1 Koronito 2
2
1Adrímà díká ambʉ́mà kristiani drʉ vɨɨ ɨnɨ lá, manɨ ndráánɨ́ carɨa àmɨ bʉ eꞌyo zìzà drʉ Orɨ awo vɨɨ sotia ɨ̀ꞌdarɨa, ma àyʉʉ ti vàle kʉ mbazà vɨ́ɨvɨɨ ɨnɨ ɨ kʉ nòsɨ̀kʉ òndʉ̀a àloo tʉ̀ mgbi vɨ́ɨvɨɨ ɨ kʉ.#2:1 Eꞌyo sɨ̀zà alóo kɨ́nɨ̀Manɨ àmɨ yɨ́ eꞌyo soti Orɨ awo vɨɨ olùle vɨɨ lé. 2Àrɨ̀yɨ̀kʉ manɨ ndráánɨ́ ovʉrɨa àmɨ be, ma ꞌbàa así eꞌyo àloo drìa kʉ pèlʉ́ ma rɨ eꞌyo ɨga Yesu Kristo drìa díká dràtaa ɨ̀rɨ awo ꞌbanɨ ɨ̀rɨ dijʉ patí àlazà rúá vɨɨ drìa. 3Ma ca àmɨ bʉ òrì be asíá, òkpoàkò be díká rúá yàzà be. 4Oꞌdúkó ma awo vɨɨ ɨnɨ eꞌyo manɨ oyʉle vɨɨ be ovʉ́ʉ́ ndráánɨ́ òndʉ̀ʉ̀ nìtaa nɨ be díká ꞌba obetaa be kʉ, te òkpo Orɨndɨ Orɨ awo vɨɨ yɨ̀, 5azílé àꞌɨ̀taa àmɨ ꞌyowa vɨɨ ɨ̀rɨ sòka òndʉ̀à ꞌbanɨ vɨɨ drìa kʉ te òkpo Orɨ awo vɨɨ drìa.
Òndʉ̀ʉ̀ Orɨndɨ nɨ fèle vɨɨ
6Ma oꞌdúkó òndʉ̀ʉ̀ nɨ vɨɨ òlʉ̀ʉ ꞌba còle Orɨndɨ alɨa vɨɨ ɨnɨ yɨ́, te ovʉʉ ꞌba òndʉ̀ʉ̀ be iwú ꞌdònoo yɨ̀ vɨɨ ɨnɨ yɨ́ kʉ nòsɨ̀kʉ ꞌba òpɨ̀ nyaꞌba iwú vɨɨ yɨ̀ eꞌyo nìꞌba kʉ vɨɨ ɨnɨ yɨ́ kʉ. 7Ma eꞌyo ɨmbaa òndʉ̀a Orɨ awo vɨɨ drìa, vɨɨ òndʉ̀a ɨ̀rɨ nɨ ibúlé zìle ꞌba drɨ̀ò vɨɨ ɨnɨ yɨ́ cɨ́ vɨɨ ɨ. Orɨ otʉ eꞌyo dɨ̀vɨɨ dèèngà iwú vɨɨ ɨꞌdoo ngà kʉ díká ɨga eꞌyo otʉtaa ꞌdɨ̀vɨɨ àyʉjʉ àma yɨ́ dìzà fèjʉ. 8Opɨ àloo eꞌyo ꞌdɨ̀vɨɨ ɨkɨ́a àlʉa vàle iwú naa yɨ̀ raa yʉ, tèté ndráánɨ́ ovʉʉ cɨ, ꞌba ɨcóó Opɨ dìzà be vɨɨ di patí àlazà rúá kʉ. 9#Isaya 64:4Adanɨa, kɨ̀le eꞌyo sɨ̀zà nɨ ꞌyole vɨɨ lé kɨ́nɨ̀:
“Mule àloo ndrèlea yʉ,
bílé àloo ɨrɨle raa yʉ,
omɨ̀ àloo vàtaa be
eꞌyo Orɨ nɨ otʉle ꞌba ɨ̀rɨ lèle vɨɨ ɨnɨ yɨ́ vɨɨ vàlea yʉ,”
10te Orɨ ɨ̀ꞌda àma yɨ́ eꞌyo ndee Orɨndɨ ɨ̀rɨ awo vɨɨ yɨ̀.
Orɨndɨ ɨ̀rɨ awo vɨɨ ɨ àfa drɨ́á ndru káꞌdí àfa nɨ zìle dìì Orɨ awo vɨɨ ɨbe. 11ꞌBa àloo àrípi asísílé nìle ra vɨ́ɨvɨɨ cɨ yà? Ovʉʉ kírí orɨndɨ ɨ̀rɨ awo vɨɨ ɨ kʉ ya? Kòꞌbò vɨɨ lé, ꞌba àloo Orɨ ɨgataa nìlea yʉ pèlʉ́ Orɨndɨ Orɨ awo vɨɨ ɨ. 12Àma isúú orɨndɨ nyawú nɨ vɨɨ ɨ kʉ te orɨndɨ ɨngale Orɨ bʉ vɨɨ ɨ, azílé àma nɨ́ àfa Orɨ nɨ fèle àma yɨ́ náni vɨɨ benì. 13ꞌDɨ̀vɨɨ eꞌyo àma nɨ nzele vɨɨ ɨ, ovʉʉ ꞌba ɨmbá ɨ̀rɨ àma yɨ́ òndʉ̀a ꞌba ada nɨ vɨɨ yɨ̀ ɨ kʉ te eꞌyo Orɨndɨ nɨ ɨmbale nɨ̀ vɨɨ yɨ̀, àma eꞌyo ada Orɨndɨ nɨ vɨɨ àyʉʉ eꞌyo ɨkɨ́ ɨ̀cejʉ ꞌba òkpo Orɨndɨ nɨ vɨɨ be vɨɨ ɨnɨ yɨ́.#2:13 Eꞌyo Orɨndɨ nɨ vɨɨ nzejʉ ꞌba Orɨndɨ eꞌyo àꞌɨ̀le ra vɨɨ ɨnɨ yɨ́. 14Agú ovʉle Orɨndɨ koko vɨɨ àꞌɨ̀ɨ eꞌyo ɨngale Orɨndɨ Orɨ awo vɨɨ bʉ vɨɨ kʉ, àrɨ̀yɨ̀kʉ ɨnɨ eꞌyo azazà nɨ ɨ̀rɨ yɨ́ díká ɨcoo ɨnɨ va kʉ ɨnɨ nɨ ovʉle eꞌyo ꞌbanɨ vàle léti orɨndɨ nɨ vɨɨ yɨ̀ vɨɨ ɨ vɨɨ yɨ̀. 15Agú ovʉle Orɨndɨ Orɨ awo vɨɨ be vɨɨ ɨ eꞌyo drɨ́á li te ꞌba àloo lii ɨ̀rɨ eꞌyo kʉ.
16“Àrɨ nì ɨgataa Opɨ awo vɨɨ nɨ̀
ɨcojʉ ɨ̀rɨ yɨ́ ɨgataa piri fèjʉ?”
Te àma ɨgataa Kristo awo vɨɨ be.
Currently Selected:
1 Koronito 2: MADI-URL
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved
1 Koronito 2
2
1Adrímà díká ambʉ́mà kristiani drʉ vɨɨ ɨnɨ lá, manɨ ndráánɨ́ carɨa àmɨ bʉ eꞌyo zìzà drʉ Orɨ awo vɨɨ sotia ɨ̀ꞌdarɨa, ma àyʉʉ ti vàle kʉ mbazà vɨ́ɨvɨɨ ɨnɨ ɨ kʉ nòsɨ̀kʉ òndʉ̀a àloo tʉ̀ mgbi vɨ́ɨvɨɨ ɨ kʉ.#2:1 Eꞌyo sɨ̀zà alóo kɨ́nɨ̀Manɨ àmɨ yɨ́ eꞌyo soti Orɨ awo vɨɨ olùle vɨɨ lé. 2Àrɨ̀yɨ̀kʉ manɨ ndráánɨ́ ovʉrɨa àmɨ be, ma ꞌbàa así eꞌyo àloo drìa kʉ pèlʉ́ ma rɨ eꞌyo ɨga Yesu Kristo drìa díká dràtaa ɨ̀rɨ awo ꞌbanɨ ɨ̀rɨ dijʉ patí àlazà rúá vɨɨ drìa. 3Ma ca àmɨ bʉ òrì be asíá, òkpoàkò be díká rúá yàzà be. 4Oꞌdúkó ma awo vɨɨ ɨnɨ eꞌyo manɨ oyʉle vɨɨ be ovʉ́ʉ́ ndráánɨ́ òndʉ̀ʉ̀ nìtaa nɨ be díká ꞌba obetaa be kʉ, te òkpo Orɨndɨ Orɨ awo vɨɨ yɨ̀, 5azílé àꞌɨ̀taa àmɨ ꞌyowa vɨɨ ɨ̀rɨ sòka òndʉ̀à ꞌbanɨ vɨɨ drìa kʉ te òkpo Orɨ awo vɨɨ drìa.
Òndʉ̀ʉ̀ Orɨndɨ nɨ fèle vɨɨ
6Ma oꞌdúkó òndʉ̀ʉ̀ nɨ vɨɨ òlʉ̀ʉ ꞌba còle Orɨndɨ alɨa vɨɨ ɨnɨ yɨ́, te ovʉʉ ꞌba òndʉ̀ʉ̀ be iwú ꞌdònoo yɨ̀ vɨɨ ɨnɨ yɨ́ kʉ nòsɨ̀kʉ ꞌba òpɨ̀ nyaꞌba iwú vɨɨ yɨ̀ eꞌyo nìꞌba kʉ vɨɨ ɨnɨ yɨ́ kʉ. 7Ma eꞌyo ɨmbaa òndʉ̀a Orɨ awo vɨɨ drìa, vɨɨ òndʉ̀a ɨ̀rɨ nɨ ibúlé zìle ꞌba drɨ̀ò vɨɨ ɨnɨ yɨ́ cɨ́ vɨɨ ɨ. Orɨ otʉ eꞌyo dɨ̀vɨɨ dèèngà iwú vɨɨ ɨꞌdoo ngà kʉ díká ɨga eꞌyo otʉtaa ꞌdɨ̀vɨɨ àyʉjʉ àma yɨ́ dìzà fèjʉ. 8Opɨ àloo eꞌyo ꞌdɨ̀vɨɨ ɨkɨ́a àlʉa vàle iwú naa yɨ̀ raa yʉ, tèté ndráánɨ́ ovʉʉ cɨ, ꞌba ɨcóó Opɨ dìzà be vɨɨ di patí àlazà rúá kʉ. 9#Isaya 64:4Adanɨa, kɨ̀le eꞌyo sɨ̀zà nɨ ꞌyole vɨɨ lé kɨ́nɨ̀:
“Mule àloo ndrèlea yʉ,
bílé àloo ɨrɨle raa yʉ,
omɨ̀ àloo vàtaa be
eꞌyo Orɨ nɨ otʉle ꞌba ɨ̀rɨ lèle vɨɨ ɨnɨ yɨ́ vɨɨ vàlea yʉ,”
10te Orɨ ɨ̀ꞌda àma yɨ́ eꞌyo ndee Orɨndɨ ɨ̀rɨ awo vɨɨ yɨ̀.
Orɨndɨ ɨ̀rɨ awo vɨɨ ɨ àfa drɨ́á ndru káꞌdí àfa nɨ zìle dìì Orɨ awo vɨɨ ɨbe. 11ꞌBa àloo àrípi asísílé nìle ra vɨ́ɨvɨɨ cɨ yà? Ovʉʉ kírí orɨndɨ ɨ̀rɨ awo vɨɨ ɨ kʉ ya? Kòꞌbò vɨɨ lé, ꞌba àloo Orɨ ɨgataa nìlea yʉ pèlʉ́ Orɨndɨ Orɨ awo vɨɨ ɨ. 12Àma isúú orɨndɨ nyawú nɨ vɨɨ ɨ kʉ te orɨndɨ ɨngale Orɨ bʉ vɨɨ ɨ, azílé àma nɨ́ àfa Orɨ nɨ fèle àma yɨ́ náni vɨɨ benì. 13ꞌDɨ̀vɨɨ eꞌyo àma nɨ nzele vɨɨ ɨ, ovʉʉ ꞌba ɨmbá ɨ̀rɨ àma yɨ́ òndʉ̀a ꞌba ada nɨ vɨɨ yɨ̀ ɨ kʉ te eꞌyo Orɨndɨ nɨ ɨmbale nɨ̀ vɨɨ yɨ̀, àma eꞌyo ada Orɨndɨ nɨ vɨɨ àyʉʉ eꞌyo ɨkɨ́ ɨ̀cejʉ ꞌba òkpo Orɨndɨ nɨ vɨɨ be vɨɨ ɨnɨ yɨ́.#2:13 Eꞌyo Orɨndɨ nɨ vɨɨ nzejʉ ꞌba Orɨndɨ eꞌyo àꞌɨ̀le ra vɨɨ ɨnɨ yɨ́. 14Agú ovʉle Orɨndɨ koko vɨɨ àꞌɨ̀ɨ eꞌyo ɨngale Orɨndɨ Orɨ awo vɨɨ bʉ vɨɨ kʉ, àrɨ̀yɨ̀kʉ ɨnɨ eꞌyo azazà nɨ ɨ̀rɨ yɨ́ díká ɨcoo ɨnɨ va kʉ ɨnɨ nɨ ovʉle eꞌyo ꞌbanɨ vàle léti orɨndɨ nɨ vɨɨ yɨ̀ vɨɨ ɨ vɨɨ yɨ̀. 15Agú ovʉle Orɨndɨ Orɨ awo vɨɨ be vɨɨ ɨ eꞌyo drɨ́á li te ꞌba àloo lii ɨ̀rɨ eꞌyo kʉ.
16“Àrɨ nì ɨgataa Opɨ awo vɨɨ nɨ̀
ɨcojʉ ɨ̀rɨ yɨ́ ɨgataa piri fèjʉ?”
Te àma ɨgataa Kristo awo vɨɨ be.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., © SIL Uganda, All rights reserved