Dèmo kè Apôtre o 2
2
1Nè po‐ouichi Pentecôte, ko ouo̱ mono o nè oli di pome oloyar’a hi. 2Didi kè longgo‐mo tèno nè li‐zane mè hè ba yabou go, dounou ko toa ndo ouo̱ o̱ ko‐ouo̱‐o hi. 3Li̱di o, hè bali‐oui̱ go, pa to ouo̱‐o, kèkosan to lo tè ma o ènè, ènè, doungou jou ouo̱‐o pome, pome, nè oli. 4Nè Saint‐Esprit dounou ko sèlè ouo̱‐o nè oli, ouo̱ kouyanga to nou‐oui̱ne o ènè, ènè, hèmo nè Esprit ha nè ngaïli ho ouo̱‐o higo.
5Ndo ma Juif o, nè nè bolon ouili o, nè téèno nè nouli̱ sènè nou h‐è nè oli di sarli̱ Jérusalem nè hi, ko ouo̱ mono, ko ouo̱ o̱nou o aï. 6Ko ouo̱ zili longgo‐mo o hi, ndo ba doko ouili o to di‐jou‐ma, ko ouo̱ koukou oui̱ne o ouinè nèdaka ndo ouo̱ zili ko ouo̱ to nou‐oui̱ne ko‐ouo̱‐o pome, pome, nè oli hi. 7Nè so‐kili gono ouo̱‐o nè oli, ouo̱ koukou oui̱ne o ouinè, ouo̱ to oui̱ne do ma o, ègui̱: Joko, ouino‐o nè oli nè to oui̱ne no‐o bènè Galiléen o go ndi? 8Sè hègo gui, nd’alè zili nè nou‐oui̱ne ko na kè’lè o, ko ouo̱ to nè o pome, pome, gui̱ndi? 9Ndo Parthe o, dè Mède o, dè Élamite o, do ouino‐o nè o̱nou nou Mèsopotamie hi, dè Judée, dè Cappadoce, dè Pont, dè Asie, dè Phrygie, 10dè Pamphylie, dè Égypte, dè nou Libye nè koro nè Cyrène, do ouino‐o nè téèno sarli̱ Rome mè hi, ndo Juif o dè prosélyte o, do Crétois o, dè Arabe o hi. 11Sè nè oui̱ne gui, nd’alè zili ko ouo̱ to nè oui̱ne di̱ngguè mo kè Nzapa nè nou‐oui̱ne ko nga‐oui kè’lè o gui̱ndi? 12Ndo ouo̱ nè oli ouo̱ koukou oui̱ne o ouinè, jou ouo̱ pounggo o, ko ouo̱ i̱ngi ouara oui̱ne li̱nggui‐mo o nè, ndo ouo̱ chi guènè to oui̱ne do ma o, ègui̱: Mo h‐è nè gui̱ndi? 13Ndo ma chi guènè mama ouo̱‐o, ègui: Ouo̱ dè nè pèlè do̱n ouo̱.
14Nè Pierre, do ouino‐o boua‐pome‐nè‐joua‐pome hi, kilingo̱ne o, n’a to oui̱ne ho ouo̱‐o, ègui̱:
O oui‐ouili Juif o, d’ènè o nè oli nè o̱ sarli̱ Jérusalem h‐è, mi koa ènè i̱ngi o, ènè zili da oui̱ne d‐è no‐m’ tè to hi! 15Bènèmo, ouino‐o nè oui‐dè‐pèlè‐do̱n, hèmo n’ènè toa nè o higo, go, nèdaka nè nè l’heure tara iè. 16Mais mo hi nè oui̱ne d‐è nè prophète Joël toa nè siti higo, ègui̱:
17Nè Nzapa hè toa oui̱ne d‐è, ègui: Nè ndouti‐koli ouichi mè, no mi pèssè Esprit ko‐m’ nè jou mourou‐tè o nè oli ouo̱;
Ndo bi̱‐oui‐ouili do bi̱‐ouiko k’ènè‐o tè to oui̱ne mo no‐o nè Nzapa tè é nou ouo̱‐o hi nè bassa,
Ndo boulou bi̱me k’ènè‐o hè joko vision o,
Ndo bèlè k’ènè‐o hè o̱jou lo‐o bo.
18Nè po‐ouichi mè hi, no mi pèssè Esprit ko‐m’ nè jou oui‐tome ko‐m’ o do ouiko‐tome ko‐m’ o;
Ouo̱ tè to oui̱ne mo no‐o nè Nzapa tè é nou ouo̱‐o hi nè bassa.
19Mi dè prodige o dingo̱ne li‐zane mè, dè miracle o dido̱ sènè nou nè,
Dè to̱, dè oui̱, dè zè‐ouéli;
20Nè ouichi para k’è nè toum,
Nè ji para k’è nè to̱,
I̱nggati sè nè ouichi kè Seigneur ma,
Kè nè di̱ngguè ouichi nè ma nè gloire hi.
21I bèi nè tè toro nè yini Seigneur hi, n’a passa.
22O oui‐ouili Israélite o, ènè zili oui̱ne d‐è o! Nè Jésus kè Nazareth, ouaïl’è nè Nzapa i’a sènè nè bali’nè‐o, nè ouara miracle, dè prodige, dè signe o, n’a déè nè nè ouara té‐a nè bo̱’nè‐o hi, ènè i̱ngi nè tè, nè‐o bo; 23ouaïl’è, n’ènè b’a o, sè nèdaka nè Nzapa i̱ngi, kodaka bo béé i̱nggati hi, nomo n’ènè mbod’a o jou croix, nè n’ènè h’a ho oui‐namo o, kè gbè n’a o hi. 24Nè Nzapa toun’a, a yara pèlè‐fio té‐a dida, nèdaka nè fio oui dè kam’a go. 25Nèdaka nè David toa oui̱ne ko‐a, ègui̱:
Mi joko Seigneur di ti‐m’ doungounè,
Nèdaka n’a nè ouara ouili éli‐m’, da mo tè fo to‐m’ nè.
26Sèlè‐m’ bo o̱ nè bo̱ dèssa, nè li̱di‐m’ bo dèssa;
Tè mourou to‐m’ tè omo t’è guènè ba mo nè sèlè‐m’ kèlè hi,
27Nèdaka no mè tè yi̱ndi̱ dana‐m’ oloyara fio o go,
Nèdaka mè tè kodaka, ègui̱: Tè Saint‐Ouili ko‐mè mboro ouo̱ go.
28Mè oussou liouara monotouni ho‐m’,
Mè tè é dèssa dounou ko sèlè‐m’ nèdaka no mè ka to‐m’.
29O oui‐ouili yan o, ènè é ho‐m’ to oui̱ne kè David, nè déè nouli̱ hi, h’ènè‐o nè bassa, kè fi nè, ko ouo̱ gounou n’a o, sossoè ko̱‐fi’a mono bo̱bo̱’lè d’ènè‐o. 30Hèmo n’a déè nè prophète higo, a i̱ngi tana nè Nzapa kana nè mo h’a, ègui̱: Nè pome bala‐pat’a hè tè ba ouane ol’a ouo̱, 31nè oui̱ne touni kè Christ nomo n’a i̱ngi i̱nggati, k’a to nè, ègui̱: A tè yi̱nd’a sènè oloyara fio o go, kè mourou té‐a mboro nè go ouo̱. 32Sè nè Jésus hi nomo nè Nzapa toun’a, alè nè oli nè oui‐to‐oui̱ne‐olo‐nou mo hi. 33Nèdaka n’a i’a sènè nè ouara ouili éli Nzapa, k’a ba Saint‐Esprit éli Sème, hèmo n’a toa nè i̱nggati higo; nomo n’a bara nè mo hi, k’ènè joko o nè, k’ènè zili nè o hi. 34Nèdaka nè David tè danga, ma li‐zane mè nè; mais n’a h’a to nè té‐a, ègui̱:
Seigneur toa oui̱ne hè Seigneur ko‐m’, ègui̱:
Mè doungounou ouara ouili éli‐m’,
35Iyaaa ho‐m’ dè oui‐sène ko‐mè o nè mo‐é‐do̱‐yanga mè sè ouo̱.
36Mi koa ouili ko toa kè Israël o nè oli i̱ngi tana nè Nzapa déè nè Seigneur dè Christ, sè nè Jésus nomo n’ènè mbod’a o jou croix hi.
37Ko ouo̱ zili oui̱ne d‐è o hi, n’è ba ko sèlè ouo̱‐o, n’è fo sèlè ouo̱‐o ouinè, ndo ouo̱ to oui̱ne hè Pierre do ma apôtre o, ègui̱: O oui‐ouili yan o, alè dè tan hègo gui̱ndi?
38Nè Pierre pikifiè ho ouo̱‐o, ègui̱: Ènè raka namo k’ènè‐o di̱, ènè ba baptême on è yini Jésus‐Christ, pome, pome, nè oli, sè k’a bè namo k’ènè‐o; sè k’ènè ba panaman nè Saint‐Esprit o. 39Nèdaka n’a toa h’ènè‐o, do bi̱ n’ènè‐o, do ba doko ino‐o nè yèlè mè hi, ndo ba doko ino‐o nè oli nè Seigneur Nzapa kè’lè tè samo ho ouo̱ hi. 40N’a to mbé oui̱ne ho ouo̱‐o da, a mboko ouo̱‐o, ègui̱: Ènè kèkosan tè’nè‐o do oui‐namo o.
41Ndo ino‐o nè ba oui̱ne ko‐a hi, ouo̱ ba baptême o; nè po‐ouichi mè hi, ndo ino‐o nè déè disciple o hi hèdè saki tara.
42Ndo ouo̱ mono nè pouo‐tè sènè oui̱ne ndo apôtre o oussou ho ouo̱‐o hi, ndo ouo̱ mono bo sènè to a‐jou‐ma hè yan dè ma go, oui̱ne yongo kame kè Nzapa, dè toro Nzapa o. 43Nè kili gbè ouo̱‐o pome, pome, nè oli; ndo apôtre o dè ba doko prodige o dè miracle o. 44Ba doko ino‐o nè ba oui̱ne kè Nzapa nè ko sèlè lo‐o hi, mono di pome oloyar’a; mo ko‐ouo̱‐o nè oli ouara pome‐iè. 45Ndo ouo̱ hè fo ko‐ouo̱‐o nèmo, dè ma mo o, ndo ouo̱ kèkosan ngui̱nz’a o, pa to ino‐o nè mo éli bo‐ouo̱‐o bènè hi nè oli. 46Ndo ouo̱ to di‐jou‐ma o di ko temple nè ouichi nè oli, hèmo ndo ouo̱ koadaka nè oli higo, ouo̱ bini mapa nè ko toa o, ouo̱ yongo kame o nè dèssa, nè sèlè ouo̱‐o o̱ dido̱, 47ouo̱ é Nzapa o sènè, ouili nè oli joko ouo̱ li lo‐o diouinè. Nè Seigneur é mbé ouili bèino‐o nè passa hi hè Église nè ouichi pome, pome, nè oli.
Currently Selected:
Dèmo kè Apôtre o 2: GBANU
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1932-1939
Dèmo kè Apôtre o 2
2
1Nè po‐ouichi Pentecôte, ko ouo̱ mono o nè oli di pome oloyar’a hi. 2Didi kè longgo‐mo tèno nè li‐zane mè hè ba yabou go, dounou ko toa ndo ouo̱ o̱ ko‐ouo̱‐o hi. 3Li̱di o, hè bali‐oui̱ go, pa to ouo̱‐o, kèkosan to lo tè ma o ènè, ènè, doungou jou ouo̱‐o pome, pome, nè oli. 4Nè Saint‐Esprit dounou ko sèlè ouo̱‐o nè oli, ouo̱ kouyanga to nou‐oui̱ne o ènè, ènè, hèmo nè Esprit ha nè ngaïli ho ouo̱‐o higo.
5Ndo ma Juif o, nè nè bolon ouili o, nè téèno nè nouli̱ sènè nou h‐è nè oli di sarli̱ Jérusalem nè hi, ko ouo̱ mono, ko ouo̱ o̱nou o aï. 6Ko ouo̱ zili longgo‐mo o hi, ndo ba doko ouili o to di‐jou‐ma, ko ouo̱ koukou oui̱ne o ouinè nèdaka ndo ouo̱ zili ko ouo̱ to nou‐oui̱ne ko‐ouo̱‐o pome, pome, nè oli hi. 7Nè so‐kili gono ouo̱‐o nè oli, ouo̱ koukou oui̱ne o ouinè, ouo̱ to oui̱ne do ma o, ègui̱: Joko, ouino‐o nè oli nè to oui̱ne no‐o bènè Galiléen o go ndi? 8Sè hègo gui, nd’alè zili nè nou‐oui̱ne ko na kè’lè o, ko ouo̱ to nè o pome, pome, gui̱ndi? 9Ndo Parthe o, dè Mède o, dè Élamite o, do ouino‐o nè o̱nou nou Mèsopotamie hi, dè Judée, dè Cappadoce, dè Pont, dè Asie, dè Phrygie, 10dè Pamphylie, dè Égypte, dè nou Libye nè koro nè Cyrène, do ouino‐o nè téèno sarli̱ Rome mè hi, ndo Juif o dè prosélyte o, do Crétois o, dè Arabe o hi. 11Sè nè oui̱ne gui, nd’alè zili ko ouo̱ to nè oui̱ne di̱ngguè mo kè Nzapa nè nou‐oui̱ne ko nga‐oui kè’lè o gui̱ndi? 12Ndo ouo̱ nè oli ouo̱ koukou oui̱ne o ouinè, jou ouo̱ pounggo o, ko ouo̱ i̱ngi ouara oui̱ne li̱nggui‐mo o nè, ndo ouo̱ chi guènè to oui̱ne do ma o, ègui̱: Mo h‐è nè gui̱ndi? 13Ndo ma chi guènè mama ouo̱‐o, ègui: Ouo̱ dè nè pèlè do̱n ouo̱.
14Nè Pierre, do ouino‐o boua‐pome‐nè‐joua‐pome hi, kilingo̱ne o, n’a to oui̱ne ho ouo̱‐o, ègui̱:
O oui‐ouili Juif o, d’ènè o nè oli nè o̱ sarli̱ Jérusalem h‐è, mi koa ènè i̱ngi o, ènè zili da oui̱ne d‐è no‐m’ tè to hi! 15Bènèmo, ouino‐o nè oui‐dè‐pèlè‐do̱n, hèmo n’ènè toa nè o higo, go, nèdaka nè nè l’heure tara iè. 16Mais mo hi nè oui̱ne d‐è nè prophète Joël toa nè siti higo, ègui̱:
17Nè Nzapa hè toa oui̱ne d‐è, ègui: Nè ndouti‐koli ouichi mè, no mi pèssè Esprit ko‐m’ nè jou mourou‐tè o nè oli ouo̱;
Ndo bi̱‐oui‐ouili do bi̱‐ouiko k’ènè‐o tè to oui̱ne mo no‐o nè Nzapa tè é nou ouo̱‐o hi nè bassa,
Ndo boulou bi̱me k’ènè‐o hè joko vision o,
Ndo bèlè k’ènè‐o hè o̱jou lo‐o bo.
18Nè po‐ouichi mè hi, no mi pèssè Esprit ko‐m’ nè jou oui‐tome ko‐m’ o do ouiko‐tome ko‐m’ o;
Ouo̱ tè to oui̱ne mo no‐o nè Nzapa tè é nou ouo̱‐o hi nè bassa.
19Mi dè prodige o dingo̱ne li‐zane mè, dè miracle o dido̱ sènè nou nè,
Dè to̱, dè oui̱, dè zè‐ouéli;
20Nè ouichi para k’è nè toum,
Nè ji para k’è nè to̱,
I̱nggati sè nè ouichi kè Seigneur ma,
Kè nè di̱ngguè ouichi nè ma nè gloire hi.
21I bèi nè tè toro nè yini Seigneur hi, n’a passa.
22O oui‐ouili Israélite o, ènè zili oui̱ne d‐è o! Nè Jésus kè Nazareth, ouaïl’è nè Nzapa i’a sènè nè bali’nè‐o, nè ouara miracle, dè prodige, dè signe o, n’a déè nè nè ouara té‐a nè bo̱’nè‐o hi, ènè i̱ngi nè tè, nè‐o bo; 23ouaïl’è, n’ènè b’a o, sè nèdaka nè Nzapa i̱ngi, kodaka bo béé i̱nggati hi, nomo n’ènè mbod’a o jou croix, nè n’ènè h’a ho oui‐namo o, kè gbè n’a o hi. 24Nè Nzapa toun’a, a yara pèlè‐fio té‐a dida, nèdaka nè fio oui dè kam’a go. 25Nèdaka nè David toa oui̱ne ko‐a, ègui̱:
Mi joko Seigneur di ti‐m’ doungounè,
Nèdaka n’a nè ouara ouili éli‐m’, da mo tè fo to‐m’ nè.
26Sèlè‐m’ bo o̱ nè bo̱ dèssa, nè li̱di‐m’ bo dèssa;
Tè mourou to‐m’ tè omo t’è guènè ba mo nè sèlè‐m’ kèlè hi,
27Nèdaka no mè tè yi̱ndi̱ dana‐m’ oloyara fio o go,
Nèdaka mè tè kodaka, ègui̱: Tè Saint‐Ouili ko‐mè mboro ouo̱ go.
28Mè oussou liouara monotouni ho‐m’,
Mè tè é dèssa dounou ko sèlè‐m’ nèdaka no mè ka to‐m’.
29O oui‐ouili yan o, ènè é ho‐m’ to oui̱ne kè David, nè déè nouli̱ hi, h’ènè‐o nè bassa, kè fi nè, ko ouo̱ gounou n’a o, sossoè ko̱‐fi’a mono bo̱bo̱’lè d’ènè‐o. 30Hèmo n’a déè nè prophète higo, a i̱ngi tana nè Nzapa kana nè mo h’a, ègui̱: Nè pome bala‐pat’a hè tè ba ouane ol’a ouo̱, 31nè oui̱ne touni kè Christ nomo n’a i̱ngi i̱nggati, k’a to nè, ègui̱: A tè yi̱nd’a sènè oloyara fio o go, kè mourou té‐a mboro nè go ouo̱. 32Sè nè Jésus hi nomo nè Nzapa toun’a, alè nè oli nè oui‐to‐oui̱ne‐olo‐nou mo hi. 33Nèdaka n’a i’a sènè nè ouara ouili éli Nzapa, k’a ba Saint‐Esprit éli Sème, hèmo n’a toa nè i̱nggati higo; nomo n’a bara nè mo hi, k’ènè joko o nè, k’ènè zili nè o hi. 34Nèdaka nè David tè danga, ma li‐zane mè nè; mais n’a h’a to nè té‐a, ègui̱:
Seigneur toa oui̱ne hè Seigneur ko‐m’, ègui̱:
Mè doungounou ouara ouili éli‐m’,
35Iyaaa ho‐m’ dè oui‐sène ko‐mè o nè mo‐é‐do̱‐yanga mè sè ouo̱.
36Mi koa ouili ko toa kè Israël o nè oli i̱ngi tana nè Nzapa déè nè Seigneur dè Christ, sè nè Jésus nomo n’ènè mbod’a o jou croix hi.
37Ko ouo̱ zili oui̱ne d‐è o hi, n’è ba ko sèlè ouo̱‐o, n’è fo sèlè ouo̱‐o ouinè, ndo ouo̱ to oui̱ne hè Pierre do ma apôtre o, ègui̱: O oui‐ouili yan o, alè dè tan hègo gui̱ndi?
38Nè Pierre pikifiè ho ouo̱‐o, ègui̱: Ènè raka namo k’ènè‐o di̱, ènè ba baptême on è yini Jésus‐Christ, pome, pome, nè oli, sè k’a bè namo k’ènè‐o; sè k’ènè ba panaman nè Saint‐Esprit o. 39Nèdaka n’a toa h’ènè‐o, do bi̱ n’ènè‐o, do ba doko ino‐o nè yèlè mè hi, ndo ba doko ino‐o nè oli nè Seigneur Nzapa kè’lè tè samo ho ouo̱ hi. 40N’a to mbé oui̱ne ho ouo̱‐o da, a mboko ouo̱‐o, ègui̱: Ènè kèkosan tè’nè‐o do oui‐namo o.
41Ndo ino‐o nè ba oui̱ne ko‐a hi, ouo̱ ba baptême o; nè po‐ouichi mè hi, ndo ino‐o nè déè disciple o hi hèdè saki tara.
42Ndo ouo̱ mono nè pouo‐tè sènè oui̱ne ndo apôtre o oussou ho ouo̱‐o hi, ndo ouo̱ mono bo sènè to a‐jou‐ma hè yan dè ma go, oui̱ne yongo kame kè Nzapa, dè toro Nzapa o. 43Nè kili gbè ouo̱‐o pome, pome, nè oli; ndo apôtre o dè ba doko prodige o dè miracle o. 44Ba doko ino‐o nè ba oui̱ne kè Nzapa nè ko sèlè lo‐o hi, mono di pome oloyar’a; mo ko‐ouo̱‐o nè oli ouara pome‐iè. 45Ndo ouo̱ hè fo ko‐ouo̱‐o nèmo, dè ma mo o, ndo ouo̱ kèkosan ngui̱nz’a o, pa to ino‐o nè mo éli bo‐ouo̱‐o bènè hi nè oli. 46Ndo ouo̱ to di‐jou‐ma o di ko temple nè ouichi nè oli, hèmo ndo ouo̱ koadaka nè oli higo, ouo̱ bini mapa nè ko toa o, ouo̱ yongo kame o nè dèssa, nè sèlè ouo̱‐o o̱ dido̱, 47ouo̱ é Nzapa o sènè, ouili nè oli joko ouo̱ li lo‐o diouinè. Nè Seigneur é mbé ouili bèino‐o nè passa hi hè Église nè ouichi pome, pome, nè oli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1932-1939