Yohannisa Ajjuuta 15

Wurseththa Boshata Oykkida Kiitanchchata

1Tani hara wolqqama malata salo bolla beyadis; Xoossa hanqoy isttan polettanaas wurseth gidida laappun boshata oykkida laappun kiitanchchata beyadis.

2Hessafe guye tamara walakettida mastoote abba misatiza miish beyadis; hessaththoka he do7azanne iza misleza iza sunththaa quxureza malataa xoonidayta beyadis; Xoossi isttas immida diiththa mala bagana geetettizayssa oykkidi mastoote misatiza abba achchan eqqida. 3Xoossa oosanchcha Muse yeththinne dorsaza mazamure,

«Ubbaa Dandayza Godaa Xoossoo!

Ne oosoy gitanne malalisizaaza;

dere kawozoo!#15:3 Dere kawozoo: Dere kawozoo gizayssa issi issi birsheththati wodeta kawozoo geettes.

Ne ogey likkenne tuma.#Kessa 15:1

4Godoo, nees babbontta asinne

ne sunth bonchchontta asi oonee?

Neni nerkka geeshsha;

ne tumaa pirday

qonccida gishshas

dereti wuri yiidi

ne sinththan nees goynnana»

gi yexxida.#Er 10:7; Maza 86:9

5Hessafe guye ta zaara xeellishin kase markkateththa dunkaane gididayssi Xoossa Keeththi salon doyettides.#Kessa 38:21 6Laappun boshata oykkida laappun kiitanchchati Xoossa Keeththafe kezida; istti geesh gididi xolqiza booththa may7o may7ida; worqqafe oosettida dancco mala may7o tira bolla qachchida. 7Oyddu do7atappe issoy laappun kiitanchchatas mernaappe mernaas diza Xoossa hanqoy isttan kumi uttida laappun worqqa xuu7ata immides. 8Xoossa Keeththayka Xoossa bonchchofenne iza wolqqafe dendidayssan cuway izan kumides; laappun kiitanchchati ba kushen oykkida laappun boshati polettana gakkanaas oonikka Xoossa Keeththaa gelanaas dandaybeenna.#Kessa 40:34; 1Kawo 8:10-11; 2Taari 5:11-14; Isa 6:4

Currently Selected:

Yohannisa Ajjuuta 15: GM

Highlight

Copy

Compare