ລູກາ 19
19
ພະເຢຊູກັບຊັກຂາ່ຍ
1ເຕີ່ມບັງແອ ພະເຢຊູແລະລູກສິດຂອງພະອົງ ເດົາມຶດເຮີເມືອງເຢລີໂກແລະດອ໋ກກາຍຕົວເມືອງ. 2ຕັງແນບິດບານື໋ມຸ້ຍລຣາຊື່ຊັກຂ່າຍ ໜໍ່ເປັນນາຍດານເກັບພາສີແລະເປັນບານືຮັງມີ. 3ຊັກຂ່າຍຮາຮຽງໄຕຍະເຢຊູມາງເປັນປະງາຍ ແຕໜໍ່ອີ໋ສາມາດລາໄຕ້ເພາະໜໍ້ລາເຕ້ຍແລະປະຊາຊົນລາເອີນ. 4ປະແອຊັກຂ່າຍລາຈະຢາວລັດງນຶ້ ແມປະຊາຊົນ ແລະດື໊ຫາ໊ວເຕີມລອງຊຸກະໂມນ ເພື່ອລຳໄຕພະອົງ ເພາະພະອົງກາໍລັງດອ໋ກຜາ່ນໄຕແນ. 5ເມືອພະເຢຊູລາບຶບັງບອນຫະແອ ພະເຢຊູລະເງີຍກຣັງຊັກຂ່າຍແລະລາມາງສັກຂາ່ຍເອີຍ(ຮີບລົງມາ)ຮຳຕື໋ເຕີມບັງເຕີມລອງເພາະອີນແນໄອພັກກູຕັງຮະນຳໄຮຕະໃງແນ. 6ປະແອຊັກຂາ່ຍກໍເດົາຕື໋ເຕີມບັງເຕີມລອງທັນທີ່ ແລະພາພະເຢຊູດອ໋ກເຮີຫະໜາໍຂອງໜໍ້ ແລະເດົາຕອນຮັບພະອົງດິຄວາມຢືມເກີມຢາງບິດຄວາມສຸກ. 7ເມືອປະຊາຊົນຈຣົມຣາເດົາໄຕພະເຢຊູດອ໋ກເຮີໜາໍຊັກຂາ່ຍ ເບົາແມເລີມຈົມມາງ ປະງາຍພະເຢຊູຈຶງດອ໋ກເຮິຫະໜາໍຂອງບານື໊ບາບ. 8ເລວແອຊັກຂ່າຍລາດື໊ກຍົງຕຶງລະວາງຈອ໋ງອໍ໋ ມາງ, “ພະອົງ ພະອົງເອີຍ ກຣັງແມ! ໄອແນຂໍມອບເຄືອງຂອງທິ່ໄອອາບິດອຳດິ໋ແມທຸກຍາກຕອ໋ງບານ ແລະປະໄອສໍ້ໂກງແມງາຍໄອແນອຳຢູນວຶ໋ເປັນປວນເທົ໋າ.” 9ພະເຢຊູລະມາງກັບຊັກຂາຍມາງ, ຕະໃງແນຢະແກຼໃດເດົາອຳເກີຼດບານື໊ຕັງຫະໜາໍແນເລີຍ ເພາະໄຮ້ເປັນກວນເຈົ້າຂອງອັບຣາຮາມປະຕື໋. 10ປະແອ, ກວ໋ນບານຶ້ ເດົາບື໋ກເພືອລຳສາດດົງ ແລະໂຜດຈອ໋ກບານືທີ່ລາປັດເລີຍຫະແອອຳລອດຜົນ ເຕີມບັງບາບຂອງເບົາແມຊົວນິລັນດອນ.
ຄາໍອຸປະມາເລືອງເງີນຫລຽນ
(ມທ 25:14-30)
11ເມືອແມປະຊາຊົນກາໍລັງຕັ້ງໃຈຢັງຮຽງ ພຣະອົງກໍເດົາມາງຄໍາອຸປະມາມຸຍເລື່ອງສູ່ເບົາແມຢັງຮຽງ ເພາະພະເຢຊູ ເກືອບລາໍບື໊ກນະຄອນເຢຣູຊາເລັມເລີຍ ແລະເພາະເບົາແມຄຶດມາງອານາຈັກຂອງຍະແກຼໃດ໋ຫມໍລຳບຶໄວໆແນ . 12ປະແອພະອົງລາມາງ, ນະບິດກາຫລໍມູຍຣາທີ່ບິດຊື່ສຽງເດົາກະກຽມ ດອ໋ກຕ່າງປະເທດອືເກງ ໜາໍກາໍລັງດອ໋ກຮັບການແຕ່ງຕັ້ງອາໍເປັນແມປົກຄອງ ເໜືອຂົງເຂດຂອງໜໍ້ ແລະລາໍບື໊ກປົກຄອງ. 13ກອນທີ່ໜໍ້ລາໍດອ໋ກ ໜໍາເດົາກາເຫົາແມຮັບໃຊຂອງໜໍ້ຈິດລາ. ໜໍ້ເດົາມອບເງີນມູຍຫລຽນອາໍດິເບົາແມແຕລະຣາ ແລະໜໍ້ລະມາງດິເບົາແມ ຮາໍດອ໋ກລົງທືນດີເງີນອຶແນ. ເບີມທຸລະກິດຈົນກວາ່ໄອອືບື໊ກ . 14ເເຕ່ປະຊາຊົນຕັງສູກເມືອງຂອງໜໍ້ເດົາສົງກາໜໍຼອືແນ ຈຶງໃປຣແມຄະນະຕາ່ງໜາ້ດອ໋ກເຮີໜໍ້ເພືອປາເນາະມາງ ເບົາຍາອິ໋ຕອງການກາລໍຼອືແນອຳເປັນແມປົກຄອງຂອງເບົາຍາ. 15ເຕີມບັງແອ ໜໍ້ເດົາຮັບອຳນາດການປົກຄອງລາງແບ໋ະ ໜໍ້ລະເດົາຈື໋ວື໊ ໜໍ້ລເດົາໃປຣແມບັນດາຮັບໃຊຈິດຣາບຶ໋ກບັງງືນ ເພືອລຳເນາະມາງເບົາແມຕະເຕັ໋ດເດົາກຳລັງເອີນເກີຍສຳງາຍ. 16ຜູຮັບໃຊ້ທາໍອິດບື໊ກປາເນາະກັັບຂອງໜໍ້ມາງ ນາຍເອີຍໄອເດົາເງີນຕືມອຶນາວຈິດຫລຽນຈຽງ ຍອນເງີນມູຍຫລຽນທີ່ໄຮ້ອາໍດິໄອ. 17ກະສັດລາມາງດີ໋ເລີຍ ໄຮເປັນແມຮັບໃຊ້ທີ່ດີ ເມືອໄຮ້ສັດຊື່່ຕັງສິງຂອງແກະໆ ໄອອືອຳໄຮປົກຄອງຈິດເມືອງ. 18ບະທີ່ບານລາປາເນາະມາງກັບນາຍຂອງໜໍ້ມາງ ນາຍເອີຍໄອແນເດົາເງີນຕືມນາວເຊິງຫລຽນ ດິເງີນມຸຍຫລງນເຕີມບັງໄຮອາໍດິໄອ . 19ກະສັດລາມາງກັບບານື໊ກຮັບໃຊຫະແອມາງ ໄຮ້ຮາໍເດົາປົກຄອງເຊິງເມືອງ. 20ບານື໊ກຮັບໃຊ້ມຸຍຮາບື໋ລາມາງ ນາຍເອີຍແນເດ໋ເງິນຫລຽນຂອງໄຮ ໄອອາດອ໋ກຈອ໋ກຮະບານມົນຫໍ່ຈຸ . 21ໄອເບີມປະແນເພາະໄອອາດູງ ເພາະນາຍເປັນບານື໊ທີ່ເຄັ່ງຄັດ. ນາຍຈອ໋ກເງີນທີ່ອີ໊ເດົາຝາກຈຸ ແລະນາຍອິ໋ເດົາກຽ່ວຈອ໋ກສິງທີ່ນາຍອິ໋ເດົາດາໍ. 22ກະສັດເດົາຈະເນີວມາງໄຮ້ຜູ້ຮັບໃຊ້ຊົ່ວຊ້າເອີຍ ໄອລົງໂທດໄຮດິ໋ບວ໋ນມາງຂອງໄຮກາເລີ້ ເມືອໄຮເນາະມາງໄອເປັນບານຶເຄັ່ງຄັດ ຈອ໋ກສິງຂອງທີ່ໄອອີ໋ເດົາຝາກຈຸ ແລະເກັບກຽ່ວຈອ໋ກສີງທີ່ໄອອີ໋ເດົາດຳ. 23ຂັນປະແອ ປະງາຍໄຮອິ໋ຈອ໋ກເງີນຂອງໄຮດອ໋ກຝາກຈຸເຮີທະນາຄານເມືອອາບື໊ກ ໄອອະເດົາເງີນຄືນພອ້ມກັບຂິ້ດອກ. 24ເລວແອກະສັດລະມາງດິ໋ບານຶທີ່ກູຕັງແອມາງ ຮຳຈອ໋ກເງີນເຕີມບັງໜໍ້ແລະມອບອຳດິ໋ບະທີ່ລາບິດຈິດຫລຽນ. 25ແຕ່ເບົາແມມາມາງ ນາຍເອີຍໜໍ້ບິດຈິດຫລຽນເລີຍເດ໋. 26ໄອປາເນາະໄຮ້ຈຣົມຮາມາງ ບານຶທີ່ບິດເອີນເລີຍກາເລວ ກໍລາໍເດົາເອີນຕຶມນາວ ແຕ່ແມງາຍທີ່ອີ໋ບິດງາຍເອີ໋ ແມແຕ່ສິງທີ່ໜໍ້ລະບິດແກະແກະກາລະປັດເຕີມບັງໜໍ້. 27ແຕ່ສຳລັບສັດຕຸຂອງໄອທີ່ອິ່ຕອງການໄອປົກຄອງເບົາແມ ຮາໍພາແມດອ໋ກເຮີແນ ແລະກາເຈດເບົາແມບັງງືນຂອງໄອ.
ພະເຢຊູລາດອ໋ກເຮີນະຄອນເຢຣູຊາເຮັມຢາງບິດສະນະ
(ມທ 21:1-11; ມຣກ 11:1-11; ຢຮ 12:12-19)
28ເຕີມບັງແອ ພະເຢຊູຈະແຈ໋ຄຳແນລະມາງເລວເລີຍ ພະອົງລາດອ໋ກນວ໋ນເບົາແມດອ໋ກເຮີນະຄອນເຢຣູຊາເລັມ . 29ພໍພະອົງບື໊ກເຈີມສຣຸກເບັດຟາເຄ ແລະສຣຸກເບັດທານີທີ່ໂບຍໝາກກອກເທດ ພະເຢຊູລະໃປຣລູກສິດບຣານຮາ ດອ໋ກນວນ . 30ພະເຢຊູລາມາງ ຮາດ໋ອກ ມືດເຮີສຣຸກໄຕ ງືນຂອງເບົາແວພໍມຶດເລວ ເບົາແວວຳໄຕ ລໍແກະມຸຍໂຕທີ່ແມບື໋ຈຸ ລໍເເກະອຶແນ(ໂຕນິ້)ນະບິດແມງາຍເດົາຈັກ ຮາໍແລ໋ະລໍຮະແອ(ໂຕນັ້ນ) ແລະຕືໜໍ້ບຶ໋ເຮີແນ. 31ຂັນບິດແມງາຍຕະງາຍມາງ ແລ໋ະໜໍ້ເບີມງາຍ ຮຳຈະເນີ໋ວມາງອົງພະຜູ້ເປັນເຈົ້າງຸນເດົາ. 32ປະແອລູກສິດທີ່ພະເຢຊູເດົາໃປຣແມດອ໋ກ ແມເດົາມຶດເຮີສຣຸກເບົາເເມເດົາໄຕທຸກສິງຕັງແອຕາມທີ່ພະເຢຊູເດົາປາເນາະເບົາແມ. 33ຂະນະທີ່ເບົາແມ ກຳລັງແລ໋ະຈອ໋ກລໍແກະແກະແອ ເຈົ້າຂອງລໍລາຕະງາເບົົາແວແລະ໋ລໍແກະເບີມງາຍ . 34ເບົາແມຈະເນີ໋ວມາງ ອົງພະຜູເປັນເຈົ້າລຽງເດົາ. 35ເລວແອເບົາແມມາຕຶ໊ກລໍຕຽດເຮີ້ຍະເຢຊູ ເລວເບົາແມມາຈ໋ອກອາວໄຕນອກຂອງເບົາແມ ມາປູດການອງລໍ ແລະມາເຊີນພຣະອົງດືກຍັກ. 36ຂະນະທີ່ຢະເຢຊູຍັກລໍຮະແອ ແມປະຊາຊົນມາຈ໋ອກອ້າວໃຕນອກຂອງເບົາແມເສີ້ວຕາມຈຣຸງ 37ເມືອພຣະອົງມໍ໋ລຳບື໊ກເຈີມນະຄອນເຢລູຊາເລັມ ໄຕຈຣູງທີ່ ຕຶ໋ເຕີມໂບຍໃປຣໝາກກອກເທດແມປະຊາຊົນທີ່ເປັນລູກສິດຂອງພະເຢຊູແມເລີມຍຶມເກີມຢືມກຣາກແລະຮອ້ງເພງສັນເສີນຢະແກຣໃດ໋ດິສຽງເບຣັນໆ ເພາະການອັດສະຈັນໂຕ໋ດແອທີ່ແມເດົາໄຕ.ແລະແມມາງ, 38ຂໍອຳພະອົງຜູທີ່ກາໍລັງດອ໋ກບື໊ກເປັນກະສັດ(ດວ້ຍ)ຣິດອາໍນາດຂອງຢະແກຼໃດຈົ່ງເດົາຮັບຄາໍສັນລະເສີນແລະສັນຕິສຸກຮວມກັບຢະແກຼໃດຕັງສະຫວັນແລະພຣະລັດສະໝີລາໍບິດຕັງທີ່ຍຣູງໆ. 39ເລວແອແມຟາຣີຊາຍແມເກງຕັງປະຊາຊົນ ມາມາງກັບພຣະອົງ ອາຈານເອີຍ ຮຳໄປຣແມລູກສິດຂອງໄຮ ອຳແມມິດເດ້. 40ພຣະເຢຂູເດົາຈະເນີ໋ວມາງແມ ໄອອຳຣາຍໄຮຈຣົມຮາມາງ ປະບຣານື໋ແມແນມິດງຽບກອ້ນຕະມໍຈຣົມແອລຳສັນລະເສີນໄອ.
ພະເຢຊູເຈົ້າລະຢືມເຖີງນະຄອນເຢຣູຊາເລັມ
41ເມືອຍະເຢຊູໜໍ່ດອ໋ກມໍລາບື່ເຈີມ ຄອນເຢຣູຊາເລັມເລວ ແລະເດົາໄຕນະຄອນເລວ ພະອົງກໍລາຢືມເພາະສະສຽນຕົວເມືອງແລະປະຊາຊົນຂອງພະອົງ. 42ພະອົງລະມາງ ປະຊາຊົນຂອງນະຄອນເຢຣູຊາເລັມເອີຍ ໄອປາດຖະໜາທີ່ອາໍເບົາແວເນາະມາງຈຣູງສາໍລັດເບົາແວ ທີ່ບິດສັນຕິສຸກຮວມກັບຢະແກຼໃດ ແຕເວລາແນເບົາແວອິ໊ສາມາດໄຕ ເດົາບິດເນວກາໍບັງເຕີມບັງເບົາແວ. 43ເພາະບີດມຸຍຕະໃງລຳບຶ ເມຶືອສັດຕຸຂອງໄຮລຳຈະ໋ແບະອອ້ມໄຮ ແລະໂຈມຕີໄຮ້ຈຣົມດາ້ນ. 44ເບົາແມຈະທຳລາຍເມືອງຂອງໄຮ້ ແລະກາເຈດບານືຂອງໄຮ້ຈຣົມຣາຈົນໂຕ໋, ເບົາແມມຳທຳລາຍຫະນາໍການ ແລະກຳແພງຂອງໄຮ້ຈົນໂຕ໋ດ ສິງແນລຳເກີດດຶ໋ເພາະໄຮ້ອິ໋ເນາະເວລາທີ່ຢະແກຼໃດບຶ໋ກໂປ໋ນໄຮ້.
ພະເຢຊູຊົງຊາໍລະພະວິຫານ
(ມທ 21:12-17; ມຣກ 11:15-19; ຢຮ 2:13-22)
45ເລວແອຍະເຢຊູລາເດົາມຶດເຮີນະຄອນເຢຣູຊາເຮັມ ແລະເດົາມຶດເຮີບາຢຶງພະວິຫານ ແລະພະອົງເດົາເລີມຕົ້ນປັ໋ນດຸຣບັນນື໋ຣ ທີ່ກຳລັງເຕັ໊ດລະຫວ໊ດສິງຂອງເອີນຢາງຢື. 46ພະເຢຊູເດົາມາງກັບເບົາແມມາງ, “ຢະແກຼໃດເດົາມາງຂຽນຈຸຕັງພະທຳພີມາງ, ພະວິຫານຂອງຂາ້ພະເຈົ້າລຳເປັນບອນທີ່ບານື໋ອະທິຖານກັບຂາ້ພະເຈົ້າ. ແຕໄຮ້ເດົາເບີມອຳເປັນຄືຖຳຂອງໂຈນ.” 47ເຕີມບັງແອ ພະເຢຊູເດົາປະເຕົາຈຣົມຕະໄງບັງບາຢຶງຂອງພະວິຫານ ແມຫົວໜ້າປະໂລຫິດ ແມຄູປັຣນເຕົາພະບັນຍັດ ແລະບັນດາປະຊາຊົນ ຕ່າງກໍສາດໂອກາດທີ່ກະເຈດພະເຢຊູ 48ແຕ່ເບົາແມມາອີ໋ໄຕຈຣູງ ທີ່ມາໍເບີມເດົາ ເພາະປະຊາຊົນຈຣົມຣາເດົາຕິດພັນແລະຕັ້ງໃຈ ຢັງຮ້ຽງຄຳປະເຕົ້າຂອງພະເຢຊູ.
Currently Selected:
ລູກາ 19: BRB
Highlight
Copy
Compare
Share
Want to have your highlights saved across all your devices? Sign up or sign in
La Vae Bible by Beyond Translation is licensed under Creative Commons Attribution-ShareAlike 4.0 License.
