Sins Lâka 26
26
1Mani lapta piua ra sno kauhi ba,
uya yamni waras,
mâ krikaia piua ra lî sin auhi ba
yamni apia sa;
baku sin upla sinskas mayunra tara briaia ba tâ apia sa.
2Tininiska namhpa namhpa pâli watla tauki ba baku,
tânkas lahtubanka ba ban taukisa,
kuna diara takras sa.
3Wipaika lika aras dukia,
kakma kiwka lika biriku tim daukaia dukia,
klala ba sin upla taniskira ba nina dusa dukia sa.
4Upla taniskira mapara,
ai taniska lâka kat pana aisapara,
man sin witin wal baku kra takmara sîa.
5Upla taniskira mapara pana aisaia lan kaia,
witin ai sinska pali ba tara baku kaikbiara sîa.
6Ya uplika taniskira kasak luki
ai bîla bliki ba walisa ba ra,
witin ai mina klaki dakbisa,
bara kau pât briaia sin plikisa.
7Upla skahwa kum ai kuhma dusa saura ba,
sip wapi laihura waras
bara baku sa maprika lilka dahra kum,
upla taniskira nani mita aisin ba.
8Upla mita praukpraukia ra walpa wilki ba
baku sa, upla taniskira ra mayunra tara yabaia ba.
9Kiaya kum waitna blakira mihta ra diman
ai dahra walras ba,
baku sa maprika lilka dahra kum
upla taniskira nani bîla ra.
10Trisba lalulkra bui upla sut ra mangki kaiki ba,
baku sa upla taniskira ra ba watla ra wark yabaia.
11Yul witin aikabata ba kli tawi pi ba,
baku sa upla taniskira ai taniska kli aima wala dauki ba.#2 Pi 2.22.
12Taniskira wina kau bîla kaikaia sip sa,#S L 29.20.
wihki ya uya sinskira puli ba wal.
13Wark takan sîa sringwaskira ba aisisa,
latara, yabal tani ra layan kum prawisa.#S L 22.13.
14Dur aipamaika nani ra alki namhpa namhpa tawisa;
naku sin sringwaskira ba ai krikrika purara aikarwisa.
15Upla sringwaskira ai mihta ba
plit tara bilara dingkisa,
sakuna ningkara sip apia pali sa
pata ba ai bîla ra brih waia.#S L 19.24.
16Upla sringwaskira ba lukisa
witin ai sinska lâka ba kau diara tara baku kaikisa,
diara tânka latan kaiki uplika 7 sinska lâka ba wal.
17Upla blahwanka tilara dimaia ba,
sim yul kum kiama wina alkaia ba baku sa.
18Lal tanis takan uplika
pauta klauhan nani lulki yakabi ba,
trisbaya nani, prura dukia nani sin yakabi ba,
19baku sa, ani waitnika ai uplika ra kunin muni si;
bara wisa: “Yang aihka mai puli kapri.”
20Pauta âpu ba ra,
pauta klauhi ba daswuya,
bara dusa kakuhbra âpu kaka,
blahwan sin âpu.
21Pauta muki daskaia kaka,
masku bâra sa;
pauta klauhaia kaka,
pauta bâra sa;
bara unsaban bukaia kaka,
unsasabra bâra sa.
22Dusa kakuhbra upliki bîla aisinka nani ba lika
plun lalihkra baku sa;
sakuna baha nani lika
tânka tihu kat iwi auya.#S L 18.8.
23Silbar ni sumi taya purara lalaubi prakan ba,
baku bîla nani swapni painkira aisi ba lika lukanka saura brisa.
24Misbara kaiki uplika ba
pain luki baku aisisa;
sakuna ai kupia mununhtara
kunin man paskisa.
25Witin ai bîla yamnikira baku aisi ba ra,
witin ra kasak lukpara;
kan ai lukanka saura lâka ni banhwan sa.
26Witin misbara wan kaiki ba
maisa kapanka bîla aisi ba bikaia lukisa,
sakuna upla sut mawanra
ai saurka ba param sâkbia.
27Unta pakni salhki uplika ba,
witin baha bilara kli kauhbia;
bara walpa kitbi karbi uplika ba,
witin ai purara kat kli tawi taibia.
28Kuninkira ba kasak lâka ra,
misbara kaikisa,
bara bîla lalalwi aisi ba,
bîla mita upla swakswaka mangkisa.
<p>© 2010 Bible Society in Nicaragua</p>