Pilipai 1
1
Lakula bîla
1Yang nani, Pal bara Timoti wal, Jisas Kraist napakanka nani sna ba, muihni nani sut Pilipai tawanka ra iwi nani ba ra naha wauhkataya ulbisna,#Ap St 16.12. pura kakaira nani ra bara hilpa nani ra sin. Witin nani ba Gâd uplika, bara Jisas Kraist wal asla mai prakan banhwisma. 2Man nani, wan Aisa Gâd bara Dawan Jisas Kraist wal wina, yamnika nani bara kupia kumi lâka sin bri kama.
Lalukra nani dukiara Pal ai pura sunisa
3Yang bui man nani ra kupi kraukuna bani, Gâd ra tingki wisna. 4Puri sunisna ba ra sin, piu bani liliakira man nani sut dukiamra makabisna; 5kan pas yua wina naiwa kat, sturi yamni ba tâwan yawan asla wark takan sa. 6Yang pain pali kaikisna, Gâd bui ai warkka yamni man nani ra tâ krikan ba,#Law 138.8. ban witin bui dauki kabia Jisas Kraist balbia yua kat. 7Aitani pali sa man nani sut dukiamra baku lukamna, uya latwan mai kaikisna bamna, bara yang wal sin asla yamnika nani brisma, silak watla ra kamna kra, wihta nani mawanra sturi yamni ba tâwan kasak pali wisi wih aisi kamna kra sin. 8Gâd pain kaikisa, yang bui Jisas Kraist latwanka lâka swapnikira bri ba ni, man nani ra latwan mai kaikisna ba. 9Yang puri suni makabisna, man nani ba kau latwan lâka bri kama, sins lâka tara bara diara sut tânka latan briaia mapara sin, 10baku bamna diara yamni ba pliki sâkma diara sut ra. Rayakam sunu bri kama, bara Kraist balbia ba ra, man nani mampara kaia dukia kumi sin âpu kabia. 11Bara Jisas Kraist mita rayakam wina daukanka yamni baman sâkbia, Gâd ra mayuni prana daukaia dukiara.
Yang maipara raya kaia ba Kraist sika
12Muihki nani, man nani kaiki bas, dîa dîa yang maipara takan ba mita, sturi yamni aisi smalkanka ra kasak pali tâ baikan sa. 13Bamna wihta tara suldiarka nani bara wala nani ba sin kaikisa Kraist tâwan silak watla ra sna ba.#Ap St 28.30. 14Bara silak ra sna ai kaiki, wan muihni nani ailal Dawan ra kau kasak luki ai tâ baiki, Gâd sturka yamni ba sibrin âpu smalki banhwisa.
15Tila nani tuman lâka brih, pana pana unsabi Kraist tânka smalki banhwisa, sakuna wala nani lika yamni luki smalkisa. 16Tila lika latwan lâka wal Kraist dukiara aisisa, witin nani kaikisa Gâd mita nâra ai mangkan sa, swaki wan saki smalkanka ba tâwan aimakaia; 17sakuna wala nani lika, witin yakan ai dukiara baman luki daukisa, kasak tânka kat apia, nanara yang silak ra sna bara maipara pât nani kau bukaia plikisa. 18Sakuna, trabil âpu. Kasakkira, apia kaka kasakkira apia sapa, witin nani Kraist tânka aisisa; bara naha mita kupi lilia daukisa.
Bara kau sin lilia takamna, 19kan yang pain kaikisna naha sut tila wina pain takamna, man nani puram sunra ba mita, bara Jisas Kraist Spiritka hilp aiki ba mita sin. 20Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin. 21Kan yang maipa ra, raya kaia ba lika Kraist,#Gal 2.20; Kol 3.4. bara pruaia ba lika diara kau pura praki briaia. 22Sakuna yang kau wîni ra raya sna na ra, Kraist yamnika tâwan wark daukaia sip sna kaka, ani ba briaia sna sapa yang kaikras. 23Diara wâl ba wina kum saki briaia ba karna sa yang maipara: kum lika mahka prui Kraist wal wih bahara kaia lukisna, kan baha ba kau yamni kabia yang maipara; 24tani wala ra lika, man nani mampara kau yamni sa, yang wîni tara na kau raya bri kamna. 25Naha mapara yang wilin sna, bara kaikisna kau man nani wal kamna, kau tâmra waia, man nani kasak lukankam lâka ra kau lilia bri kaia hilp mai munaia dukiara. 26Baku man nani kli tilamra ai bri kama ba ra, yang dukira lilia kama, Jisas Kraist ba mita.
27Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama. 28Waihlam nani sîa yapara. Naha na witin nani tanis tiwaia sainka latan pali sa, sakuna ban sin man nani swaki mai sakan ba marikisa; bara naha na Gâd wina aula. 29Kan Kraist ba mita man nani kasak baman lika lukras, sakuna witin tâwan sin pât wahwaia. 30Man nani ba, yang wal baku sim aiklabanka ra banhwisma. Man nani pat kaikram nahki aiklabatna ba,#Ap St 16.19-40. bara nanara kau nahki aiklabisna sturka ba walisma.
Currently Selected:
Pilipai 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua