2 Tesalonika 2
2
Agú asíònzɨ be vɨɨ
1Acete Adrímà Kristiani drʉ vɨɨ ɨnɨ lá, lè àma nze àmɨ yɨ́ eꞌyo cataa Opɨ àma ꞌyowa Yesu Kristo nɨ lèjʉ cajʉ díká vɨɨ drìa díká àma ngaa àma traa drìfujʉ ɨ̀rɨ be túàlʉ ngóningóni yà vɨɨ be. 2Kɨ́rɨ́kɨ̀rɨ̀ lè àmɨ rúá ɨ̀rɨ yà sʉ̀à drʉ kʉ nòsɨ̀kʉ òrì ɨ̀rɨ ꞌo àmɨ eꞌyo ondrízà alóo ɨnɨ yɨ̀, oꞌdúko nòsɨ̀kʉ waragà ꞌba ɨgale kɨ́nɨ̀ nga àma bʉ ꞌyole kɨ́nɨ̀, oꞌdú Opɨ awo vɨɨ ca ace ꞌba vɨɨ yɨ̀ kʉ. 3Lè àmɨ fé ꞌba àloo ɨ̀rɨ ole àmɨ léti àloo yɨ̀ kʉ, àrɨ̀yɨ̀kʉ oꞌdú ndee nɨ ngaa caa vɨɨ dèè àꞌdí ꞌdizà Orɨ be àsìjʉ vɨɨ ɨꞌdo ace ꞌba, díká vɨɨ dèè ꞌbarʉʉ ɨ̀zatà be vɨɨ ɨ̀ce nɨ ꞌba ka, vɨɨ ꞌbarʉʉ ngale drìjàzà iwúlé iwúlé vɨɨ jile vɨɨ ɨ. 4Agú ɨ̀zatà be vɨɨ nɨ muu àgatà ꞌbàa Orɨ be díká ɨ̀rɨ ngaa nɨ ngʉlʉpɨ ꞌbàa oru tʉ̀ orɨa drɨ́á drìlia nòsɨ̀kʉ àfa drɨ́á ìnzìle ìnzì vɨɨ ɨnɨ drìlia. Ɨ̀rɨ káꞌdí muu fɨɨ rɨɨ Orɨ jó ìmgbélé vɨɨ alɨa díká ɨ̀rɨ nɨ ꞌbàa kɨ́nɨ̀ nɨ Orɨ ɨ.
5Àmɨ ɨcoo ɨga ndùlʉ́ ma ibú rɨ àmɨ yɨ́ eꞌyo ꞌdɨ̀vɨɨ ɨnɨ ꞌyo sawà ndráánɨ́ manɨ ovʉjʉ àmɨ be vɨɨ yɨ̀ ra vɨɨ kʉ yà? 6Te vɨɨ dèè àmɨ nì àrɨ eꞌyo ru ɨ̀rɨ ovʉjʉ àva nɨ yà vɨɨ ra, ànɨ azílé ɨ̀rɨ nɨ mujʉ nɨ ɨ̀cejʉ sawà kílílí vɨɨ alɨa benì. 7Àrɨ̀yɨ̀kʉ òkpo fèle Orɨ nɨ ngùjʉ vɨɨ ɨꞌdo ace àzí nga títí drʉ ꞌba, te ꞌbarʉʉ ɨ̀rɨ rule àva vɨɨ nɨ ngaa ɨ̀rɨ ruu cɨ asúú kpere ꞌbanɨ ngarɨa ɨ̀rɨ ꞌdurɨa létia vɨɨ yɨ̀. 8Acete agú ɨ̀zatà be ndee vɨɨ ꞌba ngaa ɨ̀rɨ ɨ̀cee ra, Opɨ Yesu nɨ ngaa ɨ̀rɨ droo ti yɨ̀ díká ɨ̀rɨ ngaa ɨ̀rɨ drìjàa dìzà ɨ̀rɨ nɨ cale ɨbe vɨɨ yɨ̀. 9Agú ndee vɨɨ nɨ ngaa caa àzí ngaa kòꞌbò Sìtánì lèle vɨ́nɨ díká ɨ̀rɨ ngaa ànɨ talɨ ɨ̀nzò drʉ vɨɨ ɨnɨ ꞌoo, ɨ̀cetaa ɨ̀nzò drʉ vɨɨ ɨbe díká eꞌyo òsùtaa drʉ vɨɨ ɨbe, 10díká ɨ̀rɨ ngaa léti drɨ́á asíònzɨ nɨ vɨɨ ɨnɨ àyʉʉ ꞌba ngale mule àcɨ iwúlé iwúlé vɨɨ alɨa vɨɨ ɨnɨ olejʉ. Ɨnɨ ngaa muu drìjàa ra àrɨ̀yɨ̀kʉ ɨnɨ nɨ gàle eꞌyo ada pataa isújʉ́ vɨɨ àꞌɨ̀le sɨ̀ vɨɨ yɨ̀. 11Eꞌyo ꞌdɨ̀vɨɨ yɨ̀, Orɨ nɨ ngaa àbazà àloo òkpo vɨ́ɨvɨɨ tia pèe ɨnɨ yɨ́, azílé ɨnɨ àꞌɨ́ ɨ̀nzò ndee benì 12ànɨ ꞌba ngaa ꞌba eꞌyo ada vɨɨ àꞌɨ̀le kʉ vɨɨ ɨnɨ yɨ́ panga fè ɨnɨ nɨ eꞌyo ada àꞌɨ̀le kʉ te ɨnɨ nɨ àyɨ̀kò ꞌole eꞌyo ònzɨ yɨ̀ vɨɨ yɨ̀.
Àmɨ sò ká kirikiri
13Lè àma fé àwàꞌdɨ̀fóò Orɨ yɨ́ àmɨ eꞌyo yɨ̀ oꞌdú drɨ́á yɨ̀, adrímà Kristiani drʉ Opɨ nɨ lèle ra vɨɨ ɨnɨ lá, àrɨ̀yɨ̀kʉ ɨꞌdorɨa Orɨ pè àmɨ ꞌba drɨ́á ɨ̀sɨlɨa pataa isújʉ́ òkò òkpo Orɨndɨ Àlátará awo vɨɨ yɨ̀ àmɨ ꞌbàjʉ ꞌba nɨ awo àlátárá vɨɨ ɨnɨ drʉ, díká àmɨ nɨ eꞌyo ada àꞌɨ̀jʉ ra vɨɨ yɨ̀. 14Omve àmɨ eꞌyo ꞌdɨ̀vɨɨ alɨa léti àma nɨ eꞌyo ba òlʉ̀jʉ àmɨ yɨ́ vɨɨ yɨ̀, azílé àmɨ isú dìzà Opɨ àma ꞌyowa Yesu Kristo ɨbe túàlʉ benì. 15Ànɨ acete, adrímà kristiani lá àmɨ sóká kirikiri díká àmɨ òbɨ́ ɨmbataa ada àma nɨ ɨmbale àmɨ yɨ́ vɨɨ ɨnɨ buti kílílí drʉ, káꞌdí tè ovʉʉ ꞌyole ti yɨ̀ nòsɨ̀kʉ sɨ̀le waragà alɨa vɨɨ ɨ ra kpé.
16Ànɨyɨ̀ Opɨ àma ꞌyowa Yesu Kristo ngʉlʉpɨ àloo Orɨ Ata àma ꞌyowa àma lèle tʉ̀ díká àzà ɨ̀rɨ awo vɨɨ yɨ̀ àma yɨ́ ɨ̀kataa iwúlé iwúlé fèe así òmɨ̀zà be vɨɨ, 17ɨ̀rɨ ɨ̀ka àmɨ así díká ɨ̀rɨ fè àmɨ yɨ́ òkpo eꞌyo drɨ́á àlá vɨɨ ɨnɨ ꞌojʉ díká ꞌyojʉ ɨ.
Currently Selected:
2 Tesalonika 2: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
2 Tesalonika 2
2
Agú asíònzɨ be vɨɨ
1Acete Adrímà Kristiani drʉ vɨɨ ɨnɨ lá, lè àma nze àmɨ yɨ́ eꞌyo cataa Opɨ àma ꞌyowa Yesu Kristo nɨ lèjʉ cajʉ díká vɨɨ drìa díká àma ngaa àma traa drìfujʉ ɨ̀rɨ be túàlʉ ngóningóni yà vɨɨ be. 2Kɨ́rɨ́kɨ̀rɨ̀ lè àmɨ rúá ɨ̀rɨ yà sʉ̀à drʉ kʉ nòsɨ̀kʉ òrì ɨ̀rɨ ꞌo àmɨ eꞌyo ondrízà alóo ɨnɨ yɨ̀, oꞌdúko nòsɨ̀kʉ waragà ꞌba ɨgale kɨ́nɨ̀ nga àma bʉ ꞌyole kɨ́nɨ̀, oꞌdú Opɨ awo vɨɨ ca ace ꞌba vɨɨ yɨ̀ kʉ. 3Lè àmɨ fé ꞌba àloo ɨ̀rɨ ole àmɨ léti àloo yɨ̀ kʉ, àrɨ̀yɨ̀kʉ oꞌdú ndee nɨ ngaa caa vɨɨ dèè àꞌdí ꞌdizà Orɨ be àsìjʉ vɨɨ ɨꞌdo ace ꞌba, díká vɨɨ dèè ꞌbarʉʉ ɨ̀zatà be vɨɨ ɨ̀ce nɨ ꞌba ka, vɨɨ ꞌbarʉʉ ngale drìjàzà iwúlé iwúlé vɨɨ jile vɨɨ ɨ. 4Agú ɨ̀zatà be vɨɨ nɨ muu àgatà ꞌbàa Orɨ be díká ɨ̀rɨ ngaa nɨ ngʉlʉpɨ ꞌbàa oru tʉ̀ orɨa drɨ́á drìlia nòsɨ̀kʉ àfa drɨ́á ìnzìle ìnzì vɨɨ ɨnɨ drìlia. Ɨ̀rɨ káꞌdí muu fɨɨ rɨɨ Orɨ jó ìmgbélé vɨɨ alɨa díká ɨ̀rɨ nɨ ꞌbàa kɨ́nɨ̀ nɨ Orɨ ɨ.
5Àmɨ ɨcoo ɨga ndùlʉ́ ma ibú rɨ àmɨ yɨ́ eꞌyo ꞌdɨ̀vɨɨ ɨnɨ ꞌyo sawà ndráánɨ́ manɨ ovʉjʉ àmɨ be vɨɨ yɨ̀ ra vɨɨ kʉ yà? 6Te vɨɨ dèè àmɨ nì àrɨ eꞌyo ru ɨ̀rɨ ovʉjʉ àva nɨ yà vɨɨ ra, ànɨ azílé ɨ̀rɨ nɨ mujʉ nɨ ɨ̀cejʉ sawà kílílí vɨɨ alɨa benì. 7Àrɨ̀yɨ̀kʉ òkpo fèle Orɨ nɨ ngùjʉ vɨɨ ɨꞌdo ace àzí nga títí drʉ ꞌba, te ꞌbarʉʉ ɨ̀rɨ rule àva vɨɨ nɨ ngaa ɨ̀rɨ ruu cɨ asúú kpere ꞌbanɨ ngarɨa ɨ̀rɨ ꞌdurɨa létia vɨɨ yɨ̀. 8Acete agú ɨ̀zatà be ndee vɨɨ ꞌba ngaa ɨ̀rɨ ɨ̀cee ra, Opɨ Yesu nɨ ngaa ɨ̀rɨ droo ti yɨ̀ díká ɨ̀rɨ ngaa ɨ̀rɨ drìjàa dìzà ɨ̀rɨ nɨ cale ɨbe vɨɨ yɨ̀. 9Agú ndee vɨɨ nɨ ngaa caa àzí ngaa kòꞌbò Sìtánì lèle vɨ́nɨ díká ɨ̀rɨ ngaa ànɨ talɨ ɨ̀nzò drʉ vɨɨ ɨnɨ ꞌoo, ɨ̀cetaa ɨ̀nzò drʉ vɨɨ ɨbe díká eꞌyo òsùtaa drʉ vɨɨ ɨbe, 10díká ɨ̀rɨ ngaa léti drɨ́á asíònzɨ nɨ vɨɨ ɨnɨ àyʉʉ ꞌba ngale mule àcɨ iwúlé iwúlé vɨɨ alɨa vɨɨ ɨnɨ olejʉ. Ɨnɨ ngaa muu drìjàa ra àrɨ̀yɨ̀kʉ ɨnɨ nɨ gàle eꞌyo ada pataa isújʉ́ vɨɨ àꞌɨ̀le sɨ̀ vɨɨ yɨ̀. 11Eꞌyo ꞌdɨ̀vɨɨ yɨ̀, Orɨ nɨ ngaa àbazà àloo òkpo vɨ́ɨvɨɨ tia pèe ɨnɨ yɨ́, azílé ɨnɨ àꞌɨ́ ɨ̀nzò ndee benì 12ànɨ ꞌba ngaa ꞌba eꞌyo ada vɨɨ àꞌɨ̀le kʉ vɨɨ ɨnɨ yɨ́ panga fè ɨnɨ nɨ eꞌyo ada àꞌɨ̀le kʉ te ɨnɨ nɨ àyɨ̀kò ꞌole eꞌyo ònzɨ yɨ̀ vɨɨ yɨ̀.
Àmɨ sò ká kirikiri
13Lè àma fé àwàꞌdɨ̀fóò Orɨ yɨ́ àmɨ eꞌyo yɨ̀ oꞌdú drɨ́á yɨ̀, adrímà Kristiani drʉ Opɨ nɨ lèle ra vɨɨ ɨnɨ lá, àrɨ̀yɨ̀kʉ ɨꞌdorɨa Orɨ pè àmɨ ꞌba drɨ́á ɨ̀sɨlɨa pataa isújʉ́ òkò òkpo Orɨndɨ Àlátará awo vɨɨ yɨ̀ àmɨ ꞌbàjʉ ꞌba nɨ awo àlátárá vɨɨ ɨnɨ drʉ, díká àmɨ nɨ eꞌyo ada àꞌɨ̀jʉ ra vɨɨ yɨ̀. 14Omve àmɨ eꞌyo ꞌdɨ̀vɨɨ alɨa léti àma nɨ eꞌyo ba òlʉ̀jʉ àmɨ yɨ́ vɨɨ yɨ̀, azílé àmɨ isú dìzà Opɨ àma ꞌyowa Yesu Kristo ɨbe túàlʉ benì. 15Ànɨ acete, adrímà kristiani lá àmɨ sóká kirikiri díká àmɨ òbɨ́ ɨmbataa ada àma nɨ ɨmbale àmɨ yɨ́ vɨɨ ɨnɨ buti kílílí drʉ, káꞌdí tè ovʉʉ ꞌyole ti yɨ̀ nòsɨ̀kʉ sɨ̀le waragà alɨa vɨɨ ɨ ra kpé.
16Ànɨyɨ̀ Opɨ àma ꞌyowa Yesu Kristo ngʉlʉpɨ àloo Orɨ Ata àma ꞌyowa àma lèle tʉ̀ díká àzà ɨ̀rɨ awo vɨɨ yɨ̀ àma yɨ́ ɨ̀kataa iwúlé iwúlé fèe así òmɨ̀zà be vɨɨ, 17ɨ̀rɨ ɨ̀ka àmɨ así díká ɨ̀rɨ fè àmɨ yɨ́ òkpo eꞌyo drɨ́á àlá vɨɨ ɨnɨ ꞌojʉ díká ꞌyojʉ ɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved