Dèmo kè Apôtre o 4
4
1Nè Pierre dè Jean mono nè, kè oussou nè oui̱ne ho ouili o hi, nè sacrificateur o dè oui‐pama‐temple, dè sadducéen o tèno dida ouo̱‐o nè. 2Nè sèlè ouo̱‐o dèssa nè, nèda oui̱ne d‐è ndo ouo̱ oussou ho ouili o hi, dè oussou oui̱ne hèmo nè Jésus tounou nè nè bo̱bo̱ fio higo. 3Ndo ouo̱ kara ouo̱‐o, ouo̱ a ouo̱‐o ko toa‐kanga hè ho toutouli sè; nèdaka nè mbolo déè. 4Nèdaka ndo ma o ouinè nè zili oui̱ne d‐è hi, ba nè ko sèlè lo‐o, doko ouo̱‐o koliè guèda‐iè kè saki mo̱ro.
5Kè ho toutouli, ndo ouane ko ouili o, do nga‐oui o, do scribe o, ouo̱ to a‐jou‐ma di sarli̱ Jérusalem nè, 6dè Anne, nè nè ba di̱ngguè sacrificateur hi, dè Caïphe, dè Jean, dè Alexandre, do ba doko bala sacrificateur o. 7Ndo ouo̱ ba Pierre dè Jean, ouo̱ é bo̱bo̱ ouo̱‐o, ouo̱ aka ouo̱‐o, ègui̱: Nè ngaïli gui, dè yini ndo, h’ènè dè nè mo no‐o gui̱ndi?
8Nè Pierre, nè Saint‐Esprit dounou ko sèl’a hi, to oui̱ne ho ouo̱‐o, ègui̱:
9Ouane ko ouili o, do nga‐oui ko Israël o, oui̱ne d‐è n’ènè aka nd’alè o sossoè, nèda démo nd’alè déè dè oui‐zèlè hi, nomo n’ènè aka nd’alè sè k’alè oussou hèmo nd’alè déè nè zèlè ko‐a sa nè higo, 10Mi koa ènè‐o nè oli, do ouili kè Israël o nè oli i̱ngi oui̱ne d‐è! Nèda yini Jésus‐Christ kè Nazareth, n’ènè gbé’a o nè jou croix hi, nomo nè Nzapa toun’a nè bo̱bo̱ fio o, nèda k‐a nomo nè zèlè kè ouaïl’è sa nè, kè yolo nè nè tolo‐tè di bali’nè‐o hi.
11Jésus nè ta n’ènè oui‐dè‐toa o biè hi,
Nomo n’a déè ta‐touli toa da.
12Ma oui passa ouili bènè; nèdaka nè ma yini ma ouili pome bo̱ ouili o sènè nou h‐è, kè passa’lè bènè.
13Ndo ouo̱ joko nè Pierre dè Jean, nè yolo nè nè pouo‐tè o hi, ndo ouo̱ koukou oui̱ne o, nèdaka ndo ouo̱ i̱ngi tana o, ko ouo̱ tè toro l’école ouinè o nè; ko ouo̱‐o nè gui̱li̱‐ouili nè ola, ndo ouo̱ i̱ngi tana o ko ouo̱ oa dè Jésus o i̱nggati. 14Ndo ouo̱ joko ouaïl’è nè zèlè té‐a sa hi, ka to ouo̱‐o hi, ndo ouo̱ tè pi mbé kifi oui̱ne o da nè. 15Ndo ouo̱ é ouo̱‐o guènè ho zane ko toa‐to‐mbanga dida, ouo̱ chi guènè to oui̱ne do ma o, ègui̱: 16Alè tè dè nè gui do oui no‐o ou‐è gui̱ndi? Nèdaka nè ba doko ouili sarli̱ Jérusalem o nè oli i̱ngi ndo ouo̱ déè nè di̱ngguè miracle o hi, sè mbé ouara k’alè bè nè da ouo̱‐o bènè. 17Nèdaka da oui̱ne d‐è tè houlou hè pa zèlè ouili o nè oli nè, alè ba guinggui, alè doko ndo ouo̱‐o, da ouo̱ tè to oui̱ne d‐è o da ho ouili o nè yini hi nè. 18Ko ouo̱ samo ho ouo̱‐o da, ndo ouo̱ ba guinggui ho ouo̱‐o, da ouo̱ tè oussou oui̱ne o da nè yini Jésus nè. 19Nè Pierre dè Jean pikifiè ho ouo̱‐o, ègui: Ènè ma oui̱ne d‐è, kè dièouinè nè li Nzapa oui̱ne dè mo k’ènè‐o gana dè mo kè Nzapa; 20nèdaka alè oui dè raka oui̱ne to oui̱ne mo nd’alè joko, alè zili nè zèlè’lè hi, di̱ go. 21Ndo ouo̱ doko ouo̱‐o da, ndo ouo̱ a ouo̱‐o nou, ndo ouo̱ tè i̱ngi mo ndo ouo̱ koa dè do ouo̱‐o hi nè, nèda oui̱ne ko ba doko ouili o, nèdaka ndo ouo̱‐o nè oli, ouo̱ é nè Nzapa sènè nèda mo nè ma hi. 22Nèdaka nè pè kè ouaïl’è nè zèlè sa té‐a nèda miracle hi, gana boua‐nara.
23Ndo ouo̱ a ndo ouo̱‐o nou hi, ndo ouo̱ chi da o dida o yan ko‐ouo̱‐o mè, ouo̱ chi guènè oussou oui̱ne mo ndo di̱ngguè sacrificateur do nga‐oui o toa nè ho ouo̱‐o hi. 24Ndo ouo̱ zili nè oui̱ne d‐è hi, ndo ouo̱ chi guènè himo o nè oli dida Nzapa mè, ouo̱ to oui̱ne o, ègui̱: Seigneur, no mè ho mè déè li‐zane mè, dè nou, dè ba di̱ngguè nana li, dè ba doko mo nè oli ndo pa o hi, 25no mè ho mè toa oui̱ne d‐è nè ouara kè Saint‐Esprit, nè nou sème kè’lè, oui‐tome ko‐mè David, ègui̱:
Nè oui̱ne gui ho gui̱li̱‐ouili o touo a nè ngo̱ne.
Ko ouili o li̱nggui nè na li̱nggui‐mo o gui̱ndi?
26O ouane o sènè nou h‐è touo ango̱ne,
Ndo prince o touo a‐jou‐ma guènè
Dè mo dè Seigneur dè Oui n’a a dèn jou a hi (Christ).
27Nè Hérode dè Ponce Pilate to a‐jou‐ma di sarli̱ h‐è, do gui̱li̱‐ouili o, do ouili kè Israël o, guènè dè mo dè saint Oui‐tome ko‐mè Jésus, no mè a dèn jou a hi, 28oui̱ne dè mo o no mè dafa oui̱ne d‐a siti mè hi. 29Sè kinè, Seigneur, mè joko mo ndo ouo̱ doko nd’alè o hi, mè ha ngaïli hè oui‐tome ko‐mè o, oui̱ne oussou oui̱ne ko‐mè nè pouo‐tè. 30Mè yèfè éli mè oui̱ne dè zèlè o hè sa, dè miracle o, dè prodige o, nè yini saint Oui‐tome ko‐mè Jésus hi.
31Ndo ouo̱ toro nè Nzapa o sa nè hi, kè oloyar’a ndo ouo̱ touo a‐jou‐ma o sènè hi naka‐naka; nè Saint‐Esprit dounou ko sèlè ouo̱‐o nè oli, ndo ouo̱ chi guènè oussou oui̱ne kè Nzapa nè pouo‐tè o.
32Ndo ba doko ouino‐o nè ba oui̱ne kè Nzapa nè ko sèlè lo‐o hi, kè sèlè ouo̱‐o dè dana ouo̱ dè ma pome‐iè. Ma ouili pome tè to oui̱ne mo k’è, ègui̱: Nè k’è b’è tè ènè‐pome‐iè ouo̱ nè; ba doko mo o nè oli ndo ouo̱ kèkosan‐g‐a pa to ouo̱‐o nè oli. 33Nè ngaïli danga tè apôtre o nè oli oui̱ne oussou hèmo nè Seigneur Jésus tounou nè higo. Nè ba di̱ngguè grâce o̱ jou ouo̱‐o nè oli. 34Nèdaka nè ma pome bo̱bo̱ ouo̱‐o hi nè mo nanga èl’a bènè: o ino‐o nè fo ko‐ouo̱‐o hè aï dè toa ko‐ouo̱‐o ndo ouo̱ hè nèmo, ouo̱ kara ngui̱nz’a o, 35ouo̱ tènèno, ouo̱ é di ti yanga apôtre o nè; ouo̱ kèkosan‐g‐a do ino‐o nè ko‐ouo̱‐o bènè hi.
36Nè Joseph, ndo apôtre o iè mbé yin’a nè Barnabas, kè gui, bi̱‐ouili kè oui‐mboko‐mo ouo̱ hi, kè nouli̱ ko‐a nè Lévite, a téèno nè nou Chypre, 37n’a hè fo da k‐a nèmo, a kara ngui̱nz’a, a tèno di ti apôtre o nè.
Currently Selected:
Dèmo kè Apôtre o 4: GBANU
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1932-1939
Dèmo kè Apôtre o 4
4
1Nè Pierre dè Jean mono nè, kè oussou nè oui̱ne ho ouili o hi, nè sacrificateur o dè oui‐pama‐temple, dè sadducéen o tèno dida ouo̱‐o nè. 2Nè sèlè ouo̱‐o dèssa nè, nèda oui̱ne d‐è ndo ouo̱ oussou ho ouili o hi, dè oussou oui̱ne hèmo nè Jésus tounou nè nè bo̱bo̱ fio higo. 3Ndo ouo̱ kara ouo̱‐o, ouo̱ a ouo̱‐o ko toa‐kanga hè ho toutouli sè; nèdaka nè mbolo déè. 4Nèdaka ndo ma o ouinè nè zili oui̱ne d‐è hi, ba nè ko sèlè lo‐o, doko ouo̱‐o koliè guèda‐iè kè saki mo̱ro.
5Kè ho toutouli, ndo ouane ko ouili o, do nga‐oui o, do scribe o, ouo̱ to a‐jou‐ma di sarli̱ Jérusalem nè, 6dè Anne, nè nè ba di̱ngguè sacrificateur hi, dè Caïphe, dè Jean, dè Alexandre, do ba doko bala sacrificateur o. 7Ndo ouo̱ ba Pierre dè Jean, ouo̱ é bo̱bo̱ ouo̱‐o, ouo̱ aka ouo̱‐o, ègui̱: Nè ngaïli gui, dè yini ndo, h’ènè dè nè mo no‐o gui̱ndi?
8Nè Pierre, nè Saint‐Esprit dounou ko sèl’a hi, to oui̱ne ho ouo̱‐o, ègui̱:
9Ouane ko ouili o, do nga‐oui ko Israël o, oui̱ne d‐è n’ènè aka nd’alè o sossoè, nèda démo nd’alè déè dè oui‐zèlè hi, nomo n’ènè aka nd’alè sè k’alè oussou hèmo nd’alè déè nè zèlè ko‐a sa nè higo, 10Mi koa ènè‐o nè oli, do ouili kè Israël o nè oli i̱ngi oui̱ne d‐è! Nèda yini Jésus‐Christ kè Nazareth, n’ènè gbé’a o nè jou croix hi, nomo nè Nzapa toun’a nè bo̱bo̱ fio o, nèda k‐a nomo nè zèlè kè ouaïl’è sa nè, kè yolo nè nè tolo‐tè di bali’nè‐o hi.
11Jésus nè ta n’ènè oui‐dè‐toa o biè hi,
Nomo n’a déè ta‐touli toa da.
12Ma oui passa ouili bènè; nèdaka nè ma yini ma ouili pome bo̱ ouili o sènè nou h‐è, kè passa’lè bènè.
13Ndo ouo̱ joko nè Pierre dè Jean, nè yolo nè nè pouo‐tè o hi, ndo ouo̱ koukou oui̱ne o, nèdaka ndo ouo̱ i̱ngi tana o, ko ouo̱ tè toro l’école ouinè o nè; ko ouo̱‐o nè gui̱li̱‐ouili nè ola, ndo ouo̱ i̱ngi tana o ko ouo̱ oa dè Jésus o i̱nggati. 14Ndo ouo̱ joko ouaïl’è nè zèlè té‐a sa hi, ka to ouo̱‐o hi, ndo ouo̱ tè pi mbé kifi oui̱ne o da nè. 15Ndo ouo̱ é ouo̱‐o guènè ho zane ko toa‐to‐mbanga dida, ouo̱ chi guènè to oui̱ne do ma o, ègui̱: 16Alè tè dè nè gui do oui no‐o ou‐è gui̱ndi? Nèdaka nè ba doko ouili sarli̱ Jérusalem o nè oli i̱ngi ndo ouo̱ déè nè di̱ngguè miracle o hi, sè mbé ouara k’alè bè nè da ouo̱‐o bènè. 17Nèdaka da oui̱ne d‐è tè houlou hè pa zèlè ouili o nè oli nè, alè ba guinggui, alè doko ndo ouo̱‐o, da ouo̱ tè to oui̱ne d‐è o da ho ouili o nè yini hi nè. 18Ko ouo̱ samo ho ouo̱‐o da, ndo ouo̱ ba guinggui ho ouo̱‐o, da ouo̱ tè oussou oui̱ne o da nè yini Jésus nè. 19Nè Pierre dè Jean pikifiè ho ouo̱‐o, ègui: Ènè ma oui̱ne d‐è, kè dièouinè nè li Nzapa oui̱ne dè mo k’ènè‐o gana dè mo kè Nzapa; 20nèdaka alè oui dè raka oui̱ne to oui̱ne mo nd’alè joko, alè zili nè zèlè’lè hi, di̱ go. 21Ndo ouo̱ doko ouo̱‐o da, ndo ouo̱ a ouo̱‐o nou, ndo ouo̱ tè i̱ngi mo ndo ouo̱ koa dè do ouo̱‐o hi nè, nèda oui̱ne ko ba doko ouili o, nèdaka ndo ouo̱‐o nè oli, ouo̱ é nè Nzapa sènè nèda mo nè ma hi. 22Nèdaka nè pè kè ouaïl’è nè zèlè sa té‐a nèda miracle hi, gana boua‐nara.
23Ndo ouo̱ a ndo ouo̱‐o nou hi, ndo ouo̱ chi da o dida o yan ko‐ouo̱‐o mè, ouo̱ chi guènè oussou oui̱ne mo ndo di̱ngguè sacrificateur do nga‐oui o toa nè ho ouo̱‐o hi. 24Ndo ouo̱ zili nè oui̱ne d‐è hi, ndo ouo̱ chi guènè himo o nè oli dida Nzapa mè, ouo̱ to oui̱ne o, ègui̱: Seigneur, no mè ho mè déè li‐zane mè, dè nou, dè ba di̱ngguè nana li, dè ba doko mo nè oli ndo pa o hi, 25no mè ho mè toa oui̱ne d‐è nè ouara kè Saint‐Esprit, nè nou sème kè’lè, oui‐tome ko‐mè David, ègui̱:
Nè oui̱ne gui ho gui̱li̱‐ouili o touo a nè ngo̱ne.
Ko ouili o li̱nggui nè na li̱nggui‐mo o gui̱ndi?
26O ouane o sènè nou h‐è touo ango̱ne,
Ndo prince o touo a‐jou‐ma guènè
Dè mo dè Seigneur dè Oui n’a a dèn jou a hi (Christ).
27Nè Hérode dè Ponce Pilate to a‐jou‐ma di sarli̱ h‐è, do gui̱li̱‐ouili o, do ouili kè Israël o, guènè dè mo dè saint Oui‐tome ko‐mè Jésus, no mè a dèn jou a hi, 28oui̱ne dè mo o no mè dafa oui̱ne d‐a siti mè hi. 29Sè kinè, Seigneur, mè joko mo ndo ouo̱ doko nd’alè o hi, mè ha ngaïli hè oui‐tome ko‐mè o, oui̱ne oussou oui̱ne ko‐mè nè pouo‐tè. 30Mè yèfè éli mè oui̱ne dè zèlè o hè sa, dè miracle o, dè prodige o, nè yini saint Oui‐tome ko‐mè Jésus hi.
31Ndo ouo̱ toro nè Nzapa o sa nè hi, kè oloyar’a ndo ouo̱ touo a‐jou‐ma o sènè hi naka‐naka; nè Saint‐Esprit dounou ko sèlè ouo̱‐o nè oli, ndo ouo̱ chi guènè oussou oui̱ne kè Nzapa nè pouo‐tè o.
32Ndo ba doko ouino‐o nè ba oui̱ne kè Nzapa nè ko sèlè lo‐o hi, kè sèlè ouo̱‐o dè dana ouo̱ dè ma pome‐iè. Ma ouili pome tè to oui̱ne mo k’è, ègui̱: Nè k’è b’è tè ènè‐pome‐iè ouo̱ nè; ba doko mo o nè oli ndo ouo̱ kèkosan‐g‐a pa to ouo̱‐o nè oli. 33Nè ngaïli danga tè apôtre o nè oli oui̱ne oussou hèmo nè Seigneur Jésus tounou nè higo. Nè ba di̱ngguè grâce o̱ jou ouo̱‐o nè oli. 34Nèdaka nè ma pome bo̱bo̱ ouo̱‐o hi nè mo nanga èl’a bènè: o ino‐o nè fo ko‐ouo̱‐o hè aï dè toa ko‐ouo̱‐o ndo ouo̱ hè nèmo, ouo̱ kara ngui̱nz’a o, 35ouo̱ tènèno, ouo̱ é di ti yanga apôtre o nè; ouo̱ kèkosan‐g‐a do ino‐o nè ko‐ouo̱‐o bènè hi.
36Nè Joseph, ndo apôtre o iè mbé yin’a nè Barnabas, kè gui, bi̱‐ouili kè oui‐mboko‐mo ouo̱ hi, kè nouli̱ ko‐a nè Lévite, a téèno nè nou Chypre, 37n’a hè fo da k‐a nèmo, a kara ngui̱nz’a, a tèno di ti apôtre o nè.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1932-1939