Jems TÂ BÎLA NANI
TÂ BÎLA NANI
Hibru ba tâ krikisa smalkanka baku, bara prakaia ra wauhtaya baku ulban sa. Naha ulbanka na, tâ krikisa wauhtaya baku, bara prakisa smalkanka baku. Sakuna kumi ba, kasak lalukra nani tasba aiska ra yakabi lakan nani ba ra ulbisa. Kupia kraukanka dauki ba, kristian rayaka daukanka ra sa, naha sut na diara nani dîa taki ba praki kaikanka bâk bara ai talia kaka marikisa, bara kasak lukan lâka mâ ba, upla nani daukanka ra tânka param saki marikras sa kaka, kasak lukan kum pat pruan takisa (2.14-21).
Âiulbra ba karna smalkisa, sins lâka Gâd wina aula ba alki briaia, bamna nit pali sa ani piua ra kasak lukan lâka ba, traika kaikan ra brih wi bara naha na brisa, kasak lukan lâka wal makabi baman (1.1-8). Ningkara aisisa umpira dukiara bara yuya ailal bri dukiara, lâ kasak plikanka bara traika kaikanka, bara serts kasak pali diara yamni daukan ra aisisa (1.9-27).
Karna pali smalkisa, bahki kulki ba mapara (2.1-13) smalkanka kum kau karna bara lilka nani wal praki smalkanka banhwan ba sika pât ra waia kan maisa paki ba, bara sauhki ba twisa saura mita (3.1-12), tâura baku, kasak pali sins tânka dukiara aisisa bara naha dîa ai tânka ba (3.13-18).
Aitani karna pali kabia, baha nani tar baiwan lâka brih bali ba, tasba wal ai uplika taki ba, baha nani wan muihni lâka aisi dauki ba bara yuyakira nani umpira dukia dakbi bri nani ba (4.1—5.6), bara prakisa sins lâka kum wanki, wan kupia alki takaskaia lan kaia, bara wan pura suni kaia ba, tâura kau sins lâka wala nani ulbi kira (5.7-20).
Currently Selected:
Jems TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua