Matayo 12
12
Opɨ Sàbátʉ̀ nɨ vɨɨ
1Oꞌdú ꞌdànaa yɨ̀, Yesu rɨ ací ngánʉ̀ nga ale yɨ̀ Sàbátʉ̀#12:1 Oꞌdú ꞌba Yahudi nɨ ꞌbàle Orɨ nɨ ìnzìjʉ oꞌdú azɨa aleyɨ̀ vɨɨ ɨ, ɨnɨ nɨ ava lɨjʉ díká ɨnɨ nɨ lèjʉ ɨ ngá àzí alɨa yɨ̀ kʉ vɨɨ ɨ. Anɨ oꞌdú ndee ꞌdivɨɨ co ɨ̀sɨle àma ꞌyowa oꞌdú amanɨ rɨjʉ Orɨ nɨ ìnzìjʉ vɨɨ be ra. yɨ̀. Àbírí òki ꞌba ɨ̀rɨ nɨ ɨmbale vɨɨ ɨnɨ ra. Ànɨyɨ̀ ɨꞌdó ngánʉ̀ drì òndɨ ànɨ yɨ́ nyazà drʉ. 2ꞌBa Farasayi nɨ vɨɨ ɨnɨ eꞌyo ꞌdɨ̀vɨɨ ndrèjʉ ꞌba, ꞌyó Yesu yɨ́ kɨ́nɨ̀, “Mɨ ndrè ngà! ꞌBa mɨnɨ ɨmbale vɨɨ ɨnɨ eꞌyo àzítáá àma ꞌyowa vɨɨ nɨ àtìle ɨ ꞌó Sàbátʉ̀ yɨ̀ kʉ vɨ́ɨvɨɨ ꞌoo.”
3Yesu òmvɨ ɨnɨ yɨ́ kɨ́nɨ̀, “Àmɨ awɨɨ ngà kírí eꞌyo ndráánɨ́ opɨ Daudi nɨ ꞌole ꞌba nɨ awo vɨɨ ɨnɨ be sawà àbírí nɨ́ ɨnɨ òkijʉ vɨɨ alɨa vɨɨ la kʉ yà? 4Fɨ jó Orɨ awo vɨɨ alɨa, díká ɨnɨ ꞌba ɨ̀rɨ awo vɨɨ ɨ be, nyá mʉ̀gatɨ̀ ꞌbanɨ drìa àsíndrɨ̀zà ꞌbàle Ori yɨ́ àzítáá nɨ́ àtìle ɨ nyá kʉ, te kíríá ꞌba Orɨ ɨteꞌba vɨɨ ɨnɨ nyá nɨ̀ vɨɨ ra. 5Nòsɨ̀kʉ àmɨ awɨɨ ngà kírí àzítáá Musa awo ꞌyole, ꞌba Orɨ ɨteꞌba Orɨjóá vɨɨ ɨ́ àzítáá Sàbátʉ̀ nɨ vɨɨ àŋo Sàbátʉ̀ drɨ́á yɨ̀ ra, te ovʉʉ ɨ̀zatà drʉ kʉ vɨɨ la kʉ yà? 6Ma lè ꞌyo àmɨ yɨ́, ꞌbarʉʉ#12:6 Nòsɨ̀kʉ àfa àloo; pàbaa 41 ɨnɨ alɨa 42 be. àloo Orɨ jó ndèle ra vɨɨ ɨ̀rɨ vɨ̀a cɨ. 7Eꞌyo sɨ̀zà ꞌyo kɨ́nɨ̀, ‘Ma lè así ndrɨ̀zà nɨ, ovʉʉ ɨtetaa ɨtezà nɨ kʉ.’#Hosia 6:6 Àmɨ tèté eꞌyo ꞌdɨ̀vɨɨ ɨkɨ́a vàa ra, àmɨ ɨcoo té ꞌba ɨ̀zatà ko vɨɨ ɨnɨ eꞌyo li kʉ. 8Àrɨ̀yɨ̀kʉ ꞌBa Mvápi nɨ Opɨ Sàbátʉ̀ nɨ vɨɨ ɨ.”
Agú gí be aꞌbezà vɨɨ
(Mariko 3:1-6; Luka 6:6-11)
9Yesu kʉ butia àngʉ̀ naa ra, mu Sinagogi alɨa. 10Isú vɨɨ dèè agú àloo gí be aꞌbezà vɨ́ɨvɨɨ nàa. ꞌBa Farasayi drʉ vɨɨ ɨnɨ nɨ lèle eꞌyo òndrùle ɨ̀rɨ rúá vɨɨ yɨ̀, zí ɨ̀rɨ kɨ́nɨ̀, “Àzítáá àtì ꞌbanɨ ꞌba àtɨ̀jʉ Sàbátʉ̀ ale yɨ̀ ra yà?”
11Yesu ꞌyo ɨnɨ yɨ́ kɨ́nɨ̀, “Àmɨ ɨ̀sɨle àloo awo kàbèlè tè zòo ꞌbúlé alí be vɨ́ɨvɨɨ alɨa Sàbátʉ̀ yɨ̀, ɨcoo kàbèlè ndee nze ꞌbúlíá vɨɨ yɨ̀ kʉ yà? 12Te ꞌba ada òròdrí ɨ̀gàtɨ kàbèlè ra kʉ yà! Ànɨ àzítáá àtì ꞌbanɨ eꞌyo ònyɨ̀be oꞌjʉ Sàbátʉ̀ yɨ̀ ra.”
13Acete ꞌyo agú gí be aꞌbezà ndee yɨ́ kɨ́nɨ̀, “Mɨ ɨ̀jʉ̀ mɨ gí.” Ànɨ agú ndee ɨ̀jʉ̀ nɨ gí rá, díká gíá ca kílílí kòꞌbò gí àloo vɨɨ lé. 14Te ꞌba Farasayi nɨ vɨɨ mú àja eꞌyo otʉ Yesu nɨ kijʉ ra.
Àzíꞌbá òpèle Orɨ awo vɨɨ ɨnɨ
15Yesu nɨ eꞌyo lèjʉ ɨ̀rɨ kijʉ vɨɨ nìjʉ ꞌba, nze nɨ àngʉ̀ ndee alɨa vɨɨ yɨ̀ mu ra. ꞌBa òꞌbɨ́ányá bɨ́ ɨ̀rɨ buti ɨ̀ndɨ̀, díká àtɨ̀ ꞌba àzo drʉ vɨɨ ɨnɨ drɨ́á rá 16díká lɨ ɨnɨ bílé ngɨ́lɨ́ngɨ́lɨ́ nɨ drìa eꞌyo ɨ̀cejʉ kʉ. 17O eꞌyo ꞌdɨ̀vɨɨ fèjʉ eꞌyo ꞌbarʉʉ eꞌyo ondrílé omvele Isaya drʉ vɨɨ nɨ ꞌyole vɨɨ ɨrɨ ca kòꞌbò benì kɨ́nɨ̀:
18“ꞌDɨ̀vɨɨ àzíꞌbá ma awo manɨ pèle nɨ̀ vɨɨ ɨ,
manɨ lèle tʉ̀ vɨɨ ɨ, díká manɨ ovʉle ɨ̀rɨ yɨ̀ àfʉ́ yɨ̀ vɨɨ ɨ;
Orɨndɨ ma awo vɨɨ nɨ ngaa ovʉʉ ɨ̀rɨ be,
díká ɨ̀rɨ ngaa muu eꞌyo lizà Orɨ awo vɨɨ oyʉʉ kárí yɨ́ nɨ̀.
19Ngaa mu àwa, díká ɨtre ɨtre kʉ;
nòsɨ̀kʉ ngaa mu rɨ oyʉ àálé oru yɨ̀ ngùꞌdù ti yɨ̀ kʉ.
20Ngaa mu ꞌba mʉ̀sorò traꞌba aꞌdozà vɨɨ àŋo kʉ,
nòsɨ̀kʉ ngaa mu tálà àcɨ dìle lélé vɨɨ ɨ̀bɨ kʉ,
kpere eꞌyo lizà ada vɨɨ nɨ ndèrɨa nɨ̀.
21Ɨ̀rɨ rú yɨ̀, kárí drɨ́á nɨ ngaa ovʉʉ así ꞌbàzà be.”#Isaya 42:1-4
Yesu ɨnɨ Belezebuli be
(Mariko 3:20-30; Luka 11:14-23)
22Acete, ꞌba alóo jí Yesu bʉ agú àloo orɨndɨònzɨ nɨ fèle ca muleko drʉ díká ɨ̀tàa kʉ vɨ́ɨvɨɨ, Yesu àtɨ̀ ɨ̀rɨ ra. Ànɨyɨ̀ agú ndee ɨꞌdo ɨ̀ta ra díká àngʉ̀ ndre ra. 23Òꞌbɨ drɨ́á ovʉ́ òsùtaa yɨ̀ eꞌyo Yesu nɨ ꞌole vɨɨ yɨ̀. Ànɨ ɨꞌdó ꞌyo kɨ́nɨ̀, “ꞌDɨ̀vɨɨ ovʉʉ ngɨ́á Daudi yɨla nɨ kʉ yà?”
24Te ꞌba Farasayi drʉ vɨɨ ɨnɨ nɨ eꞌyo Yesu nɨ ꞌole talɨ drʉ ꞌdɨ̀vɨɨ ɨ̀rɨjʉ ꞌba, ꞌyó kɨ́nɨ̀, “Eꞌyo ꞌdɨ̀vɨɨ nɨ nɨ ꞌoo òkpo opɨ orɨndɨònzɨ ꞌyowa omvele Belezebuli#12:24 Bayibulu alóo omvé Belezebuli ɨ. drʉ vɨɨ nɨ fèle ɨ̀rɨ yɨ́ vɨɨ yɨ̀.”
25Te Yesu nì ɨnɨ ɨgataa ra, ànɨ ꞌyo ɨnɨ yɨ́ kɨ́nɨ̀, “ꞌBa kárí àlʉ alɨa vɨɨ té ànɨ ɨ̀sɨle awaa àꞌdí ꞌdijʉ cenɨ̀cenɨ̀, ɨnɨ ngaa kárí ndee drìa jàa ra, díká àkú ìmgbélé nòsɨ̀kʉ àkú tile àlʉ àlʉ té ànɨ ɨ̀sɨle awaa cenɨ̀cenɨ̀, ngáá ka so kʉ. 26Sɨ̀tanɨ̀ tè àrípi sɨ̀tanɨ̀ nɨ droo, ɨ̀ce kɨ́nɨ̀ ɨre nɨ ngʉlʉpɨ cenɨ̀cenɨ̀. Acete kárí ɨ̀rɨ awo vɨɨ ɨco ka so ngóningóni drʉ yà? 27Díká àmɨ tè ꞌyo kɨ́nɨ̀ ma orɨndɨònzɨ ɨdroo òkpo Belezebuli awo vɨɨ yɨ̀, acete àrɨ fè ꞌba àmɨ buti bɨ̀ꞌba vɨɨ ɨnɨ yɨ́ òkpo orɨndɨònzɨ ɨdrojʉ nɨ̀ yà? Eꞌyo ꞌba àmɨ buti bɨ̀ꞌba vɨɨ ɨnɨ nɨ ꞌole vɨɨ ìꞌda ndɨrɨ kɨ́nɨ̀, àmɨ ɨ̀nzò be! 28Yʉ, ovʉʉ Belezebuli ɨ kʉ te Orɨndɨ Orɨ awo vɨɨ fè má yɨ́ òkpo orɨndɨònzɨ ɨdrojʉ nɨ. Ɨ̀ce kɨ́nɨ̀ kárí Orɨ awo vɨɨ ca àmɨ bʉ ꞌba.
29“ꞌBa àloo ɨco fɨ agú òkpo be vɨɨ awo jóá àfa ɨ̀rɨ awo vɨɨ ɨnɨ oꞌdujʉ dèè òtɨɨ agú ndee kʉ ra yà? Yʉ, ráaka ɨ agú ndee òtɨ cɨ ka, ɨ ngaa acete ɨ̀rɨ awo àfa òpa ndò.
30“ꞌBarʉ ovʉle ma be kʉ vɨɨ ɨ̀rɨ ma awo àrɨꞌboo nɨ, díká ́ꞌbarʉʉ àfa ti trale ma be kʉ vɨɨ ɨ àfa ɨre ɨre. 31Ànɨyɨ̀ ma lè ꞌyo àmɨ yɨ́, ꞌba ɨcó ꞌba ada trʉ ɨ̀zatà ɨ̀rɨ nɨ ꞌole vɨɨ yɨ̀ díká eꞌyo onzɨ ɨ̀rɨ nɨ ꞌole vɨɨ ɨnɨ yɨ̀ ra. Te ꞌbarʉʉ Orɨndɨ Àlátárá ꞌda vɨɨ, ꞌba ngáá trʉ kʉ. 32ꞌBarʉʉ eꞌyo ònzɨ nzele ꞌBa Mvápi rúá vɨɨ ꞌba ɨcó ɨ̀rɨ trʉ ra, te ꞌbarʉʉ eꞌyo ònzɨ nzele Orɨndɨ Àlátárá rúá vɨɨ, ngaa trʉ̀taa isú kʉ ìríti.
Patí ɨnɨ patí ɨkɨ́ be
33“Mɨnɨ patí ɨkɨ́ ònyɨ̀ be isújʉ́, lè patí ndee ɨ̀rɨ ovʉ ònyɨ̀ be, mɨ tè ovʉʉ patí òròdríkó àzo be vɨ́ɨvɨɨ be, mɨ ɨcoo patí ɨkɨ́ ònyɨ̀ be isú kʉ, àrɨ̀yɨ̀kʉ ꞌbá patí ni ɨkɨ́ ɨ̀rɨ nɨ kale vɨɨ yɨ̀. 34Àmɨ olúfúrù anzɨ drʉ! Àmɨ ɨco eꞌyo piri ꞌyo ngóningóni drʉ dèè isú àmɨ alɨa orɨndɨònzɨ cɨ? Àrɨ̀yɨ̀kʉ eꞌyo pʉ̀le tia vɨɨ ɨ ɨnga asíá. 35Agú àlá vɨɨ ɨ àfa ònyɨ̀be òpʉ ɨngajʉ lonyɨ ɨ̀rɨ nɨ tàa mbale àlá vɨɨ alɨa, díká agú ònzɨ vɨɨ ɨ àfa ònzɨ vɨɨ ɨ̀pʉ ɨngajʉ lonyɨ ɨ̀rɨ nɨ tàa mbale ònzɨ vɨɨ alɨa. 36Te ma lè ꞌyo àmɨ yɨ́ oꞌdú eꞌyo lijʉ vɨɨ yɨ̀, ꞌba àlʉ àlʉ nɨ muu ka sòo eꞌyo lizà drìlia eꞌyo ònzɨ ɨ̀rɨ nɨ ibúlé ꞌole vɨɨ eꞌyoa yɨ̀ ra. 37Àrɨ̀yɨ̀kʉ eꞌyo mɨnɨ nzele vɨɨ nɨ ngaa fèe mɨ eꞌyo li nɨ̀, fèjʉ mɨnɨ ndèjʉ nòsɨ̀kʉ eꞌyo nɨ mɨ ndèjʉ ndò.”
ꞌBa Isirali nɨ vɨɨ ɨnɨ nɨ talɨ àꞌíjʉ́ vɨɨ
(Mariko 8:11-12; Luka 11:29-32)
38Acete ɨmbaꞌba àzítááa musa awo vɨɨ ɨnɨ nɨ vɨɨ alóo ɨnɨ Farasayi alóo ɨbe ꞌyo Yesu yɨ́ kɨ́nɨ̀, “Ɨmbare, àma lè té talɨ ndrè mɨ bʉ.”
39Yesu òmvɨ ɨnɨ yɨ́ kɨ́nɨ̀, “Àꞌbianzɨ onzɨ vɨɨ ɨnɨ ꞌba àlɨ òꞌbaꞌba vɨɨ ɨbe ɨ́ wúrá talɨ nɨ vɨɨ àꞌí ɨ́! Te ꞌba ngá fe ɨnɨ àlʉa yɨ́ kʉ, pèlʉ́ ɨ̀cetaa agú eꞌyo ondrílé Yona drʉ vɨɨ awo vɨɨ ɨ. 40Àrɨ̀yɨ̀kʉ Yona nɨ ovʉle ìꞌbi alɨa oꞌdú na pɨpɨ ìtú ɨnɨ iní be vɨɨ lé, pàbaa ꞌBa Mvápi nɨ ngaa ovʉ nyawú alɨa oꞌdú pɨpɨ na ìtú ɨnɨ iní be. 41Oꞌdú eꞌyo lizà nɨ vɨɨ yɨ̀, ꞌba Ninevea vɨɨ ɨnɨ mu ka sòo oru àmɨ tòjʉ, àrɨ̀yɨ̀kʉ ꞌba ndee kʉ́ ɨ̀zatà ꞌyowa vɨɨ ɨnɨ dèè ɨrɨ́ Yona rɨ eꞌyo òlʉ. Acete oꞌdɨ́ꞌdò vɨɨ yɨ̀ ꞌba àloo#12:41 Nòsɨ̀kʉ àfa àloo pàbaa ɨ̀sɨle nyɨ́rɨ́á 42 alɨa. Yona nɨ ndèle ra vɨɨ ɨ̀rɨ ꞌdò ɨ. 42O ꞌdú eꞌyo lizà nɨ vɨɨyɨ̀, Kárí izí ɨngale àngʉ̀ Seba drʉ vɨɨ alɨa vɨɨ nɨ ngaa muu ka sòo oru mujʉ àmɨ tòjʉ, àrɨ̀yɨ̀kʉ ɨ̀rɨ nɨ ɨngale vàlà nɨ awo àkú ìmgbélé vɨɨ alɨa mujʉ ɨmbataa ɨrɨjʉ opɨ Sulumani òndùa be vɨɨ tia vɨɨ yɨ̀. Acete oꞌdɨ́ꞌdò vɨɨ yɨ̀ ꞌba àloo opɨ Sulumani nɨ ndèle ra vɨ́ɨvɨɨ ɨ̀rɨ vɨ̀a àle cɨ.”
Orɨndɨ ònzɨ nɨ drì kàjʉ vɨɨ
(Luka 11:24-26)
43“Orɨndɨ ònzɨ#12:43 Giriki yɨ òndi drʉ. tè pʉ̀ʉ ꞌba alɨa vɨɨ yɨ̀ ꞌba, ɨ mu àngʉ̀ ndru ìndíá ava lɨjʉ. Te isúú kʉ. 44Acete ɨ ꞌyo kɨ́nɨ̀, ‘Ma ngaa drì kàa jó manɨ ndráá kʉle vɨɨ alɨa.’ Te tè caa ꞌba, isú jó naa alɨa mgbóló drʉ, wezà drʉ ndɨtɨrɨ díká ꞌba òꞌbá òtí alɨa àfa àlá. 45Acete ɨ pʉ̀ àja mu orɨndɨ onzɨ ɨ̀rɨ ndèle ra vɨ́ɨvɨɨ ɨnɨ ji mu ovʉ ɨnɨ be nàa. Ànɨ ɨ fe agú ndee awo adrɨzà ɨ ca ònzɨ ɨ̀gàtɨ ndráánɨ́ òkò vɨɨ ra. ꞌDɨ̀vɨɨ ɨ̀rɨ eꞌyo muu nɨ oo àꞌbianzɨ onzɨ vɨɨ ɨnɨ be vɨɨ ɨ.”
Yesu Ayopi ɨnɨ Adripi be
46Yesu nɨ rɨrɨa ɨ̀tàrɨa òꞌbɨ be, isú vɨɨ de ayopi ɨnɨ adrípí be òsóká àjale drʉ lèjʉ ìtàjʉ ɨ̀rɨ be. 47Ànɨ ꞌba àloo ꞌyo ɨ̀rɨ yɨ́ kɨ́nɨ̀, “Mɨ nè ngà, ayèè ɨnɨ adríi anzɨ be òsóká àja, lèjʉ ɨ̀tajʉ mɨ be ꞌdà.”
48Yesu òmvɨ ɨ̀rɨ yɨ́ kɨ́nɨ̀, “Ayòmà nɨ àrɨ ɨ, díká adrímà ɨnɨ àrɨ ɨnɨ ɨ yà?” 49Acete ɨ̀ꞌda àngʉ̀ ꞌba ɨ̀rɨ nɨ ɨmbale vɨɨ ɨnɨ bʉ díká kɨ́nɨ̀, “Mɨ ndrè ngà ayòmà ɨnɨ adrímà ɨbe ꞌdò ɨ! 50Àrɨ̀yɨ̀kʉ agú eꞌyo Atama ovʉle ꞌbùa vɨɨ nɨ lèle vɨɨ ꞌole ra vɨɨ dèè naa ɨ̀rɨ adrìmà ɨ, ambùmà ɨ díká ayomà ɨ.”
Currently Selected:
Matayo 12: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
Matayo 12
12
Opɨ Sàbátʉ̀ nɨ vɨɨ
1Oꞌdú ꞌdànaa yɨ̀, Yesu rɨ ací ngánʉ̀ nga ale yɨ̀ Sàbátʉ̀#12:1 Oꞌdú ꞌba Yahudi nɨ ꞌbàle Orɨ nɨ ìnzìjʉ oꞌdú azɨa aleyɨ̀ vɨɨ ɨ, ɨnɨ nɨ ava lɨjʉ díká ɨnɨ nɨ lèjʉ ɨ ngá àzí alɨa yɨ̀ kʉ vɨɨ ɨ. Anɨ oꞌdú ndee ꞌdivɨɨ co ɨ̀sɨle àma ꞌyowa oꞌdú amanɨ rɨjʉ Orɨ nɨ ìnzìjʉ vɨɨ be ra. yɨ̀. Àbírí òki ꞌba ɨ̀rɨ nɨ ɨmbale vɨɨ ɨnɨ ra. Ànɨyɨ̀ ɨꞌdó ngánʉ̀ drì òndɨ ànɨ yɨ́ nyazà drʉ. 2ꞌBa Farasayi nɨ vɨɨ ɨnɨ eꞌyo ꞌdɨ̀vɨɨ ndrèjʉ ꞌba, ꞌyó Yesu yɨ́ kɨ́nɨ̀, “Mɨ ndrè ngà! ꞌBa mɨnɨ ɨmbale vɨɨ ɨnɨ eꞌyo àzítáá àma ꞌyowa vɨɨ nɨ àtìle ɨ ꞌó Sàbátʉ̀ yɨ̀ kʉ vɨ́ɨvɨɨ ꞌoo.”
3Yesu òmvɨ ɨnɨ yɨ́ kɨ́nɨ̀, “Àmɨ awɨɨ ngà kírí eꞌyo ndráánɨ́ opɨ Daudi nɨ ꞌole ꞌba nɨ awo vɨɨ ɨnɨ be sawà àbírí nɨ́ ɨnɨ òkijʉ vɨɨ alɨa vɨɨ la kʉ yà? 4Fɨ jó Orɨ awo vɨɨ alɨa, díká ɨnɨ ꞌba ɨ̀rɨ awo vɨɨ ɨ be, nyá mʉ̀gatɨ̀ ꞌbanɨ drìa àsíndrɨ̀zà ꞌbàle Ori yɨ́ àzítáá nɨ́ àtìle ɨ nyá kʉ, te kíríá ꞌba Orɨ ɨteꞌba vɨɨ ɨnɨ nyá nɨ̀ vɨɨ ra. 5Nòsɨ̀kʉ àmɨ awɨɨ ngà kírí àzítáá Musa awo ꞌyole, ꞌba Orɨ ɨteꞌba Orɨjóá vɨɨ ɨ́ àzítáá Sàbátʉ̀ nɨ vɨɨ àŋo Sàbátʉ̀ drɨ́á yɨ̀ ra, te ovʉʉ ɨ̀zatà drʉ kʉ vɨɨ la kʉ yà? 6Ma lè ꞌyo àmɨ yɨ́, ꞌbarʉʉ#12:6 Nòsɨ̀kʉ àfa àloo; pàbaa 41 ɨnɨ alɨa 42 be. àloo Orɨ jó ndèle ra vɨɨ ɨ̀rɨ vɨ̀a cɨ. 7Eꞌyo sɨ̀zà ꞌyo kɨ́nɨ̀, ‘Ma lè así ndrɨ̀zà nɨ, ovʉʉ ɨtetaa ɨtezà nɨ kʉ.’#Hosia 6:6 Àmɨ tèté eꞌyo ꞌdɨ̀vɨɨ ɨkɨ́a vàa ra, àmɨ ɨcoo té ꞌba ɨ̀zatà ko vɨɨ ɨnɨ eꞌyo li kʉ. 8Àrɨ̀yɨ̀kʉ ꞌBa Mvápi nɨ Opɨ Sàbátʉ̀ nɨ vɨɨ ɨ.”
Agú gí be aꞌbezà vɨɨ
(Mariko 3:1-6; Luka 6:6-11)
9Yesu kʉ butia àngʉ̀ naa ra, mu Sinagogi alɨa. 10Isú vɨɨ dèè agú àloo gí be aꞌbezà vɨ́ɨvɨɨ nàa. ꞌBa Farasayi drʉ vɨɨ ɨnɨ nɨ lèle eꞌyo òndrùle ɨ̀rɨ rúá vɨɨ yɨ̀, zí ɨ̀rɨ kɨ́nɨ̀, “Àzítáá àtì ꞌbanɨ ꞌba àtɨ̀jʉ Sàbátʉ̀ ale yɨ̀ ra yà?”
11Yesu ꞌyo ɨnɨ yɨ́ kɨ́nɨ̀, “Àmɨ ɨ̀sɨle àloo awo kàbèlè tè zòo ꞌbúlé alí be vɨ́ɨvɨɨ alɨa Sàbátʉ̀ yɨ̀, ɨcoo kàbèlè ndee nze ꞌbúlíá vɨɨ yɨ̀ kʉ yà? 12Te ꞌba ada òròdrí ɨ̀gàtɨ kàbèlè ra kʉ yà! Ànɨ àzítáá àtì ꞌbanɨ eꞌyo ònyɨ̀be oꞌjʉ Sàbátʉ̀ yɨ̀ ra.”
13Acete ꞌyo agú gí be aꞌbezà ndee yɨ́ kɨ́nɨ̀, “Mɨ ɨ̀jʉ̀ mɨ gí.” Ànɨ agú ndee ɨ̀jʉ̀ nɨ gí rá, díká gíá ca kílílí kòꞌbò gí àloo vɨɨ lé. 14Te ꞌba Farasayi nɨ vɨɨ mú àja eꞌyo otʉ Yesu nɨ kijʉ ra.
Àzíꞌbá òpèle Orɨ awo vɨɨ ɨnɨ
15Yesu nɨ eꞌyo lèjʉ ɨ̀rɨ kijʉ vɨɨ nìjʉ ꞌba, nze nɨ àngʉ̀ ndee alɨa vɨɨ yɨ̀ mu ra. ꞌBa òꞌbɨ́ányá bɨ́ ɨ̀rɨ buti ɨ̀ndɨ̀, díká àtɨ̀ ꞌba àzo drʉ vɨɨ ɨnɨ drɨ́á rá 16díká lɨ ɨnɨ bílé ngɨ́lɨ́ngɨ́lɨ́ nɨ drìa eꞌyo ɨ̀cejʉ kʉ. 17O eꞌyo ꞌdɨ̀vɨɨ fèjʉ eꞌyo ꞌbarʉʉ eꞌyo ondrílé omvele Isaya drʉ vɨɨ nɨ ꞌyole vɨɨ ɨrɨ ca kòꞌbò benì kɨ́nɨ̀:
18“ꞌDɨ̀vɨɨ àzíꞌbá ma awo manɨ pèle nɨ̀ vɨɨ ɨ,
manɨ lèle tʉ̀ vɨɨ ɨ, díká manɨ ovʉle ɨ̀rɨ yɨ̀ àfʉ́ yɨ̀ vɨɨ ɨ;
Orɨndɨ ma awo vɨɨ nɨ ngaa ovʉʉ ɨ̀rɨ be,
díká ɨ̀rɨ ngaa muu eꞌyo lizà Orɨ awo vɨɨ oyʉʉ kárí yɨ́ nɨ̀.
19Ngaa mu àwa, díká ɨtre ɨtre kʉ;
nòsɨ̀kʉ ngaa mu rɨ oyʉ àálé oru yɨ̀ ngùꞌdù ti yɨ̀ kʉ.
20Ngaa mu ꞌba mʉ̀sorò traꞌba aꞌdozà vɨɨ àŋo kʉ,
nòsɨ̀kʉ ngaa mu tálà àcɨ dìle lélé vɨɨ ɨ̀bɨ kʉ,
kpere eꞌyo lizà ada vɨɨ nɨ ndèrɨa nɨ̀.
21Ɨ̀rɨ rú yɨ̀, kárí drɨ́á nɨ ngaa ovʉʉ así ꞌbàzà be.”#Isaya 42:1-4
Yesu ɨnɨ Belezebuli be
(Mariko 3:20-30; Luka 11:14-23)
22Acete, ꞌba alóo jí Yesu bʉ agú àloo orɨndɨònzɨ nɨ fèle ca muleko drʉ díká ɨ̀tàa kʉ vɨ́ɨvɨɨ, Yesu àtɨ̀ ɨ̀rɨ ra. Ànɨyɨ̀ agú ndee ɨꞌdo ɨ̀ta ra díká àngʉ̀ ndre ra. 23Òꞌbɨ drɨ́á ovʉ́ òsùtaa yɨ̀ eꞌyo Yesu nɨ ꞌole vɨɨ yɨ̀. Ànɨ ɨꞌdó ꞌyo kɨ́nɨ̀, “ꞌDɨ̀vɨɨ ovʉʉ ngɨ́á Daudi yɨla nɨ kʉ yà?”
24Te ꞌba Farasayi drʉ vɨɨ ɨnɨ nɨ eꞌyo Yesu nɨ ꞌole talɨ drʉ ꞌdɨ̀vɨɨ ɨ̀rɨjʉ ꞌba, ꞌyó kɨ́nɨ̀, “Eꞌyo ꞌdɨ̀vɨɨ nɨ nɨ ꞌoo òkpo opɨ orɨndɨònzɨ ꞌyowa omvele Belezebuli#12:24 Bayibulu alóo omvé Belezebuli ɨ. drʉ vɨɨ nɨ fèle ɨ̀rɨ yɨ́ vɨɨ yɨ̀.”
25Te Yesu nì ɨnɨ ɨgataa ra, ànɨ ꞌyo ɨnɨ yɨ́ kɨ́nɨ̀, “ꞌBa kárí àlʉ alɨa vɨɨ té ànɨ ɨ̀sɨle awaa àꞌdí ꞌdijʉ cenɨ̀cenɨ̀, ɨnɨ ngaa kárí ndee drìa jàa ra, díká àkú ìmgbélé nòsɨ̀kʉ àkú tile àlʉ àlʉ té ànɨ ɨ̀sɨle awaa cenɨ̀cenɨ̀, ngáá ka so kʉ. 26Sɨ̀tanɨ̀ tè àrípi sɨ̀tanɨ̀ nɨ droo, ɨ̀ce kɨ́nɨ̀ ɨre nɨ ngʉlʉpɨ cenɨ̀cenɨ̀. Acete kárí ɨ̀rɨ awo vɨɨ ɨco ka so ngóningóni drʉ yà? 27Díká àmɨ tè ꞌyo kɨ́nɨ̀ ma orɨndɨònzɨ ɨdroo òkpo Belezebuli awo vɨɨ yɨ̀, acete àrɨ fè ꞌba àmɨ buti bɨ̀ꞌba vɨɨ ɨnɨ yɨ́ òkpo orɨndɨònzɨ ɨdrojʉ nɨ̀ yà? Eꞌyo ꞌba àmɨ buti bɨ̀ꞌba vɨɨ ɨnɨ nɨ ꞌole vɨɨ ìꞌda ndɨrɨ kɨ́nɨ̀, àmɨ ɨ̀nzò be! 28Yʉ, ovʉʉ Belezebuli ɨ kʉ te Orɨndɨ Orɨ awo vɨɨ fè má yɨ́ òkpo orɨndɨònzɨ ɨdrojʉ nɨ. Ɨ̀ce kɨ́nɨ̀ kárí Orɨ awo vɨɨ ca àmɨ bʉ ꞌba.
29“ꞌBa àloo ɨco fɨ agú òkpo be vɨɨ awo jóá àfa ɨ̀rɨ awo vɨɨ ɨnɨ oꞌdujʉ dèè òtɨɨ agú ndee kʉ ra yà? Yʉ, ráaka ɨ agú ndee òtɨ cɨ ka, ɨ ngaa acete ɨ̀rɨ awo àfa òpa ndò.
30“ꞌBarʉ ovʉle ma be kʉ vɨɨ ɨ̀rɨ ma awo àrɨꞌboo nɨ, díká ́ꞌbarʉʉ àfa ti trale ma be kʉ vɨɨ ɨ àfa ɨre ɨre. 31Ànɨyɨ̀ ma lè ꞌyo àmɨ yɨ́, ꞌba ɨcó ꞌba ada trʉ ɨ̀zatà ɨ̀rɨ nɨ ꞌole vɨɨ yɨ̀ díká eꞌyo onzɨ ɨ̀rɨ nɨ ꞌole vɨɨ ɨnɨ yɨ̀ ra. Te ꞌbarʉʉ Orɨndɨ Àlátárá ꞌda vɨɨ, ꞌba ngáá trʉ kʉ. 32ꞌBarʉʉ eꞌyo ònzɨ nzele ꞌBa Mvápi rúá vɨɨ ꞌba ɨcó ɨ̀rɨ trʉ ra, te ꞌbarʉʉ eꞌyo ònzɨ nzele Orɨndɨ Àlátárá rúá vɨɨ, ngaa trʉ̀taa isú kʉ ìríti.
Patí ɨnɨ patí ɨkɨ́ be
33“Mɨnɨ patí ɨkɨ́ ònyɨ̀ be isújʉ́, lè patí ndee ɨ̀rɨ ovʉ ònyɨ̀ be, mɨ tè ovʉʉ patí òròdríkó àzo be vɨ́ɨvɨɨ be, mɨ ɨcoo patí ɨkɨ́ ònyɨ̀ be isú kʉ, àrɨ̀yɨ̀kʉ ꞌbá patí ni ɨkɨ́ ɨ̀rɨ nɨ kale vɨɨ yɨ̀. 34Àmɨ olúfúrù anzɨ drʉ! Àmɨ ɨco eꞌyo piri ꞌyo ngóningóni drʉ dèè isú àmɨ alɨa orɨndɨònzɨ cɨ? Àrɨ̀yɨ̀kʉ eꞌyo pʉ̀le tia vɨɨ ɨ ɨnga asíá. 35Agú àlá vɨɨ ɨ àfa ònyɨ̀be òpʉ ɨngajʉ lonyɨ ɨ̀rɨ nɨ tàa mbale àlá vɨɨ alɨa, díká agú ònzɨ vɨɨ ɨ àfa ònzɨ vɨɨ ɨ̀pʉ ɨngajʉ lonyɨ ɨ̀rɨ nɨ tàa mbale ònzɨ vɨɨ alɨa. 36Te ma lè ꞌyo àmɨ yɨ́ oꞌdú eꞌyo lijʉ vɨɨ yɨ̀, ꞌba àlʉ àlʉ nɨ muu ka sòo eꞌyo lizà drìlia eꞌyo ònzɨ ɨ̀rɨ nɨ ibúlé ꞌole vɨɨ eꞌyoa yɨ̀ ra. 37Àrɨ̀yɨ̀kʉ eꞌyo mɨnɨ nzele vɨɨ nɨ ngaa fèe mɨ eꞌyo li nɨ̀, fèjʉ mɨnɨ ndèjʉ nòsɨ̀kʉ eꞌyo nɨ mɨ ndèjʉ ndò.”
ꞌBa Isirali nɨ vɨɨ ɨnɨ nɨ talɨ àꞌíjʉ́ vɨɨ
(Mariko 8:11-12; Luka 11:29-32)
38Acete ɨmbaꞌba àzítááa musa awo vɨɨ ɨnɨ nɨ vɨɨ alóo ɨnɨ Farasayi alóo ɨbe ꞌyo Yesu yɨ́ kɨ́nɨ̀, “Ɨmbare, àma lè té talɨ ndrè mɨ bʉ.”
39Yesu òmvɨ ɨnɨ yɨ́ kɨ́nɨ̀, “Àꞌbianzɨ onzɨ vɨɨ ɨnɨ ꞌba àlɨ òꞌbaꞌba vɨɨ ɨbe ɨ́ wúrá talɨ nɨ vɨɨ àꞌí ɨ́! Te ꞌba ngá fe ɨnɨ àlʉa yɨ́ kʉ, pèlʉ́ ɨ̀cetaa agú eꞌyo ondrílé Yona drʉ vɨɨ awo vɨɨ ɨ. 40Àrɨ̀yɨ̀kʉ Yona nɨ ovʉle ìꞌbi alɨa oꞌdú na pɨpɨ ìtú ɨnɨ iní be vɨɨ lé, pàbaa ꞌBa Mvápi nɨ ngaa ovʉ nyawú alɨa oꞌdú pɨpɨ na ìtú ɨnɨ iní be. 41Oꞌdú eꞌyo lizà nɨ vɨɨ yɨ̀, ꞌba Ninevea vɨɨ ɨnɨ mu ka sòo oru àmɨ tòjʉ, àrɨ̀yɨ̀kʉ ꞌba ndee kʉ́ ɨ̀zatà ꞌyowa vɨɨ ɨnɨ dèè ɨrɨ́ Yona rɨ eꞌyo òlʉ. Acete oꞌdɨ́ꞌdò vɨɨ yɨ̀ ꞌba àloo#12:41 Nòsɨ̀kʉ àfa àloo pàbaa ɨ̀sɨle nyɨ́rɨ́á 42 alɨa. Yona nɨ ndèle ra vɨɨ ɨ̀rɨ ꞌdò ɨ. 42O ꞌdú eꞌyo lizà nɨ vɨɨyɨ̀, Kárí izí ɨngale àngʉ̀ Seba drʉ vɨɨ alɨa vɨɨ nɨ ngaa muu ka sòo oru mujʉ àmɨ tòjʉ, àrɨ̀yɨ̀kʉ ɨ̀rɨ nɨ ɨngale vàlà nɨ awo àkú ìmgbélé vɨɨ alɨa mujʉ ɨmbataa ɨrɨjʉ opɨ Sulumani òndùa be vɨɨ tia vɨɨ yɨ̀. Acete oꞌdɨ́ꞌdò vɨɨ yɨ̀ ꞌba àloo opɨ Sulumani nɨ ndèle ra vɨ́ɨvɨɨ ɨ̀rɨ vɨ̀a àle cɨ.”
Orɨndɨ ònzɨ nɨ drì kàjʉ vɨɨ
(Luka 11:24-26)
43“Orɨndɨ ònzɨ#12:43 Giriki yɨ òndi drʉ. tè pʉ̀ʉ ꞌba alɨa vɨɨ yɨ̀ ꞌba, ɨ mu àngʉ̀ ndru ìndíá ava lɨjʉ. Te isúú kʉ. 44Acete ɨ ꞌyo kɨ́nɨ̀, ‘Ma ngaa drì kàa jó manɨ ndráá kʉle vɨɨ alɨa.’ Te tè caa ꞌba, isú jó naa alɨa mgbóló drʉ, wezà drʉ ndɨtɨrɨ díká ꞌba òꞌbá òtí alɨa àfa àlá. 45Acete ɨ pʉ̀ àja mu orɨndɨ onzɨ ɨ̀rɨ ndèle ra vɨ́ɨvɨɨ ɨnɨ ji mu ovʉ ɨnɨ be nàa. Ànɨ ɨ fe agú ndee awo adrɨzà ɨ ca ònzɨ ɨ̀gàtɨ ndráánɨ́ òkò vɨɨ ra. ꞌDɨ̀vɨɨ ɨ̀rɨ eꞌyo muu nɨ oo àꞌbianzɨ onzɨ vɨɨ ɨnɨ be vɨɨ ɨ.”
Yesu Ayopi ɨnɨ Adripi be
46Yesu nɨ rɨrɨa ɨ̀tàrɨa òꞌbɨ be, isú vɨɨ de ayopi ɨnɨ adrípí be òsóká àjale drʉ lèjʉ ìtàjʉ ɨ̀rɨ be. 47Ànɨ ꞌba àloo ꞌyo ɨ̀rɨ yɨ́ kɨ́nɨ̀, “Mɨ nè ngà, ayèè ɨnɨ adríi anzɨ be òsóká àja, lèjʉ ɨ̀tajʉ mɨ be ꞌdà.”
48Yesu òmvɨ ɨ̀rɨ yɨ́ kɨ́nɨ̀, “Ayòmà nɨ àrɨ ɨ, díká adrímà ɨnɨ àrɨ ɨnɨ ɨ yà?” 49Acete ɨ̀ꞌda àngʉ̀ ꞌba ɨ̀rɨ nɨ ɨmbale vɨɨ ɨnɨ bʉ díká kɨ́nɨ̀, “Mɨ ndrè ngà ayòmà ɨnɨ adrímà ɨbe ꞌdò ɨ! 50Àrɨ̀yɨ̀kʉ agú eꞌyo Atama ovʉle ꞌbùa vɨɨ nɨ lèle vɨɨ ꞌole ra vɨɨ dèè naa ɨ̀rɨ adrìmà ɨ, ambùmà ɨ díká ayomà ɨ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved