Mark 3
3
Waitna mihta lâwan ba
(Mt 12.9-14; Lk 6.6-11)
1Jisas kli Ju nani priaska watla kum ra diman. Bahara mihta lâwan waitnika kum kan. 2Bara upla nani Jisas ra aihwaki kaiki kan ris yua ra upla rakbia sapa, bara baku dahra sakaia sip kaia. 3Bara Jisas bila mihta lâwan waitnika ra:
—Bal lila na kat bus.
4Ningkara, Jisas bui upla wala nani ra makabi walan:
—¿Lâ ba dîa wan wisa ris yua ra daukaia: hilp yaia, apia kaka saura munaia? ¿Rayaka swaki sakaia, apia kaka sauhki tikaia?
Sakuna witin nani diara kumi sin aisaras. 5Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win:
—Mihtam ba sakbram.
Bara sakban, ai mihta ba pain takan. 6Bara parisi nani taki, Herod uplika nani wal ai lâka daukan Jisas ra ikaia.
Upla ailal lakun un ra sa
7Sakuna Jisas ai disaipilka nani aikuki lakun un ra wan, bara Galili wina upla ailal ai nina blikan. 8Jisas sain tara nani daukan ba wali upla ailal aidrubi balan, Judia wina, Jerusalem wina, Edom wina, Jordan awala lalma wina, Tiro bara Sidón kuntrika wina sin sut. 9Baha mita Jisas ai disaipilka nani ra win, duri kum ridi bri kabia, upla nani tutukwi platukbiara sîa. 10Kan upla ailal rakan ba mita, sikniskira nani ba pana pana tukbi kan ai lamara wih kangbaia dukiara.#Mk 4.1; Lk 5.1-3.
11Bara pirit saura bri kan uplika nani, Jisas ra kaiki ba ra, witin mawanra ai lula kriki, naku ai bîla baikra tara wini kan:
—Man sika Gâd Luhpia ba.
12Sakuna Jisas karna adar yaban upla ra aisabia apia witin ba ya sapa.
Jisas apastil 12 bâk sakisa
(Mt 10.1-4; Lk 6.12-16)
13Baha ningkara, Jisas il kum purara uli wan, bahara witin ya briaia kan uplika nani ba wahbi sakan, bara baha nani witin ra balan. 14Witin 12 ba wahbi saki, apastil nina mâki win:
—Man nani ba mai sakri, yang wal kaia dukiara bara mai blikisna sturi yamni ba smalkaia.
15Bara witin nani ra karnika yan, pirit saura nani kangbi sakaia. 16Naha nani sika 12 nani ba: Saiman, ai nina wala Pita mâkan ba; 17Jems ai muihni Jan wal, Sebedi luhpia nani ba, (Jisas mita Boanerges mâkan ba, baha tânka lika “Alwani luhpia nani”); 18bara Andru, Pilip, Bartolomiu, Matiu, Tamas, Jems Alfeo luhpia, Tadeo, Saiman Kena wina ba, 19bara Judas Iskariot ba, ningkara witinka Jisas wailhka nani mihta ra mangkan ba.
Jisas Sitan karnika brisa wisi dahra sakisa
(Mt 12.22-32; Lk 11.14-23; 12.10)
20Bara ningkara Jisas utla kumi ra diman. Bara kli upla ailal pali asla takan, witin nani plun sin piaia sip apia kan ai disaipil aikuki. 21Jisas taika nani naha kaikan, witin ra brih waia balan, kan upla nani aisi kan Jisas ba lal saura takan sa.
22Lâ Smasmalkra nani Jerusalem wina balan ba sin aisin: “Naha waitnika Bilsibub brisa, pirit saura nani wihtka ba, bara witin karnika mita sika pirit saura nani kangbi saki ba.”#Mt 9.34; 10.25.
23Jisas bui upla nani ra paiwan, bara sturi kum sturi wala wal praki smalkan: “¿Nahki Sitan mita Sitan ra kangbi sâkbia ki? 24Kuntri kum baiwi dakni ailal takbia kaka, bara pana pana aiklabia kaka, baha kuntrika ba sip karna kabia apia. 25Utla uplika kum unsabi dakwi takisa kaka, baha watla ba sip pain kabia apia. 26Bamna Sitan ba sin tar baiwi takisa kaka, witin sip ban kabia apia, bara naha na lika ai piua tnata kabia.
27“Upla kum sip apia waitna karna kum watla ra dimi, dukia nani dakbi briaia. Witinka ba pas priski muni lika dukia nani dakbaia sip sa.
28“Kasak pali man nani ra mai wisna: Upla nani saurka ba ban swih tikan kabia, ai bîla ni diara saura aisabia ba sin, 29sakuna ya Spirit Holikira mapara bîla saura nani aisabia kaka, witin pâtka ba sip swih tikan kabia apia,#Lk 12.10. ban kaia ra pâtkira pali kabia.”
30Jisas baku aisin, witin ba pirit saura brisa wisi baha nani mita aisin bamna.
Jisas yaptika bara muihnika nani ba
(Mt 12.46-50; Lk 8.19-21)
31Ningkara, Jisas yaptika bara muihnika nani sin balan, sakuna latara kat takaski, paiwan balbia. 32Bara Jisas lamara iwi kan nani ba mita win:
—Yaptikam, muihkam nani kira latara sa, bara mai plikisa.
33Sakuna witin aisin:
—¿Yamna yang yaptiki bara muihki nani ba?
34Bara ai lamara iwi kan nani ba ra tawi kaiki, naku aisin:
—Naha nani sika yaptiki bara muihki nani ba. 35Ya ya Gâd brinka ba kat dauki ba, baha sika yang muihki, laikra bara yaptiki.
Currently Selected:
Mark 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Mark 3
3
Waitna mihta lâwan ba
(Mt 12.9-14; Lk 6.6-11)
1Jisas kli Ju nani priaska watla kum ra diman. Bahara mihta lâwan waitnika kum kan. 2Bara upla nani Jisas ra aihwaki kaiki kan ris yua ra upla rakbia sapa, bara baku dahra sakaia sip kaia. 3Bara Jisas bila mihta lâwan waitnika ra:
—Bal lila na kat bus.
4Ningkara, Jisas bui upla wala nani ra makabi walan:
—¿Lâ ba dîa wan wisa ris yua ra daukaia: hilp yaia, apia kaka saura munaia? ¿Rayaka swaki sakaia, apia kaka sauhki tikaia?
Sakuna witin nani diara kumi sin aisaras. 5Bara Jisas lawi pali kir kaikan, sakuna sari pali sin takan, witin nani tânka briaia briras kan bamna. Bara skahwa waitna ra win:
—Mihtam ba sakbram.
Bara sakban, ai mihta ba pain takan. 6Bara parisi nani taki, Herod uplika nani wal ai lâka daukan Jisas ra ikaia.
Upla ailal lakun un ra sa
7Sakuna Jisas ai disaipilka nani aikuki lakun un ra wan, bara Galili wina upla ailal ai nina blikan. 8Jisas sain tara nani daukan ba wali upla ailal aidrubi balan, Judia wina, Jerusalem wina, Edom wina, Jordan awala lalma wina, Tiro bara Sidón kuntrika wina sin sut. 9Baha mita Jisas ai disaipilka nani ra win, duri kum ridi bri kabia, upla nani tutukwi platukbiara sîa. 10Kan upla ailal rakan ba mita, sikniskira nani ba pana pana tukbi kan ai lamara wih kangbaia dukiara.#Mk 4.1; Lk 5.1-3.
11Bara pirit saura bri kan uplika nani, Jisas ra kaiki ba ra, witin mawanra ai lula kriki, naku ai bîla baikra tara wini kan:
—Man sika Gâd Luhpia ba.
12Sakuna Jisas karna adar yaban upla ra aisabia apia witin ba ya sapa.
Jisas apastil 12 bâk sakisa
(Mt 10.1-4; Lk 6.12-16)
13Baha ningkara, Jisas il kum purara uli wan, bahara witin ya briaia kan uplika nani ba wahbi sakan, bara baha nani witin ra balan. 14Witin 12 ba wahbi saki, apastil nina mâki win:
—Man nani ba mai sakri, yang wal kaia dukiara bara mai blikisna sturi yamni ba smalkaia.
15Bara witin nani ra karnika yan, pirit saura nani kangbi sakaia. 16Naha nani sika 12 nani ba: Saiman, ai nina wala Pita mâkan ba; 17Jems ai muihni Jan wal, Sebedi luhpia nani ba, (Jisas mita Boanerges mâkan ba, baha tânka lika “Alwani luhpia nani”); 18bara Andru, Pilip, Bartolomiu, Matiu, Tamas, Jems Alfeo luhpia, Tadeo, Saiman Kena wina ba, 19bara Judas Iskariot ba, ningkara witinka Jisas wailhka nani mihta ra mangkan ba.
Jisas Sitan karnika brisa wisi dahra sakisa
(Mt 12.22-32; Lk 11.14-23; 12.10)
20Bara ningkara Jisas utla kumi ra diman. Bara kli upla ailal pali asla takan, witin nani plun sin piaia sip apia kan ai disaipil aikuki. 21Jisas taika nani naha kaikan, witin ra brih waia balan, kan upla nani aisi kan Jisas ba lal saura takan sa.
22Lâ Smasmalkra nani Jerusalem wina balan ba sin aisin: “Naha waitnika Bilsibub brisa, pirit saura nani wihtka ba, bara witin karnika mita sika pirit saura nani kangbi saki ba.”#Mt 9.34; 10.25.
23Jisas bui upla nani ra paiwan, bara sturi kum sturi wala wal praki smalkan: “¿Nahki Sitan mita Sitan ra kangbi sâkbia ki? 24Kuntri kum baiwi dakni ailal takbia kaka, bara pana pana aiklabia kaka, baha kuntrika ba sip karna kabia apia. 25Utla uplika kum unsabi dakwi takisa kaka, baha watla ba sip pain kabia apia. 26Bamna Sitan ba sin tar baiwi takisa kaka, witin sip ban kabia apia, bara naha na lika ai piua tnata kabia.
27“Upla kum sip apia waitna karna kum watla ra dimi, dukia nani dakbi briaia. Witinka ba pas priski muni lika dukia nani dakbaia sip sa.
28“Kasak pali man nani ra mai wisna: Upla nani saurka ba ban swih tikan kabia, ai bîla ni diara saura aisabia ba sin, 29sakuna ya Spirit Holikira mapara bîla saura nani aisabia kaka, witin pâtka ba sip swih tikan kabia apia,#Lk 12.10. ban kaia ra pâtkira pali kabia.”
30Jisas baku aisin, witin ba pirit saura brisa wisi baha nani mita aisin bamna.
Jisas yaptika bara muihnika nani ba
(Mt 12.46-50; Lk 8.19-21)
31Ningkara, Jisas yaptika bara muihnika nani sin balan, sakuna latara kat takaski, paiwan balbia. 32Bara Jisas lamara iwi kan nani ba mita win:
—Yaptikam, muihkam nani kira latara sa, bara mai plikisa.
33Sakuna witin aisin:
—¿Yamna yang yaptiki bara muihki nani ba?
34Bara ai lamara iwi kan nani ba ra tawi kaiki, naku aisin:
—Naha nani sika yaptiki bara muihki nani ba. 35Ya ya Gâd brinka ba kat dauki ba, baha sika yang muihki, laikra bara yaptiki.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua