Kulki Kaikanka 26
26
1Dawan mita Moses ra bara prîs Eran luhpia Eleazar ra win:
2“Upla nani ba kli kulki kaiks,#Kul K 1.1-46. watla kumi bani ra, nina nani ba kli uls Israel luhpia nani sut, mani yawanaiska kum bri ba wina ai purara, baha nani war aiklabaia sip ba.”
3Bamna Moses bara Eleazar wal, Israel luhpia nani ra lâ ba win Moab twiya ra, Jordan awala lamara, Jeriko ra waia yabalka ra, 4mani yawanaiska kumi bri ba wina purara ba nina wauhtaya ra ulbia, Dawan bui Moses ra win ba baku daukan.
Naha nani sika Israel luhpia nani Idsip wina sakan ba:
5Ruben, Israel luhpia tawahkia masraka kiamka ba tila wina naha nani kan: Henoc, Falú, 6Hesrón bara Carmí; 7Ruben kiamka asla kulki ulban ba 43,730 waitna nani kata. 8Falú luhpia ba Eliab, 9bara Eliab luhpia ba Nemuel, Datán bara Abiram. Datán Abiram wal sika Dawan mapara bara Moses wihki Eran mapara buan daknika tâ bri kan Coré aikuki, 10sakuna tasba ai bîla kwâkan ba ra, baha nani wâl bara Coré sin langkan. Baha daknika aiska ba sin pruan, kan upla 250 pauta klauhan ba mita ikan. Naha na lika upla raya nani ba mapara kupia kraukanka kum kata. 11Ban sakuna, Coré luhpia waitna nani lika pruras kan.
12Simian masraka kiamka daknika ba naha nani kata: Nemuel, Jamín, Jaquín, 13Zérah bara Saúl; 14Simian kiamka sut kulkan ba 22,200 waitna nani kata.
15Gad masraka kiamka nani ba naha nani kan: Sefón, Haguí, Suní. 16Ozní, Erí, 17Arod bara Arelí; 18Gad kiamka sut kulkanka 40,500 waitna nani kata.
19Juda luhpia nani tila wina, Kenan tasbaya ra pruan ba Er bara Onán. 20Bamna Juda masraka kiamka nani ba lika Selá, Fares bara Zérah. 21Fares masraka kiamka nani ba lika Hesrón bara Hamul wal; 22bamna Juda kiamka nani sut kulkan ba lika 76,500 waitna nani kata.
23Isacar masraka kiamka nani ba naha nani kan: Tolá, Puvá, 24Jasub, bara Simrón; 25Isacar kiamka nani kulki kaikan ba sut lika 64,300 waitna nani kata.
26Zabulón masraka kiamka nani ba lika Séred, Elón bara Jahleel; 27Zabulón kiamka nani kulkan sut ba lika 60,500 waitna nani kata.
28Josep masraka kiamka nani kulkan ba lika, luhpia Manasés kiamka nani ba bara Efraín kiamka nani ba wina. 29Manasés masraka ba Maquir; bara Maquir masraka ba Galaad; 30Galaad wina, Iézer masraka nani ba, Hélec masraka, 31Asriel masraka, Siquem masraka, 32Semidá bara Héfer masraka. 33Selofhad, baha lika Héfer luhpia waitna ba, witin lika luhpa waitna âpu kata, luhpa mairin nani baman bri kan. Bara baha mairka nani nina ba lika Mahlá, Noa, Hoglá, Milcá bara Tirsá. 34Manasés kiamka nani sut kulkan 52,700 waitna nani kan. 35Efraín masraka kiamka ba lika Sútelah, Béquer bara Tahán. 36Sútelah kiamka nani ba lika Eran masraka nani ba sut. 37Efraín kiamka nani sut kulkan ba lika waitna nani 32,500 kan. Naha nani sika Josep kiamka nani daknika kulkan ba.
38Benjamín masraka kiamka nani ba lika Bela, Asbel, Ahiram, 39Sufán bara Hufam. 40Bara Bela masraka kiamka nani ba lika Ard bara Naamán, Bela luhpia nani ba. 41Benjamín kiamka sut kulki kaikan ba lika 45,600 waitna kata.
42Dan kiamka ba lika Suham masraka nani ba. 43Suham kiamka nani sut kulkan ba lika waitna nani 64,400 kata.
44Aser masraka kiamka nani ba lika Imná, Isví bara Beriá. 45Beriá masraka kiamka nani ba lika Héber bara Malquiel. 46Aser luhpia mairin kum brin, nina ba Sérah mâkan. 47Aser kiamka nani sut kulkan ba lika waitna nani 53,400 kata.
48Neftalí masraka kiamka nani ba lika Jahseel, Guní, 49Jezer bara Silem. 50Neftalí kiamka nani sut kulkan ba lika waitna nani 45,400 kata.
51Bamna Israel luhpia nani sut kulki kaikan ba lika waitna nani 601,730 kata.
Tasba yui brin lâka ba
52Dawan ba Moses ra aisi, naku win:
53“Baha uplika nani nina wauhtaya ra ulban bani ba ra, tasbaya ba kulki yama witin numbika kulkan ba kat. 54Upla kau ailal ba tasba pîs kau tara yama, ani daknika kau wiria ba tasba pîs kau sirpi yama. Daknika bani ra dîa wauhkataya ra ulban ba kat tasba ba yama. 55Tasba na yui yama upla kiamka bani dîa briaia ba kat, kiamka bani ai aisika nahki bri kan ba kat. 56Tasba ba yuan kabia lat lulki kaiki, daknika tara nani bara daknika sirpi nani ba kumi bani briaia praiska ba kat.”#Kul K 34.13; Jas 14.1-2.
Libait nani ba kulki kaikan
57Libai kiamka wina masraka nani kulkan ba Guersón, Quehat bara Merarí. 58Libní uplika nani ba, Hebrón uplika nani ba, Mahli uplika nani ba, Musí uplika nani bara Coré uplika nani ba, baha nani sut ba sin Libai masraka nani kata.
Quehat ba sika Amram aisika. 59Amram ba Libai luhpia mairin nina Jocabed mâki kan ba wal marit takan, bara mairka na Libai kau Idsip ra kan piua ra aisuban. Amram bara Jocabed ba Eran, Moses bara Meri aisika nani kata. 60Eran luhpia nani ba Nadab, Abihú, Eleazar bara Itamar kata.#Kul K 3.2. 61Nadab bara Abihú wal lika, Dawan altarka ra witin nani daukaia apia kan ba daukan tâka mita, prui banhwan.#Lib 10.1-2; Kul K 3.4.
62Libai kiamka waitna nani sut, kati kumi bri ba wina ai purara ba kulkan 23,000 waitna nani kan. Witin nani Israel kiamka wala nani ba tilara kulkras kata, kan witin nani ra tasba pîs kumi sin yaras kan bamna.
63Moses prîs Eleazar wal Moab twiya ra, Jordan lamara, Jeriko ra waia yabalka ra Israel luhpia nani kulkan kaikan ba naku kata. 64Uplika nani ba tilara Sainai ilka ra Moses bara Eran wal upla kulkan ba uplika nani kumi sin âpu kata, 65kan Dawan baha nani dukiara sika pat maisa pakan ba, witin nani sut prui banhwan kabia upla iwras tasbaya ra.#Kul K 14.26-35. Sakuna Caleb Jefuné luhpia ba, bara Jasua Nun luhpia ba baman, witin nani ai tilara prubia apia win.
Currently Selected:
Kulki Kaikanka 26: MSKTU
Highlight
Copy
Compare
Share
Want to have your highlights saved across all your devices? Sign up or sign in
<p>© 2010 Bible Society in Nicaragua</p>