Matiu 24
24
Jisas wisa tempel ba sauhki tikan kabia
(Mk 13.1-2; Lk 21.5-6)
1Jisas tempel wina taki mahka auya kan piua, ai disaipilka nani ai lamara bal, tempel paskanka nani ba kulki mariki kan. 2Sakuna Jisas witin nani ra win:
—¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.
Tnata piua kainara sain nani takaia ba
(Mk 13.3-23; Lk 21.7-24; 17.22-24)
3Ningkara witin nani Olivet ilka ra wan; bara Jisas bahara iwi kan ba ra, ai disaipilka nani bal, pusbi win:
—Naha na ahkia kabia sapa yang nani ra ai wis. ¿Man balaia sma ba bara tasba tnata sainka ba sin ani kabia ki?
4Bara Jisas bila witin nani ra:
—Aman kaiks, upla kumi sin yarka kunin mai munbiara. 5Kan upla ailal yang nini mâki balbia, bara naku aisabia: ‘Yang sika Misaya’; bara upla ailal ra kunin munbia. 6Man nani sin war nani dukiara bara war trabilka nani dukiara sin aisi kabia walma, sakuna sirang iwpara, baha ba baku kaia sa bamna; kuna tnata ba lika kau sa. 7Kan kuntri kumi mita wala mapara aiklabia, tasba kum mita wala mapara war aiklabia; plun tiwan sin bara tasba nikban nani sin plis ailal ra kabia. 8Naha sut na lika pât wahwaia tâka ba sika.
9“Bara upla nani mita mai alki rau mai sauhkaia mai mangkbia, bara mai ikbia, bara upla sut mita yang tâiwan misbara mai kaikbia.#Mt 10.22. 10Baha piua ra upla ailal ai kasak lukan lâka ba tikbia, bara pana pana ai walka ra misbara kaikan kabia, waihla mihta ra sin mangkbia. 11Kuninkira ailal bubia, bara wibia witin nani ba Gâd prapitka sa, bara upla ailal ra kunin munbia. 12Saurka uya kabia bamna, upla nani pana pana latwan lâka bri ba aihkika sut swibia. 13Sakuna ya tnata kat ban bapi bubia ba, swaki sakan kabia.#Mt 10.22. 14Bara naha king lâka sturka yamni na tasba aiska ra smalkan kabia, kuntri sut baha ba pain kaikbia dukiara; bâra lika tnata ba aimakbia.
15“Prapit Daniel ulban diara tâski ban swin tiwi ba dukiara;#Dn 9.27; 11.31; 12.11; 1 Mac 1.54; 6.7. man nani naha na plis holikira ra balan sa kaikma ba ra —ya aisi kaiki ba, tânka pain bri kabia—, 16bara Judia wina upla nani ba il nani ra plapaia sa. 17Ya baha yua ra ai watla bahna ra kaka, bal iwi baha bîla wina diara sâkbiara; 18bara ya ai nasla ra ba, kli tawi bal, ai kwalka pan wahbiara.#Lk 17.31. 19¡Baha yua nani ra mairin kwihra nani bara tuktan kau tiala dakaki nani ba mapara lika alai pali kabia! 20Man nani bui Gâd ra makas, kauhla piua ra bara sabat ra plapaia apia dukiara; 21kan baha piua ra pât wahwanka nani manis kabia, bara bahmuna patitara piua wina âpu kan, tasba paskan wina,#Dn 12.1; Par M 7.14. naika piua ra sin baku kabia apia. 22Bara Gâd baha piua prahni daukras kaka, upla kumi sin swaki sakan kabia apia; sakuna witin bâk sakan nani ba latwanka ra prahni daukbia.
23“Bara upla kum mita man nani ra naku mai wibia kaka: ‘Kaiks, Misaya ba nâra sa’, ‘Kaiks, Misaya ba bâra sa’, man nani kasak lukpara. 24Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia. 25Kaiks, naha sut man nani ra kaina manis wina mai wîri sa. 26Baha mita, naku mai wibia kaka: ‘Kaiks, witin bukra twi biara ra sa’, man nani baha ra wapara; mai wibia kaka: ‘Kaiks, naura rum bilara sa’, man nani kasak lukpara. 27Kan imyula kum kasbrika purara ba lalma wina muna kat lipi ba, baku kabia Upla Luhpia Waitna ba balbia ba ra.#Lk 17.23-24. 28Wîna tara pruan anira kabia ba ra, yakal tara nani asla takbia.#Lk 17.37.
Upla Luhpia Waitna kli aula ba
(Mk 13.24-37; Lk 17.26-30,34-36; 21.25-33)
29“Baha pât wahwan yua nani lubia wal baku, yu lapta ba tihmu takbia,#Ais 13.10; Jl 2.10,31; 3.15; Par M 6.12. kati ba ai ingnika yabia apia,#Ais 13.10; Isi 32.7; Jl 2.10; 3.15. slilma nani ba kasbrika purara ba wina kauhbia,#Ais 34.4; Par M 6.13. kasbrika ba purara karnika nani sin nikban kabia.#Jl 2.10. 30Bâra mika Upla Luhpia Waitna sainka ba kasbrika purara latan kaikbia, bara naha tasba uplika nani sut inbia, bara Upla Luhpia Waitna kasbrika purara karnika tara bara prana wal aula ba kaikbia.#Dn 7.13; Par M 1.7. 31Bara ai insalka nani blîkbia trumpit binka tara ni ai uplika bâk sakan nani ba pâsa mapa walhwal ba wina asla daukaia, tasba tâ kum wina tâ wala kat.
32“Kwah damni dusa maprika lilka na lan taki banhs: Tnawa nani ba kau kura bara wahia nani ba baiwi piua, man nani kaikisma mani piua ba pat baila sa. 33Baku sin, naha sut kaikma piua ra, kaiki bas tnata ba pat baila, dur pali ra sa. 34Kasak pali mai wisni, naha piua uplika nani kau pruras ba ra, naha dukia nani sut na takbia. 35Kasbrika tasba wal lui wabia, sakuna bîli nani lika aimakan kabia.
36“Sakuna yua ba bara awarka ba lika upla kumi sin kaikras, kasbrika purara insal nani ba bara Gâd Luhpia pali sin kaikras. Gâd Aisa baman baha kaikisa.
37“Noa yua nani ra pât takan ba baku takbia, Upla Luhpia Waitna kli balbia ba ra.#Bla St 6.5-8. 38Baha yua nani ra, lisamra tara ba kainara, upla nani ba plun baman pi kan, diara di kan, marit taki kan, ai luhpia mairin nani marit saki kan, Noa ark ra diman yua ba kat; 39bara witin nani ai dara walras kan, lisamra tara ba bal sut brih wan ba kat.#Bla St 7.6-24. Upla Luhpia Waitna balbia piua sim baku kabia. 40Baha piua ra waitna wâl insla ra kabia; kum ba brih wan kabia, wala ba lika swin kabia. 41Mairin wâl walpa ra akbi kabia; kum ba brih wan kabia, bara wala ba lika swin kabia.
42“Man nani aihwaki bas, Dawan dîa awarka ra balbia ba kaikras sma bamna. 43Sakuna naha na kupiam krauki bas: Utla kum dawanka ba âimplikra dîa awarka ra balaia ba kaiki kaka, witin yapras aihwaki kabia, bara swika ai watla ba kriki dimi ai dukia implikbia apia. 44Baha mita, man nani sin ridi kaia sma; kan bîla kaikras kaprika Upla Luhpia Waitna ba balbia.#Lk 12.39-40.
Alba kasak bara alba kasak apia ba
(Lk 12.41-48)
45“¿Bamna ya pali ba alba kasak sinskira ba? Baha lika ai dawanka mita ai watla suliarka nani purara mangkan ba, witin nani ra piua kat plun dakakbia dukiara. 46Lilia pali kabia ani albika ai dawanka balbia piua ra baku ai warkka dauki kaka sâkbia ba. 47Kasak pali man nani ra mai wisni, dawanka ba mita dîa dîa bri ba sut ai mihta ra mangkbia. 48Sakuna baha albika ba saura kaka, bara ai kupia ra luki ai dawanka ba wihka takaskisa wisi, 49alba wala nani ra mahka rausauhkuya, bara laya saura dadira nani aikuki plun pibia bara diara dibia, 50bara ai dawanka bîla kaikras pali yua ra balbia, awarka sin kaikras kaka; 51bara kau pât saura pali ba yabia, bamna kuninkira nani pâtka ba aikuki wauhbia. Bâra mika witin inbia, ai napa nani sin arkbia.
Currently Selected:
Matiu 24: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Matiu 24
24
Jisas wisa tempel ba sauhki tikan kabia
(Mk 13.1-2; Lk 21.5-6)
1Jisas tempel wina taki mahka auya kan piua, ai disaipilka nani ai lamara bal, tempel paskanka nani ba kulki mariki kan. 2Sakuna Jisas witin nani ra win:
—¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.
Tnata piua kainara sain nani takaia ba
(Mk 13.3-23; Lk 21.7-24; 17.22-24)
3Ningkara witin nani Olivet ilka ra wan; bara Jisas bahara iwi kan ba ra, ai disaipilka nani bal, pusbi win:
—Naha na ahkia kabia sapa yang nani ra ai wis. ¿Man balaia sma ba bara tasba tnata sainka ba sin ani kabia ki?
4Bara Jisas bila witin nani ra:
—Aman kaiks, upla kumi sin yarka kunin mai munbiara. 5Kan upla ailal yang nini mâki balbia, bara naku aisabia: ‘Yang sika Misaya’; bara upla ailal ra kunin munbia. 6Man nani sin war nani dukiara bara war trabilka nani dukiara sin aisi kabia walma, sakuna sirang iwpara, baha ba baku kaia sa bamna; kuna tnata ba lika kau sa. 7Kan kuntri kumi mita wala mapara aiklabia, tasba kum mita wala mapara war aiklabia; plun tiwan sin bara tasba nikban nani sin plis ailal ra kabia. 8Naha sut na lika pât wahwaia tâka ba sika.
9“Bara upla nani mita mai alki rau mai sauhkaia mai mangkbia, bara mai ikbia, bara upla sut mita yang tâiwan misbara mai kaikbia.#Mt 10.22. 10Baha piua ra upla ailal ai kasak lukan lâka ba tikbia, bara pana pana ai walka ra misbara kaikan kabia, waihla mihta ra sin mangkbia. 11Kuninkira ailal bubia, bara wibia witin nani ba Gâd prapitka sa, bara upla ailal ra kunin munbia. 12Saurka uya kabia bamna, upla nani pana pana latwan lâka bri ba aihkika sut swibia. 13Sakuna ya tnata kat ban bapi bubia ba, swaki sakan kabia.#Mt 10.22. 14Bara naha king lâka sturka yamni na tasba aiska ra smalkan kabia, kuntri sut baha ba pain kaikbia dukiara; bâra lika tnata ba aimakbia.
15“Prapit Daniel ulban diara tâski ban swin tiwi ba dukiara;#Dn 9.27; 11.31; 12.11; 1 Mac 1.54; 6.7. man nani naha na plis holikira ra balan sa kaikma ba ra —ya aisi kaiki ba, tânka pain bri kabia—, 16bara Judia wina upla nani ba il nani ra plapaia sa. 17Ya baha yua ra ai watla bahna ra kaka, bal iwi baha bîla wina diara sâkbiara; 18bara ya ai nasla ra ba, kli tawi bal, ai kwalka pan wahbiara.#Lk 17.31. 19¡Baha yua nani ra mairin kwihra nani bara tuktan kau tiala dakaki nani ba mapara lika alai pali kabia! 20Man nani bui Gâd ra makas, kauhla piua ra bara sabat ra plapaia apia dukiara; 21kan baha piua ra pât wahwanka nani manis kabia, bara bahmuna patitara piua wina âpu kan, tasba paskan wina,#Dn 12.1; Par M 7.14. naika piua ra sin baku kabia apia. 22Bara Gâd baha piua prahni daukras kaka, upla kumi sin swaki sakan kabia apia; sakuna witin bâk sakan nani ba latwanka ra prahni daukbia.
23“Bara upla kum mita man nani ra naku mai wibia kaka: ‘Kaiks, Misaya ba nâra sa’, ‘Kaiks, Misaya ba bâra sa’, man nani kasak lukpara. 24Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia. 25Kaiks, naha sut man nani ra kaina manis wina mai wîri sa. 26Baha mita, naku mai wibia kaka: ‘Kaiks, witin bukra twi biara ra sa’, man nani baha ra wapara; mai wibia kaka: ‘Kaiks, naura rum bilara sa’, man nani kasak lukpara. 27Kan imyula kum kasbrika purara ba lalma wina muna kat lipi ba, baku kabia Upla Luhpia Waitna ba balbia ba ra.#Lk 17.23-24. 28Wîna tara pruan anira kabia ba ra, yakal tara nani asla takbia.#Lk 17.37.
Upla Luhpia Waitna kli aula ba
(Mk 13.24-37; Lk 17.26-30,34-36; 21.25-33)
29“Baha pât wahwan yua nani lubia wal baku, yu lapta ba tihmu takbia,#Ais 13.10; Jl 2.10,31; 3.15; Par M 6.12. kati ba ai ingnika yabia apia,#Ais 13.10; Isi 32.7; Jl 2.10; 3.15. slilma nani ba kasbrika purara ba wina kauhbia,#Ais 34.4; Par M 6.13. kasbrika ba purara karnika nani sin nikban kabia.#Jl 2.10. 30Bâra mika Upla Luhpia Waitna sainka ba kasbrika purara latan kaikbia, bara naha tasba uplika nani sut inbia, bara Upla Luhpia Waitna kasbrika purara karnika tara bara prana wal aula ba kaikbia.#Dn 7.13; Par M 1.7. 31Bara ai insalka nani blîkbia trumpit binka tara ni ai uplika bâk sakan nani ba pâsa mapa walhwal ba wina asla daukaia, tasba tâ kum wina tâ wala kat.
32“Kwah damni dusa maprika lilka na lan taki banhs: Tnawa nani ba kau kura bara wahia nani ba baiwi piua, man nani kaikisma mani piua ba pat baila sa. 33Baku sin, naha sut kaikma piua ra, kaiki bas tnata ba pat baila, dur pali ra sa. 34Kasak pali mai wisni, naha piua uplika nani kau pruras ba ra, naha dukia nani sut na takbia. 35Kasbrika tasba wal lui wabia, sakuna bîli nani lika aimakan kabia.
36“Sakuna yua ba bara awarka ba lika upla kumi sin kaikras, kasbrika purara insal nani ba bara Gâd Luhpia pali sin kaikras. Gâd Aisa baman baha kaikisa.
37“Noa yua nani ra pât takan ba baku takbia, Upla Luhpia Waitna kli balbia ba ra.#Bla St 6.5-8. 38Baha yua nani ra, lisamra tara ba kainara, upla nani ba plun baman pi kan, diara di kan, marit taki kan, ai luhpia mairin nani marit saki kan, Noa ark ra diman yua ba kat; 39bara witin nani ai dara walras kan, lisamra tara ba bal sut brih wan ba kat.#Bla St 7.6-24. Upla Luhpia Waitna balbia piua sim baku kabia. 40Baha piua ra waitna wâl insla ra kabia; kum ba brih wan kabia, wala ba lika swin kabia. 41Mairin wâl walpa ra akbi kabia; kum ba brih wan kabia, bara wala ba lika swin kabia.
42“Man nani aihwaki bas, Dawan dîa awarka ra balbia ba kaikras sma bamna. 43Sakuna naha na kupiam krauki bas: Utla kum dawanka ba âimplikra dîa awarka ra balaia ba kaiki kaka, witin yapras aihwaki kabia, bara swika ai watla ba kriki dimi ai dukia implikbia apia. 44Baha mita, man nani sin ridi kaia sma; kan bîla kaikras kaprika Upla Luhpia Waitna ba balbia.#Lk 12.39-40.
Alba kasak bara alba kasak apia ba
(Lk 12.41-48)
45“¿Bamna ya pali ba alba kasak sinskira ba? Baha lika ai dawanka mita ai watla suliarka nani purara mangkan ba, witin nani ra piua kat plun dakakbia dukiara. 46Lilia pali kabia ani albika ai dawanka balbia piua ra baku ai warkka dauki kaka sâkbia ba. 47Kasak pali man nani ra mai wisni, dawanka ba mita dîa dîa bri ba sut ai mihta ra mangkbia. 48Sakuna baha albika ba saura kaka, bara ai kupia ra luki ai dawanka ba wihka takaskisa wisi, 49alba wala nani ra mahka rausauhkuya, bara laya saura dadira nani aikuki plun pibia bara diara dibia, 50bara ai dawanka bîla kaikras pali yua ra balbia, awarka sin kaikras kaka; 51bara kau pât saura pali ba yabia, bamna kuninkira nani pâtka ba aikuki wauhbia. Bâra mika witin inbia, ai napa nani sin arkbia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua