Oseas 1
1
Oseas maya mairin bara luhpia nani ba
1Naha smalkanka bîla na sika, Oseas, Beerí luhpia ra Dawan bui aisin ba, king nani Ozías,#2 Ki 15.1-7; 2 Kr 26.1-23. Jotam,#2 Ki 15.32-38; 2 Kr 27.1-8. Ahaz bara#2 Ki 16.1-20; 2 Kr 28.1-27. Ezequías#2 Ki 18.1—20.21; 2 Kr 29.1—32.33. piua nani ra, witin nani sut Juda kingka kan, bara Joás luhpia, Jeroboam,#2 Ki 14.23-29. Israel kingka piua ra sin.
2Dawan ai bîla smalkanka ba, naku tâ krikan, witin Oseas bâk wiaia want kan: “Israel luhpia nani ba rug mairin takan, yang wina tnaya ra tawi. Bamna man sin baku natka ra was, bara yabal mairka kum mayam bris, bara witin wal luhpiam nani sâks; bara baha nani sut ba, rug mairin luhpia nani takbia.”
3Baku bamna, Oseas wan, Diblaim luhpia mairin Gómer ba ai maya brin; mairka ba kwihra tiwan bara ai luhpia waitna kum baikan. 4Bara Dawan bui Oseas ra win: “Luhpia waitna baikan ba nina Jezreel#Jezreel tânka ba diara kum dukiara luki aisinka Israel kingka nani dimi takaski kan watla ba. Baha watla ra sika Jehú mita Ahab taya nani sut ikan ba. (2 Ki 10.11.) mâks, yang tisku pali king Jehú kiamka nani sut klala yabamna, witin Jezreel ra#2 Ki 10.11. wih upla nani iki tikan bamna, bara Israel kingka lâka ba kat takaskamna. 5Baha yua ra, Israel war aiklabaia dukia tara brih, ai karnika mariki ba, yang sut âpu daukamna, Jezreel ilka bîla langnika ra.”
6Bara Gómer kli kwihra tiwan, ai luhpia mairin baikan. Dawan kli Oseas ra win: “Luhpiam mairin nina Lo-ruhama#1.6 Hibru ra ulban ba, Lo-ruhama baha tânka ba umpira kaikras. mâks, Israel kingka lâka ba, ban umpira kaiki kamna apia, witin nani pâtka ba swih tikamna apia bamna. 7Ban sakuna, Juda kingka lâka ba lika umpira kaiki, yang ai Dawanka aimaki, witin nani ba swaki sakamna. Sakuna pantamangka, sord, aras nani, aras âiulra nani brih war aiklabi ni lika apia.”#Sak 4.6.
8Lo-ruhama ba tiala dakban ba ra, Gómer kli kwihra tiwan, bara kli luhpa waitna wala kum baikan. 9Bara Dawan Oseas ra win: “Baha tuktika nina ba Lo-amí#Hibru ra ulban ba, Lo-amí baha tânka ba yang upliki nani apia. mâks, kan man nani ba nanara yang upliki apia sma, yang sin man Dawankam apia sna.”
Yu kum Israel ba kli yamni munbia
10 # 1.10 Naha borska nani 1.10—2.23 na bors. wala 2.1-25 ra kli baku ulban sa, baku Hibru nani ulbanka baku sa. Yu kumi, Israel luhpia nani ba,
auhya ailalka kabu un ra ba baku kabia,#Bla St 22.17.
upla kumi sin, witin nani ba sip kulki sâkbia apia.
Witin nani ra “Man nani ba upliki nani apia sma” wiaia watlika ra,
Dawan bui wibia: “Man nani ba, Dawan raya ban bâra ba luhpia nani sma.”#Ro 9.25-26.
11Bamna Juda bara Israel wal kiamka asla daukbia,
ai tila wina wihta kum mangki bribia,
bara plis sut wina Jerusalem ra kli tawi balbia.
¡Jezreel yua kulkanka ba tara pali kabia!
Currently Selected:
Oseas 1: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua