Matiu 23
23
Jisas mita parisi nani bara Lâ Smasmalkra nani dahra sakisa
(Mk 12.38-40; Lk 11.37-54; 20.45-47)
1Naha ningkara Jisas bui upla nani ra bara ai disaipilka nani ra wisata: 2“Lâ Smasmalkra nani bara parisi nani sin Moses lâka tânka pliki marikaia karnika brisa. 3Baku bamna, man nani bîla wals, dîa daukma mai wibia ba sin dauks; sakuna ai daukanka saura nani ba nina blîkpara, kan witin nani dîa smalki ba kat daukras, diara wala baman daukisa. 4Witin nani karban wirha nani wilki, upla nani pahpaya ra sunisa, bara baha twilkaia ba karna pali sa, sakuna witin nani lika ai mihta sirpi kumi ni sin kangban daukras. 5Diara dauki bani ba upla nani kaikbia wisi daukisa.#Mt 6.1. Witin nani ai wauhkataya watla nani ba tara brisa,#Kli S 6.8. ai kwalka un nani ba sin tara daukisa.#Kul K 15.38. 6Plun piaia nani ra plis kau pain nani ba plikisa, bara prias watla nani ra sin tâura iwaia plikisa, 7Witin nani plikisa yabal ra upla nani ba mita witin nani ra tara kulki ai lakula daukbia bara smasmalkra nani wibia.
8“Sakuna man nani lika upla nani yarka smasmalkra mai wibiara, kan man nani sut muihkam atia, bara Smasmalkra ba kumi baman brisma. 9Man nani upla kumi ra sin naha tasba ra aisa wipara, kan man nani Aisa kumi baman brisma, witinka kasbrika purara sa. 10Tâ uplika nani sin mai mâki banhbiara, kan Misaya ba baman sika tâm uplika ba sa. 11Ya ai walka nani dukia dauki ba, baha sika man nani tilamra kau tara ba.#Mt 20.26-27; Mk 9.35; 10.43-44; Lk 22.26; Ecl 3.18. 12Kan ya tara puli ba, mâyara ikan kabia, sakuna ya mâyara bawi ba, tara daukan kabia.#S L 29.23; Lk 14.11; 18.14; Ecl 1.27.
13“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras. 14[¡Lâ Smasmalkra nani bara parisi nani, kuninkira nani, man nani mapara alai pali kabia! Kan man nani mita piarka nani watla mihta dakbisma, bara kunin baman pura sunra nani yari daukisma. Baha mita man nani ba kau pât tara brima.]
15“¡Lâ Smasmalkra nani bara parisi nani, kuninkira nani, man nani mampara alai pali kabia! Man nani kabu nani bara kuntri nani sin aiska impakisma upla kum Ju lâka ra lakaia dukiara; bara lakram ba ra, baha uplika ba aima wâl prais man nani purkamra kau saura daukisma, hilp pauta ra waia dukiara.
16“¡Tâ uplika diara kaikras nani, man nani mampara saura pali kabia! Kan man nani naku wisma: ‘Ya tempel nina mâki swer taki pramis kum daukbia kaka, baha ba bahki sa; sakuna tempel gulka nina mâki swer takbia kaka, ai bîla aisin ba kat daukaia sa.’ 17¡Sinskas diara kaikras tara nani! ¿Dîa ba kau tara sa: gul ba, apia kaka tempel ba, baha mita gul holikira dauki ba? 18Man nani naku sin wisma: ‘Ya altar nina mâki swer taki pramis kum daukbia kaka, baha lika bahki sa; sakuna altar purara prisant ba nina mâki swer takbia kaka, dîa aisin ba kat daukaia sa.’ 19¡Diara kaikras sinskas tara nani! ¿Dîa ba kau tara sa: prisant ba, apia kaka altar ba, baha mita prisant ba holikira dauki ba? 20Kan ya altar nina mâki swer taki ba, altar ba dukiara baman swer takras, sakuna purara dîa dîa bâra ba sut dukiara sin; 21bara ya tempel nina mâki swer takisa kaka, tempel ba dukiara baman swer takras, sakuna Gâd dukiara sin, witinka bahara iwi ba. 22Baku sin, ya kasbrika purara ba nina mâki swer takisa kaka, Gâd king iwaika ba dukiara swer takisa bara Gâd pali dukiara sin,#Ais 66.1; Mt 5.34. witinka bahara iwi ba.
23“¡Lâ Smasmalkra nani bara parisi nani, kuninkira nani, man nani mampara saura pali kabia!, diara matawalsip bani wina kumi Gâd ra yabaia ba, man nani baha mint wahia, anis bara kumin wina yabisma,#Lib 27.30. sakuna lâ smalkanka tara nani ba lika bîla walras, baha nani sika umpira kaikaia lâka ba, kasak wapni kaia lâka ba. Baha sika man nani daukaia sma ba, bara wala ba sin swiras ban dauki kaia sma. 24¡Man nani, tâ uplika diara kaikras nani, brabra lupia diaikam wina singbi sakisma, sakuna kiamil tara kum langkisma!
25“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani kapkam bara plitkam ba nina purak baman klin daukisma, sakuna bilara lika impliki bara gridi taki sakram lalahka ba baman banhki sa. 26¡Man parisi diara kaikras: kâp bara plit ba bîla tani ba pas klin dauks, bara baku lika pura tani ba sin klin kabia!
27“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani lika sim raiti pint pihni dingkan#Ap St 23.3. bara pura mapa baman pain ba baku sma, sakuna bîla tani lika upla pruan dusa nani bara diara tâski ni banhwan sa. 28Man nani sin baku sma; purak lika upla nani mawanra pain baku sma, sakuna kupiam bilara lika, kunin bara watawan lâka man banhki sa.
29“¡Lâ Smasmalkra nani bara parisi nani, kuninkira nani, man nani mampara saura pali kabia! Man nani mita prapit raitika ba paskisma, bara upla pain kan nani raitika sin pain pali skahkisma, 30bara baha ningkara wisma: ‘Yawan na wan damika nani piua ra iwi kan kaka, prapit nani ikaia dukiara witin nani ra hilp munaia apia kan.’ 31Baha mita, nanara pain kaikisma man nani ba prapit ikan nani ra ikan nani kiamka sma. 32¡Baku bamna, damikam nani tâ krikan ba, man nani dauki tnata alks!
33“¡Piuta nani! ¡Piuta saura nani kiamka!#Mt 3.7; 12.34; Lk 3.7. ¿Man nani nahki hil pauta pâtka ba wina swak takma ki? 34Baha mita, yang bui man nani ra prapit nani, sinskira nani bara smasmalkra nani sin mai blikamna. Sakuna man nani mita witin nani tila wina tila nani ba ikma, dus prihni ra sama, wala nani ra lika prias watla nani bilara prukma, bara tawan kum wina tawan wala ra nina bliki rausauhkma. 35Bara baku sika man nani puramra pât kauhbia, upla yamni nani sut upla mita ikan nani tâlia ba, Abel kasakkira ba wina#Bla St 4.8. Berequías luhpia Sakaraya ba kat,#2 Kr 24.20-21. witin ba man nani mita tempel altar wal lilapas kat ikram. 36Kasak pali man nani ra mai wisna, naha pâtka sut na lika naha piua uplika nani ra balbia.
Jisas Jerusalem pura mata inisa
(Lk 13.34-35)
37“¡Jerusalem, Jerusalem, man sika prapit nani ba ikisma,#1 Ki 19.10; Jir 2.30. bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram! 38Bamna kaiks man nani wamtla ba nahki bîla man swin ba; 39kan yang bui man nani ra mai wisni, kli ai kaikma apia, naha bîla nani man nani aisama ba piua kat: ‘¡Yamni pali sa witinka Dawan nina mâki aula ba!’ ”#Law 118.26.
Currently Selected:
Matiu 23: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Matiu 23
23
Jisas mita parisi nani bara Lâ Smasmalkra nani dahra sakisa
(Mk 12.38-40; Lk 11.37-54; 20.45-47)
1Naha ningkara Jisas bui upla nani ra bara ai disaipilka nani ra wisata: 2“Lâ Smasmalkra nani bara parisi nani sin Moses lâka tânka pliki marikaia karnika brisa. 3Baku bamna, man nani bîla wals, dîa daukma mai wibia ba sin dauks; sakuna ai daukanka saura nani ba nina blîkpara, kan witin nani dîa smalki ba kat daukras, diara wala baman daukisa. 4Witin nani karban wirha nani wilki, upla nani pahpaya ra sunisa, bara baha twilkaia ba karna pali sa, sakuna witin nani lika ai mihta sirpi kumi ni sin kangban daukras. 5Diara dauki bani ba upla nani kaikbia wisi daukisa.#Mt 6.1. Witin nani ai wauhkataya watla nani ba tara brisa,#Kli S 6.8. ai kwalka un nani ba sin tara daukisa.#Kul K 15.38. 6Plun piaia nani ra plis kau pain nani ba plikisa, bara prias watla nani ra sin tâura iwaia plikisa, 7Witin nani plikisa yabal ra upla nani ba mita witin nani ra tara kulki ai lakula daukbia bara smasmalkra nani wibia.
8“Sakuna man nani lika upla nani yarka smasmalkra mai wibiara, kan man nani sut muihkam atia, bara Smasmalkra ba kumi baman brisma. 9Man nani upla kumi ra sin naha tasba ra aisa wipara, kan man nani Aisa kumi baman brisma, witinka kasbrika purara sa. 10Tâ uplika nani sin mai mâki banhbiara, kan Misaya ba baman sika tâm uplika ba sa. 11Ya ai walka nani dukia dauki ba, baha sika man nani tilamra kau tara ba.#Mt 20.26-27; Mk 9.35; 10.43-44; Lk 22.26; Ecl 3.18. 12Kan ya tara puli ba, mâyara ikan kabia, sakuna ya mâyara bawi ba, tara daukan kabia.#S L 29.23; Lk 14.11; 18.14; Ecl 1.27.
13“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras. 14[¡Lâ Smasmalkra nani bara parisi nani, kuninkira nani, man nani mapara alai pali kabia! Kan man nani mita piarka nani watla mihta dakbisma, bara kunin baman pura sunra nani yari daukisma. Baha mita man nani ba kau pât tara brima.]
15“¡Lâ Smasmalkra nani bara parisi nani, kuninkira nani, man nani mampara alai pali kabia! Man nani kabu nani bara kuntri nani sin aiska impakisma upla kum Ju lâka ra lakaia dukiara; bara lakram ba ra, baha uplika ba aima wâl prais man nani purkamra kau saura daukisma, hilp pauta ra waia dukiara.
16“¡Tâ uplika diara kaikras nani, man nani mampara saura pali kabia! Kan man nani naku wisma: ‘Ya tempel nina mâki swer taki pramis kum daukbia kaka, baha ba bahki sa; sakuna tempel gulka nina mâki swer takbia kaka, ai bîla aisin ba kat daukaia sa.’ 17¡Sinskas diara kaikras tara nani! ¿Dîa ba kau tara sa: gul ba, apia kaka tempel ba, baha mita gul holikira dauki ba? 18Man nani naku sin wisma: ‘Ya altar nina mâki swer taki pramis kum daukbia kaka, baha lika bahki sa; sakuna altar purara prisant ba nina mâki swer takbia kaka, dîa aisin ba kat daukaia sa.’ 19¡Diara kaikras sinskas tara nani! ¿Dîa ba kau tara sa: prisant ba, apia kaka altar ba, baha mita prisant ba holikira dauki ba? 20Kan ya altar nina mâki swer taki ba, altar ba dukiara baman swer takras, sakuna purara dîa dîa bâra ba sut dukiara sin; 21bara ya tempel nina mâki swer takisa kaka, tempel ba dukiara baman swer takras, sakuna Gâd dukiara sin, witinka bahara iwi ba. 22Baku sin, ya kasbrika purara ba nina mâki swer takisa kaka, Gâd king iwaika ba dukiara swer takisa bara Gâd pali dukiara sin,#Ais 66.1; Mt 5.34. witinka bahara iwi ba.
23“¡Lâ Smasmalkra nani bara parisi nani, kuninkira nani, man nani mampara saura pali kabia!, diara matawalsip bani wina kumi Gâd ra yabaia ba, man nani baha mint wahia, anis bara kumin wina yabisma,#Lib 27.30. sakuna lâ smalkanka tara nani ba lika bîla walras, baha nani sika umpira kaikaia lâka ba, kasak wapni kaia lâka ba. Baha sika man nani daukaia sma ba, bara wala ba sin swiras ban dauki kaia sma. 24¡Man nani, tâ uplika diara kaikras nani, brabra lupia diaikam wina singbi sakisma, sakuna kiamil tara kum langkisma!
25“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani kapkam bara plitkam ba nina purak baman klin daukisma, sakuna bilara lika impliki bara gridi taki sakram lalahka ba baman banhki sa. 26¡Man parisi diara kaikras: kâp bara plit ba bîla tani ba pas klin dauks, bara baku lika pura tani ba sin klin kabia!
27“¡Lâ Smasmalkra nani bara parisi nani, kuninkira nani, man nani mampara saura pali kabia!, kan man nani lika sim raiti pint pihni dingkan#Ap St 23.3. bara pura mapa baman pain ba baku sma, sakuna bîla tani lika upla pruan dusa nani bara diara tâski ni banhwan sa. 28Man nani sin baku sma; purak lika upla nani mawanra pain baku sma, sakuna kupiam bilara lika, kunin bara watawan lâka man banhki sa.
29“¡Lâ Smasmalkra nani bara parisi nani, kuninkira nani, man nani mampara saura pali kabia! Man nani mita prapit raitika ba paskisma, bara upla pain kan nani raitika sin pain pali skahkisma, 30bara baha ningkara wisma: ‘Yawan na wan damika nani piua ra iwi kan kaka, prapit nani ikaia dukiara witin nani ra hilp munaia apia kan.’ 31Baha mita, nanara pain kaikisma man nani ba prapit ikan nani ra ikan nani kiamka sma. 32¡Baku bamna, damikam nani tâ krikan ba, man nani dauki tnata alks!
33“¡Piuta nani! ¡Piuta saura nani kiamka!#Mt 3.7; 12.34; Lk 3.7. ¿Man nani nahki hil pauta pâtka ba wina swak takma ki? 34Baha mita, yang bui man nani ra prapit nani, sinskira nani bara smasmalkra nani sin mai blikamna. Sakuna man nani mita witin nani tila wina tila nani ba ikma, dus prihni ra sama, wala nani ra lika prias watla nani bilara prukma, bara tawan kum wina tawan wala ra nina bliki rausauhkma. 35Bara baku sika man nani puramra pât kauhbia, upla yamni nani sut upla mita ikan nani tâlia ba, Abel kasakkira ba wina#Bla St 4.8. Berequías luhpia Sakaraya ba kat,#2 Kr 24.20-21. witin ba man nani mita tempel altar wal lilapas kat ikram. 36Kasak pali man nani ra mai wisna, naha pâtka sut na lika naha piua uplika nani ra balbia.
Jisas Jerusalem pura mata inisa
(Lk 13.34-35)
37“¡Jerusalem, Jerusalem, man sika prapit nani ba ikisma,#1 Ki 19.10; Jir 2.30. bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram! 38Bamna kaiks man nani wamtla ba nahki bîla man swin ba; 39kan yang bui man nani ra mai wisni, kli ai kaikma apia, naha bîla nani man nani aisama ba piua kat: ‘¡Yamni pali sa witinka Dawan nina mâki aula ba!’ ”#Law 118.26.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua