ລູກາ 13
13
ຂັນອີ໋ຕັກເກຣີດກ໋ະຈອ໋ກຫາຕອງຈິບຫາຍເດີມ
1ຕັງເວລະຮະແອ ບິດບາງບານື໊ກບືກດັງພະເຢຊູ ດົງປາເນາະສູ່ພະອົງຢັງຫຽງມາງ ປີລາດເດົາໃປຣອຳກາເຈດບາງບານຶ໊ກ ເຕີມບັງແຂວງຊາວຄາລີເລ. ທະຫານຂອງປີລາດເດົາກາພາມປະຊາຊົນຕັງຂະນະທີ່ເບົາແມຖວາຍເຄືອງບູຊາ. 2ຢະເຢຊູເດົາຈະເນີວດີເບົາແມມາງ, “ເບົາແວຄຶດມາງ ຊາວຄາລີເລແມແນເປັນ ບານຶ໋ກບາບເອີ໋ນກວ່າຊາວຄາລີເລເບົາແມເກ໋ງໂຕ໋ດຣາ ເພາະເບົາແມບິດບາບເອີນອຶມາດ(ຮາ້ຍແຮງ)ກວ່າຊາວຄາລີເລແມອຶເກງບໍ 3ຫະແອອີ້ຈໍ໋ຣເຫດຜົນ ໄອບາເນາະໄຮ້ມາງ ຂັນໄຮ້ອີ໋ກັບໃຈຈາກບາບຂອງໄຮ້ ໄຮ້ຈຣົົມຣາກໍວາເກດປະຕື໋ 4ຄວນພິລະຈາລະນາເຖິງທາມຈິດທາມລຣາ ຕຶ໋ງເມືອງສີໂລອາມທີ່ຈໍ໋ຣປ້ອມເຕິ໋ນແມເກດຫະແອ ເບົາແວກໍຄຶດມາງ ເບົາແມເປັນບານຶ໋ກເບີມຜິດບາບເອີນກວ່າປະຊາຊົນອືເກ໋ງຖົມລຣາ ທີ່ກູຕຶ໋ງນະຄອນເຢຣູຊາເລັມ ປະແອລະ 5ຈໍ໋ຣເອີດ໊ອກ ໄອປາເນ໊າະເບົາແວມາງ ຂັນເບົາແວຖົຣມລຣາອິ້ຕັກເກີມກ໋ະຈ໋ອກເກີມຮະເດີມເບົາແວລ໋າຈິບຫາຍປະຕື.”
ຄາໍອຸປະມາເລືອງເຕີມເດືອເທດທີ່ອິເກີດຜົນ
6ເຕີມບັງແອຢະເຢຊູເດົາມາງຄໍາອຸປະມາດິ້ແມຢັງຫຽງ, ບິດກະຫລໍໝູ໋ຍລຣາເດົາດາໍ ເຕີມເດື່ອເທດ ຕຶ່ງສວນອະງຸ່ນຂອງໜໍ້, ເມືອບື໊ກເວລາເຕີມໝາກເດືອລາໍໃປຣ, ໜໍ້ຈິງເດົາດອ໋ກລຣັງໃປຣໝາກເດືອ ແຕ່ອີໄຕໃປຣໝາກ, 7ປະແອໜໍລະມາງກັບແມຊາວສວນຂອງໜໍ້ ກັຣງແມ ເປັນເວລາແປກາມໍເລີຍ ທີ່ໄອເດົາບຶ໋ສາດໃປຣເດື່ອເທດຕັງເຕີມອືແນ ແລະໄອກໍອີ້ໄຕເອີ໋ໃປຮ ອຳເກົ໋າຕັກໜໍ້ສາ ອຳຈຸອາໍວູແບ໋ຣະມິໆເບີ໋ມງ໋າຍ 8ແຕ່ແມຊາວສວນຂອງໜໍ້ຈະເນິວ, ທາ່ນເອີຍ ຂໍຈຸໃດກາມໍນາວ ໄອແນອືຈ໋ະແບຣະອ້ອມ ແລະຈ໋ອກຝຸ່ນແຈະ. 9ຂັນຫາກວາລາບິດໃປຣກະມໍນາວ ເປັນການດີອຶມາດ ແຕຂັນຫາກມາງລາບິດເອີ໋ໃປຣ, ໄອແນອຶເກົ່າຕັກໜໍ້.
ພະເຢຊູລາປົວກາຈຣີການອງໂດນຕັງຕະໃງຊະບາໂຕ
10ຕະໄງຊະບາໂຕ ຢະເຢຊູກຳລັງປັຣນເຕົາກູຕັງສະຖານທີ່ປະຊຸມຂອງຄົນຢິວມູຍບອນ. 11ກູຕັງແອ ບິດກະຈີ໋ຣມູຍຣາທີ່ກະຢ໋ອກອາຣັງຫາມຶດ ໜໍ້ເບີ່ມອຳນາງຢິໂຊເດົາຈິດທາມກະມໍເລີຍ ນາງເປັນກາໂດນຢົງຊື່ອີ້ເດົາ. 12ເມື່ອຢະເຢຊູເດົາໄຕ໋ນາງເລວ ພະອົງຈຶງກາເຫຼົານາງບື໊ກເຮີພະອົງ ແລະລາມາງ, ນາງເອີຍ ຢະແກຣໃດ໋ເດົາປີນປົວອາໍນຽມເຕີມບັງຢີໂດະຂອງໄຮ້. 13ຢະເຢຊູເດົາຈ໋ອກຕີຈູຈັກກະຈີ໋ຣ ຕັງປະແອ ກະຈີ໋ຣລາຢົງຊື່ເດົາເລີຍ ແລະນາງຈຶງມາງສັນລະເສີນຢະແກຣໃດ໋.
14ແຕ່ແມຫົວຫນາ້ສະຖານທີ່ປະຊຸມຂອງຄົນຢິວແມອາລຣັງທີ່ເຢຊູປິນປົວຕັງຕະໄງຊະບາໂຕ. ປະແອ ເບົາແວເດົາມາງກັບແມປະຊາຊົນ, “ບິດເຈົຣາຕະໃງ ທີ່ກົດໝາຍຂອງເບົາຍາອະນຸຍາດອຳປະຊາຊົນເບີ່ມວງກ ຮຳບຶ້ກຮັບການປີນປົວຮັກສາຕັງຕະໃງທີ່ເຈຣົາ ແຕ່ຢອງບື໊ຕັງຕະໃງຊະບາໂຕ.”
15ເລວຢະເຢຊູລາຈະເນີ້ວເບົາແວມາງ, “ບານຶກມັດຊືເກີ່ມຄົດເອີຍ ໄຮ້ຄິດມາງໄຮ້ອິເດົາເບີມວງກບໍ ເມືອໄຮ້ແລະຈະ໋ມຶກອ໊ກຫືຼລໍຂອງໄຮ້ແລະຈູງຢື໊ເຕີມບັງຄອກດອ໋ກເຍດດາກຕັງຕະໄງຊະບາໂຕ. 16ແລະແນຄຶເປັນກາຈີຣຊຶງເປັນກວ໋ນເຈົຣາຂອງອັບຣາຮາມ ຊຶງກາຢ໊ອກອາລຣັກເດົາບຶກໜໍຈຸເປັນເວລາຈິດທາມກາມໍ ອິ໋ຈໍຣລະທີ່ນໍ່ເດົາຮັບການປົດປອຍ ເຕີມບັງການຢິ໋ໂດະຕັງຕະໄງຊະບາໂຕ?” 17ຄາໍຕອບຂອງພະອົງເບີມອາໍໜໍກາມາວຢວ໊ນຈັກກາເລີະ ແຕ່ປະຊາຊົນຈຣົມຣາບິດຄວາມສຸກຕັງການອັດສະຈັນທີ່ພະອົງເບີມ.
ຄາໍອຸປະມາເລືອງແກນຜັກກາດ
(ມທ 13:31-32; ມຣກ 4:30-32)
18ເລວຢະເຢຊູຕະງາມາງ, “ລາຊາອານາຈັກຂອງຢະແກຣໃດ໋ ຄຶກັບເນາະງາຍ ແລະໄອປັຣນດີ້ວລາຊາອານາຈັກຮາແອອຶແຈ໋ະເນາະງງາຍ? 19ລະຄາ່ຍຄຶກັບສິງລາເກີດ ເມືອທີ່ບິດບານື໋ກມູຍຣາເດົາດາໍອຶກຶຶ໋ງຜັກກາດຕັງສວນ ລາຕິ໋ຈົນລະກາຍເປັນເຕີ່ມລອງຕິ໋ ແລະເຈມເບີມກາໂສມບຶງງາຂອງໜໍ້.”
ຄາໍອຸປະມາເລືອງເຊື້ອງແປ້ງ
(ມທ 13:33)
20ເລວແອຢະເຢຊູລາມາງເລ໊າະນາວມາງ, ໄອປຣັນດີ້ວລາຊາອານາຈັກຂອງຢະແກຣໃດ໋ປະຕືກັບສິ່ງອືງາຍ 21ລາຄາ້ຍຄືກັບສີງທີ່ລາເກີດ ເມືອກາຈີຣຈອ໋ກແປ້ງບື໋ງປະສົມກັນກັບແປ້ງຈຳນວນເອີນ ຈົນແປ້ງໂຕ໋ດແອລະຟູດຶ໋ກ.
ເລືອງກະໝອງລາຫັດ
(ມທ 7:13-14,21-23)
22ປະແອຂະນະທີ່ຢະເຢຊູດ໋ອກເຫີ້ເມືອງເຢຣູຊາເລັມກັບແມລູກສິດ ພະອົງປຣັນເຕົາບານື໊ກຕັງເມືອງ ແລະຕາມສຣຸກຕາ່ງຽໄຕຈູຣ. 23ຕັງເມືອງມູຍສຣຸກ ບິດບານຶ້ກຕະງາຢະເຢຊູມາງ, “ພະອົງໄຮເອີຍ ຢະແກຣໃດ໋ລໍາໂປ໋ຣນບານຶ້ກພຽງບຣານແປຣາອຳເກີຼດເຕີ່ມບັງການລົງໂທດນິລັນດອນລະ. ແລະພະເຢຊູເດົາມາງກັບເບົາແມຈຣົມຣາ.” 24ລາຊາອານາຈັກຂອງຢະແກຼໃດ ເປັນຄືກັບຫະນຳທີ່ບິດກະມອງຮັດ. ໄຮ້ຕອງພະຍາຍາມຢາງໜັກເພືອຮຳມຶດຜານກະມອງຫະແອ ຕັງຂະນະທີ່ນະລະເປີດ. ເພືອມາງເອີນຣາທີ່ພະຍາຍາມມຶດ ຢາງແນນອນແຕໄອປາເນາະໄຮ້ມາງ ເບົາແມມາມຶດຫະນຳແອເດົາເອີ໋ 25ຢະແກຣໃດ໋ເປັນຄຶກັບເຈົ້າກະມອງ, ມູຍຕະໃງລຳປັງກະມອງ, ເເລ້ວໄຮ້ຮຳຢົງກູໄຕນອກ, ຈັງເກ໊າະກະໝອງ ແລະອ້ອນວອນມາງ, ພະອົງໄຮ້ເອີຍ, ຂໍເປີກກະໝອງອຳດິເບົາຍາເດ໋. ພະອົງລຳຈະເນີວມາງ, ໄຮ້ອິ໋ເນາະເບົາແວມາງໄຮ້ບຶງເຕີມບັງງາຍ. 26ເລວແອເບົາແມເບີມມາງ ໄອເນ໊າະໄຮ້ເພາໄອເດົາເຍດຈອ໊ງກັບໄຮ້ ແລະໄຮ້ເດົາປາເຕົາກູຕັງຈູຣງລອງຕັງເມືອງ. 27ແຕ່ຢະເຢຊູລາມາງກັບໄຮມາງໄອເນ໊າະເອິ໊ມາງ ໄຮ້ເປັນແມງາຍແລະເນ໊າະເອີມາງເບົາແວບຶ້ກເຕີ່ມບັັງງາຍ ຮຳຍັບວີ້ເຕີ່ມບັງໄອ ເບົາແວຖົຣມຣາທີ່ເບີ່ມການອິ້ນຽມອິ້ຈະເອີະ 28ເຕີ່ມບັງແອ ເບົາແວຮາຣາວຍື໋ມ ແລະເກັບປຶ໋ງໂມງ ເມື່ອເບົາແວໄຕອັບຣາຮາມ, ອີຊາກ ແລະ ຢາໂຄບ ແລະຈຣົມທັງແມທໍານວາຍ ຖົຣມຣາຕຶ່ງອານາຈັກຂອງຢະແກຣໃດ໋, ແຕ່ຝ່າຍເບົາແວລາຈຣໍຊັດຕັກຢື໋. 29ລາບິດແມຕາງຊາດເອີນຣາຈຣົມທຸກທິດແລະມາງ ໂຈມເພືອຢືມເກີມຢືກຣາກກັບບານື້໊ກແມອຶເກງທີ່ລວມກັນກູຕັງອານາຈັກຂອງຢະແກໃດ. 30ບານຶ໊ກທີ່ບິດຕາໍແໜ່ງແກະສຸດຕຶງຊີວິດປະຈຸບັນ ບະຮະແອລາໍບິດສະຖານະທີ່ຢຣູງທີ່ສຸດເຮີອານາຄົດ ແລະຜູ້ທີ່ບິດສະຖານະທີ່ຕີ໋ທີ່ສຸດຕັງປະຈຸບັນບະຫະແອ ລາໍບິດສະຖານະແກະທີ່ສຸດໃນອານາຄົດ.
ພະເຢຊູເສຍໃຈກັບນະຄອນເຢຣູຊາເລັມ
(ມທ 23:37-39)
31ຕັງເວລາຫະແອປະຕື໋ ກໍບິດແມຟາຣີຊາຍບາງບານຶ໋ກເດົາບຶ້ກມາງກັບຢະເຢຊູ ອຳໄຮວີ໊ເຕີ່ມບັງແນສາເພາະກະສັດເຮໂຣດຮາຫຼຽງກາເຈດໄຮ(ປະຫານຊີວິດທານ). 32ແຕ່ພະອົງມາງ ກັບເບົາແມ, “ເຮໂລດຮາແອເປັນປະຈໍທີ່ບິດປັນຍາ ດ໋ອກປາເນ໊າະໜໍ້ມາງ, ໄອປັຣນຢູ໋ກະຢອ໋ກອາຣັງຢືແລະປີນປົວບານຶ໋ກຕັງເວລາແລະໆ ແລະອີ້ດຸ່ນເອີະໄອເບີ່ມວຽກຂອງໄອອສາໍເລັດ 33ຈໍຣເລີຍ, ເປັນຄວາມຈິງທີ່ມາງ ໄອຕອງສຶບຕໍເບີມຕຶງສິງທີ່ໄອກຳລັງເບີມ ແລະສຶບຕໍເບີມວຽກງານຂອງໄອ ຕຶງການດອ໋ກໄຕຈູຣງເຢຣູຊາເລັມ. ເພາະມາງເຢຣູຊາເຮັມເປັນບອນທີ່ແມທໍານວາຍຈົຣມຣາຕອງເກດ.” 34ເລວພະເຢຊູລາມາງ, ໂອເຢລູຊາເລັມ ເຢຣູຊາເລັມເອີຍ ໄຮເດົາກະເຈດແມຜູ້ທໍານວາຍ ໄຮ້ເດົາປງ໋ວຕະມໍແມທີ່ຮັບໃຊ້ມາບື໊ກເຮີໄຮເອີນຕອງເລວ ໄອປາດປະຖະໜາທີ່ຕະມວດປະຊາຊົນໂຕ໋ດຮາ ຂອງໄຮ້ປະເມ້ອຽ໋ນກາບູ໊ກວນຈຸຕັງກຽງຮະລາບຂອງໜໍ້ ແຕ່ເບົາແວພັດອິ້ຍອມປອມ, 35ເພາະປະແອ ຮຳຢັງຫຽງສິງທີ່ລຳເກີດ, ຢະແກຼໃດລຳຕັກໄຮ້ແລະເມືອງຂອງໄຮ້ ແລະໄຮ້ຄົງແລະໄຮ້ຄົງອິ໋ໄຕໄຮ້ອຶນາວ ຈົນກວາ່ໄຮ້ຮຳມາງຂໍຢະແກຼໃດອວຍພອນແມທີ່ບຶ໋ກຕຶງນາມຂອງພະອົງ.
Currently Selected:
ລູກາ 13: BRB
Highlight
Copy
Compare
Share
Want to have your highlights saved across all your devices? Sign up or sign in
La Vae Bible by Beyond Translation is licensed under Creative Commons Attribution-ShareAlike 4.0 License.
