1 Timothi Kheu Chou
Kheu Chou
Timothi che chong krawng chaw mäi hüt. Ani che Esia pre a käh yumei tih sawng khäl äng käh mäi hüt. Ani nu che Yudi awpaw che Grik saw. Timothi che Pol phäu awlaw sidawng hiyawk phäu. Ani khäka Pol la täkchah chaw yok saw äng alang gong khäl khe che äng 3:14,15 sanh sanh hawu hmuei. Pol la hawu, Hnadaga käh yumtih sawng khäl ini mäichoh aih saw koong ühlü sawsi mäi khäh. Ni kheu khäl Timothi a hawu pekaih koong ni chaw yok hüt saw. Yumtih khäla hiyah saw chok hawu krong äng sidih pek hüt. Awlaw äi hawuvah ha yumtih sawng chetchaw aih saw la orosiyeih saw krong äng ha oyok. Ni khäl dukäng mäi saw che Yumtih käh suh tong, ini rosi khaw a hmutaw khälla ini poh tawn saw khäl, yumtih chetchaw tih elenchaw la i awhmawt tawn äm, awlaw Yumtih hmeinu khäl koong i aw ini bi pek tawn äm. Äi hawuvah ha Timothi Krito käh hngat hngasaw pawi thänei hmawna. Yumtih sawng khäl khäka ayapyap khrawng khäl äng bi biyei hnäng hmawna ani khäka ni chaw yok hüt.
Otoichaw lawma nübündün la
1. Achah kheu (1:1-2)
2. Lupsogeitih khäl äng Pol la Timothi a ana pek (1:3-20)
3. Yumtih sawng la elenchaw khäl krong äng chok hawu (2,3)
4. Yumtih sawng khäl dukäng uyum khraei tih khäla sidih pek krong (4:)
5. Ayapyap khrawng khäl krong äng chok hawu (5:1-6)
6. Yumtih sawng khäla sidih pek awlaw Timothi a ochok (6:3-21)
Currently Selected:
1 Timothi Kheu Chou: CSH
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh