Libait Lâka TÂ BÎLA NANI
TÂ BÎLA NANI
Libait nani ba, ban ai kiamka nani sut ba sin, bâk sakan kan prîs baku kaia, apia kaka ai hilpika nani baku kaia. Baku sin Libait nani ba tempel ba main kaiki kaia warkka yan kan. Naha tânka ra luki sika, ulbanka aiska na nina Libait lâka yan ba.
Wauhkataya na ra ulban sa: lâ nani wapni bri kaia ba, baha yua nani kulkan kaia ba, prias daukaia lâka nani kulkan kaia ba, klin takaia lâka ba, Gâd ra mayunaia, yua tara nani ra; plun piaia bara piaia apia lâka nani ba sut naha wauhkataya ra ulban sa.
Lâ nani ulban sut lalka, kau tara pali naha wauhkataya ra ba lika: holi lâka briaia, Israel Gâdka ra. Upla kum saura daukbia sa kaka, kli ai rayaka sunu daukaia sa, baha lâka holi ba yus muni kira.
Wauhkataya ulbanka nani ailal ba; tânka kumi baman brisa: Sakripais daukaia lâka nani ba, bara prisantka sâtka nani yabaia tânka ba (1.1—7.38), Eran bara ai luhpia nani sut kira yamni munan ba prîs warkka nani daukaia (8.1—10.20). Tânka wala ba: Klin kaia lâka bara tâski kaia apia ba, tempel bilara wark dauki ba ra. (11.1—15.33) wan rayaka ra holikira kaia bara pain lilia baman watauki kaia lâka nani ba (17.1—27.24).
Naha wauhkataya ra (19.18) ba, baku sin Matiu 22.39 ra Jisas aisin sa, lâ kau tara ba dukiara: Latwan lâka wan uplika nani ra briaia ba.
Currently Selected:
Libait Lâka TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua