Jean 21
21
1Kèchida olo i, nè Jésus oussou tè ho disciple o nè ka nou li Tibériade. Liouara n’a oussou nè té a no mo. 2Simon Pierre, Thomas, ma yin’a nè Didyme, Nathanaël, sarli̱ ko‐a nè Cana nou Galilée, dè bi̱‐ouili kè Zébédée, o, do ma disciple kè Jésus o litou, to a jou ma. 3Simon Pierre to oui̱ne ho ouo̱‐o, è gui: Mi nèno guènè fa zolo. Ndo ouo̱ to oui̱ne h’a o, è gui: Alè koa nèno do mè bo ouo̱. Ouo̱ bara zane; ouo̱ a ko mbonggo o. Nè pome zè hi, ouo̱ ba tè zolo o pome go 4Nè toutouli, kè Jésus yolo ka nou li. O disciple o i̱ngi ti a nè. 5Jésus aka ouo̱‐o, è gui: O bi̱ no‐m’ o, mo‐yongo èli ’nè‐o bènè ndi? Ouo̱ pikifiè h’a o, è gui: Mo éli lo‐o bènè ouo̱. 6N’a to oui̱ne ho ouo̱‐o, è gui: Enè pi yo̱ o nè ka mbonggo di ouara ouili ko, k’ènè tè pa ouo̱ o. Ko ouo̱ pi yo̱ o di do̱ li mè, ndo ouo̱ fa yara daka yo̱ dingo̱ne gana ouo̱‐o, oui̱ne zolo o ko a doko ouinè. 7Kè disciple nè Jésus koa ouinè hi, to oui̱ne hè Pierre, è gui: Oui nè Seigneur! Didi kè Simon Pierre hè zili oui̱ne d‐è, è gui: Nè Seigneur ouo̱ hi, n’a pi toulou té a dè nè, oui̱ne a doungounou nè kouli; a lo do̱ li. 8Ndo ma disciple o tèno nè ko mbonggo, ko ouo̱ boulou yo̱ o nè zolo dounou ko a hi, oui̱ne ouo̱ o̱yèlè o dè ka nou zane nè, yèlè coudée o pèlè litou iè. 9Ko ouo̱ zili o di ka nou zane di, ndo uo̱ joko kéli‐oui o, kè oui sènè, kè zolo hè ngo a hi dè mapa. Jésus to oui̱ne ho ouo̱‐o, è gui: 10Enè kara zolo, n’ènè pa o di hi, tèno. 11Simon Pierre danga di ko mbonggo mè; a boulou yo̱, ndo di̱ngguè zolo o dounou ko a pèlè pome nè joua boua mo̱ro nè joua tara hi, di ka nou zane nè. Oui̱ne ouo̱ doko o ouinè, yo̱ mana pome nè. 12Jésus to oui̱ne ho ouo̱‐o, è gui: Tèno, ènè yongo‐mo o. Ma disciple o po ko aka mo, è gui: Mè nè ndo ndi? ouo̱ nè, oui̱ne ouo̱ i̱ngi ti a o, k’a nè Seigneur. 13Jésus yoko di ti, ba mapa, h’a ho ouo̱‐o; a dè dè zolo hemonggo. 14Nè amo n’a tounou nè mè hi, a oussou té a ho disciple o ouara tara nè è.
15Ko ouo̱ yongo mo o sa, nè Jésus to oui̱ne hè Simon Pierre, è gui: Simon, bi̱ nè Jonas, mè koa‐m’ gana ko ouino‐o ou‐è ndi? Nè Simon Pierre pikifiè h’a, è gui: Oui, Seigneur, mè i̱ngi no‐m’ koa no mè hi. Nè Jésus to oui̱ne h’a, è gui: Mè dara bi̱‐badoua ko‐m’ o. 16A to mbéa h’a da, è gui: Simon, bi̱ nè Jonas, mè koa‐m’ ndi? Pierre pikifiè h’a, è gui: Oui, Seigneur, mè i̱ngi no‐m’ koa no mè hi. Nè Jésus to oui̱ne h’a, è gui: Mè dara badoua ko‐m’ o. 17Jésus to mbéa h’a da ouara tara, è gui: Simon, bi̱ nè Jonas, mè koa‐m’ ndi? Kè sèlè Pierre himi nèdaka nè Jésus ak’a ouara tara, è gui: A ko’è ndi? ouo̱ hi. Kèchida nè Pierre pikifiè h’a, è gui: Seigneur, mè i̱ngi mo nè oli, mè i̱ngi no‐m’ koa no mè hi. Jésus to oui̱ne h’a, è gui: Mè dara badoua ko‐m’ o. 18Nè bara oui̱ne, nè bara oui̱ne, mi to ho mè, no mè mono nè nè bi̱me mè hi, mè pama to mè nè to mè; mè nèno hèmo nè sèlè mè koa nè higo; no mè tè bèlè nè hi, mè yèfè éli mè hè ma ouilil sè n’è pi toulou to mè; a mbo mè, nèno nè olo yara bèi nè sèlè mè ko go hi. 19A to oui̱ne d‐è hi, nè oui̱ne oussou nè liouara fio nè Pierre tè ha nè gloire hè Nzapa hi. K’a to oui̱ne d‐è sa, n’a to oui̱ne h’a, è gui: Mè tèno pata‐m’ ouo̱. 20Kè Pierre hè jiki tè, n’è joko disciple nè Jésus koa ouinè, nè oa nou nou‐goudou Jèsus po‐ouichi ndo ouo̱ yongo nè mo o, nè toa oui̱ne hè Jésus, è gui: Seigneur, nè ndo hè tè ha mè ho ouo̱‐o o ndi? hi. 21Nè Pierre joko n’a hi, n’è to oui̱ne hè Jésus, è gui: Seigneur, n’a hè, nè gui hè tè p’a gui̱ndi? 22Jésus to oui̱ne h’a, è gui: O̱nemo mi koa, è gui: A mono hègo̱o̱o̱ ho‐m’ pi̱li da sè ouo̱, k’è nè oui̱ne ko‐mè ndi? Mè tèno di pata‐m’ nè. 23Kèchida olo oui̱ne d‐è, nè oui̱ne d‐a houlou mono dida o disciple o mè, è gui: Disciple h‐è tè fi go. Jésus to oui̱ne hè Pierre, è gui: A tè fi go ouo̱ go; a toa, è gui: O̱nemo mi koa, è gui: A mono iyaaa mi pi̱li sè, k’è bènè oui̱ne ko‐mè go.
24Nè disciple hi hè toa oui̱ne olo nou mo n‐o o ou‐è, n’a h’a déè nè mbèti. Alè i̱ngi oui̱ne olo nou a nè bara oui̱ne.
25Jésus dè ma mo o doko ouinè; o̱nemo ouo̱ dè o nè mbèti nè oli, mi bangba nè nou tè oui nè mbèti ndo ouo̱ dè hi o go.
PRINTED IN GREAT BRITAIN BY
BILLING AND SONS LTD., GUILDFORD AND ESHER
Currently Selected:
Jean 21: GBANU
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1932-1939
