Akraiya dawn 7
7
Hmrang bop hmueitih 144,000 Isawlael khäl
1Äi pänäng kei kuhmuh, hawn natchaw pochong hli luhdül kiu hli a ja ula che ini mäi saw. Anih la luhdül i kiu kiu hli a ja ula khri ka ula ini tawk. Iyaäm luhdül a, mret a, thing khäla khri la ho hnängah pak. 2Äiche, awlaw hngat hawn natchaw a hnithoh känäng olo saw kuhmuh. Ani kutäng sawk mawh Hnadaga käh hmrang ini bop dün#7:2 Hmrang ini bop dün Ni hmrang ini bop dün hawu hmuei saw che Hnadaga käh khrawng khäla hmat hmuei saw hawu hmuei. mäi hüt. Hnadaga la hawn natchaw pochong hli a luhdül la mret ini khrah aih saw thayung pek hüt. Äi hawn natchaw la äi pai hli hawn natchaw khäla athak hek bala che tak, 3“Nangkei Hnadaga käh ahngasaw khäl lumchawl äng hmrang bop ngala hmat nga saw sawgraw luhdül, mret, awlaw thing khäl khrakai chu.” 4Äi pänäng pochong hiyawh lumchawl äng hmrang bop hmuei äm, äi sidawng kawyawk. Anih che khra ak gala othong hligip gala thong hli ini mäi hüt. Äi khrawng khäl che Isawlael käh pochong lei hnih chen känäng, thong lei hnih chi helh ini hmuei. 5-8Äi chen khäl che Yuda chen, Ruben chen, Gad chen, Aser chen, Naptali chen, Manasi chen. Simiyon chen, Lebi chen, Isakhar chen. Jabulun chen, Yosep chen, Binnamin chen.
Luhdül äng käh awbawng khrawng khälla Hnadaga a ini rosi
9Äi pänäng hngat la ha süp hnängaih u saw hiyawh khrawng kuhmu. Äi khrawng khäl che ayapyap saw, ayapyap chen, ayapyap presaw awlaw ayapyap be äng kräutih. Äi khrawng kheni äi nawn len la Samphomah chaw hmawi mawh a lo ula ini ja. Anih la awat sawu boktih ini wat awlaw ini kut äng khajorot bak mäi hüt. 10Anih kheni la hek ula che ini hawu, “Äi nawn khrung äng omtih nangkei käh Hnadaga la Samphomah chaw la dä nangkei a khrawng khiyawtal saw.” 11Äi hawn natchaw khälla nawn khäla, gongsong khäla awlaw sawk mawh pai hli a wanchak ula che ini ja hüt. Äiya mäitih hawn natchaw khäl, gongsong khäl awlaw sawk mawh pai hli khäl kheni nawn len hmawi mawh a kun ula Hnadaga a ini khäh awlaw ini rosi. 12Anih la ini hawu,
“Amen! Awpiyaw, a wachang, ngen, äkiyä,
hmawi, dogo awlaw thayung sawkbrat ni
nangkei Hnadaga käh thänei seh! Amen!”
13Äi pänäng äi gongsong khäl äng käh pochongak la kei a ihi, “Awat sawu boktih khrawng khäl che u khäl äm, awlaw mawng la känäng anih ini losaw äm?” 14Ani a kei katak, “Sara o! Kei hmawt nga, nang dä nawhmawt saw.”
Ani la kei a atak, “Äi khrawng khälla thasa kuluh nawk hmuei ula che ini losaw. Anih la Samphomah chaw käh thi äng ini pum käh wat botei ula che sanh sanh ini poh ei. 15Äi koong Hnadaga käh nawn len hmawi mawh a anih ja ula che ini mäisaw. Awlaw Hnadaga ima ühnüp, awyawn Hnadaga a ini chetchaw saw. Nawn len khrung äng omtih la anih a aka ai. 16Anih krängak ha düei ti hnawh u, hal ha halei ti hnawh u, khoni leng saw ‘hiyah thän’ khih ei ti saw eleng khäl, anih la eleng piyei ti hnawh u. 17Iyaäm nawn lai äng omtih Samphomah chaw che anih käh samphomah kiyongtih thäneyei. Awlaw sawk mawh tui phul düna Ani la ichih ei. Anih käh mik khri kheni Hnadaga la pot pekai.”
Currently Selected:
Akraiya dawn 7: CSH
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
