1 Tesalonika 5
5
Àmɨ ovʉ́ ngónde cataa Opɨ awo vɨɨ drìa tèjʉ
1Ànɨ adrímà Kristiani lá, sìità kʉ àma nɨ eꞌyo sɨ̀jʉ àmɨ yɨ́ oꞌdú àloo sawà Opɨ Yesu nɨ ngajʉ cajʉ vɨɨ drìa kʉ, 2àrɨ̀yɨ̀kʉ àmɨ nì kílílí drʉ ra oꞌdú Opɨ awo vɨɨ nɨ ngaa caa àma bʉ kɨ̀le ògí nɨ cale yà ꞌba bʉ iní be vɨɨ lé. 3ꞌBa ndépi nɨ rɨrɨa ꞌyorɨa kɨ́nɨ̀, “Eꞌyo drɨ́á kílílí díká asíánzú cɨ́ ꞌdɨ̀,” drìjàzà nɨ ngaa caa ɨnɨ drìa yà, kɨ̀le mva nɨ izí ilílé sawà òsijʉ vɨɨ yɨ̀ vɨɨ lé, díká ꞌba àloo ɨcoo mu nɨ pa kʉ.
4Te àmɨ ɨ Kristiani drʉ, àmɨ ovʉʉ dúmú ɨ̀zatà ꞌojʉ vɨɨ alɨa kʉ, ànɨyɨ̀ oꞌdú ndee ngaa àmɨ isú yà kɨ̀le ògí nɨ́ cale ꞌba bʉ iní be vɨɨ lé kʉ. 5Àmɨ drɨ́á ꞌba dìzà nɨ àloo ìtú nɨ nɨ. Àma ovʉʉ ꞌba iní nɨ nòsɨ̀kʉ dúmú nɨ nɨ kʉ. 6Ànɨ acete, lè àma ovʉ́ oꞌdúá ꞌba alóo vɨɨ ɨnɨ lé kʉ, te lè àma ovʉ́ ngóndé díká àma mba àma tà cenɨ̀cenɨ̀. 7Àrɨ̀yɨ̀kʉ ꞌba oꞌdú kole vɨɨ ɨ́ oꞌdú ko iní be, díká ꞌba ɨwa mbule vɨɨ ɨnɨ ɨwa ɨ òki iní be. 8Te àma nɨ ovʉle ꞌba ìtú nɨ nɨ yɨ̀, lè àma mbá àma tà cenɨ̀cenɨ̀, lè àma sú àꞌɨ̀taa àloo lètaa àma asíá àma tàmbajʉ ɨ, díká lè àma ovʉ́ ànɨ asíꞌbàzà pataa isújʉ́ vɨɨ be kɨ̀le àsɨ̀kárɨ̀ nɨ ànɨ drìa sìpoo ɨdele aya yɨ̀ ànɨ drì tàmbajʉ vɨɨ sùle vɨ́nɨ. 9Àrɨ̀yɨ̀kʉ Orɨ òpèe àma àdrà nɨ awo vɨɨ àdàjʉ àma drìa ɨ kʉ, te fèjʉ àma yɨ́ pataa isújʉ́ léti Opɨ Yesu Kristo bʉ vɨɨ yɨ̀. 10Drà àma eꞌyo yɨ̀ azílé, àma tè káꞌdí òdràa ra nòsɨ̀kʉ ovʉʉ ɨdrɨ drʉ, sawà ɨ̀rɨ nɨ ngajʉ cajʉ vɨɨ yɨ̀, àmá ɨco ovʉ ɨ̀rɨ be túàlʉ ra benì. 11Tèvɨ́nɨ àmɨ ɨ̀ká àmɨ àmɨ ɨ̀sɨlɨa díká àmɨ kó àmɨ àzà àmɨ ɨsɨlɨa cenɨ̀cenɨ̀, kɨ̀le àmɨ nɨ ꞌole ꞌdɨ̀vɨɨ lé.
Ɨmbataa àsìjʉ Paulo awo vɨɨ ɨnɨ zitaa be
12Àma àꞌí àmɨ adrímà kristiani lá, ìnzìtaa fèjʉ ꞌba àzí ngale àmɨ ɨ̀sɨlɨa àva yɨ̀, àmɨ drìcele azí Opɨ awo vɨɨ alɨa vɨɨ ɨnɨ yɨ́ àloo ꞌba àmɨ bílé lɨle eꞌyoonzɨ mgbimgbi vɨɨ ɨnɨ yɨ̀ vɨɨ ɨnɨ be. 13Àmɨ ɨ̀cé ìnzìtaa ose vɨ́ɨvɨɨ ɨ díká àmɨ ɨ̀ce ɨnɨ yɨ́ lètaa así káyɨ̀ yɨ̀ àzí ɨnɨ ngale vɨɨ yɨ̀. Àmɨ ovʉ́ àmɨ ɨ̀sɨlɨa asíánzú yɨ̀. 14Díká adrímà kristiani lá, àma àꞌí àmɨ ꞌba ɨgɨ drʉ vɨɨ ɨnɨ bílé lɨjʉ, àmɨ ɨ̀ká ꞌba asíá òrì be vɨɨ ɨnɨ, àmɨ kó ꞌba òkpo koko vɨɨ ɨnɨ àzà díká àmɨ ovʉ́ ꞌba drɨ́á be asítezà yɨ̀. 15Àmɨ ndré kílílí kɨ̀nɨ̀ ꞌba àloo òmvɨɨ eꞌyo ònzɨ àrooti eꞌyo ònzɨ yɨ̀ kʉ, te lè àmɨ òꞌbí ovʉ asíánzú yɨ̀ àmɨ ɨ̀sɨlɨa sawà drɨ́á yɨ̀ díká ꞌba drɨ́á be.
16Àmɨ ovʉ́ sawà drɨ́á yɨ̀ àyɨ̀kò yɨ̀, 17àmɨ zí Orɨ nɨ àsúú, 18àmɨ fé àwàꞌdɨ̀fóò eꞌyo drɨ́á yɨ̀, àrɨ̀yɨ̀kʉ ꞌdɨ̀vɨɨ ɨ̀rɨ eꞌyo Orɨ nɨ lèle àmɨ bʉ Kristo Yesu alɨa vɨɨ ɨ.
19Àmɨ atrí Orɨndɨ àlátárá vɨɨ nɨ awo àzí ngarɨa kʉ, 20àmɨ ɨ̀dé eꞌyo Orɨndɨ àlátárá nɨ ɨ̀cele ꞌba eꞌyo ondrílé vɨɨ ɨnɨ yɨ́ vɨɨ kʉ. 21Àmɨ amá eꞌyo drɨ́á ale ráká. Àmɨ só ká eꞌyo ada drìa. 22Àmɨ oná àmɨ eꞌyo ònzɨ drɨ́á yɨ̀.
23Orɨ asíánzú fèle àma yɨ́ vɨɨ ɨ̀rɨ ꞌbà àmɨ àlátárá drʉ léti drɨ́á yɨ̀, díká ɨ̀rɨ mba àmɨ orɨndɨ, àmɨ así, àloo àmɨ rúá drɨ́á tà eꞌyo kokò drʉ kpere oꞌdú Opɨ àma ꞌyowa Yesu Kristo nɨ ngajʉ drìkàjʉ díká vɨɨ yɨ̀. 24Orɨ àmɨ omvele vɨɨ ɨ̀rɨ ìgènizà drʉ, ànɨyɨ̀ ɨ̀rɨ ngaa eꞌyo ndee ꞌdɨ̀vɨɨ ꞌoo ra.
25Adrímà kristiani lá, àmɨ zí Orɨ nɨ àma yɨ́ ɨ̀ndɨ̀. 26Àmɨ zí adrímà díká ambʉ́mà Kristiani drʉ vɨɨ ɨnɨ drɨ́á àva yɨ̀ alè Kristo nɨ yɨ̀. 27Ma àmɨ bílé lɨɨ òkpo Opɨ awo vɨɨ yɨ̀, àmɨ nɨ waragà ꞌdɨ̀vɨɨ làjʉ adrímà kristiani drʉ vɨɨ ɨnɨ yɨ́ drɨ́á. 28Asíánzú Opɨ àma ꞌyowa Yesu Kristo awo vɨɨ ɨ̀rɨ ovʉʉ àmɨ be drɨ́á.
Currently Selected:
1 Tesalonika 5: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Tesalonika 5
5
Àmɨ ovʉ́ ngónde cataa Opɨ awo vɨɨ drìa tèjʉ
1Ànɨ adrímà Kristiani lá, sìità kʉ àma nɨ eꞌyo sɨ̀jʉ àmɨ yɨ́ oꞌdú àloo sawà Opɨ Yesu nɨ ngajʉ cajʉ vɨɨ drìa kʉ, 2àrɨ̀yɨ̀kʉ àmɨ nì kílílí drʉ ra oꞌdú Opɨ awo vɨɨ nɨ ngaa caa àma bʉ kɨ̀le ògí nɨ cale yà ꞌba bʉ iní be vɨɨ lé. 3ꞌBa ndépi nɨ rɨrɨa ꞌyorɨa kɨ́nɨ̀, “Eꞌyo drɨ́á kílílí díká asíánzú cɨ́ ꞌdɨ̀,” drìjàzà nɨ ngaa caa ɨnɨ drìa yà, kɨ̀le mva nɨ izí ilílé sawà òsijʉ vɨɨ yɨ̀ vɨɨ lé, díká ꞌba àloo ɨcoo mu nɨ pa kʉ.
4Te àmɨ ɨ Kristiani drʉ, àmɨ ovʉʉ dúmú ɨ̀zatà ꞌojʉ vɨɨ alɨa kʉ, ànɨyɨ̀ oꞌdú ndee ngaa àmɨ isú yà kɨ̀le ògí nɨ́ cale ꞌba bʉ iní be vɨɨ lé kʉ. 5Àmɨ drɨ́á ꞌba dìzà nɨ àloo ìtú nɨ nɨ. Àma ovʉʉ ꞌba iní nɨ nòsɨ̀kʉ dúmú nɨ nɨ kʉ. 6Ànɨ acete, lè àma ovʉ́ oꞌdúá ꞌba alóo vɨɨ ɨnɨ lé kʉ, te lè àma ovʉ́ ngóndé díká àma mba àma tà cenɨ̀cenɨ̀. 7Àrɨ̀yɨ̀kʉ ꞌba oꞌdú kole vɨɨ ɨ́ oꞌdú ko iní be, díká ꞌba ɨwa mbule vɨɨ ɨnɨ ɨwa ɨ òki iní be. 8Te àma nɨ ovʉle ꞌba ìtú nɨ nɨ yɨ̀, lè àma mbá àma tà cenɨ̀cenɨ̀, lè àma sú àꞌɨ̀taa àloo lètaa àma asíá àma tàmbajʉ ɨ, díká lè àma ovʉ́ ànɨ asíꞌbàzà pataa isújʉ́ vɨɨ be kɨ̀le àsɨ̀kárɨ̀ nɨ ànɨ drìa sìpoo ɨdele aya yɨ̀ ànɨ drì tàmbajʉ vɨɨ sùle vɨ́nɨ. 9Àrɨ̀yɨ̀kʉ Orɨ òpèe àma àdrà nɨ awo vɨɨ àdàjʉ àma drìa ɨ kʉ, te fèjʉ àma yɨ́ pataa isújʉ́ léti Opɨ Yesu Kristo bʉ vɨɨ yɨ̀. 10Drà àma eꞌyo yɨ̀ azílé, àma tè káꞌdí òdràa ra nòsɨ̀kʉ ovʉʉ ɨdrɨ drʉ, sawà ɨ̀rɨ nɨ ngajʉ cajʉ vɨɨ yɨ̀, àmá ɨco ovʉ ɨ̀rɨ be túàlʉ ra benì. 11Tèvɨ́nɨ àmɨ ɨ̀ká àmɨ àmɨ ɨ̀sɨlɨa díká àmɨ kó àmɨ àzà àmɨ ɨsɨlɨa cenɨ̀cenɨ̀, kɨ̀le àmɨ nɨ ꞌole ꞌdɨ̀vɨɨ lé.
Ɨmbataa àsìjʉ Paulo awo vɨɨ ɨnɨ zitaa be
12Àma àꞌí àmɨ adrímà kristiani lá, ìnzìtaa fèjʉ ꞌba àzí ngale àmɨ ɨ̀sɨlɨa àva yɨ̀, àmɨ drìcele azí Opɨ awo vɨɨ alɨa vɨɨ ɨnɨ yɨ́ àloo ꞌba àmɨ bílé lɨle eꞌyoonzɨ mgbimgbi vɨɨ ɨnɨ yɨ̀ vɨɨ ɨnɨ be. 13Àmɨ ɨ̀cé ìnzìtaa ose vɨ́ɨvɨɨ ɨ díká àmɨ ɨ̀ce ɨnɨ yɨ́ lètaa así káyɨ̀ yɨ̀ àzí ɨnɨ ngale vɨɨ yɨ̀. Àmɨ ovʉ́ àmɨ ɨ̀sɨlɨa asíánzú yɨ̀. 14Díká adrímà kristiani lá, àma àꞌí àmɨ ꞌba ɨgɨ drʉ vɨɨ ɨnɨ bílé lɨjʉ, àmɨ ɨ̀ká ꞌba asíá òrì be vɨɨ ɨnɨ, àmɨ kó ꞌba òkpo koko vɨɨ ɨnɨ àzà díká àmɨ ovʉ́ ꞌba drɨ́á be asítezà yɨ̀. 15Àmɨ ndré kílílí kɨ̀nɨ̀ ꞌba àloo òmvɨɨ eꞌyo ònzɨ àrooti eꞌyo ònzɨ yɨ̀ kʉ, te lè àmɨ òꞌbí ovʉ asíánzú yɨ̀ àmɨ ɨ̀sɨlɨa sawà drɨ́á yɨ̀ díká ꞌba drɨ́á be.
16Àmɨ ovʉ́ sawà drɨ́á yɨ̀ àyɨ̀kò yɨ̀, 17àmɨ zí Orɨ nɨ àsúú, 18àmɨ fé àwàꞌdɨ̀fóò eꞌyo drɨ́á yɨ̀, àrɨ̀yɨ̀kʉ ꞌdɨ̀vɨɨ ɨ̀rɨ eꞌyo Orɨ nɨ lèle àmɨ bʉ Kristo Yesu alɨa vɨɨ ɨ.
19Àmɨ atrí Orɨndɨ àlátárá vɨɨ nɨ awo àzí ngarɨa kʉ, 20àmɨ ɨ̀dé eꞌyo Orɨndɨ àlátárá nɨ ɨ̀cele ꞌba eꞌyo ondrílé vɨɨ ɨnɨ yɨ́ vɨɨ kʉ. 21Àmɨ amá eꞌyo drɨ́á ale ráká. Àmɨ só ká eꞌyo ada drìa. 22Àmɨ oná àmɨ eꞌyo ònzɨ drɨ́á yɨ̀.
23Orɨ asíánzú fèle àma yɨ́ vɨɨ ɨ̀rɨ ꞌbà àmɨ àlátárá drʉ léti drɨ́á yɨ̀, díká ɨ̀rɨ mba àmɨ orɨndɨ, àmɨ así, àloo àmɨ rúá drɨ́á tà eꞌyo kokò drʉ kpere oꞌdú Opɨ àma ꞌyowa Yesu Kristo nɨ ngajʉ drìkàjʉ díká vɨɨ yɨ̀. 24Orɨ àmɨ omvele vɨɨ ɨ̀rɨ ìgènizà drʉ, ànɨyɨ̀ ɨ̀rɨ ngaa eꞌyo ndee ꞌdɨ̀vɨɨ ꞌoo ra.
25Adrímà kristiani lá, àmɨ zí Orɨ nɨ àma yɨ́ ɨ̀ndɨ̀. 26Àmɨ zí adrímà díká ambʉ́mà Kristiani drʉ vɨɨ ɨnɨ drɨ́á àva yɨ̀ alè Kristo nɨ yɨ̀. 27Ma àmɨ bílé lɨɨ òkpo Opɨ awo vɨɨ yɨ̀, àmɨ nɨ waragà ꞌdɨ̀vɨɨ làjʉ adrímà kristiani drʉ vɨɨ ɨnɨ yɨ́ drɨ́á. 28Asíánzú Opɨ àma ꞌyowa Yesu Kristo awo vɨɨ ɨ̀rɨ ovʉʉ àmɨ be drɨ́á.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved