Alajiya 10
10
Ili i na a̱a̱ ka̱mbuwa̱a̱ ugbozu
1Ununa a̱kwa̱kwa̱ a ayun
a tsu zuwa mani'i ma ma̱guru ma yuwan ushamu,
ne ɗa fo tsulo ke'en
ma̱ tsu lungusa̱ ugbozu na̱ tsugbain.
2Ookolo aza vu ugbozu u tsu zuwai ta̱
u yuwan ili i na i ri mejege,
amma okolo o ulo u tsu zuwai ta̱
u yuwan ili i na i ri babu ulobonu.
3Ulo, ko a̱tsuma̱ a mmalu o ure,
u tsu roco ta̱ a na a̱yi u ri nu ugbozu shi,
waru u tsu roco ta̱ za suru, na a̱yi ulo u ɗa.
4Nna̱ upan wu za tsugono 'yon aciya̱wu,
she vu jika̱ vu lyawa uba̱ta̱ u na vu ri wan,
adama a na uvotowun wo ookolo,
u tsu zuwa ta̱ a yuwan gafura vu unusu u gbain.
5Iwuya i ro i ta̱ lo a na me enei,
a̱tsuma̱ a wuma wu uvaɗi u nda,
a̱ba̱jini o unusu u na a̱za̱ a̱ tsugono a tsu yuwan,
6a tsu ca ta̱ olo tsugbain tsa gbain gbain,
aza a na a̱ ri nu utsuru waru
a̱vu a ca le ba̱ta̱ na ri na̱ a̱ɓula̱ shi.
7Me ne ta̱ ɗe agbashi zuva vi ido,
muwun mogono a mmalu ana tsa agbashi.
8Za na ka̱pa̱i a̱ka̱ri e iwuya
a̱yi ɗa wa̱a̱ riya̱ pe,
za na ɓuɓoso yi ukari,
a̱yi ɗa yo a̱ ka̱ɗa̱.#Ica 7:15; Udm 26:27.
9Za na ɓuɓoso yi atali,
ele ɗa a̱ tsu amaton yi,
za na ɓuɓatsa yi ɗanga,
ele ɗa a̱ tsu ronoo yi usa̱n.
10Nna̱ una̱ wo aɓau u ri ulya shi,
waru e tewen una̱'a̱ shi,
she nu ukadu lon ɗa a yuwan ulinga na̱ yi,
amma ugbozu u tsu ta̱wa̱a̱ ta̱ nu ulyuwu wa aci.
11Nna̱ yo ka̱ɗa̱ vuma babu na a ca niyi gitsutsu,
nye ɗa ya̱a̱ da̱na̱ ulinga u gitsutsu'u?
12Adanshi a na za vu ugbozu dammai,
u tsu ta̱wa̱ yi ta̱ ni icigi lon.
Amma adanshi a na a̱ tsu utusa̱ diga o una̱ wu ulo,
u tsu kototo yi ta̱.
13Ufaru wa adanshi o una̱ wa̱ yi tsulo tsa ɗa,
ukosu wa adanshi a̱ yi waru iwuya iɗa nu ujaru.
14Na̱ ne suru ulo u tsu da̱na̱ ta̱ adanshi a̱bunda̱.
Babu za na revei ili i na yaa fara,
zane ɗa aa gura damma nanza nda ili i na yaa fara nda elime?
15Ulinga wu ulo u tsu kuna̱to yi ta̱
a na wo o'woi tsulo tsa̱ yi
tsa̱ ɓa̱ru yi ta̱ esu.
16Woo yo'ono wu shi,
a̱vu iɗa i na mogono ma̱ wu mawun ma ɗa,
a̱vu na azagbain a̱ wu a yuwusan a̱buki lo nu usana!
17A̱vu za ma̱za̱nga̱ ɗa,
a̱vu iɗa i na mogono ma̱ wu abara a ɗa,
a̱vu na azagbain a̱ wu a tsu yuwan a̱buki
a mantsa ma na wuntsayi,
adama tsura̱ ucira wan, ko a̱ da̱na̱ u tsura̱to wu wan.
18Nna̱ vuma ri na̱ a̱ɓula̱ shi,
u tsu zuwa ta̱ ɗanga vu ukwa̱'a̱ a̱ da̱na̱ e ilama,
nna̱ ekere a̱yi a yuwan ulinga shi,
ukwa̱'a̱ u tsu da̱na̱ ta̱ a uwusa mini.
19O tsu foɓo ta̱ a̱buki adama a uwwa uyo'o,
masayan ma ina̱bi waru adama a yuwan mere,
ikebe waru adama a yuwan ili biti.
20She vu isula mogono ko a̱tsuma̱ okolo a̱ wu wan,
ko vu isula za vu utsuru uba̱ta̱ wu nven ma̱ wu wan,
adama a na u ta gura wo o'wo manunu mo ro
ma̱ 'ya̱wa̱ na adanshi a̱ wu,
ko ili ya̱ evelu i ro
i pa̱lu'wa̱ ili i na vu dammai.
Currently Selected:
Alajiya 10: TSW
Highlight
Share
Compare
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)
Alajiya 10
10
Ili i na a̱a̱ ka̱mbuwa̱a̱ ugbozu
1Ununa a̱kwa̱kwa̱ a ayun
a tsu zuwa mani'i ma ma̱guru ma yuwan ushamu,
ne ɗa fo tsulo ke'en
ma̱ tsu lungusa̱ ugbozu na̱ tsugbain.
2Ookolo aza vu ugbozu u tsu zuwai ta̱
u yuwan ili i na i ri mejege,
amma okolo o ulo u tsu zuwai ta̱
u yuwan ili i na i ri babu ulobonu.
3Ulo, ko a̱tsuma̱ a mmalu o ure,
u tsu roco ta̱ a na a̱yi u ri nu ugbozu shi,
waru u tsu roco ta̱ za suru, na a̱yi ulo u ɗa.
4Nna̱ upan wu za tsugono 'yon aciya̱wu,
she vu jika̱ vu lyawa uba̱ta̱ u na vu ri wan,
adama a na uvotowun wo ookolo,
u tsu zuwa ta̱ a yuwan gafura vu unusu u gbain.
5Iwuya i ro i ta̱ lo a na me enei,
a̱tsuma̱ a wuma wu uvaɗi u nda,
a̱ba̱jini o unusu u na a̱za̱ a̱ tsugono a tsu yuwan,
6a tsu ca ta̱ olo tsugbain tsa gbain gbain,
aza a na a̱ ri nu utsuru waru
a̱vu a ca le ba̱ta̱ na ri na̱ a̱ɓula̱ shi.
7Me ne ta̱ ɗe agbashi zuva vi ido,
muwun mogono a mmalu ana tsa agbashi.
8Za na ka̱pa̱i a̱ka̱ri e iwuya
a̱yi ɗa wa̱a̱ riya̱ pe,
za na ɓuɓoso yi ukari,
a̱yi ɗa yo a̱ ka̱ɗa̱.#Ica 7:15; Udm 26:27.
9Za na ɓuɓoso yi atali,
ele ɗa a̱ tsu amaton yi,
za na ɓuɓatsa yi ɗanga,
ele ɗa a̱ tsu ronoo yi usa̱n.
10Nna̱ una̱ wo aɓau u ri ulya shi,
waru e tewen una̱'a̱ shi,
she nu ukadu lon ɗa a yuwan ulinga na̱ yi,
amma ugbozu u tsu ta̱wa̱a̱ ta̱ nu ulyuwu wa aci.
11Nna̱ yo ka̱ɗa̱ vuma babu na a ca niyi gitsutsu,
nye ɗa ya̱a̱ da̱na̱ ulinga u gitsutsu'u?
12Adanshi a na za vu ugbozu dammai,
u tsu ta̱wa̱ yi ta̱ ni icigi lon.
Amma adanshi a na a̱ tsu utusa̱ diga o una̱ wu ulo,
u tsu kototo yi ta̱.
13Ufaru wa adanshi o una̱ wa̱ yi tsulo tsa ɗa,
ukosu wa adanshi a̱ yi waru iwuya iɗa nu ujaru.
14Na̱ ne suru ulo u tsu da̱na̱ ta̱ adanshi a̱bunda̱.
Babu za na revei ili i na yaa fara,
zane ɗa aa gura damma nanza nda ili i na yaa fara nda elime?
15Ulinga wu ulo u tsu kuna̱to yi ta̱
a na wo o'woi tsulo tsa̱ yi
tsa̱ ɓa̱ru yi ta̱ esu.
16Woo yo'ono wu shi,
a̱vu iɗa i na mogono ma̱ wu mawun ma ɗa,
a̱vu na azagbain a̱ wu a yuwusan a̱buki lo nu usana!
17A̱vu za ma̱za̱nga̱ ɗa,
a̱vu iɗa i na mogono ma̱ wu abara a ɗa,
a̱vu na azagbain a̱ wu a tsu yuwan a̱buki
a mantsa ma na wuntsayi,
adama tsura̱ ucira wan, ko a̱ da̱na̱ u tsura̱to wu wan.
18Nna̱ vuma ri na̱ a̱ɓula̱ shi,
u tsu zuwa ta̱ ɗanga vu ukwa̱'a̱ a̱ da̱na̱ e ilama,
nna̱ ekere a̱yi a yuwan ulinga shi,
ukwa̱'a̱ u tsu da̱na̱ ta̱ a uwusa mini.
19O tsu foɓo ta̱ a̱buki adama a uwwa uyo'o,
masayan ma ina̱bi waru adama a yuwan mere,
ikebe waru adama a yuwan ili biti.
20She vu isula mogono ko a̱tsuma̱ okolo a̱ wu wan,
ko vu isula za vu utsuru uba̱ta̱ wu nven ma̱ wu wan,
adama a na u ta gura wo o'wo manunu mo ro
ma̱ 'ya̱wa̱ na adanshi a̱ wu,
ko ili ya̱ evelu i ro
i pa̱lu'wa̱ ili i na vu dammai.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©️2025 Language Development and Translation Initiative (LDTI)