Lawana Nani 122
122
LAWANA 122 (121)
Mayunra nani Jerusalem ra yabisa
Debit ulban, Jerusalem tempelka waia aiwani lawana ba.
1¡Nahki lilia takri witin nani ai win ba wal:
“Kaisa Dawan watla ra yawan waia!”
2Jerusalem,
¡yang nani pat wamtla bîla durka ra sni!
3Jerusalem, man ba mai paskan sa,
tawan uplika bahara asla takaia ba dukiara baku.
4Bahara sika Dawan uplika kiamka nani
uli auya ba, Dawan nina mayunaia,
dîa Israel ra win ba baku.
5Bahara sika kasakka lâka nani daukaia ba iwaika bâra sa,
king Debit lâ iwaika watla nani ba.
6Man nani kupiam aiska ni wis:
“Jerusalem, man ra kupia kumi lâka ba bâra kabia.
Baha nani man ra latwan mai kaiki ba ai âuyapah kabia.
7Kupia kumi lâka bâra kabia,
man kutbankam nani ba bilara;
man king wamtla bilara nani ba sut,
yamni man iwi kabia.”
8Bara nanara, muihki nani ra
bara upliki nani ra wimni:
“Kupia kumi lâka man nani ra maikbia.
9Dawan, yawan wan Gâdka, watla ba ra luki
diara yamni maikaia plikamni.”
Currently Selected:
Lawana Nani 122: MSKTU
Highlight
Share
Compare
Copy
Want to have your highlights saved across all your devices? Sign up or sign in
© 2010 Bible Society in Nicaragua
