ́á yɨ̀. 11ꞌBa Mvápi ca mu ꞌba àvɨ̀le ra vɨɨ ɨnɨ òpa ɨ.#18:11 Vasi ꞌdɨ̀vɨɨ búkù alóo ɨnɨ alɨa yʉ.
12“Àmɨ ɨgataa ɨ ovʉ ngóni yà? Agú àloo kàbèlè be tʉrʉàlʉ vɨɨ tè alɨa àlʉa àvɨ̀ɨ ra, ngaa kàbèlè àsìle kàlíóròmɨ̀ drìa óròmɨ̀ vɨɨ ɨnɨ kʉ ꞌbee drìa mujʉ àvɨ̀le àlʉ vɨɨ ndrùjʉ kʉ yà? 13Díká tè ɨ̀rɨ isúu ꞌba, ma lè ꞌyo àmɨ yɨ́ tàándí drʉ, ɨ ovʉ àyɨ̀kò yɨ̀ tʉ̀ kàbèlè àlʉ naa eꞌyoa yɨ̀ ɨ̀gàtɨ kàbèlè kàlíóròmɨ̀ drìa óròmɨ̀ àvɨ̀le kʉ vɨɨ ɨnɨ ra. 14Kòꞌbò ꞌdɨ̀vɨɨ lé Ata ꞌbùnɨ vɨɨ ɨcoo àti anzɨ nyɨ́rɨ́ ꞌdɨ̀vɨɨ ɨnɨ àloo ɨ̀rɨ àvɨ ra vɨ́ɨvɨɨ kʉ.
Àrɨɨ̀ ɨ̀zatà ꞌole mɨ bʉ vɨɨ
15“Àrɨɨ̀ tè ɨ̀zatà ꞌoo mɨ bʉ, lè mɨ mu ɨ̀rɨ bʉ díká mɨ ɨ̀ꞌda ɨ̀rɨ yɨ́ eꞌyo ònzɨ ɨ̀rɨ nɨ ꞌole vɨɨ ra, dèè àmɨ ɨ̀rɨ be ꞌba ìrì. Tè nɨ ɨ̀zatà àtìi ra, dèè naa mɨ ɨ̀cɨ àmɨ adrìì be ròò ꞌdà ɨ. 16Te tè mɨ ti gàa sɨ̀, mɨ ꞌdu mɨ rúá ꞌba àlʉ nòsɨ̀kʉ ìrì vɨ̀pɨ gbàrà, ‘Azílé eꞌyo drɨ́á àmɨ ɨ̀sɨlɨa vɨɨ nɨ ngaa ovʉʉ nìzà drʉ sàdénì ìrì nòsɨ̀kʉ na bʉ yɨ̀ benì kɨ̀le eꞌyo sɨ̀zà nɨ ꞌyole vɨ́nɨ.’#Azita Amviza 19:15 17Tè ɨnɨ ti gàa sɨ̀, mɨ òlʉ̀ eꞌyo ndee ꞌba àꞌɨ̀taa be vɨɨ ɨnɨ yɨ́. Díká tè pàbaa ꞌba àꞌɨ̀taa be vɨɨ ɨnɨ ti gàa sɨ̀, àmɨ ꞌdú ɨ̀rɨ kɨ̀le júrúú lé nòsɨ̀kʉ ꞌbarʉʉ mʉ̀sorò ti trale vɨɨ lé.
18“Ma lè ꞌyo àmɨ yɨ́ tàándí drʉ, eꞌyo àmɨ ombele nyawú drìa vɨ̀a cɨ vɨɨ nɨ ngaa àmɨ ombe kpere ꞌbùa, díká eꞌyo àmɨ nɨ àyʉle nyawú drìa vɨ̀a ra vɨɨ nɨ ngaa ovʉ àyʉzà drʉ kpere ꞌbùa.
19“Díká ma lè ꞌyo àmɨ yɨ́, àmɨ ɨsɨlɨa ꞌba ìrì té nyawú drìa eꞌyo zi túàlʉ Orɨ tia, Ata ma awo ꞌbùa vɨɨ nɨ ngaa eꞌyo ndee ɨnɨ ꞌoo ɨnɨ yɨ́ rá. 20Àrɨ̀yɨ̀kʉ ꞌba ìrì nòsɨ̀kʉ ꞌba na té ànɨ òkʉʉ ma rú yɨ̀, Ma ɨnɨ be nàa cɨ.”
Eꞌyo oꞌbezà àzíꞌbá asíánzú kó vɨɨ drìa vɨɨ
21Acete Petero mu Yesu bʉ díká zi ɨ̀rɨ kɨ́nɨ̀, “Opɨ lá lè màá trʉ̀ adrìmà nɨ paaleko sí, tè rɨɨ ɨ̀zatà ꞌoo ma bʉ àsúú nɨ yà? Kpere paaleko aziìrì yà?”
22Yesu òmvɨ kɨ́nɨ̀, “Ma lè ꞌyo mɨ́ yɨ́, ovʉʉ paaleko aziìrì kʉ, te kalíáziìrì paaleko aziìrì.#18:22 nòsɨ̀kʉ kàlíàziìrì paaleko aziìrì.
23“Ànɨyɨ̀, Kárí ꞌBùnɨ vɨɨ ꞌonɨ kòꞌbò kɨ̀le opɨ àloo lèe ndráánɨ́ àzíꞌbá nɨ awo vɨɨ ꞌyowa ɨ̀ró ale andríi vɨɨ lé. 24Ɨ̀rɨ nɨ ɨꞌdorɨa andríríá, àzíꞌbá àloo opɨ awo dénì nɨ ovʉle ɨ̀rɨ drìa tàlantò#18:24 ꞌDìvɨɨ ògògò dolà milìònì tree. alɨ̀fù mudrí vɨ́ɨvɨɨ ꞌba jí ɨ̀rɨ bʉ. 25Àce ɨ̀rɨ nɨ òpòrile séndè ndee òfèle kpé vɨɨ yɨ̀, ꞌba ìmgbélé fè òkpo ɨ̀rɨ ozíjʉ́, izípi ɨbe, anzípí ɨbe díká àfa drɨ́á ɨ̀rɨ awo vɨɨ ɨbe dénì ndee òfèjʉ.
26“Àzíꞌbá ndee sì ùlùúti ɨ̀rɨ drìlia kɨ́nɨ̀, ‘Kɨ́rɨ́kɨ̀rɨ̀ mɨ ovʉ asíndrɨ̀zà be ma bʉ, ma ngaa dénì mɨ awo vɨɨ òfèe drɨ́á rá.’ 27Butia ꞌba ìmgbélé àzíꞌbá vɨɨ awo vɨɨ ca ɨ̀rɨ bʉ kɨ̀sà yɨ̀, trʉ̀ ɨ̀rɨ drìa dénì vɨɨ ra díká fe ɨ̀rɨ yɨ́ mu ra.
28“Te àzíꞌbá ndee nɨ muria àja àle, tɨ̀ àrípi àloo àzíꞌbá drʉ ɨ̀rɨ awo dénì nɨ ovʉle ɨ̀rɨ drìa dìnarì#18:28 ꞌDɨ̀vɨɨ dolà wereá vɨ́ɨvɨɨ ɨ. were vɨ́ɨvɨɨ drìa ꞌba dèè, zò ɨ̀rɨ drìa ɨꞌdo àruu ɨ̀rɨ nzɨnzɨ kɨ́nɨ̀, ‘Ma le mɨ òfè ma awo dénì mɨ drìa vɨɨ!’
29“Àrípi ndee sì ùlùúti ɨ̀rɨ drìlia kɨ́nɨ̀, ‘Kɨ́rɨ́kɨ̀rɨ̀ mɨ ovʉ asíndrɨ̀zà be ma bʉ, ma ngaa dénì mɨ awo vɨɨ ɨnɨ òfèe drɨ́á rá.’
30“Te gà sɨ̀. Ɨ̀ndɨa ráaka, ꞌdu agú ndee ji sʉ màbúsùa kpere agú ndee nɨ ɨ̀rɨ awo dénì òfèrɨa. 31Àzíꞌbá alóo vɨɨ ɨnɨ nɨ eꞌyo nɨ ꞌole vɨɨ ndrèrɨa ꞌba, ovʉ́ càndɨ yɨ̀ tʉ̀ díká jí eꞌyo ndee òlʉ ꞌba ìmgbélé ꞌyowa vɨɨ yɨ́.
32“Butia ꞌba ìmgbélé omve àzíꞌbá ndee nɨ bʉ kɨ́nɨ̀, ‘Àzíꞌbá asíònzɨ́ ꞌdɨ̀vɨɨ, ma trʉ̀ ndráá dénì mɨ drìa vɨɨ ɨnɨ drɨ́á rá àrɨ̀yɨ̀kʉ mɨnɨ ndráánɨ́ ma bʉ asíndrɨ̀zà àꞌílé rá vɨɨ yɨ̀. 33Mɨ ɨco té asíndrɨ̀zà ꞌo àrɨɨ̀ bʉ kɨ̀le manɨ ndráánɨ́ ꞌole mɨ bʉ vɨ́nɨ kʉ yà?’ 34ꞌBa ìmgbélé ca ànɨ ɨ̀rɨ be òmbà yɨ̀, díká ꞌdu ɨ̀rɨ fe ji sʉ màbúsùa drìrima fèjʉ ɨ̀rɨ yɨ́, kpere ɨ̀rɨ nɨ ngarɨa dénì nɨ drìa vɨɨ ɨnɨ òfèrɨa derɨa.
35“ꞌDɨ̀vɨɨ léti Ata ma awo ꞌbùa vɨɨ nɨ ngajʉ àmɨ ꞌdujʉ vɨɨ ɨ àmɨ tè ngaa adrìì nɨ trʉ̀ àmɨ asíá vɨɨ yɨ̀ kʉ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved