Pilipai TÂ BÎLA NANI
TÂ BÎLA NANI
Pal pas serts Yurop tasbaya ra bapan ba sika Pilipai Macedonia tasbaya ra. Apastil ba silak watla wina naha wauhkataya na ulban latwan lâka ra. Tâura witin tingki wisa kristian nani Pilipai ra takaski nani ra, ai prisantka nani blikan, ai nitka ba dukiara; sim piua ra Pal sari takisa, kunin smalki smasmalkrika nani sin baha sertska ra dimi kunin muni bamna. Bahamna lalukra nani ra ulbi smalki wisa, kasak kaia, kupia karna briaia, Dawan ra kasak lukaia.
Tâ sakaia bîla ba wina (1.1-11), Pal ulbisa Pilipai nani dukiara lilia lâka, latwan kaiki ba bara tingki wisa lalukra sut ra. Baha nani ai kupia ra luki ba ra ai lama kat brisa, witin ai pâtka wahwi ba sin wisa. Brukwi baku lika aisaras; sakuna ai spiritka ba purara brisa, ai dahra sin walisa, witin Kraist wal sa. Bamna witin prura wal aiklabaia ba sin wilin pali sa, bara pruaia si briras. “Kan yang maipara —ulbisa— raya kaia ba lika Kraist, bara pruaia ba lika diara kau pura praki briaia” (1.12—21). Pilipai nani ra smalkisa kupia karna kaia, ban kasak sin lukaia, Gâd Spiritka lâka ra Kraist wal iwaia (1.27—2.18). Ningkara marikisa, Timoti, Epafrodito wal Pilipai ra blikaia luki ba, naha tânka sin ulbi wisa (2.19-30).
Bara kli lilia dukiara aisisa, ai witniska, witin nahki ba, witin ba lâ kasak tâwan lalawra kan, yu kum Kraist wal prawan baha ba kasakka yabalka sa, bara sin nitka kumi ra sin lukras sa kasak lâka aihwa ba ra wan. Bamna aisisa papulra nani nahki puli ba tânka, bara plapaia sin nahki plapi pura luaia ba (sapta 3). Prakisa kristian nani ba lilia kabia dukiara smalki, sins tânka wala nani, witin ai dahra mariki, baku sin lakula bîla nani yabi (sapta 4).
Currently Selected:
Pilipai TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua