Lawana Nani 129
129
LAWANA 129 (128)
Dawan pri lâka yabisa
Jerusalem tempel ra waia aiwani lawana ba.
1Aima ailal trabil nani bâk luri,
wahma kapri ba wina;
—Israel nanara wibia—,
2aima ailal trabil nani bâk luri,
yang wahma kapri wina,
ban sakuna witin nani sip puri luras kan.
3Yang nini ra wipan bara insauhkan,
bara wîni ra klaki kaikanka tara nani ai daukan,
4sakuna Dawan ba, kasakkira sa,
watawi dadaukra nani mihta wina dakbi ai sakan.
5¡Saion ra waihla kaiki nani ba
ai swira taki sut plapbia!
6¡Witin nani twi, utla bahna ra pâwi ba baku,
kau klakras kan lâwi lui ba baku kabia!
7Baha krakrikra nani ai mihta banhki alkras,
mâ kiaubi wawilkra sin, ai lama banhki alkras;
8upla bahak lui auya ba kumi sin wibia apia:
“¡Dawan bui man nani ra yamni mai munan sa!”
Yang nani bui man nani ra yamni mai munisni
Dawan nina mâki kira.
Currently Selected:
Lawana Nani 129: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
