1 Tesalonika 4
4
Adrɨzà àyɨ̀kò fèle Orɨ yɨ́ vɨɨ
1Àsìjʉ, adrímà Kristiani lá, àma ɨmba ndráánɨ́ àmɨ adrɨzà ɨcole Orɨ yɨ́ àyɨ̀kò fèle vɨɨ ɨnɨ yɨ̀ ra, kɨ̀le àmɨ nɨ ovʉle ɨdrɨ ndee alɨa ꞌdɨ̀vɨɨ lé. Ànɨ àma àmɨ àꞌíi Opɨ Yesu rú yɨ̀ kɨ́nɨ̀ àmɨ nɨ ovʉrɨa ɨdrɨ drʉ ꞌdɨ̀, àmɨ ꞌó eꞌyo ꞌdɨ̀vɨɨ ɨnɨ àsúú. 2Àrɨ̀yɨ̀kʉ àmɨ nì eꞌyo àma nɨ ɨmbale àmɨ yɨ́ òkpo Opɨ Yesu awo vɨɨ yɨ̀ vɨɨ ɨnɨ ra.
3Ɨ̀rɨ eꞌyo Orɨ nɨ lèle nɨ̀ nɨ àmɨ ꞌbàjʉ àlátárá drʉ, ànɨ lè àmɨ oná àmɨ eꞌyo àlɨ ꞌbàzà nɨ vɨɨ yɨ̀ ra, 4azílé àmɨ àlʉàlʉ ɨ̀rɨ nì nɨ ngʉlʉpɨ rúá#4:4 Nòsɨ̀kʉàmɨ àlʉàlʉ ɨ̀rɨ nì nɨ ngʉlʉpɨ rúá tà mbaleNòsɨ̀kʉƗ̀rɨ ru nɨ awo izí cɨ. tà mbale léti àlátárá vɨ́ɨvɨɨ yɨ̀ díká léti ìnzìtaa nɨ vɨɨ yɨ̀, 5ovʉʉ àva àlɨ ꞌbàzà nɨ be kɨ̀le ꞌba wúdrìkúrùa Orɨ nɨ nìle kʉ vɨɨ ɨnɨ lé kʉ. 6Lè ꞌba àloo ɨ̀rɨ ꞌo ɨ̀zatà adripi Kristiani drʉ vɨɨ rúá kʉ nòsɨ̀kʉ ɨ̀rɨ àyʉ ꞌba àloo léti ꞌdɨ̀vɨ́ɨvɨɨ yɨ̀ òròdrí isújʉ́ kʉ. Opɨ nɨ ngaa panga fèe ꞌba ɨ̀zatà ꞌdɨ̀vɨ́ɨvɨɨ ꞌole vɨɨ ɨnɨ yɨ́ ra, kɨ̀le àma nɨ ɨbúlé ꞌyole àmɨ yɨ́ ꞌbá vɨɨ lé díká àma nɨ àmɨ bílé lɨle ànɨ ꞌba vɨɨ lé. 7Àrɨ̀yɨ̀kʉ Orɨ omve àma ovʉjʉ ɨdrɨ àlátárá yɨ̀, ovʉʉ eꞌyo ònzɨ ꞌojʉ kʉ. 8Ànɨyɨ̀, ꞌbarʉʉ ɨmbataa ꞌdɨ̀vɨɨ gàle sɨ vɨɨ gàa ꞌba ada ti nɨ kʉ, te gà Orɨ Orɨndɨ àlátárá fèle àmɨ yɨ́ vɨɨ tia ɨ.
9Adanɨa sìità kʉ àma nɨ eꞌyo sɨ̀jʉ àmɨ yɨ́ alè àmɨ ɨsɨlɨa Kristiani drʉ vɨɨ drìa, àrɨ̀yɨ̀kʉ Orɨ ngʉlʉpɨ ɨmba àmɨ ovʉjʉ àmɨ ɨ̀sɨlɨa alè yɨ̀ ra. 10Adanɨa yɨ̀, àmɨ lè Kristiani Makidonia vɨɨ ɨnɨ drɨ́á rá. Te kírí kpé àma àmɨ àꞌíi lètaa ɨ̀ꞌdajʉ ɨnɨ yɨ́ àsúú.
11Àmɨ ndré kílílí drʉ kɨ́nɨ̀, àmɨ ovʉʉ ɨdrɨ ꞌyéè yɨ̀, àmɨ ꞌbá así eꞌyo àmɨ drìlia vɨɨ ꞌojʉ ɨ díká àzí ngajʉ àmɨ gí yɨ̀ kɨ̀le àma nɨ azílé àmɨ yɨ́ ꞌba vɨɨ lé. 12Ànɨ ꞌba alóo Orɨ nɨ nìle kʉ vɨɨ ɨnɨ ngaa àmɨ ìnzìi adrɨzà àmɨ nɨ ꞌole oꞌdú àlʉ àlʉ bʉ yɨ̀ vɨɨ butia yɨ̀ díká ànɨ àmɨ ngaa ovʉ òkpo ꞌba alóo ꞌyowa yɨ̀ kʉ benì.
Cataa Opɨ awo vɨɨ
13Adrímà Kristiani lá, àma lè àmɨ ní àrɨ eꞌyo ɨco nɨ Kristiani òdràle ra vɨɨ be nɨ̀ yà vɨɨ ra, ànɨ àmɨ ngaa mu ovʉ càndɨ kɨ̀le ꞌba asíꞌbàle kʉ vɨɨ ɨnɨ lé kʉ benì. 14Àma àꞌɨ̀ ra kɨ̀nɨ̀ Yesu drà ra díká ɨ̀gà ra. Díká àma àꞌɨ̀ ra kɨ́nɨ̀ Orɨ nɨ ngaa ꞌba òdràle àꞌɨ̀taa be vɨɨ ɨnɨ drì ɨ̀kàa Yesu ɨbe túàlʉ. 15Eꞌyo àma nɨ ɨmbale àmɨ yɨ́ ꞌdɨ̀vɨɨ ɨ̀rɨ ɨmbataa ngajʉ Opɨ bʉ vɨɨ ɨ. Àma ꞌba ngale ovʉle ɨdrɨ drʉ oꞌdú Opɨ nɨ drìkàjʉ vɨɨ yɨ̀ vɨɨ ɨnɨ drʉ, àma ngaa mu drì fu Opɨ be òkò ꞌba òdràle ra vɨɨ ɨnɨ yɨ́ kʉ. 16Àrɨ̀yɨ̀kʉ Opɨ ngʉlʉpɨ nɨ ngaa sii nyáá ngajʉ ꞌbùa vɨɨ yɨ̀, àzítáá òkpo vɨ́ɨvɨɨ be àálé oru yɨ̀, àálé drìcere malaika ꞌyowa vɨɨ awo vɨɨ be díká gùá Orɨ awo vɨɨ be, díká ꞌba òdràle Kristo alɨa vɨɨ ɨnɨ ngaa ɨ̀gàa òkò. 17ꞌDànaa butia, àma ꞌba àsìle ɨdrɨ drʉ vɨɨ ɨnɨ drʉ, Orɨ nɨ ngaa àma ti traa ɨnɨ be túàlʉ iríti alɨa mujʉ drìfujʉ Opɨ be oru òlɨ́ alɨa. Díká àma ngaa ovʉ Opɨ be túàlʉ náni náni. 18Ànɨyɨ̀ àmɨ ɨ̀ká àmɨ àmɨ ɨ̀sɨlɨa ɨmbataa ꞌdɨ̀vɨɨ ɨnɨ yɨ̀.
Currently Selected:
1 Tesalonika 4: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Tesalonika 4
4
Adrɨzà àyɨ̀kò fèle Orɨ yɨ́ vɨɨ
1Àsìjʉ, adrímà Kristiani lá, àma ɨmba ndráánɨ́ àmɨ adrɨzà ɨcole Orɨ yɨ́ àyɨ̀kò fèle vɨɨ ɨnɨ yɨ̀ ra, kɨ̀le àmɨ nɨ ovʉle ɨdrɨ ndee alɨa ꞌdɨ̀vɨɨ lé. Ànɨ àma àmɨ àꞌíi Opɨ Yesu rú yɨ̀ kɨ́nɨ̀ àmɨ nɨ ovʉrɨa ɨdrɨ drʉ ꞌdɨ̀, àmɨ ꞌó eꞌyo ꞌdɨ̀vɨɨ ɨnɨ àsúú. 2Àrɨ̀yɨ̀kʉ àmɨ nì eꞌyo àma nɨ ɨmbale àmɨ yɨ́ òkpo Opɨ Yesu awo vɨɨ yɨ̀ vɨɨ ɨnɨ ra.
3Ɨ̀rɨ eꞌyo Orɨ nɨ lèle nɨ̀ nɨ àmɨ ꞌbàjʉ àlátárá drʉ, ànɨ lè àmɨ oná àmɨ eꞌyo àlɨ ꞌbàzà nɨ vɨɨ yɨ̀ ra, 4azílé àmɨ àlʉàlʉ ɨ̀rɨ nì nɨ ngʉlʉpɨ rúá#4:4 Nòsɨ̀kʉàmɨ àlʉàlʉ ɨ̀rɨ nì nɨ ngʉlʉpɨ rúá tà mbaleNòsɨ̀kʉƗ̀rɨ ru nɨ awo izí cɨ. tà mbale léti àlátárá vɨ́ɨvɨɨ yɨ̀ díká léti ìnzìtaa nɨ vɨɨ yɨ̀, 5ovʉʉ àva àlɨ ꞌbàzà nɨ be kɨ̀le ꞌba wúdrìkúrùa Orɨ nɨ nìle kʉ vɨɨ ɨnɨ lé kʉ. 6Lè ꞌba àloo ɨ̀rɨ ꞌo ɨ̀zatà adripi Kristiani drʉ vɨɨ rúá kʉ nòsɨ̀kʉ ɨ̀rɨ àyʉ ꞌba àloo léti ꞌdɨ̀vɨ́ɨvɨɨ yɨ̀ òròdrí isújʉ́ kʉ. Opɨ nɨ ngaa panga fèe ꞌba ɨ̀zatà ꞌdɨ̀vɨ́ɨvɨɨ ꞌole vɨɨ ɨnɨ yɨ́ ra, kɨ̀le àma nɨ ɨbúlé ꞌyole àmɨ yɨ́ ꞌbá vɨɨ lé díká àma nɨ àmɨ bílé lɨle ànɨ ꞌba vɨɨ lé. 7Àrɨ̀yɨ̀kʉ Orɨ omve àma ovʉjʉ ɨdrɨ àlátárá yɨ̀, ovʉʉ eꞌyo ònzɨ ꞌojʉ kʉ. 8Ànɨyɨ̀, ꞌbarʉʉ ɨmbataa ꞌdɨ̀vɨɨ gàle sɨ vɨɨ gàa ꞌba ada ti nɨ kʉ, te gà Orɨ Orɨndɨ àlátárá fèle àmɨ yɨ́ vɨɨ tia ɨ.
9Adanɨa sìità kʉ àma nɨ eꞌyo sɨ̀jʉ àmɨ yɨ́ alè àmɨ ɨsɨlɨa Kristiani drʉ vɨɨ drìa, àrɨ̀yɨ̀kʉ Orɨ ngʉlʉpɨ ɨmba àmɨ ovʉjʉ àmɨ ɨ̀sɨlɨa alè yɨ̀ ra. 10Adanɨa yɨ̀, àmɨ lè Kristiani Makidonia vɨɨ ɨnɨ drɨ́á rá. Te kírí kpé àma àmɨ àꞌíi lètaa ɨ̀ꞌdajʉ ɨnɨ yɨ́ àsúú.
11Àmɨ ndré kílílí drʉ kɨ́nɨ̀, àmɨ ovʉʉ ɨdrɨ ꞌyéè yɨ̀, àmɨ ꞌbá así eꞌyo àmɨ drìlia vɨɨ ꞌojʉ ɨ díká àzí ngajʉ àmɨ gí yɨ̀ kɨ̀le àma nɨ azílé àmɨ yɨ́ ꞌba vɨɨ lé. 12Ànɨ ꞌba alóo Orɨ nɨ nìle kʉ vɨɨ ɨnɨ ngaa àmɨ ìnzìi adrɨzà àmɨ nɨ ꞌole oꞌdú àlʉ àlʉ bʉ yɨ̀ vɨɨ butia yɨ̀ díká ànɨ àmɨ ngaa ovʉ òkpo ꞌba alóo ꞌyowa yɨ̀ kʉ benì.
Cataa Opɨ awo vɨɨ
13Adrímà Kristiani lá, àma lè àmɨ ní àrɨ eꞌyo ɨco nɨ Kristiani òdràle ra vɨɨ be nɨ̀ yà vɨɨ ra, ànɨ àmɨ ngaa mu ovʉ càndɨ kɨ̀le ꞌba asíꞌbàle kʉ vɨɨ ɨnɨ lé kʉ benì. 14Àma àꞌɨ̀ ra kɨ̀nɨ̀ Yesu drà ra díká ɨ̀gà ra. Díká àma àꞌɨ̀ ra kɨ́nɨ̀ Orɨ nɨ ngaa ꞌba òdràle àꞌɨ̀taa be vɨɨ ɨnɨ drì ɨ̀kàa Yesu ɨbe túàlʉ. 15Eꞌyo àma nɨ ɨmbale àmɨ yɨ́ ꞌdɨ̀vɨɨ ɨ̀rɨ ɨmbataa ngajʉ Opɨ bʉ vɨɨ ɨ. Àma ꞌba ngale ovʉle ɨdrɨ drʉ oꞌdú Opɨ nɨ drìkàjʉ vɨɨ yɨ̀ vɨɨ ɨnɨ drʉ, àma ngaa mu drì fu Opɨ be òkò ꞌba òdràle ra vɨɨ ɨnɨ yɨ́ kʉ. 16Àrɨ̀yɨ̀kʉ Opɨ ngʉlʉpɨ nɨ ngaa sii nyáá ngajʉ ꞌbùa vɨɨ yɨ̀, àzítáá òkpo vɨ́ɨvɨɨ be àálé oru yɨ̀, àálé drìcere malaika ꞌyowa vɨɨ awo vɨɨ be díká gùá Orɨ awo vɨɨ be, díká ꞌba òdràle Kristo alɨa vɨɨ ɨnɨ ngaa ɨ̀gàa òkò. 17ꞌDànaa butia, àma ꞌba àsìle ɨdrɨ drʉ vɨɨ ɨnɨ drʉ, Orɨ nɨ ngaa àma ti traa ɨnɨ be túàlʉ iríti alɨa mujʉ drìfujʉ Opɨ be oru òlɨ́ alɨa. Díká àma ngaa ovʉ Opɨ be túàlʉ náni náni. 18Ànɨyɨ̀ àmɨ ɨ̀ká àmɨ àmɨ ɨ̀sɨlɨa ɨmbataa ꞌdɨ̀vɨɨ ɨnɨ yɨ̀.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved