1 Timoteo 2
2
Ìnzìtaa fèzà kànísàa vɨɨ
1Ma mɨ àꞌíi òkongoro drʉ kɨ̀nɨ̀, òkò àmɨ zí Orɨ nɨ ꞌba drɨ́á yɨ́. Àmɨ nɨ Orɨ nɨ zirɨa eꞌyo àmɨ nɨ lèle vɨɨ ɨnɨ eꞌyo yɨ̀, àmɨ zí ɨ̀rɨ bʉ asíánzú fèjʉ ꞌba yɨ́ drɨ́á díká àmɨ nɨ àwàꞌdɨ̀fóò fèjʉ ɨ̀rɨ yɨ́ ɨ̀ndɨ̀. 2Ànɨ àmɨ izí léti àlʉ ꞌdɨ̀vɨɨ yɨ̀ òpɨ drɨ́á yɨ́, díká ꞌba ꞌba drìceꞌba ꞌwàrà ꞌwàrà vɨɨ ɨbe, ànɨ azílé ɨdrɨ nyazà àma ꞌyowa vɨɨ nɨ ovʉjʉ asíánzú yɨ̀ díká ɨdrɨ èꞌyere yɨ̀, ɨdrɨ Orɨ awo vɨɨ yɨ̀ díká àlátárá vɨɨ yɨ̀ benì. 3ꞌDɨ̀vɨɨ ɨ̀rɨ ònyɨ̀be díká ɨ àyɨ̀kò fe Orɨ àma paa, 4lèle ꞌba drɨ́á ɨnɨ isú pataa ra díká ɨnɨ ní eꞌyo ada nɨ vɨɨ yɨ́. 5Àrɨ̀yɨ̀kʉ Orɨ ɨ̀rɨ kíríá lʉ́ àlʉ díká kòndè Orɨ ɨnɨ ɨ̀sɨlɨa ꞌba ada be vɨɨ pàbaa àlʉ, vɨɨ ɨ̀rɨ agú Kristo Yesu drʉ 6nɨ ɨdrɨ fèle dràjʉ ꞌba drɨ́á òpajʉ vɨɨ ɨ. ꞌDɨ̀vɨɨ ɨ̀rɨ eꞌyo soti ɨ̀cezà sawà kílílí alɨa nìjʉ kɨ́nɨ̀ Ori lè ꞌba drɨ́á ɨnɨ isú pataa ra vɨɨ ɨ. 7Ànɨ eꞌyo ꞌdɨ̀vɨɨ yɨ̀, ꞌba pé ma ꞌbarʉʉ eꞌyo òlʉ̀ʉ drʉ díká kòndè drʉ. Ma eꞌyo ada vɨɨ ꞌyo ɨ, ovʉʉ ma ɨ̀nzò ilíi nɨ kʉ díká ma ɨmbaápi àꞌɨ̀taa ada jile ꞌba júrú drʉ vɨɨ ɨnɨ yɨ́ vɨɨ ɨ.
8Kara izítáá izíjʉ vɨɨ alɨa, ma lè àgu drɨ́á ɨnɨ ɨ̀ngá ànɨ gí àlátárá vɨɨ oru Orɨ nɨ zirɨa, òmbà koko drʉ nòsɨ̀kʉ onotaa ko drʉ.
9Ma lè pàbaa zi ɨnɨ sú bòngo ìnzìtaa yɨ̀, tà sìle ra vɨɨ ɨ díká kílílí vɨ́ɨvɨɨ ɨ, Ònyɨ̀ ꞌyowa vɨɨ ɨ̀rɨ ovʉ drìbí càzà yɨ̀ kʉ nòsɨ̀kʉ golìdì àyʉzà yɨ̀ kʉ nòsɨ̀kʉ cècè osùzà ànɨ drìbíá vɨ́ɨ yɨ̀ kʉ díká ɨnɨ àyʉ bòngo àjèbe vɨɨ ɨnɨ kʉ, 10te ráaka lè ɨnɨ ɨ̀cé òbɨ ònyɨ̀be nɨ, àrɨ̀yɨ̀kʉ òbɨ ònyɨ̀be ɨ zi òyòsòle Orɨ nɨ ìnzìjʉ vɨɨ ɨnɨ ɨ̀ce nɨ̀.
11Lè zi ɨnɨ ɨrɨ́ eꞌyo títí drʉ díká ɨnɨ òbɨ̀ eꞌyo ꞌbanɨ lèle vɨɨ ɨnɨ buti ra. 12Ma fèe rʉkʉsà zi nɨ ꞌba ɨmbajʉ nòsɨ̀kʉ àzítáá sijʉ àgu drìa kʉ, lè ɨnɨ ajɨ́ títí. 13Àrɨ̀yɨ̀kʉ Adamu nɨ ꞌba òꞌbá òkò butia Iva nɨ ndò. 14Díká ꞌba oléé ndráánɨ́ Adamu ɨ kʉ te ꞌba olé izí ɨ, díká izí ndee ca ace ànɨ ɨ̀zaꞌba drʉ. 15Te ꞌba ngaa zi paa ra léti anzɨ tizà nɨ vɨɨ yɨ̀, díká té muu àꞌɨ̀taa ꞌyowa vɨɨ be, alè ꞌyowa vɨɨ be díká ɨdrɨ àlátárá ꞌyowa ìnzìtaa nɨ vɨɨ be drìle nɨ.
Currently Selected:
1 Timoteo 2: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Timoteo 2
2
Ìnzìtaa fèzà kànísàa vɨɨ
1Ma mɨ àꞌíi òkongoro drʉ kɨ̀nɨ̀, òkò àmɨ zí Orɨ nɨ ꞌba drɨ́á yɨ́. Àmɨ nɨ Orɨ nɨ zirɨa eꞌyo àmɨ nɨ lèle vɨɨ ɨnɨ eꞌyo yɨ̀, àmɨ zí ɨ̀rɨ bʉ asíánzú fèjʉ ꞌba yɨ́ drɨ́á díká àmɨ nɨ àwàꞌdɨ̀fóò fèjʉ ɨ̀rɨ yɨ́ ɨ̀ndɨ̀. 2Ànɨ àmɨ izí léti àlʉ ꞌdɨ̀vɨɨ yɨ̀ òpɨ drɨ́á yɨ́, díká ꞌba ꞌba drìceꞌba ꞌwàrà ꞌwàrà vɨɨ ɨbe, ànɨ azílé ɨdrɨ nyazà àma ꞌyowa vɨɨ nɨ ovʉjʉ asíánzú yɨ̀ díká ɨdrɨ èꞌyere yɨ̀, ɨdrɨ Orɨ awo vɨɨ yɨ̀ díká àlátárá vɨɨ yɨ̀ benì. 3ꞌDɨ̀vɨɨ ɨ̀rɨ ònyɨ̀be díká ɨ àyɨ̀kò fe Orɨ àma paa, 4lèle ꞌba drɨ́á ɨnɨ isú pataa ra díká ɨnɨ ní eꞌyo ada nɨ vɨɨ yɨ́. 5Àrɨ̀yɨ̀kʉ Orɨ ɨ̀rɨ kíríá lʉ́ àlʉ díká kòndè Orɨ ɨnɨ ɨ̀sɨlɨa ꞌba ada be vɨɨ pàbaa àlʉ, vɨɨ ɨ̀rɨ agú Kristo Yesu drʉ 6nɨ ɨdrɨ fèle dràjʉ ꞌba drɨ́á òpajʉ vɨɨ ɨ. ꞌDɨ̀vɨɨ ɨ̀rɨ eꞌyo soti ɨ̀cezà sawà kílílí alɨa nìjʉ kɨ́nɨ̀ Ori lè ꞌba drɨ́á ɨnɨ isú pataa ra vɨɨ ɨ. 7Ànɨ eꞌyo ꞌdɨ̀vɨɨ yɨ̀, ꞌba pé ma ꞌbarʉʉ eꞌyo òlʉ̀ʉ drʉ díká kòndè drʉ. Ma eꞌyo ada vɨɨ ꞌyo ɨ, ovʉʉ ma ɨ̀nzò ilíi nɨ kʉ díká ma ɨmbaápi àꞌɨ̀taa ada jile ꞌba júrú drʉ vɨɨ ɨnɨ yɨ́ vɨɨ ɨ.
8Kara izítáá izíjʉ vɨɨ alɨa, ma lè àgu drɨ́á ɨnɨ ɨ̀ngá ànɨ gí àlátárá vɨɨ oru Orɨ nɨ zirɨa, òmbà koko drʉ nòsɨ̀kʉ onotaa ko drʉ.
9Ma lè pàbaa zi ɨnɨ sú bòngo ìnzìtaa yɨ̀, tà sìle ra vɨɨ ɨ díká kílílí vɨ́ɨvɨɨ ɨ, Ònyɨ̀ ꞌyowa vɨɨ ɨ̀rɨ ovʉ drìbí càzà yɨ̀ kʉ nòsɨ̀kʉ golìdì àyʉzà yɨ̀ kʉ nòsɨ̀kʉ cècè osùzà ànɨ drìbíá vɨ́ɨ yɨ̀ kʉ díká ɨnɨ àyʉ bòngo àjèbe vɨɨ ɨnɨ kʉ, 10te ráaka lè ɨnɨ ɨ̀cé òbɨ ònyɨ̀be nɨ, àrɨ̀yɨ̀kʉ òbɨ ònyɨ̀be ɨ zi òyòsòle Orɨ nɨ ìnzìjʉ vɨɨ ɨnɨ ɨ̀ce nɨ̀.
11Lè zi ɨnɨ ɨrɨ́ eꞌyo títí drʉ díká ɨnɨ òbɨ̀ eꞌyo ꞌbanɨ lèle vɨɨ ɨnɨ buti ra. 12Ma fèe rʉkʉsà zi nɨ ꞌba ɨmbajʉ nòsɨ̀kʉ àzítáá sijʉ àgu drìa kʉ, lè ɨnɨ ajɨ́ títí. 13Àrɨ̀yɨ̀kʉ Adamu nɨ ꞌba òꞌbá òkò butia Iva nɨ ndò. 14Díká ꞌba oléé ndráánɨ́ Adamu ɨ kʉ te ꞌba olé izí ɨ, díká izí ndee ca ace ànɨ ɨ̀zaꞌba drʉ. 15Te ꞌba ngaa zi paa ra léti anzɨ tizà nɨ vɨɨ yɨ̀, díká té muu àꞌɨ̀taa ꞌyowa vɨɨ be, alè ꞌyowa vɨɨ be díká ɨdrɨ àlátárá ꞌyowa ìnzìtaa nɨ vɨɨ be drìle nɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved