Oseas 14
14
Oseas Israel ra makabisa Dawan ra kli tawi balaia
1¡Israel, Dawan Gâdkam ra, kli tawi bal,
man saura daukram ba tâka mita sika kauhram ba!
2Man nani lika Dawan ra kli tawi bal,
bara naku witin ra puram suns:
“Yang nani watawi daukri ba sut ban ai kulkpara,
bara man ra mamyuni makabi puri suni banhwisna na,
kupiam yamni lâka ra bris.#Ais 55.6-7.
3Asiria uplika nani sip yang nani ra swaki ai sakras,
aras ra uli plapamna kaka sin sip apia.
Yang nani mihti ni alki paskri dawanka nani kumi ra sin
kli man ba ‘Yang nani Dawanki sma’ wimna apia,
kan Dawan, man ra baman sika
rau nani ba umpira kaikan lâka ba sakisa.”
Dawan bui Israel luhpia nani ra rayaka lâka raya yabaia wisa
4Dawan aisisa:
“Upliki nani maipara buaia sikniska bri ba sîka daukaisna;
witin nani ra ban latwan kaikaisna,
latwan kaikaia apia uplika nani takan sakuna,
witin nani mapara lawanki tara briri ba pat luan sa bamna.#Jir 30.15-17.
5Israel purara diwas laya baku takaisna,
witin ai tangnika nani sâkbia,
tangni pihni nani baiwi baku.
Wakia nani ba karna pâwbia, Líbano ilka ra dus nani ba baku;
6ai tnawa nani ba pranakira pâwbia
oliv dusa tnawa takan ba baku kabia,
taya kîa ba sin, Líbano yalamka dusa kîa baku kabia.
7Israel kli tawi bal distiki ra iwbia;
bara plawar pâwi baku pâwbia,
wain kiwka baku tangnika baiwbia,
Líbano wainka damnika kîa buki baku, witin ai sturka ba wauhi kabia.
8Baha yua ra Efraín aisabia:
‘¿Aidul nani ba dukiara, yang dîa lukamna?’
¡Yang sika upliki ra wali ban kaiki kamna!
Piu bani awas dusa baku sangni ban kamna,
bara upliki nani ba, yang wina mâ nani wahbi kabia.”
Smalkanka aiska prakaia bîla
9Sins tânka plaplikra nani tânkira,
diara tânka kaikaia pliki nani ba,
naha smalkanka tânka na bribia:
Dawan yabalka nani ba wapni sa,
upla kasak nani ba bahara wapbia;
sakuna watawi dadaukra nani ba, baha yabalka ra ai mina prukisa.#Law 1.6; S L 4.7-12,18-19.
Currently Selected:
Oseas 14: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua