Luka 19
19
Djakayi adjui lobiko
1Omokiya, Yesu ni baekoli bande bakomaka o engumba ya Yeliko mpe baodjata o mboka. 2Moto moko abaka nodjala owo nkombo yande Djakayi abaka mokondji wa bafutisi ba mputi mpe abaka nkuli. 3Nkomo eyabaka Yesu noleka o engumba Djakayi akaka aene Yesu kasi akokokaka weyi mpo abaka mokpe mpo djunda dja bato babaka odjongadjonga wa Yesu. 4Mpe akundoli mbangu abayi o likolo dja nwate nwa sikomole po aene Yesu mpo abaka noleka wana. 5Nkomo eyakomaka Yesu oyoma meyi ya nwete, anatolaka miyo o likolo mpe akoli Djakayi uta noki mpo naengeli na djala lelu ondaku yau. 6Yemeyi autaka mbala mpoko mpe ambi Yesu ondaku yande na esengo. 7Nkomo eyeneke bato babaka owo baeneke Yesu aokende ondaku ya Djakayi, babaka nomotiyola mpe bakoli nade bo: Akeyi nokadjala ondaku ya moto wa masumu. 8Omokiya nwa mokolo Djakayi, atemeke mpe akoloko na nkolo Yesu: Na bobondeli oka djambi libo. Nalaki te nakapaa mbuka ya bikeyi biangayi o mboka babola, mpe na kaelusa bonanga mbala ineyi boleki va ongaka ngayi bato na mputi yaba. 9Yesu akoloko nande: Lelu Kombo abikeyi bato ondaku ebo. Sikawabo mpe Djakayi ao djoko dja Abalayama. 10Mpo ya ngayi nwana wa moto nayaka o mombi mpo yoaka babunga mpe na babikia mpo badjua etumbu ya masumu maba.
Ekondo ya bonanga va mumbongo
(Mt. 25:14-30)
11Djunda dja bato babaka nooka mambi manso makoloko Yesu. Akobaka mpe abaebolaka ekonongo mpo akaka nokoma o engumba Yelusaleme mpe bato bamanyaka te bokondji va Kombo buka tata mbala mpoko. 12Akoli butu yote: Moto moko akeke mobembo omokili moko peke mpo ake noka koma mokondji mpe omokiya mokoma mokondji aeluaka o mboka mpo yokamba. 13Bobokende apaka mibeko na basali bande djomi mpo baya o mboka yande. Apaka moko-moko waba bonanga va wolo. Mpe omokiya abaebolaka, bokela bonanga bubo o mumbongo moko bo mpo ya ngayi tee ekaeluangayi ondaku. 14Na yemeyi, bato bamboka yande ba moinaka, mpe batomaka bato o mboka yande mpo baya noka mokolo: Todjingi ko weyi moto oyo aba mokondji wabiyo. 15Bona moto meyi aeluaka ondaku mpe akomaka mokondji waba. Omokiya, abekaka basali djomi bapaka yo bonanga. Adjingaka aeba bonanga mobunu djayi budjuikiba. 16Moto wabo ayaka mpe akoloko: Nkolo, nadjui bonanga djomi va wolo ekambi na vampaka we. 17Mokondji akoloko nande bo: Omosali molamu mpe okeli bolamu. Na bokeleli moyi mpo ya mosala moti mubopeiki ngayi yeyena na bopeyi bokondji bokondja mboka djomi. 18Mosali wa babale ayeyi mpe akoli nande: Nkolo, nadjui bonanga boiyo mpata itano ya wolo vampaka we. 19Mokondji amobekolaka, na bopeyi bokondji bokondja mboka itano. 20Bona mosali omoko ayaka mpe akoloko nande: Mokondji bonanga vau va wolo bowabo. Na bubombi nebe na epayi ya nfaa. 21Na kelaka bona mpo nabaka nobolota mpo okaba mumpele mokuli. Okabo bonanga bukoba vau weyi mpe oka buka mbuma iloniko we weyi. 22Mokondji akoli nande: nakabosambisa se na maloba mau mpendja, we mosali oboli botosi! Obataka te no moto wa mambi makuli nakabo bonanga o mboka bato na bokuli mpe naka buka mbuma iloniko ngayi weyi. 23Bona yengeliki okela bonanga vangayi o ebombelo ya leta. Nkomo ekaeluangayi ondaku, mbele nayeyi nokadjua bonanga vangayi boiyo bubakemi o likolo djabu. 24Mpe mokondji akoloko na bato batemeke wana lope-lope bo: Bomola bonanga va wolo o mboka yande mpe bopa na mosali ona bonanga djomi va wolo. 25Basali bana bakoloko nande, nkolo mosali ona aona bonanga djomi va wolo! 26Mokondji abekolaka te, naobokolele bo moto okoki nokelela ba moyi baka mopa butu boleki. Kasi oko nokelela ba moyi weyi nso ninwa boti bonande baka momolela yo nande. 27Kasi o mboka banguna ba ngayi bako ndjingaka weyi te naba mokondji oba tomba wa mpe bobaboma obo vangayi nkomo yongayi npo naene.
Yela ya yesu o Yelusaleme
Yesu aingeli o engumba Yelusaleme ndempe mokondji
(Mt. 21:1-11,15-17; Mt. 11:1-10; Yw. 12:12-16)
28Nkomo eya isaka Yesu nokolo mambi mana manso, akendeke o mboka ya Yelusaleme ekambi na baekoli bande. 29Nkomo eyabesaka yo lope na mboka ya Betefase ni Betaniya, lope na ngomba ya miete mia bilaya, Yesu atomaka baekoli bande babale obovande. 30Obo bobatoma akoli naba, bokende o mboka yo obo vabiyo nkomo ekakoma bino bokaene nwana wa mpunda ba motungeyi. Moto moko ako ba naino o likolo djaye weyi oe tungola mpe yaka naye o mboka ngayi. 31Moto moko abotunaka: Mpoyeyi botungola nwana wa mpunda ebo? Bomoebola boo: Nkolo aengeli naye. 32Baekoli batomaka Yesu bakendeke nokaene mambi manso ebeyi eya bakoleleke Yesu. Batomuvaka bakeke nokaene ebeyi eya bakoleleke Yesu. 33Ebeyi eyabaka Baekoli notungola nwana wa mpunda, bankolo baye babatunaka mpoyeyi boutola nwana wa mpunda? 34Ba babekoli: Nkolo aona mpumbu naye. 35Mpe Baekoli batombaka nwana wa mpunda o mboka Yesu. Mpe batandaka nfaa omokiya nwa nwana wa mpunda mpe omokiya badjasaka Yesu. 36Eyabaka Yesu ompunda bato batandi nfaa o balabala obovande mpo yo mokumisa. 37Nkomo eyakomaka Yesu oyoma eyabaka nouta lope na ngomba ya nwete mia bilaya Djunda dja baekoli babaka noboma masandjoli o mboka Kombo mpo ya mpapo inso iyaenekeba Yesu aokela. 38Kombo asepeli be na mokondji wabiyo oya! Sikawa to na biuu wa Kombo O lola, mpe masandjoli maba na Kombo o lola owabi o lola. 39Bafalisayi baiyo ontanteyi ya bato bakoloko na Yesu te: Munitele kolo na Baekoli bau baleme nokolo bona! 40Yesu ababekoli: Naokolo na binobo: Ebaka te bato babo balemeke bobomi masandjoli, mabuka maka boma masandjoli!
Etumbu ya engumba Yelusaleme
41Nkomo eyabesaka Yesu lope na engumba ya Yelusaleme mpe ayeneke, abaka nolela mpo ya engumba mpe mpo ya bato baye. 42Akoloko: bato ba engumba ya Yelusaleme, nadjingi bete bososolo lelu ndjela mpo ya bino boba biuu ekambi na Kombo. Kasi sikawabo, ebombovi o boo vabino. 43Mpo onkomo ya bololi bukaya banguna bau baka bodjkingela na ekeyi yo boboma mpe baka bodjinga bipayi binso. 44Bakakpeisa mboka yau o mombi mpe baka boma bato bau banso baka babuna o mombi. Bakatabinya ndaku mpe bibuneli biau. Ye ekakeluva mpo we webiko nkomo eyayaka Kombo noka bobikia weyi.
Yesu alaki ondaku ya Kombo
(Mt. 12:12-13; Mk. 11:15-19; Yw. 2:13-16)
45Bona Yesu aingeli o engumba omokiya, atataka nobenginya bato babaka nounya bikeyi o tempelo. 46Yesu akoli naba bo: Kombo akolo o makomi makomuvi bo, tempelo wangayi akaba yoma yoba nombondeleke, mpe boekomisi yoma ya baibi. 47Omokiya nwaye Yesu abaka nolaka bato mikolo minso olopango la tempelo. Kasi banganga ba kombo bakondji mpe balaki ba mibeko, ni bakondji ba bato babayuda, babaka noaka ebeyi yo moboma. 48Kasi bato banso babaka nomoka na likebi mpendja. Badjingaka noka mambi manso mabaka yo nokolo. Nayemeyi, bakambi bana bakoebaka weyi ebeyindjayi ya bomobomi.
Currently Selected:
Luka 19: BIZ
Highlight
Copy
Compare
Share
Want to have your highlights saved across all your devices? Sign up or sign in
Baloi Bible by Beyond Translation is licensed under Creative Commons Attribution-ShareAlike 4.0 License.
