1 Timoteo 1
1
1Ɨngajʉ Paulo kòndè Kristo Yesu awo drʉ òkpo Orɨ àma pale vɨɨ awo yɨ̀ díká Kristo Yesu àma nɨ así ꞌbàle drìa vɨɨ awo vɨɨ yɨ̀.
2Ma waragà ꞌdɨ̀vɨɨ sɨ̀ɨ Timitayo lá mɨ́ yɨ́, àrɨ̀yɨ̀kʉ manɨ mɨ́ yɨ́ eꞌyo ba Kristo Yesu awo vɨɨ drìa eꞌyo ɨ̀cejʉ ꞌba mɨ àꞌɨ̀ ɨ̀rɨ ra. Ànɨ eꞌyo ndee fè mɨ ꞌo mɨ kɨ̀le mva ma awo vɨ́ɨvɨɨ lé.
Ata Orɨ ɨnɨ Kristo Yesu Opɨ be ɨnɨ fé mɨ́ yɨ́ asíndrɨ̀zà díká asíánzú.
Bílé lɨzà ɨmbaꞌba ɨ̀nzò drʉ vɨɨ ɨnɨ drìa vɨɨ
3Ma lè àmɨ awɨ́ Efesoa, kɨ̀le manɨ ndráánɨ́ azílé àmɨ yɨ́ dèè manɨ rɨrɨa murɨa Makidonia vɨɨ lé, ànɨ azílé àmɨ ògá ꞌba alóo lèle dínì ɨ̀nzò drʉ vɨ́ɨvɨɨ eꞌyoa ɨmbale vɨɨ ɨnɨ yɨ́ ɨmbajʉ sɨ̀ benì 4nòsɨ̀kʉ ɨnɨ ànɨ òwɨ̀jʉ eꞌyo aꞌbí nɨ́ kʉle vɨɨ yɨ́ díká adí nɨ dele kʉ vɨɨ ɨbe benì. Eꞌyo ꞌdɨ̀vɨɨ ɨ́ àgatà ɨkɨ́kó vɨɨ ji azí Orɨ awo àꞌɨ̀taa nɨ vɨɨ karaa. 5Asísílé manɨ ɨmbataa fèjʉ àzítáá ꞌdɨ̀vɨɨ drìa vɨɨ ɨ̀rɨ azílé ꞌba Orɨ nɨ àꞌɨ̀le ra vɨɨ ɨnɨ isú lètaa ɨngale así àlá alɨa vɨɨ ɨnɨ ɨgataa àlá be, àloo àꞌɨ̀taa ada vɨɨ be benì. 6ꞌBa alóo ojá ti eꞌyo àlá ndee àgapíá vɨɨ yɨ̀ ra díká ojá ànɨ ɨ̀tàtaa ɨkɨ́kó vɨ́ɨvɨɨ ɨnɨ ɨ̀ta ɨ. 7Lé ovʉ ɨmbaꞌba àzítáá Musa awo vɨɨ nɨ vɨɨ ɨnɨ drʉ, te vɨɨ dèè níí ànɨ eꞌyo nzee àrɨ drìa yà vɨɨ kʉ díká váá eꞌyo ànɨ nɨ ɨ̀tàle drìa òrìko drʉ vɨɨ ɨkɨ́a ɨnɨ kʉ.
8Àma nì ra àzítáá ɨ ovʉ àlá vɨɨ dèè àma àzítáá àyʉʉ kílílí drʉ. 9Àma nìra àzítáá ꞌba ꞌbáá ꞌba àlá vɨɨ ɨnɨ yɨ́ kʉ te ɨ̀rɨ ꞌba àzítáá àŋòle vɨɨ ɨnɨ yɨ́ ꞌba lèle ɨ ꞌbá ànɨ drìa àzítáá kʉ vɨɨ ɨnɨ be, ꞌba dínì koko vɨɨ ɨnɨ yɨ́, ꞌba ɨ̀zatà ꞌole oꞌdú drɨ́á yɨ̀ así àyɨ̀kò nɨ yɨ̀ vɨɨ ɨnɨ be, ꞌba así be òndi drʉ vɨɨ ɨnɨ yɨ́, ꞌba àfa àlátárá Orɨ awo vɨɨ ɨnɨ eꞌyo asɨle kʉ vɨɨ ɨnɨ be, ꞌba àtapí nɨ òkile ayópí be vɨɨ ɨnɨ yɨ́, ꞌba ꞌba òkile vɨɨ ɨnɨ yɨ́, 10ꞌba àlɨ òꞌbàle vɨɨ ɨnɨ yɨ́, àgu nòsɨ̀kʉ zi àlɨ òꞌbàle ànɨ ɨ̀sɨlɨa cenɨ̀cenɨ̀ vɨɨ ɨnɨ be, ꞌba ꞌba ada ozílé vɨɨ ɨnɨ yɨ́, ɨ̀nzòꞌba yɨ́, ꞌba òyò sòle ɨ̀nzò yɨ̀ vɨɨ ɨnɨ yɨ́ díká ꞌba ɨmbataa ɨ̀nzò drʉ ɨmbale dínì ada vɨɨ àjía dile vɨɨ ɨbe. 11Ɨmbataa ꞌdɨ̀vɨɨ ꞌba ɨ̀rɨ isúu eꞌyo ba ꞌbanɨ òkpoa fèle ma gíá, Eꞌyo ba Orɨ dìzà be àloo asíndrɨ̀zà be vɨɨ awo vɨɨ oyʉjʉ vɨɨ alɨa.
Asíndrɨ̀zà Opɨ awo Paulo bʉ vɨɨ
12Ma fè àwàꞌdɨ̀fóò Kristo Yesu Opɨ àma ꞌyowa òkpo fèle má yɨ́, ꞌyole ma àꞌɨ̀taa be díká ma pèle àzí nɨ awo vɨɨ ngajʉ vɨɨ yɨ́. 13Káꞌdí manɨ ndráánɨ́ ovʉjʉ ꞌba Orɨ nɨ ꞌbàle ɨ̀dematara drʉ vɨ́ɨvɨɨ ɨ, ꞌbarʉʉ ꞌba ɨnzale nɨ díká ꞌba àdrà be nɨ ra kpé, ꞌba ꞌbá ma drìa asíndrɨ̀zà ra àrɨ̀yɨ̀kʉ ma rɨ eꞌyo ꞌo àníàkò yɨ́ díká àꞌɨ̀taa àkò yɨ́. 14Asíndrɨ̀zà Opɨ awo vɨɨ òsʉnɨ ma drìa angɨrɨ, àꞌɨ̀taa be díká lètaa Kristo Yesu alɨa vɨɨ yɨ̀.
15Eꞌyo ꞌyozà ꞌdɨ̀vɨɨ ɨ̀rɨ eꞌyo ada nɨ díká lè ɨ̀rɨ àtì nɨ ra kɨ́nɨ̀, Kristo Yesu ca nyawú drìa ꞌba ɨ̀zatà be vɨɨ ɨnɨ òpajʉ. Te ɨnɨ ɨ̀sɨlɨa ma ndè eꞌyo ònzɨ ꞌozà yɨ̀ nɨ̀. 16Te eꞌyo ndee vɨɨ yɨ̀, Orɨ ꞌba asíndrɨ̀zà ma rúá ꞌba eꞌyo òmvale nyanya vɨɨ drʉ azílé Kristo Yesu ɨ̀rɨ ɨ̀ce nɨ awo asítezà vɨɨ ɨ̀cetaa drʉ ꞌba lèle ɨ̀rɨ àꞌɨ̀le ra ɨdrɨ nánináni isújʉ́ vɨɨ ɨnɨ yɨ́ benì. 17Ànɨ Opɨ iwúlé iwúlé, nɨ dele kʉ, ndrèle kʉ, lʉ́ àlʉ aꞌdúle vɨɨ yɨ́ ìnzìtaa ɨ̀rɨ ovʉ rúkuzà be nánináni. Amena.
18Mvamàa Timitayo lá, ma azí mɨ́ yɨ́ eꞌyo ꞌdɨ̀vɨɨ ɨnɨ wúrá eꞌyo ondrízà nɨ mɨ ɨ̀cele ndráánɨ́ mɨ drìa drɨ̀ò vɨɨ butia yɨ̀, ànɨ azílé mɨ tè ngaa ɨnɨ buti òbɨ̀ɨ ra, dèènaa mɨ àꞌdí ɨkɨ́ be ꞌdii ɨ, 19pàbaa mɨ sò ka àꞌɨ̀taa mɨ awo vɨɨ alɨa kirikiri díká ɨgataa ònyɨ̀be vɨɨ be. ꞌBa alóo àvɨ́ eꞌyo ɨgazà piri vɨɨ ra díká ànɨ òmvá àꞌɨ̀taa ꞌyowa vɨɨ ra. 20Ɨnɨ alɨa Himenayo ɨnɨ Alekizenda be ɨ̀ndɨ̀. Ma fè ndráánɨ́ ɨnɨ òkpo Sitani yɨ́ azílé ɨ̀rɨ fè ɨnɨ yɨ́ ɨmbataa ɨnɨ kʉ́ ànɨ ɨ̀dematara ꞌyowa vɨɨ benì.
Currently Selected:
1 Timoteo 1: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Timoteo 1
1
1Ɨngajʉ Paulo kòndè Kristo Yesu awo drʉ òkpo Orɨ àma pale vɨɨ awo yɨ̀ díká Kristo Yesu àma nɨ así ꞌbàle drìa vɨɨ awo vɨɨ yɨ̀.
2Ma waragà ꞌdɨ̀vɨɨ sɨ̀ɨ Timitayo lá mɨ́ yɨ́, àrɨ̀yɨ̀kʉ manɨ mɨ́ yɨ́ eꞌyo ba Kristo Yesu awo vɨɨ drìa eꞌyo ɨ̀cejʉ ꞌba mɨ àꞌɨ̀ ɨ̀rɨ ra. Ànɨ eꞌyo ndee fè mɨ ꞌo mɨ kɨ̀le mva ma awo vɨ́ɨvɨɨ lé.
Ata Orɨ ɨnɨ Kristo Yesu Opɨ be ɨnɨ fé mɨ́ yɨ́ asíndrɨ̀zà díká asíánzú.
Bílé lɨzà ɨmbaꞌba ɨ̀nzò drʉ vɨɨ ɨnɨ drìa vɨɨ
3Ma lè àmɨ awɨ́ Efesoa, kɨ̀le manɨ ndráánɨ́ azílé àmɨ yɨ́ dèè manɨ rɨrɨa murɨa Makidonia vɨɨ lé, ànɨ azílé àmɨ ògá ꞌba alóo lèle dínì ɨ̀nzò drʉ vɨ́ɨvɨɨ eꞌyoa ɨmbale vɨɨ ɨnɨ yɨ́ ɨmbajʉ sɨ̀ benì 4nòsɨ̀kʉ ɨnɨ ànɨ òwɨ̀jʉ eꞌyo aꞌbí nɨ́ kʉle vɨɨ yɨ́ díká adí nɨ dele kʉ vɨɨ ɨbe benì. Eꞌyo ꞌdɨ̀vɨɨ ɨ́ àgatà ɨkɨ́kó vɨɨ ji azí Orɨ awo àꞌɨ̀taa nɨ vɨɨ karaa. 5Asísílé manɨ ɨmbataa fèjʉ àzítáá ꞌdɨ̀vɨɨ drìa vɨɨ ɨ̀rɨ azílé ꞌba Orɨ nɨ àꞌɨ̀le ra vɨɨ ɨnɨ isú lètaa ɨngale así àlá alɨa vɨɨ ɨnɨ ɨgataa àlá be, àloo àꞌɨ̀taa ada vɨɨ be benì. 6ꞌBa alóo ojá ti eꞌyo àlá ndee àgapíá vɨɨ yɨ̀ ra díká ojá ànɨ ɨ̀tàtaa ɨkɨ́kó vɨ́ɨvɨɨ ɨnɨ ɨ̀ta ɨ. 7Lé ovʉ ɨmbaꞌba àzítáá Musa awo vɨɨ nɨ vɨɨ ɨnɨ drʉ, te vɨɨ dèè níí ànɨ eꞌyo nzee àrɨ drìa yà vɨɨ kʉ díká váá eꞌyo ànɨ nɨ ɨ̀tàle drìa òrìko drʉ vɨɨ ɨkɨ́a ɨnɨ kʉ.
8Àma nì ra àzítáá ɨ ovʉ àlá vɨɨ dèè àma àzítáá àyʉʉ kílílí drʉ. 9Àma nìra àzítáá ꞌba ꞌbáá ꞌba àlá vɨɨ ɨnɨ yɨ́ kʉ te ɨ̀rɨ ꞌba àzítáá àŋòle vɨɨ ɨnɨ yɨ́ ꞌba lèle ɨ ꞌbá ànɨ drìa àzítáá kʉ vɨɨ ɨnɨ be, ꞌba dínì koko vɨɨ ɨnɨ yɨ́, ꞌba ɨ̀zatà ꞌole oꞌdú drɨ́á yɨ̀ así àyɨ̀kò nɨ yɨ̀ vɨɨ ɨnɨ be, ꞌba así be òndi drʉ vɨɨ ɨnɨ yɨ́, ꞌba àfa àlátárá Orɨ awo vɨɨ ɨnɨ eꞌyo asɨle kʉ vɨɨ ɨnɨ be, ꞌba àtapí nɨ òkile ayópí be vɨɨ ɨnɨ yɨ́, ꞌba ꞌba òkile vɨɨ ɨnɨ yɨ́, 10ꞌba àlɨ òꞌbàle vɨɨ ɨnɨ yɨ́, àgu nòsɨ̀kʉ zi àlɨ òꞌbàle ànɨ ɨ̀sɨlɨa cenɨ̀cenɨ̀ vɨɨ ɨnɨ be, ꞌba ꞌba ada ozílé vɨɨ ɨnɨ yɨ́, ɨ̀nzòꞌba yɨ́, ꞌba òyò sòle ɨ̀nzò yɨ̀ vɨɨ ɨnɨ yɨ́ díká ꞌba ɨmbataa ɨ̀nzò drʉ ɨmbale dínì ada vɨɨ àjía dile vɨɨ ɨbe. 11Ɨmbataa ꞌdɨ̀vɨɨ ꞌba ɨ̀rɨ isúu eꞌyo ba ꞌbanɨ òkpoa fèle ma gíá, Eꞌyo ba Orɨ dìzà be àloo asíndrɨ̀zà be vɨɨ awo vɨɨ oyʉjʉ vɨɨ alɨa.
Asíndrɨ̀zà Opɨ awo Paulo bʉ vɨɨ
12Ma fè àwàꞌdɨ̀fóò Kristo Yesu Opɨ àma ꞌyowa òkpo fèle má yɨ́, ꞌyole ma àꞌɨ̀taa be díká ma pèle àzí nɨ awo vɨɨ ngajʉ vɨɨ yɨ́. 13Káꞌdí manɨ ndráánɨ́ ovʉjʉ ꞌba Orɨ nɨ ꞌbàle ɨ̀dematara drʉ vɨ́ɨvɨɨ ɨ, ꞌbarʉʉ ꞌba ɨnzale nɨ díká ꞌba àdrà be nɨ ra kpé, ꞌba ꞌbá ma drìa asíndrɨ̀zà ra àrɨ̀yɨ̀kʉ ma rɨ eꞌyo ꞌo àníàkò yɨ́ díká àꞌɨ̀taa àkò yɨ́. 14Asíndrɨ̀zà Opɨ awo vɨɨ òsʉnɨ ma drìa angɨrɨ, àꞌɨ̀taa be díká lètaa Kristo Yesu alɨa vɨɨ yɨ̀.
15Eꞌyo ꞌyozà ꞌdɨ̀vɨɨ ɨ̀rɨ eꞌyo ada nɨ díká lè ɨ̀rɨ àtì nɨ ra kɨ́nɨ̀, Kristo Yesu ca nyawú drìa ꞌba ɨ̀zatà be vɨɨ ɨnɨ òpajʉ. Te ɨnɨ ɨ̀sɨlɨa ma ndè eꞌyo ònzɨ ꞌozà yɨ̀ nɨ̀. 16Te eꞌyo ndee vɨɨ yɨ̀, Orɨ ꞌba asíndrɨ̀zà ma rúá ꞌba eꞌyo òmvale nyanya vɨɨ drʉ azílé Kristo Yesu ɨ̀rɨ ɨ̀ce nɨ awo asítezà vɨɨ ɨ̀cetaa drʉ ꞌba lèle ɨ̀rɨ àꞌɨ̀le ra ɨdrɨ nánináni isújʉ́ vɨɨ ɨnɨ yɨ́ benì. 17Ànɨ Opɨ iwúlé iwúlé, nɨ dele kʉ, ndrèle kʉ, lʉ́ àlʉ aꞌdúle vɨɨ yɨ́ ìnzìtaa ɨ̀rɨ ovʉ rúkuzà be nánináni. Amena.
18Mvamàa Timitayo lá, ma azí mɨ́ yɨ́ eꞌyo ꞌdɨ̀vɨɨ ɨnɨ wúrá eꞌyo ondrízà nɨ mɨ ɨ̀cele ndráánɨ́ mɨ drìa drɨ̀ò vɨɨ butia yɨ̀, ànɨ azílé mɨ tè ngaa ɨnɨ buti òbɨ̀ɨ ra, dèènaa mɨ àꞌdí ɨkɨ́ be ꞌdii ɨ, 19pàbaa mɨ sò ka àꞌɨ̀taa mɨ awo vɨɨ alɨa kirikiri díká ɨgataa ònyɨ̀be vɨɨ be. ꞌBa alóo àvɨ́ eꞌyo ɨgazà piri vɨɨ ra díká ànɨ òmvá àꞌɨ̀taa ꞌyowa vɨɨ ra. 20Ɨnɨ alɨa Himenayo ɨnɨ Alekizenda be ɨ̀ndɨ̀. Ma fè ndráánɨ́ ɨnɨ òkpo Sitani yɨ́ azílé ɨ̀rɨ fè ɨnɨ yɨ́ ɨmbataa ɨnɨ kʉ́ ànɨ ɨ̀dematara ꞌyowa vɨɨ benì.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved