1 Koronito 3
3
Eꞌyo ɨ̀sɨle cozà Kristiani ɨnɨ ɨsɨlɨa vɨɨ
1Adrímà Kristiani drʉ vɨɨ ɨnɨ lá, ma nɨ ndráánɨ́ ovʉrɨa àmɨ be, ma ɨcoo ɨ̀ta àmɨ be kɨ̀le manɨ ɨ̀tàle ꞌba òkpo isúlé Orɨndɨ Àlátárá bʉ́ vɨɨ ɨnɨ lé kʉ te kɨ̀le ꞌba eꞌyo nyawú nɨ vɨɨ nɨ àzítáá sile ɨnɨ drìa nɨ̀ vɨ́ɨvɨɨ ɨnɨ lé, kɨ̀le anzɨ nyɨ́rɨ́ lé Kristo alɨa. 2Ma rɨ àmɨ yɨ́ eꞌyo àmɨ nɨ ɨcole vàle ɨ̀wako vɨ́ɨvɨɨ ɨmba ɨ, kɨ̀le ayo nɨ ba fèle òdékʉá yɨ́ vɨ́nɨ. Te àmɨ ovʉʉ ndráánɨ́ ngónde tà ndee nyajʉ kʉ. 3Àmɨ ngà kírí eꞌyo nyawú nɨ vɨɨ alɨa. Àrɨ̀yɨ̀kʉ àmɨ ngà àꞌyà be díká àmɨ ngà àwàa àmɨ ɨsɨlɨa àwà, àmɨ ovʉʉ ngà kírí adrɨzà nyawú nɨ vɨɨ alɨa kʉ yà? Àmɨ ꞌoo eꞌyo kɨ̀le ꞌba eꞌyo nyawú nɨ vɨɨ ɨnɨ buti òbɨ̀le vɨɨ ɨnɨ lé kʉ yà? 4Àrɨ̀yɨ̀kʉ ꞌbarʉʉ tè ꞌyoo kɨ́nɨ̀, “Ma eꞌyo Paulo awo vɨɨ butia òbɨ̀ɨ ɨ,” díká àloo vɨɨ tè ꞌyoo kɨ́nɨ̀, “Ma eꞌyo Apolo awo vɨɨ butia òbɨ̀ɨ ɨ,” Àmɨ ꞌoo dèe naa eꞌyo ꞌba eꞌyo nyawú nɨ vɨɨ ɨnɨ butia bìle vɨɨ lé kʉ yà?
5Àdanɨa, Apolo nɨ àrɨ nɨ yà? Díká Paulo nɨ àrɨ nɨ yà? Lʉ́ kíríá ɨnɨ àzíꞌbá, àmɨ nɨ cajʉ eꞌyo Opɨ awo vɨɨ àꞌɨ̀le léti ɨnɨ bʉ vɨɨ yɨ̀ vɨɨ ɨnɨ ɨ, kɨ̀le Opɨ nɨ nɨ awo àzí vɨɨ fèle ɨnɨ àlʉàlʉ yɨ́ vɨɨ lé. 6Ma sa ndráánɨ́ òrɨ nɨ, Apolo ɨ̀sʉ̀ drìa yí nɨ, te Orɨ fè ɨ̀rɨ yɨ́ co nɨ̀. 7Ànɨ ꞌbarʉʉ òrɨ sale nòsɨ̀kʉ ꞌbarʉʉ yí ɨ̀sʉ̀le drìa vɨɨ ovʉʉ òròdrí be kʉ, te kírí Orɨ fèle ɨ̀rɨ cò vɨɨ ɨ. 8Agú òrɨ sale vɨɨ ɨnɨ agú yí ɨ̀sʉ̀le drìa vɨɨ be drɨ́á àzí àlʉ ngaa eꞌyo àlʉ àzà kojʉ, díká ꞌba ngaa ɨnɨ òfèe àzí ɨnɨ nɨ ngale vɨɨ omgboa yɨ̀. 9Àrɨ̀yɨ̀kʉ àma Apolo be drɨ́á àzí nga Orɨ yɨ́, te àmɨ nga Orɨ awo vɨɨ ɨ àloo jó Orɨ awo nɨ. 10Asíndrɨ̀zà Orɨ nɨ fèle ma yɨ́ vɨɨ yɨ̀, ma ꞌbà jó soti kɨ̀le ꞌba nìle jó sɨle kílílí vɨɨ ɨnɨ lé, díká ꞌbarʉʉ àloo mgbia nɨ jó sii drìa nɨ̀. Te lè ꞌba àlʉàlʉ ɨ̀rɨ ovʉ mule be jó ndee Siria sotia vɨɨ drìa. 11Àrɨ̀yɨ̀kʉ ꞌbarʉʉ àloo ɨcole jó soti àloo mgbi vɨ́ɨvɨɨ ìsìle àma ꞌyowa vɨɨ ndèle ra vɨ́ɨvɨɨ yʉ, pèlʉ́ ráa Yesu Kristo ɨ ka. 12ꞌBarʉʉ àloo tè àbɨ̀ sii jó soti ꞌdɨ̀vɨɨ drìa golìdì yɨ̀, sílìvà yɨ̀, ɨrà àjè be vɨɨ yɨ̀, bawʉ̀ yɨ̀, asé kɨ̀le wɨwɨ lé vɨɨ yɨ̀ nòsɨ̀kʉ òzʉ yɨ̀, 13àzí ɨ̀rɨ awo vɨɨ kambʉa nɨ ngaa nɨ ɨ̀cee cenɨ̀, àrɨ̀yɨ̀kʉ oꞌdú Kristo awo vɨɨ nɨ ngaa ɨ̀rɨ ɨ̀ꞌdaa ndɨrɨ dìzà alɨa. Ɨ̀rɨ ngaa nɨ ɨ̀cee àcɨ alɨa, díká àcɨ nɨ ngaa ꞌba àlʉàlʉ awo azí ɨ̀rɨ nɨ ngale vɨɨ wúráa òꞌbìi ra. 14Àfa ɨ̀rɨ nɨ sile vɨɨ àcɨ te vee kʉ, ɨ̀rɨ ngaa nɨ awo òya isúu ra. 15Te afa ndee tè vee ra, ɨ̀rɨ ngaa afa ndee àvɨ̀ɨ ra, ɨ̀rɨ ngʉlʉpɨ nɨ ngaa nɨ paa ra, te kɨ̀le ꞌbarʉʉ nɨ paa ngajʉ acɨ alɨa vɨɨ lé. 16Àmɨ nìi kɨ́nɨ̀ àmɨ Orɨ jó ìmgbélé Orɨ awo vɨɨ ɨ díká Orɨndɨ Orɨ awo vɨɨ ɨ ovʉ àmɨ alɨa vɨɨ kʉ yà? 17ꞌBarʉʉ tè Orɨ jó ìmgbélé vɨɨ àsʉʉ ra, Orɨ nɨ ngaa ɨ̀rɨ drì jàa ra àrɨ̀yɨ̀kʉ Orɨ jó nɨ kara àlátárá drʉ nɨ, díká ꞌba té àmɨ ɨ̀cɨ drɨ́á túàlʉ, àmɨ ca Orɨ jó ndee drʉ. 18Àmɨ olé àmɨ kʉ. ꞌBa àloo tè ɨgaa nɨ òndʉ̀ʉ̀ be eꞌyo wúdrìkúrù ꞌdònoo alɨa vɨɨ butia yɨ̀ nɨ, lè ɨ̀rɨ ꞌbànɨ azazà drʉ ànɨ ɨ̀rɨ ngaa caa òndʉ̀ʉ̀ be benì. 19Àrɨ̀yɨ̀kʉ òndʉ̀ʉ̀ wúdrìkúrù vɨɨ alɨa vɨɨ ɨ̀rɨ eꞌyo azazà nɨ Orɨ mulia. #Yobu 5:13Kɨ̀le ꞌbanɨ sɨ̀le vɨɨ lé kɨ́nɨ̀, “Orɨ ɨ ꞌba òndʉ̀ʉ̀ be vɨɨ ɨnɨ òru ɨnɨ nɨ àkɨ́rɨ̀ ꞌorɨa,” 20díká eꞌyo sɨ̀zà àloo ꞌyo kɨ́nɨ̀, “Opɨ nì ꞌba òndʉ̀ʉ̀ be vɨɨ ꞌyowa ɨgataa vɨɨ ɨnɨ òròdrí yʉ́ vɨɨ ra.” 21Ànɨ lè àmɨ ɨ̀nyá àmɨ ꞌba ada yɨ̀ kʉ. Àfa drɨ́á ꞌba fé ɨnɨ àmɨ yɨ́ rá, 22tè káꞌdí ovʉʉ Paulo ɨ nòsɨ̀kʉ Apolo ɨ nòsɨ̀kʉ Kefa ɨ kpé nòsɨ̀kʉ tè ovʉʉ nyawú nɨ nòsɨ̀kʉ ɨdrɨ nɨ nòsɨ̀kʉ drà nɨ nòsɨ̀kʉ eꞌyo àndrʉ̀ vɨɨ ɨ nòsɨ̀kʉ eꞌyo muu caa vɨɨ ɨnɨ drɨ́á àmɨ ꞌyowa nɨ, 23díká àmɨ Kristo awo nɨ, díká Kristo nɨ Orɨ awo nɨ.
Currently Selected:
1 Koronito 3: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Koronito 3
3
Eꞌyo ɨ̀sɨle cozà Kristiani ɨnɨ ɨsɨlɨa vɨɨ
1Adrímà Kristiani drʉ vɨɨ ɨnɨ lá, ma nɨ ndráánɨ́ ovʉrɨa àmɨ be, ma ɨcoo ɨ̀ta àmɨ be kɨ̀le manɨ ɨ̀tàle ꞌba òkpo isúlé Orɨndɨ Àlátárá bʉ́ vɨɨ ɨnɨ lé kʉ te kɨ̀le ꞌba eꞌyo nyawú nɨ vɨɨ nɨ àzítáá sile ɨnɨ drìa nɨ̀ vɨ́ɨvɨɨ ɨnɨ lé, kɨ̀le anzɨ nyɨ́rɨ́ lé Kristo alɨa. 2Ma rɨ àmɨ yɨ́ eꞌyo àmɨ nɨ ɨcole vàle ɨ̀wako vɨ́ɨvɨɨ ɨmba ɨ, kɨ̀le ayo nɨ ba fèle òdékʉá yɨ́ vɨ́nɨ. Te àmɨ ovʉʉ ndráánɨ́ ngónde tà ndee nyajʉ kʉ. 3Àmɨ ngà kírí eꞌyo nyawú nɨ vɨɨ alɨa. Àrɨ̀yɨ̀kʉ àmɨ ngà àꞌyà be díká àmɨ ngà àwàa àmɨ ɨsɨlɨa àwà, àmɨ ovʉʉ ngà kírí adrɨzà nyawú nɨ vɨɨ alɨa kʉ yà? Àmɨ ꞌoo eꞌyo kɨ̀le ꞌba eꞌyo nyawú nɨ vɨɨ ɨnɨ buti òbɨ̀le vɨɨ ɨnɨ lé kʉ yà? 4Àrɨ̀yɨ̀kʉ ꞌbarʉʉ tè ꞌyoo kɨ́nɨ̀, “Ma eꞌyo Paulo awo vɨɨ butia òbɨ̀ɨ ɨ,” díká àloo vɨɨ tè ꞌyoo kɨ́nɨ̀, “Ma eꞌyo Apolo awo vɨɨ butia òbɨ̀ɨ ɨ,” Àmɨ ꞌoo dèe naa eꞌyo ꞌba eꞌyo nyawú nɨ vɨɨ ɨnɨ butia bìle vɨɨ lé kʉ yà?
5Àdanɨa, Apolo nɨ àrɨ nɨ yà? Díká Paulo nɨ àrɨ nɨ yà? Lʉ́ kíríá ɨnɨ àzíꞌbá, àmɨ nɨ cajʉ eꞌyo Opɨ awo vɨɨ àꞌɨ̀le léti ɨnɨ bʉ vɨɨ yɨ̀ vɨɨ ɨnɨ ɨ, kɨ̀le Opɨ nɨ nɨ awo àzí vɨɨ fèle ɨnɨ àlʉàlʉ yɨ́ vɨɨ lé. 6Ma sa ndráánɨ́ òrɨ nɨ, Apolo ɨ̀sʉ̀ drìa yí nɨ, te Orɨ fè ɨ̀rɨ yɨ́ co nɨ̀. 7Ànɨ ꞌbarʉʉ òrɨ sale nòsɨ̀kʉ ꞌbarʉʉ yí ɨ̀sʉ̀le drìa vɨɨ ovʉʉ òròdrí be kʉ, te kírí Orɨ fèle ɨ̀rɨ cò vɨɨ ɨ. 8Agú òrɨ sale vɨɨ ɨnɨ agú yí ɨ̀sʉ̀le drìa vɨɨ be drɨ́á àzí àlʉ ngaa eꞌyo àlʉ àzà kojʉ, díká ꞌba ngaa ɨnɨ òfèe àzí ɨnɨ nɨ ngale vɨɨ omgboa yɨ̀. 9Àrɨ̀yɨ̀kʉ àma Apolo be drɨ́á àzí nga Orɨ yɨ́, te àmɨ nga Orɨ awo vɨɨ ɨ àloo jó Orɨ awo nɨ. 10Asíndrɨ̀zà Orɨ nɨ fèle ma yɨ́ vɨɨ yɨ̀, ma ꞌbà jó soti kɨ̀le ꞌba nìle jó sɨle kílílí vɨɨ ɨnɨ lé, díká ꞌbarʉʉ àloo mgbia nɨ jó sii drìa nɨ̀. Te lè ꞌba àlʉàlʉ ɨ̀rɨ ovʉ mule be jó ndee Siria sotia vɨɨ drìa. 11Àrɨ̀yɨ̀kʉ ꞌbarʉʉ àloo ɨcole jó soti àloo mgbi vɨ́ɨvɨɨ ìsìle àma ꞌyowa vɨɨ ndèle ra vɨ́ɨvɨɨ yʉ, pèlʉ́ ráa Yesu Kristo ɨ ka. 12ꞌBarʉʉ àloo tè àbɨ̀ sii jó soti ꞌdɨ̀vɨɨ drìa golìdì yɨ̀, sílìvà yɨ̀, ɨrà àjè be vɨɨ yɨ̀, bawʉ̀ yɨ̀, asé kɨ̀le wɨwɨ lé vɨɨ yɨ̀ nòsɨ̀kʉ òzʉ yɨ̀, 13àzí ɨ̀rɨ awo vɨɨ kambʉa nɨ ngaa nɨ ɨ̀cee cenɨ̀, àrɨ̀yɨ̀kʉ oꞌdú Kristo awo vɨɨ nɨ ngaa ɨ̀rɨ ɨ̀ꞌdaa ndɨrɨ dìzà alɨa. Ɨ̀rɨ ngaa nɨ ɨ̀cee àcɨ alɨa, díká àcɨ nɨ ngaa ꞌba àlʉàlʉ awo azí ɨ̀rɨ nɨ ngale vɨɨ wúráa òꞌbìi ra. 14Àfa ɨ̀rɨ nɨ sile vɨɨ àcɨ te vee kʉ, ɨ̀rɨ ngaa nɨ awo òya isúu ra. 15Te afa ndee tè vee ra, ɨ̀rɨ ngaa afa ndee àvɨ̀ɨ ra, ɨ̀rɨ ngʉlʉpɨ nɨ ngaa nɨ paa ra, te kɨ̀le ꞌbarʉʉ nɨ paa ngajʉ acɨ alɨa vɨɨ lé. 16Àmɨ nìi kɨ́nɨ̀ àmɨ Orɨ jó ìmgbélé Orɨ awo vɨɨ ɨ díká Orɨndɨ Orɨ awo vɨɨ ɨ ovʉ àmɨ alɨa vɨɨ kʉ yà? 17ꞌBarʉʉ tè Orɨ jó ìmgbélé vɨɨ àsʉʉ ra, Orɨ nɨ ngaa ɨ̀rɨ drì jàa ra àrɨ̀yɨ̀kʉ Orɨ jó nɨ kara àlátárá drʉ nɨ, díká ꞌba té àmɨ ɨ̀cɨ drɨ́á túàlʉ, àmɨ ca Orɨ jó ndee drʉ. 18Àmɨ olé àmɨ kʉ. ꞌBa àloo tè ɨgaa nɨ òndʉ̀ʉ̀ be eꞌyo wúdrìkúrù ꞌdònoo alɨa vɨɨ butia yɨ̀ nɨ, lè ɨ̀rɨ ꞌbànɨ azazà drʉ ànɨ ɨ̀rɨ ngaa caa òndʉ̀ʉ̀ be benì. 19Àrɨ̀yɨ̀kʉ òndʉ̀ʉ̀ wúdrìkúrù vɨɨ alɨa vɨɨ ɨ̀rɨ eꞌyo azazà nɨ Orɨ mulia. #Yobu 5:13Kɨ̀le ꞌbanɨ sɨ̀le vɨɨ lé kɨ́nɨ̀, “Orɨ ɨ ꞌba òndʉ̀ʉ̀ be vɨɨ ɨnɨ òru ɨnɨ nɨ àkɨ́rɨ̀ ꞌorɨa,” 20díká eꞌyo sɨ̀zà àloo ꞌyo kɨ́nɨ̀, “Opɨ nì ꞌba òndʉ̀ʉ̀ be vɨɨ ꞌyowa ɨgataa vɨɨ ɨnɨ òròdrí yʉ́ vɨɨ ra.” 21Ànɨ lè àmɨ ɨ̀nyá àmɨ ꞌba ada yɨ̀ kʉ. Àfa drɨ́á ꞌba fé ɨnɨ àmɨ yɨ́ rá, 22tè káꞌdí ovʉʉ Paulo ɨ nòsɨ̀kʉ Apolo ɨ nòsɨ̀kʉ Kefa ɨ kpé nòsɨ̀kʉ tè ovʉʉ nyawú nɨ nòsɨ̀kʉ ɨdrɨ nɨ nòsɨ̀kʉ drà nɨ nòsɨ̀kʉ eꞌyo àndrʉ̀ vɨɨ ɨ nòsɨ̀kʉ eꞌyo muu caa vɨɨ ɨnɨ drɨ́á àmɨ ꞌyowa nɨ, 23díká àmɨ Kristo awo nɨ, díká Kristo nɨ Orɨ awo nɨ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved