Luk 13
13
Ngulai känäng nulung hleyeyal
1Äi khaw a äiya mäitih khrawng hngat pai hnih la Yĕsu a ana hawu pek, Galil a käh khrawng khälla Hnadaga käh sidawng ima mäksetdava bät ula Hnadaga khäka ini tawng khaw a Pilat mawng la äi khrawng khäla utuk sawk. 2Yĕsu la krawn bala anih a tak, “Nangnih i nini khinäm? Äi Galila käh tuk hmueitih khrawng khäl awhngaw Galil khrawng khe thawka awbawng ngulaisu ini mäi hüt saw ei? 3Kei nangnih a kanang tak, äi huih hiyah! Äini nangnih ngulai känäng nini lung hleyeyal chu khaw, nini krakaih chak saw dä.#13:3 Äi huih: Yĕsu la ibang hmawi maw a äthäneyeih saw ting awhawu äm äi khäl hisaw a äthänei. Niya awhawu saw khäl awbawng khokum yang äthänei hüt. Äi khaw a Yĕlusalem sidawng im awlaw Yudi a käh khrawng awbawng lansu khäl kutäng ini dü hüt. 4Silawma käh hlüngtih im la krawnaw bala pochong leisĕt khrawng ini dü hüt. Nangnih i nini khinäm, Yĕlusalem a mäitih awhngaw khrawng khe thawka äi pochong leisĕt khrawnga awbawng epret mäi hüt sawei? 5Kei nangnih a kanang tak, äi huih hiyah! Äini nangnih ngulai känäng nini lung hleyeyal chu khaw, nangnih ha äi khrawng khäl huih nini krakaih chak saw dä.”
Khĕu thing äng pümchut
6Äi pänäng Yĕsu la anih a ni pümchaw hngat hawu pek. “Khrawng pochongak la ani käh grĕp#13:6 Grĕp che kawlaw bĕ äng anggur ting ini tak. khanga khĕu thing hngat chäh hüt. Äidä ani la etheih sotaih koong akhanga lo, äini ani la iha bünah. 7Äidä grĕp khang sokhretih a ani la tak, ‘Kei ni khĕu thing äng etheih kusui saw kumthum thänei däk. Äini Kei iha bün chi nga. Äi koong ni khĕu thing khrual! Iya ni thing la dekäng ala chakei nawkaih saw äm?’ 8Äini äi sokhretih la ani a tak, ‘Choktih o, ni thing tukumak mäi maw seh awlaw kei eken setsei choungala phat kawthawnalai. 9Sengkuma dä etheih thei hi mawt pawyei. Äini theiyah hi, ni thing khrual bäi.’”
Düm khomhnüp äng uyung kuktih hmutaw a awpawi poh al
10Düm khomhnüp äng Yudi ini lumeidün im hngata#13:10 Konghmuh bi koong tängbawng dün ala. Yudi khrawng khäl käh tängbawng dün ala. Yĕsu la ochok, 11äi khaw a hmutaw pochongak äi Yudi ini lumeidün ima mäi hüt. Ani a pawiyah saw khraw hngat la khokum leisĕt uyung kuksawk bala awtawk koong chokjok ja hnängah. 12Yĕsu la äi hmutaw a hmuh ni ekena panei bala che tak, “Hmutaw o, nang käh lawga känäng nang nälätal däk.” 13Äidä Ani la äi hmutaw khrung äng ukut tawkei, äi äng tutu ani chokjok ja al hnäng awlaw Hnadaga a phiyaw al. 14Yĕsu la düm khomhnüp äng lawga awpawi poh al saw koong Yudi ini lumeidün ima käh elenchaw aman pok. Äila khrawng khäla tak, “Ini biyeih koong khomhnüp hnüpsok mäi khäh! Äi äng äi hnüp sok dukäng lo chula apawyal khäl. Düm khomhnüp äng hiyah.” 15Äidä Boi la äi lenchaw a krawnei nawkal, “Nangnih lupsongeitih! Düm khomhnüp äng sel lum känäng seleu paw la se lekchaw hlät chula tui peka nangnih chichu ei? 16Äi khaw, Awbraham chenäng käh ni hmutaw pawta so khäl. Ni hmutaw a Mannat la khokum leisĕt khon bala tawk saw, äi khon hmuei saw känäng düm khomhnüp äng ani a hlätalaih saw sangah ei?” 17Yĕsu la ni kheu hawu saw äng Ani pawtäng mäyahtih khälla hiyawh ei ini bünei. Äini awhngaw khrawng khäl Ani käh nawmaw nawk saw bi hmuh ula che ini piyaw.
Monniyang chih äng käh pümchut
Mathi 13:31-32; Mak 4:30-32
18Äidä Yĕsu la ihi, “Mawng Hnadaga pre#13:18 Hnadaga pre che ala hiyah. Äi ini taksaw che Hnadaga la khrawng khäla ukhiyup saw. che ihuih äm? Kei i äng kuchutaih saw äm? 19Mawng Hnadaga pre che hngat monniyang chih huih dä. Khrawng pochongak la äi monniyang chih hngat law bala ani käh khang äng ächäh. Äi chät bala thinga thänei. Äi pänäng haw khäl lo ula che thing bakäng ubuh ini sekei.”
Is äng käh pümchut
Mathi 13:33
20Yĕsu la awlaw hawu, “Kei i äng Mawng Hnadaga pre a kuchutaih saw äm? 21Mawng Hnadaga käh pre che is huih dä. Hmutaw hngat la äi is law bala awbawng ha hnui äng bälh ni, äi ha hnui äng is bälei koong posoh soh a kawi.”
A wah lek tih sät
Mathi 7:13-14,21-23
22Yĕsu la awlaw mräh khäl, nam khäla chochok hlänga Yĕlusalem pawta chet. 23Khrawng pochongak la Ani a ihi, “Boi o, ngulai känäng khrawng bitchaw dä ini kiyawtalaih saw ei?” Äi khaw a Ani la anih a takal, 24“Sät wah lekchaw känäng nini vawngaih saw tha po ei khäl. Iyaäm kei nangnih a kanang takaih, awbawng khrawng la ini vawngaih koong ini hnoai äini vawng hnäng hnawh u. 25Im mawh paw la thou bala sät khah al hi, apranga ja chula sät khek chula nini hawuvai, ‘Boi o, sät khrawng hong pek.’ Äini im mawh paw la hawuvai, ‘Nangnih mawng känäng nini lo saw äm kei kanang hmawt nga.’ 26Äidä nangnih hawuvaih saw nini chah ai, ‘Keinih nang ängtu kini ei ok hüt, awlaw nang keinih a lawm täng lawm täng anang chok hüt.’ 27Äini Ani la awlaw hawuvai, ‘Nangnih mawng känäng nini lo saw äm kei kanang hmawt nga. Soutih khäl o, kei känäng chetal khäl.’ 28Awbraham, Aijak, Yakub awlaw Hnadaga sidawng hiyawktih khäl Mawng Hnadaga pre a ini mäi saw nini hmuh hi, awlaw nangnih apranga tong nini hmuyeyeih saw nini hmawtei hi, kakap chula nini haw nini chieiyei. 29Äi pänäng hni thoh, hni krawk, tong phak, mrok phak pawt känäng khrawng khäl lo ula che Hnadaga käh mawng pre a päi lena eioka ana omai.#13:29 Luhdül äng käh khrawng khäl kheni Hnadaga käh Mawng pre a ini omai. Äini Yudi khäl che om lah hnawh u. 30Äini ihi khäh, ubang uhnung sum äng kraw äm, ani awmaw alai awlaw ubang awmaw äm, ani uhnung sum äng kraw alai.”#13:30 Yudi khälla ini puma alang gong ting ini khinei awlaw Yudi hiyahtih a alang gong ting khin u. Äi thän ha, awbawng Yudi hiyahtih khälla Yĕsu khrung äng ini yumei koong ini mawalaih saw, awlaw maw tih khrawng Hnadaga käh Mawng pre känäng okolalaih saw päihyah saw sawk bünei nawh.
Yĕsu Yĕlusalem koong konggrah
Mathi 23:37-39
31Äi khaw a pochongak hnih Pherasai khäl lo ula Yĕsu a ini tak, “Ni känäng chetal, iyaäm Herawt la nanga anang tukaih khiyang khäh.” 32Äini Yĕsu la anih a tak, “Chet khäl, äi khewa#13:32 Khewa a mawt kram mäi. Herawt mawnga ha kram mäi koong Yĕsu la khewa äng uchut saw. a ata khäl. So khäl, kei khrawse khäl kothoh alai awlaw khrawng khäla tü hnüpa awlaw hngätäh a awpawi kopoh alai, awlaw hnüp thum äng kei käh bi käphäih yalai. 33Kei käh lawm äng tühnüp, hngätäh awlaw hngätäh titu a kechetalaih lah saw dä. Iyaäm Yĕlusalem pranga Hnadaga sidawng hiyawktih khäl#13:33 “Hnadaga sidawng hiyawktih awlaw Hnadaga sidawng hiyawktih.” ini dü aih saw sang u. 34Yĕlusalem, o Yĕlusalem, Hnadaga sidawng hiyawktih khäla nang nutuk. Hnadaga la nang khäka u a bang tĕh äm, anih a lung äng khong naw tila che nutuk. Anu la awchaw o oyei saw huih, kei ha nang khrawng khäla awbawng ko oeyeih khiyang hüt. Äini nang hlüeiti. 35So khäl, nangnih käh im ohongai!#13:35 Hmawi maw pawta Hnadaga la Yudi khäla ähläh a lai awlaw lansu khälla Yĕlusalem ini khrakai. Ni kheu ului saw kat segip äng (70). Awlaw Kei kanang takaih, nangnih kei a awlaw u hmuti hnawh chu. Äini ikhin lo khaw Kei a anang hmuh alai awlaw nangnih nini hawuvai, ‘Boi ming äng lo tuntih ni pisih mawh.’”
Currently Selected:
Luk 13: CSH
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Luk 13
13
Ngulai känäng nulung hleyeyal
1Äi khaw a äiya mäitih khrawng hngat pai hnih la Yĕsu a ana hawu pek, Galil a käh khrawng khälla Hnadaga käh sidawng ima mäksetdava bät ula Hnadaga khäka ini tawng khaw a Pilat mawng la äi khrawng khäla utuk sawk. 2Yĕsu la krawn bala anih a tak, “Nangnih i nini khinäm? Äi Galila käh tuk hmueitih khrawng khäl awhngaw Galil khrawng khe thawka awbawng ngulaisu ini mäi hüt saw ei? 3Kei nangnih a kanang tak, äi huih hiyah! Äini nangnih ngulai känäng nini lung hleyeyal chu khaw, nini krakaih chak saw dä.#13:3 Äi huih: Yĕsu la ibang hmawi maw a äthäneyeih saw ting awhawu äm äi khäl hisaw a äthänei. Niya awhawu saw khäl awbawng khokum yang äthänei hüt. Äi khaw a Yĕlusalem sidawng im awlaw Yudi a käh khrawng awbawng lansu khäl kutäng ini dü hüt. 4Silawma käh hlüngtih im la krawnaw bala pochong leisĕt khrawng ini dü hüt. Nangnih i nini khinäm, Yĕlusalem a mäitih awhngaw khrawng khe thawka äi pochong leisĕt khrawnga awbawng epret mäi hüt sawei? 5Kei nangnih a kanang tak, äi huih hiyah! Äini nangnih ngulai känäng nini lung hleyeyal chu khaw, nangnih ha äi khrawng khäl huih nini krakaih chak saw dä.”
Khĕu thing äng pümchut
6Äi pänäng Yĕsu la anih a ni pümchaw hngat hawu pek. “Khrawng pochongak la ani käh grĕp#13:6 Grĕp che kawlaw bĕ äng anggur ting ini tak. khanga khĕu thing hngat chäh hüt. Äidä ani la etheih sotaih koong akhanga lo, äini ani la iha bünah. 7Äidä grĕp khang sokhretih a ani la tak, ‘Kei ni khĕu thing äng etheih kusui saw kumthum thänei däk. Äini Kei iha bün chi nga. Äi koong ni khĕu thing khrual! Iya ni thing la dekäng ala chakei nawkaih saw äm?’ 8Äini äi sokhretih la ani a tak, ‘Choktih o, ni thing tukumak mäi maw seh awlaw kei eken setsei choungala phat kawthawnalai. 9Sengkuma dä etheih thei hi mawt pawyei. Äini theiyah hi, ni thing khrual bäi.’”
Düm khomhnüp äng uyung kuktih hmutaw a awpawi poh al
10Düm khomhnüp äng Yudi ini lumeidün im hngata#13:10 Konghmuh bi koong tängbawng dün ala. Yudi khrawng khäl käh tängbawng dün ala. Yĕsu la ochok, 11äi khaw a hmutaw pochongak äi Yudi ini lumeidün ima mäi hüt. Ani a pawiyah saw khraw hngat la khokum leisĕt uyung kuksawk bala awtawk koong chokjok ja hnängah. 12Yĕsu la äi hmutaw a hmuh ni ekena panei bala che tak, “Hmutaw o, nang käh lawga känäng nang nälätal däk.” 13Äidä Ani la äi hmutaw khrung äng ukut tawkei, äi äng tutu ani chokjok ja al hnäng awlaw Hnadaga a phiyaw al. 14Yĕsu la düm khomhnüp äng lawga awpawi poh al saw koong Yudi ini lumeidün ima käh elenchaw aman pok. Äila khrawng khäla tak, “Ini biyeih koong khomhnüp hnüpsok mäi khäh! Äi äng äi hnüp sok dukäng lo chula apawyal khäl. Düm khomhnüp äng hiyah.” 15Äidä Boi la äi lenchaw a krawnei nawkal, “Nangnih lupsongeitih! Düm khomhnüp äng sel lum känäng seleu paw la se lekchaw hlät chula tui peka nangnih chichu ei? 16Äi khaw, Awbraham chenäng käh ni hmutaw pawta so khäl. Ni hmutaw a Mannat la khokum leisĕt khon bala tawk saw, äi khon hmuei saw känäng düm khomhnüp äng ani a hlätalaih saw sangah ei?” 17Yĕsu la ni kheu hawu saw äng Ani pawtäng mäyahtih khälla hiyawh ei ini bünei. Äini awhngaw khrawng khäl Ani käh nawmaw nawk saw bi hmuh ula che ini piyaw.
Monniyang chih äng käh pümchut
Mathi 13:31-32; Mak 4:30-32
18Äidä Yĕsu la ihi, “Mawng Hnadaga pre#13:18 Hnadaga pre che ala hiyah. Äi ini taksaw che Hnadaga la khrawng khäla ukhiyup saw. che ihuih äm? Kei i äng kuchutaih saw äm? 19Mawng Hnadaga pre che hngat monniyang chih huih dä. Khrawng pochongak la äi monniyang chih hngat law bala ani käh khang äng ächäh. Äi chät bala thinga thänei. Äi pänäng haw khäl lo ula che thing bakäng ubuh ini sekei.”
Is äng käh pümchut
Mathi 13:33
20Yĕsu la awlaw hawu, “Kei i äng Mawng Hnadaga pre a kuchutaih saw äm? 21Mawng Hnadaga käh pre che is huih dä. Hmutaw hngat la äi is law bala awbawng ha hnui äng bälh ni, äi ha hnui äng is bälei koong posoh soh a kawi.”
A wah lek tih sät
Mathi 7:13-14,21-23
22Yĕsu la awlaw mräh khäl, nam khäla chochok hlänga Yĕlusalem pawta chet. 23Khrawng pochongak la Ani a ihi, “Boi o, ngulai känäng khrawng bitchaw dä ini kiyawtalaih saw ei?” Äi khaw a Ani la anih a takal, 24“Sät wah lekchaw känäng nini vawngaih saw tha po ei khäl. Iyaäm kei nangnih a kanang takaih, awbawng khrawng la ini vawngaih koong ini hnoai äini vawng hnäng hnawh u. 25Im mawh paw la thou bala sät khah al hi, apranga ja chula sät khek chula nini hawuvai, ‘Boi o, sät khrawng hong pek.’ Äini im mawh paw la hawuvai, ‘Nangnih mawng känäng nini lo saw äm kei kanang hmawt nga.’ 26Äidä nangnih hawuvaih saw nini chah ai, ‘Keinih nang ängtu kini ei ok hüt, awlaw nang keinih a lawm täng lawm täng anang chok hüt.’ 27Äini Ani la awlaw hawuvai, ‘Nangnih mawng känäng nini lo saw äm kei kanang hmawt nga. Soutih khäl o, kei känäng chetal khäl.’ 28Awbraham, Aijak, Yakub awlaw Hnadaga sidawng hiyawktih khäl Mawng Hnadaga pre a ini mäi saw nini hmuh hi, awlaw nangnih apranga tong nini hmuyeyeih saw nini hmawtei hi, kakap chula nini haw nini chieiyei. 29Äi pänäng hni thoh, hni krawk, tong phak, mrok phak pawt känäng khrawng khäl lo ula che Hnadaga käh mawng pre a päi lena eioka ana omai.#13:29 Luhdül äng käh khrawng khäl kheni Hnadaga käh Mawng pre a ini omai. Äini Yudi khäl che om lah hnawh u. 30Äini ihi khäh, ubang uhnung sum äng kraw äm, ani awmaw alai awlaw ubang awmaw äm, ani uhnung sum äng kraw alai.”#13:30 Yudi khälla ini puma alang gong ting ini khinei awlaw Yudi hiyahtih a alang gong ting khin u. Äi thän ha, awbawng Yudi hiyahtih khälla Yĕsu khrung äng ini yumei koong ini mawalaih saw, awlaw maw tih khrawng Hnadaga käh Mawng pre känäng okolalaih saw päihyah saw sawk bünei nawh.
Yĕsu Yĕlusalem koong konggrah
Mathi 23:37-39
31Äi khaw a pochongak hnih Pherasai khäl lo ula Yĕsu a ini tak, “Ni känäng chetal, iyaäm Herawt la nanga anang tukaih khiyang khäh.” 32Äini Yĕsu la anih a tak, “Chet khäl, äi khewa#13:32 Khewa a mawt kram mäi. Herawt mawnga ha kram mäi koong Yĕsu la khewa äng uchut saw. a ata khäl. So khäl, kei khrawse khäl kothoh alai awlaw khrawng khäla tü hnüpa awlaw hngätäh a awpawi kopoh alai, awlaw hnüp thum äng kei käh bi käphäih yalai. 33Kei käh lawm äng tühnüp, hngätäh awlaw hngätäh titu a kechetalaih lah saw dä. Iyaäm Yĕlusalem pranga Hnadaga sidawng hiyawktih khäl#13:33 “Hnadaga sidawng hiyawktih awlaw Hnadaga sidawng hiyawktih.” ini dü aih saw sang u. 34Yĕlusalem, o Yĕlusalem, Hnadaga sidawng hiyawktih khäla nang nutuk. Hnadaga la nang khäka u a bang tĕh äm, anih a lung äng khong naw tila che nutuk. Anu la awchaw o oyei saw huih, kei ha nang khrawng khäla awbawng ko oeyeih khiyang hüt. Äini nang hlüeiti. 35So khäl, nangnih käh im ohongai!#13:35 Hmawi maw pawta Hnadaga la Yudi khäla ähläh a lai awlaw lansu khälla Yĕlusalem ini khrakai. Ni kheu ului saw kat segip äng (70). Awlaw Kei kanang takaih, nangnih kei a awlaw u hmuti hnawh chu. Äini ikhin lo khaw Kei a anang hmuh alai awlaw nangnih nini hawuvai, ‘Boi ming äng lo tuntih ni pisih mawh.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh