Mathi 22
22
Phiya chawnawk päi
1Yĕsu la chokaih koong awlaw ni pümchut hngat hawu pek. Ani la ni huih hawu, 2“Hawna käh mawng pre che nilup mawng hngat huih, awchaw a phiya pekeiyeih koong päi len hngat poh. 3Äi päiya panei hmueitih gawlba khäla bekeyeih koong ani käh hngasaw khäl teh. Äini gawlba khäl chet do u. 4Äidä awlaw krawnak awlaw awhngaw hngasaw khäla ni kheu huih ta bäichu ting ta bala panei hmuyei tih äi gawlba khäla a bekei sawk tü, ‘So khäl, kei mawh paw la sel heupaw la thawutih selchaw khäl bät bala päi ächän taw däk. Tua ükütni ächän mäi chak däk, eiyeih koong lo hnäh äng.’
5“Äini panei hmueitih gawlba khälla päi mawh paw käh hngasaw kheu khin pekah pak hngat che upum käh khanga chet awlaw hngat che upum käh bi äng chet. 6Awhngaw khälla che mawng käh hngasaw khäla ini siri khrak ula ini tuk. 7Äidä mawng mawmawt aman pok bala osoloi te bala äi hngasaw khäla tupektih khäl kheni atukal awlaw anih käh mräh kheni achawh pekal chak. 8Äiche ani hngasaw khäla tak, ‘Päi che ächän mäi, äini päi eiyeih koong u aw panei hmuei äm anih che päi ei tawn u. 9Äichaw a nangnih tua lawm täng lawm täng chet khäl awlaw pochong hiyawh a nini khom äm, äi khäl kheni phiya chawnawk päiya a panei khäl.’ 10A hngasaw khälla lawm tänga chet ula awpawi ese hang hanga ni beyei ula ini lophui nawk. Äi äng äi phiya chawnawk päi im gawlba äng ini luih yal chak.
11“Äi pänäng mawng la gawlba khäl sotaih koong uduka vawng ni, phiya chawnawk päi awat watah tih hngata hmu. 12Mawng la ihi hnäh, ‘Khanbawn o, phiya chawnawk päiya awat pawi watah pak iya nolo saw äm?’ Äi khrawng la ni äng käh iha kheu krawn pekal hnängah. 13Äi khaw a mawng la ahngasaw khäla tak, ‘Ni khrawng ukut la okho hen chula uhiyung duka ahen khäl. Äi laa khrawng ini kapai awlaw khih u saw äng ini haw la ini haw ini eiyei.’”
14Khui päih äng Yĕsu la hawu, “Äi äng Kei kawhawu, awbawng khrawng a panei hmuei, äini khrawng bitchaw a dä helh hmueyeih saw.”
Phawndaw pek saw äng käh kheu
Mak 12:13-17; Luk 20:20-26
15Äidä pherasai khäl chetal ula iba Yĕsu a kawl äng ini khrawk hnängai äm, äi ini täng bawngal. 16Anih la Herawt mawng käh khrawng khäl ängtu Pherasai khälla ini pum sawng äng käh pochongak hnih khrawng Yĕsu khäka ini teh. Äi khrawng khälla ini tak hnäh, “Choktih o, keinih kini hmawt khäh nang khrawng prongh dä. Hnadaga lawm äng käh kheu nang hi hmawna nochok. Khrawng la i ini khinai äm nang äi chäkti. Iyaäm nang hngat hmawi ha sotila iha biti. 17Bahi nang hawu, Mosi käh thung täng Rom käh mawng lena keinih phawndaw kini pekaih saw kini tawnei? Nang i nawtawkäm?”
18Anih käh akhrang se yawchu bala Yĕsu la tak, “Khrawng lupsong khälo, iya Kei a anang chawm saw äm? 19Phawndaw nini pekchi saw hen poisa Kei a hngat awdawn khäl.” Äi khaw a anih la dinar hngat Yĕsu khäka ini lo. 20Äi khaw a Yĕsu la anih a tak, “Ni poisa khrung äng u käh ulupchaw la iming mäi äm?”
21Anih la Rom mawng len käh ting ini takal.
Yĕsu la anih a takal, “Bahi ibang Khiyuptih käh äm äi khiyuptih a pek khäl. Awlaw ibang Hnadaga käh äm äi Hnadaga a pek khäl.”
22Äi kheu yaw ula ini maw awlaw Ani a hlät ula ini chetal.
Awpawtaw pochong seh tawei tih hmutaw käh khui
Mak 12:18-27; Luk 20:27-40
23Äi hnüp äng hnüp khiyang pochongak hnih Suduki khäl Yĕsu khäka ini lo. (Suduki khälla ini yumei saw che düsaw känäng thouwalaih saw taksaw iha mäyah.) 24Äi äng anih la Yĕsu a ini hi, “Choktih o, khrawng hngat dä awchaw hmueiyah saw läktäng üdü hi, äi hmeinu a awnawu la naw al bala äi dütih ata käh chen tawkal hnäng khäh ting Mosi la che hawu. 25Keinih dukäng tanawu seh ini mäi hüt saw. Achang chaw la phiya naw bala dü khaw a, upuma awchaw chuhnu mäi hütah saw koong ani phiya awnawu la nawkal. 26Äi huih hngat pänäng hngat la äi hmeinu a ini nawkal. 27Uhnung sumäng äi hnutaw ha üdüal phih. 28Bahi che, dütih khäl heng ula ini thouwal khaw a äi pochong seh tanawu dukäng mawng pawtaw la äi hmutaw i ĕphiya lup büneyalaih saw äm? Iyaäm anih kheni la ni äi hmutaw a ini nawk hüt khä nu?”
29Yĕsu la anih a takal, “Nangnih nini hmaw khäh. Iyaäm nangnih kiyam la i chokäm, äi hmawt chu, awlaw Hnadaga dogo ihuih äm äi ha hmawt chu. 30Dütih khäl heng ula ini thouwal pänäng phiya naw al hnawh u awlaw anih a phiya ha pekei hmueiyal hnawh. Anih hawn natchaw khäl huih dä ini mäiyalaih saw. 31Dütih khäl heng ula ini thouwalaih saw kheu Hnadaga la anang chok saw kheu nangnih kiyam äng phawt chuei? 32Äiya yoei bala mäi, ‘Kei Awbraham käh Hnadaga, Aijak käh Hnadaga awlaw Yakub käh Hnadaga.’ Äini Hnadaga che dütih khäl käh Hnadaga hiyah, Ani heng tih khäl käh Hnadaga dä.”#22:32 Iyaäm Kyam la hawu, Kei Awbraham käh Hnadaga, äi äng hmawt hmuei Awbraham hawn pre a heng bala mäi khäh.Ani la hawu hütah Kei Awbraham käh Hnadaga kämäi hüt ting.
33Ani la chok saw kheu khäl yaw ula khrawng khäl mawmawt ini maw hnäh.
Üküt thawka alang gong kheu khäl
Mak 12:28-34; Luk 10:25-28
34Yĕsu la Suduki khäla ini kräu saw tipal sawk ni, pherasai khäl ini lumei hnäh. 35Anih khäl äng käh Mosi käh thung choktih hngat la Yĕsu a achawmaih khiyang koong ihi, 36“Choktih o, Mosi käh thung khäl kheni äng mawng kini poh aih saw unung alang gong äm?”
37Yĕsu la ani a takal, “Üküt thawka alang gong nopoh aih lah saw che ni, ‘Nangnih hang hang la nini lung, nini sawk, nini kantha äng nangnih käh Boi Hnadaga a khetnaw bäichu.’ 38Nidä mawt alang gong ühlü saw sum la elensum kheu. 39Äi pänäng käh ühlü saw kheu che, ‘Nang imcheng saw kheni a nupum kantha huih khetnaw bäi.’ 40Mosi käh thung kheni awlaw Hnadaga sidawng hiyawktih käh choknawk saw kheu khäl kheni ni pai hnih bi äng dä üm bala mäi saw.”
Boi Yĕsu la thung choktih khäla ihi
Mak 12:35-37; Luk 20:41-44
41Pherasai khäl utu ini mäi khaw a Yĕsu la anih a hi, 42“Nangnih Mesaya a u ting nini khinäm? Ani u chen äm?”
Anih la Dawut käh chen dä ting Yĕsu a ini takal.
43Äi khaw a Yĕsu la anih a takal, “Bahi Dawut la iba Mesaya a awkhraw tha äng Boi ting panei hütäm? Ani la hawu hüt,
44‘Boi la kei käh Boi a tak,
Nang käh lansu khäla
nang khochouwa kawtawk saw sawgraw
Kei set pawta om.’”#Sam 110:1
45Äihi Dawut la Mesaya a Boi ting panei hi, Mesaya iba Dawut käh chen thänei äm?
46Hngat la äi kheu krawneyal hnäng u. Awlaw äi hnüp täh kän hngat la ha Ani a iha ini hiyeih saw sengkhri büneiti u.
Currently Selected:
Mathi 22: CSH
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mathi 22
22
Phiya chawnawk päi
1Yĕsu la chokaih koong awlaw ni pümchut hngat hawu pek. Ani la ni huih hawu, 2“Hawna käh mawng pre che nilup mawng hngat huih, awchaw a phiya pekeiyeih koong päi len hngat poh. 3Äi päiya panei hmueitih gawlba khäla bekeyeih koong ani käh hngasaw khäl teh. Äini gawlba khäl chet do u. 4Äidä awlaw krawnak awlaw awhngaw hngasaw khäla ni kheu huih ta bäichu ting ta bala panei hmuyei tih äi gawlba khäla a bekei sawk tü, ‘So khäl, kei mawh paw la sel heupaw la thawutih selchaw khäl bät bala päi ächän taw däk. Tua ükütni ächän mäi chak däk, eiyeih koong lo hnäh äng.’
5“Äini panei hmueitih gawlba khälla päi mawh paw käh hngasaw kheu khin pekah pak hngat che upum käh khanga chet awlaw hngat che upum käh bi äng chet. 6Awhngaw khälla che mawng käh hngasaw khäla ini siri khrak ula ini tuk. 7Äidä mawng mawmawt aman pok bala osoloi te bala äi hngasaw khäla tupektih khäl kheni atukal awlaw anih käh mräh kheni achawh pekal chak. 8Äiche ani hngasaw khäla tak, ‘Päi che ächän mäi, äini päi eiyeih koong u aw panei hmuei äm anih che päi ei tawn u. 9Äichaw a nangnih tua lawm täng lawm täng chet khäl awlaw pochong hiyawh a nini khom äm, äi khäl kheni phiya chawnawk päiya a panei khäl.’ 10A hngasaw khälla lawm tänga chet ula awpawi ese hang hanga ni beyei ula ini lophui nawk. Äi äng äi phiya chawnawk päi im gawlba äng ini luih yal chak.
11“Äi pänäng mawng la gawlba khäl sotaih koong uduka vawng ni, phiya chawnawk päi awat watah tih hngata hmu. 12Mawng la ihi hnäh, ‘Khanbawn o, phiya chawnawk päiya awat pawi watah pak iya nolo saw äm?’ Äi khrawng la ni äng käh iha kheu krawn pekal hnängah. 13Äi khaw a mawng la ahngasaw khäla tak, ‘Ni khrawng ukut la okho hen chula uhiyung duka ahen khäl. Äi laa khrawng ini kapai awlaw khih u saw äng ini haw la ini haw ini eiyei.’”
14Khui päih äng Yĕsu la hawu, “Äi äng Kei kawhawu, awbawng khrawng a panei hmuei, äini khrawng bitchaw a dä helh hmueyeih saw.”
Phawndaw pek saw äng käh kheu
Mak 12:13-17; Luk 20:20-26
15Äidä pherasai khäl chetal ula iba Yĕsu a kawl äng ini khrawk hnängai äm, äi ini täng bawngal. 16Anih la Herawt mawng käh khrawng khäl ängtu Pherasai khälla ini pum sawng äng käh pochongak hnih khrawng Yĕsu khäka ini teh. Äi khrawng khälla ini tak hnäh, “Choktih o, keinih kini hmawt khäh nang khrawng prongh dä. Hnadaga lawm äng käh kheu nang hi hmawna nochok. Khrawng la i ini khinai äm nang äi chäkti. Iyaäm nang hngat hmawi ha sotila iha biti. 17Bahi nang hawu, Mosi käh thung täng Rom käh mawng lena keinih phawndaw kini pekaih saw kini tawnei? Nang i nawtawkäm?”
18Anih käh akhrang se yawchu bala Yĕsu la tak, “Khrawng lupsong khälo, iya Kei a anang chawm saw äm? 19Phawndaw nini pekchi saw hen poisa Kei a hngat awdawn khäl.” Äi khaw a anih la dinar hngat Yĕsu khäka ini lo. 20Äi khaw a Yĕsu la anih a tak, “Ni poisa khrung äng u käh ulupchaw la iming mäi äm?”
21Anih la Rom mawng len käh ting ini takal.
Yĕsu la anih a takal, “Bahi ibang Khiyuptih käh äm äi khiyuptih a pek khäl. Awlaw ibang Hnadaga käh äm äi Hnadaga a pek khäl.”
22Äi kheu yaw ula ini maw awlaw Ani a hlät ula ini chetal.
Awpawtaw pochong seh tawei tih hmutaw käh khui
Mak 12:18-27; Luk 20:27-40
23Äi hnüp äng hnüp khiyang pochongak hnih Suduki khäl Yĕsu khäka ini lo. (Suduki khälla ini yumei saw che düsaw känäng thouwalaih saw taksaw iha mäyah.) 24Äi äng anih la Yĕsu a ini hi, “Choktih o, khrawng hngat dä awchaw hmueiyah saw läktäng üdü hi, äi hmeinu a awnawu la naw al bala äi dütih ata käh chen tawkal hnäng khäh ting Mosi la che hawu. 25Keinih dukäng tanawu seh ini mäi hüt saw. Achang chaw la phiya naw bala dü khaw a, upuma awchaw chuhnu mäi hütah saw koong ani phiya awnawu la nawkal. 26Äi huih hngat pänäng hngat la äi hmeinu a ini nawkal. 27Uhnung sumäng äi hnutaw ha üdüal phih. 28Bahi che, dütih khäl heng ula ini thouwal khaw a äi pochong seh tanawu dukäng mawng pawtaw la äi hmutaw i ĕphiya lup büneyalaih saw äm? Iyaäm anih kheni la ni äi hmutaw a ini nawk hüt khä nu?”
29Yĕsu la anih a takal, “Nangnih nini hmaw khäh. Iyaäm nangnih kiyam la i chokäm, äi hmawt chu, awlaw Hnadaga dogo ihuih äm äi ha hmawt chu. 30Dütih khäl heng ula ini thouwal pänäng phiya naw al hnawh u awlaw anih a phiya ha pekei hmueiyal hnawh. Anih hawn natchaw khäl huih dä ini mäiyalaih saw. 31Dütih khäl heng ula ini thouwalaih saw kheu Hnadaga la anang chok saw kheu nangnih kiyam äng phawt chuei? 32Äiya yoei bala mäi, ‘Kei Awbraham käh Hnadaga, Aijak käh Hnadaga awlaw Yakub käh Hnadaga.’ Äini Hnadaga che dütih khäl käh Hnadaga hiyah, Ani heng tih khäl käh Hnadaga dä.”#22:32 Iyaäm Kyam la hawu, Kei Awbraham käh Hnadaga, äi äng hmawt hmuei Awbraham hawn pre a heng bala mäi khäh.Ani la hawu hütah Kei Awbraham käh Hnadaga kämäi hüt ting.
33Ani la chok saw kheu khäl yaw ula khrawng khäl mawmawt ini maw hnäh.
Üküt thawka alang gong kheu khäl
Mak 12:28-34; Luk 10:25-28
34Yĕsu la Suduki khäla ini kräu saw tipal sawk ni, pherasai khäl ini lumei hnäh. 35Anih khäl äng käh Mosi käh thung choktih hngat la Yĕsu a achawmaih khiyang koong ihi, 36“Choktih o, Mosi käh thung khäl kheni äng mawng kini poh aih saw unung alang gong äm?”
37Yĕsu la ani a takal, “Üküt thawka alang gong nopoh aih lah saw che ni, ‘Nangnih hang hang la nini lung, nini sawk, nini kantha äng nangnih käh Boi Hnadaga a khetnaw bäichu.’ 38Nidä mawt alang gong ühlü saw sum la elensum kheu. 39Äi pänäng käh ühlü saw kheu che, ‘Nang imcheng saw kheni a nupum kantha huih khetnaw bäi.’ 40Mosi käh thung kheni awlaw Hnadaga sidawng hiyawktih käh choknawk saw kheu khäl kheni ni pai hnih bi äng dä üm bala mäi saw.”
Boi Yĕsu la thung choktih khäla ihi
Mak 12:35-37; Luk 20:41-44
41Pherasai khäl utu ini mäi khaw a Yĕsu la anih a hi, 42“Nangnih Mesaya a u ting nini khinäm? Ani u chen äm?”
Anih la Dawut käh chen dä ting Yĕsu a ini takal.
43Äi khaw a Yĕsu la anih a takal, “Bahi Dawut la iba Mesaya a awkhraw tha äng Boi ting panei hütäm? Ani la hawu hüt,
44‘Boi la kei käh Boi a tak,
Nang käh lansu khäla
nang khochouwa kawtawk saw sawgraw
Kei set pawta om.’”#Sam 110:1
45Äihi Dawut la Mesaya a Boi ting panei hi, Mesaya iba Dawut käh chen thänei äm?
46Hngat la äi kheu krawneyal hnäng u. Awlaw äi hnüp täh kän hngat la ha Ani a iha ini hiyeih saw sengkhri büneiti u.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh