2 Tesalonika 1
1
1Ma ɨ Paulo ɨ, àloo Sila ɨnɨ Timoteo be,
Àma sɨ̀ waragà ꞌdɨ̀vɨɨ àmɨ yɨ́ ꞌba Kristiani drʉ àkú ìmgbélé Tesalonikaa eꞌyo Orɨ Ata àma ꞌyowa díká Opɨ Yesu kristo awo vɨɨ àꞌɨ̀le ra vɨɨ ɨnɨ yɨ́.
2Orɨ Ata àma ꞌyowa vɨɨ ɨnɨ Opɨ Yesu Kristo be, ɨnɨ fé àmɨ yɨ́ asíánzú ɨnɨ asíndrɨ̀zà be.
Eꞌyo lizà oꞌdú Kristo nɨ cajʉ vɨɨ yɨ̀ vɨɨ
3Adrímà Kristiani drʉ vɨɨ ɨnɨ lá, lè àma fé àwàꞌdɨ̀fóò Orɨ yɨ́ àmɨ eꞌyo yɨ̀ sawà drɨ́á yɨ̀. Sìtà ra àma nɨ ꞌojʉ vɨ́nɨ àrɨ̀yɨ̀kʉ àꞌɨ̀taa àmɨ ꞌyowa vɨɨ nɨ còo cò díká alè àmɨ ɨ̀sɨlɨa vɨɨ nɨ pàbaa còo cò. 4Tèvɨ́nɨ kristiani alóo vɨɨ ɨnɨ ɨ̀sɨlɨa, amá rɨ ovʉ àmɨ yɨ̀ àfʉ́ yɨ̀, àmɨ nɨ ka sòle kirikiri àꞌɨ̀taa àmɨ ꞌyowa vɨɨ alɨa káꞌdí ɨnzamatara ɨnɨ nɨ ovʉjʉ òꞌbìtaa be cɨ kpé.
5Eꞌyo ꞌdɨ̀vɨɨ ɨ̀ꞌda ndɨtɨrɨ drʉ kɨ́nɨ̀, eꞌyo lizà Orɨ awo vɨɨ ɨ̀rɨ eꞌyo àlá nɨ, díká ɨ̀rɨ ngaa fèe àmɨ làa ꞌba tàsìle ovʉjʉ kárí Orɨ awo àmɨ nɨ càndɨ nyale ànɨ yɨ̀ vɨɨ alɨa ra drʉ. 6Orɨ ɨ eꞌyo ada li ɨ, ànɨyɨ̀ ɨ̀rɨ ngaa ɨnzamatara fèe ꞌba àmɨ ɨnzale vɨɨ ɨnɨ yɨ́ rá 7díká ɨ̀rɨ ngaa ꞌba ɨnzamatara isúlé vɨɨ ɨnɨ ònzee ꞌba ɨnɨ ɨnzale vɨɨ ɨnɨ gíá vɨɨ yɨ̀ ra, pàbaa ɨ̀rɨ ngaa ꞌoo àma be kòꞌbò vɨ́nɨ ɨ̀ndɨ̀. Eꞌyo dɨ̀vɨɨ nɨ ngaa nɨ ꞌoo vɨɨ dèè Opɨ Yesu ɨ̀ꞌda nɨ ngajʉ ꞌbùa vɨɨ yɨ̀ dìzà alɨa díká malaika ɨ̀rɨ awo òkpo be tʉ̀ vɨɨ ɨbe. 8Ɨ̀rɨ ngaa ꞌba Orɨ nɨ àꞌɨ̀le kʉ díká eꞌyo ba Opɨ Yesu awo vɨɨ butia òbɨ̀le kʉ vɨɨ ɨnɨ yɨ́ drìrima fèe ra. 9ꞌBa ngaa ɨnɨ yɨ́ panga fèe drìjàzà iwúlé iwúlé vɨ́ɨvɨɨ yɨ̀ díká ꞌba ngaa ɨnɨ ɨ̀sɨle coo Opɨ be àloo dìzà òkpo ɨ̀rɨ awo vɨɨ bʉ vɨɨ yɨ̀ ìríti. 10ꞌDɨ̀vɨɨ nɨ ngaa nɨ ꞌoo oꞌdú ɨ̀rɨ nɨ ngajʉ cajʉ dìzà isújʉ́ ꞌba Àlátárá ɨ̀rɨ awo vɨɨ ɨnɨ eꞌyo yɨ̀ díká ɨ̀rɨ nɨ ngajʉ ìnzìtaa isújʉ́ ꞌba ɨ̀rɨ àꞌɨ̀le ra vɨɨ ɨnɨ bʉ vɨɨ yɨ̀, àmɨ ngaa pàbaa ovʉʉ ɨnɨ ɨ̀sɨlɨa ɨ̀ndɨ̀ àrɨ̀yɨ̀kʉ àmɨ àꞌɨ̀ eꞌyo soti àma nɨ ɨ̀ꞌdale àmɨ yɨ́ ɨ̀rɨ drìa vɨɨ ra.
11Eꞌyo ꞌdɨ̀vɨɨ nɨ ovʉle àma drìa cɨ vɨɨ yɨ̀, àmá Orɨ nɨ zi àmɨ yɨ́ sawà drɨ́á yɨ̀, azílé Orɨ ɨ̀rɨ là àmɨ ꞌba tà sìle ra vɨɨ ɨnɨ drʉ ɨ̀ndɨ̀ ꞌba ɨ̀rɨ nɨ omvele vɨɨ ɨnɨ ɨ̀sɨlɨa benì. Ànɨyɨ̀ òkpo ɨ̀rɨ awo vɨɨ yɨ̀ ɨ̀rɨ fè eꞌyo drɨ́á àmɨ nɨ lèle ꞌole àꞌɨ̀taa yɨ̀ vɨɨ ɨnɨ ꞌó ànɨ ra benì. 12Àma eꞌyo ꞌdɨ̀vɨɨ zii Orɨ tia azílé rú Opɨ àma ꞌyowa Yesu awo vɨɨ nɨ ngaa ovʉ ìnzìzà drʉ léti àmɨ nɨ eꞌyo ꞌojʉ vɨɨ yɨ̀, díká ꞌba ngaa pàbaa àmɨ ìnzìi ɨ̀rɨ be túàlʉ ànɨ. Eꞌyo ꞌdɨ̀vɨɨ nɨ ngaa nɨ ꞌoo vɨ́nɨ àrɨ̀yɨ̀kʉ asíndrɨ̀zà Orɨ àma ꞌyowa vɨɨ awo vɨɨ yɨ̀ àloo Opɨ Yesu Kristo awo vɨɨ yɨ̀.#1:12 Nòsɨ̀kʉ Orɨ díká Opɨ Yesu Kristo.
Currently Selected:
2 Tesalonika 1: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
2 Tesalonika 1
1
1Ma ɨ Paulo ɨ, àloo Sila ɨnɨ Timoteo be,
Àma sɨ̀ waragà ꞌdɨ̀vɨɨ àmɨ yɨ́ ꞌba Kristiani drʉ àkú ìmgbélé Tesalonikaa eꞌyo Orɨ Ata àma ꞌyowa díká Opɨ Yesu kristo awo vɨɨ àꞌɨ̀le ra vɨɨ ɨnɨ yɨ́.
2Orɨ Ata àma ꞌyowa vɨɨ ɨnɨ Opɨ Yesu Kristo be, ɨnɨ fé àmɨ yɨ́ asíánzú ɨnɨ asíndrɨ̀zà be.
Eꞌyo lizà oꞌdú Kristo nɨ cajʉ vɨɨ yɨ̀ vɨɨ
3Adrímà Kristiani drʉ vɨɨ ɨnɨ lá, lè àma fé àwàꞌdɨ̀fóò Orɨ yɨ́ àmɨ eꞌyo yɨ̀ sawà drɨ́á yɨ̀. Sìtà ra àma nɨ ꞌojʉ vɨ́nɨ àrɨ̀yɨ̀kʉ àꞌɨ̀taa àmɨ ꞌyowa vɨɨ nɨ còo cò díká alè àmɨ ɨ̀sɨlɨa vɨɨ nɨ pàbaa còo cò. 4Tèvɨ́nɨ kristiani alóo vɨɨ ɨnɨ ɨ̀sɨlɨa, amá rɨ ovʉ àmɨ yɨ̀ àfʉ́ yɨ̀, àmɨ nɨ ka sòle kirikiri àꞌɨ̀taa àmɨ ꞌyowa vɨɨ alɨa káꞌdí ɨnzamatara ɨnɨ nɨ ovʉjʉ òꞌbìtaa be cɨ kpé.
5Eꞌyo ꞌdɨ̀vɨɨ ɨ̀ꞌda ndɨtɨrɨ drʉ kɨ́nɨ̀, eꞌyo lizà Orɨ awo vɨɨ ɨ̀rɨ eꞌyo àlá nɨ, díká ɨ̀rɨ ngaa fèe àmɨ làa ꞌba tàsìle ovʉjʉ kárí Orɨ awo àmɨ nɨ càndɨ nyale ànɨ yɨ̀ vɨɨ alɨa ra drʉ. 6Orɨ ɨ eꞌyo ada li ɨ, ànɨyɨ̀ ɨ̀rɨ ngaa ɨnzamatara fèe ꞌba àmɨ ɨnzale vɨɨ ɨnɨ yɨ́ rá 7díká ɨ̀rɨ ngaa ꞌba ɨnzamatara isúlé vɨɨ ɨnɨ ònzee ꞌba ɨnɨ ɨnzale vɨɨ ɨnɨ gíá vɨɨ yɨ̀ ra, pàbaa ɨ̀rɨ ngaa ꞌoo àma be kòꞌbò vɨ́nɨ ɨ̀ndɨ̀. Eꞌyo dɨ̀vɨɨ nɨ ngaa nɨ ꞌoo vɨɨ dèè Opɨ Yesu ɨ̀ꞌda nɨ ngajʉ ꞌbùa vɨɨ yɨ̀ dìzà alɨa díká malaika ɨ̀rɨ awo òkpo be tʉ̀ vɨɨ ɨbe. 8Ɨ̀rɨ ngaa ꞌba Orɨ nɨ àꞌɨ̀le kʉ díká eꞌyo ba Opɨ Yesu awo vɨɨ butia òbɨ̀le kʉ vɨɨ ɨnɨ yɨ́ drìrima fèe ra. 9ꞌBa ngaa ɨnɨ yɨ́ panga fèe drìjàzà iwúlé iwúlé vɨ́ɨvɨɨ yɨ̀ díká ꞌba ngaa ɨnɨ ɨ̀sɨle coo Opɨ be àloo dìzà òkpo ɨ̀rɨ awo vɨɨ bʉ vɨɨ yɨ̀ ìríti. 10ꞌDɨ̀vɨɨ nɨ ngaa nɨ ꞌoo oꞌdú ɨ̀rɨ nɨ ngajʉ cajʉ dìzà isújʉ́ ꞌba Àlátárá ɨ̀rɨ awo vɨɨ ɨnɨ eꞌyo yɨ̀ díká ɨ̀rɨ nɨ ngajʉ ìnzìtaa isújʉ́ ꞌba ɨ̀rɨ àꞌɨ̀le ra vɨɨ ɨnɨ bʉ vɨɨ yɨ̀, àmɨ ngaa pàbaa ovʉʉ ɨnɨ ɨ̀sɨlɨa ɨ̀ndɨ̀ àrɨ̀yɨ̀kʉ àmɨ àꞌɨ̀ eꞌyo soti àma nɨ ɨ̀ꞌdale àmɨ yɨ́ ɨ̀rɨ drìa vɨɨ ra.
11Eꞌyo ꞌdɨ̀vɨɨ nɨ ovʉle àma drìa cɨ vɨɨ yɨ̀, àmá Orɨ nɨ zi àmɨ yɨ́ sawà drɨ́á yɨ̀, azílé Orɨ ɨ̀rɨ là àmɨ ꞌba tà sìle ra vɨɨ ɨnɨ drʉ ɨ̀ndɨ̀ ꞌba ɨ̀rɨ nɨ omvele vɨɨ ɨnɨ ɨ̀sɨlɨa benì. Ànɨyɨ̀ òkpo ɨ̀rɨ awo vɨɨ yɨ̀ ɨ̀rɨ fè eꞌyo drɨ́á àmɨ nɨ lèle ꞌole àꞌɨ̀taa yɨ̀ vɨɨ ɨnɨ ꞌó ànɨ ra benì. 12Àma eꞌyo ꞌdɨ̀vɨɨ zii Orɨ tia azílé rú Opɨ àma ꞌyowa Yesu awo vɨɨ nɨ ngaa ovʉ ìnzìzà drʉ léti àmɨ nɨ eꞌyo ꞌojʉ vɨɨ yɨ̀, díká ꞌba ngaa pàbaa àmɨ ìnzìi ɨ̀rɨ be túàlʉ ànɨ. Eꞌyo ꞌdɨ̀vɨɨ nɨ ngaa nɨ ꞌoo vɨ́nɨ àrɨ̀yɨ̀kʉ asíndrɨ̀zà Orɨ àma ꞌyowa vɨɨ awo vɨɨ yɨ̀ àloo Opɨ Yesu Kristo awo vɨɨ yɨ̀.#1:12 Nòsɨ̀kʉ Orɨ díká Opɨ Yesu Kristo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved