Lawana Nani 132
132
LAWANA 132 (131)
Gâd pramis nani Debit ra yan ba
Jerusalem tempel ra waia aiwani lawana ba.
1Dawan, Dawan, Debit ra kupiam krauki bas,
pât nani wahwan ba sin;
2witin bui Dawan ra swer aisi bapi bûi kaia win ba:
3“Yang utla bilara dimamna apia,
aitnikamna sin apia bahara ris briaia dukiara;
4yang naikra nani praki
isti sin yapamna apia.
5Dawan, Jekob Dawanka karnakira ba,
watla pliki sakras sna kaka.”
6Efrata ra aisi kan walri,
Dawan lâka auhbaika watla ba dukiara,
bara yang nani Jáar twiya langnika ra sakri.#1 Sa 7.1-2; 2 Kr 1.4.
7¡Kaisa Dawan wal prawaia watla ra waia!
¡Ai mina nani kahbaika ra wan lula krikpi!
8Buram, Dawan, lâ auhbaia watla karnakira ba wal,
bara bal il ra man bahara ris briaisma ba.
9Prîskam nani ba swaki sakan kwalka ni dingkan kabia;
uplikam aihwa nani ba ai lilia wini kabia.
10Man nampakan Debit ra yamni lukram bamna,
man king kaia bâk sakram ba,
bahki kulkras kapram.#2 Kr 6.41-42.
11Dawan bui Debit ra swer aisin ba kasak tânka kat sa,
naha pramiska aisin na, ai bîla lakbia apia:#2 Sa 7.12-16; 1 Kr 17.11-14; Law 89.3-4; Ap St 2.30.
12“Man kiamkam nani ra king iwaika ba yabamni.
Man luhpiam nani, yang lâika ba daukbia kaka,
bara yang lâika nani smalkaisna ba,
witin luhpia nani sin,
ban kaia ra man king aimakisma ba
iwaika ra iwi kabia.”
13¡Dawan bui Saion ilka bâk saki brin!
Witin baha baku saki brin dauki kan,
bahara ai iwaika watla daukan.
14“Naha ilka ra sika, bâra kan ai dauki ba;
bahara iwamna, baku brin ai dauki bamna.
15Witin plun bri ba, yang yamni pali munamni:
ai uplika nani diara luha ba banhki daukamna.
16Witin ai prîska nani ra
swaki sakan lâka kwalka dingkamni;
bara baha uplika kasak nani ba, yarka lilia ni wini kabia.
17Bahara yabrika,
Debit karnika kum pâwi takbia.
Lamp kumi pat ridi daukri sa,
king pliki sakri ba dukiara.#1 Ki 11.36.
18Ai waihla nani ba swira lâka ni banhki daukamna,
sakuna witin ra lika ai prana tara wal ingni daukamna.”
Currently Selected:
Lawana Nani 132: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
