Hibru Nani 11
11
Blasi piua uplika nani kasak lukanka ba
1Bamna kasak lukan lâka bri kaia ba lika, yawan diara briaia bîla kaiki ba kasak pali luki kaia baha ba bribia, bara diara nani kaikras ba sin kasak pali kaikan kan baku lukaia sa. 2Wan damika nani ba aitani kulkan kata, witin nani kasak lukan lâka bri kan bamna.
3Kasak lukan lâka mita yawan kaikisa, Gâd mita tasba nani na ai bîla aisin ni paskan,#Bla St 1.1; Law 33.6,9; Jn 1.3; 2 Mac 7.28. bara baku mika nanara yawan diara kaiki na, diara nani yawan sip kaikras ba ni paskan kata.
4Kasak lukan lâka mita, Abel ba Gâd ra sakripais kau pain dauki yan Ken yaban ba wal; bara ba mita Gâd mita witin ba upla kasakkira kulki, ai prisantka nani ba brin.#Bla St 4.3-10. Baku bamna, Abel ba pruan sa sakuna, kasak lukan lâka brin bâk, witin kau ban aisisa.
5Kasak lukan lâka mita Henoc ba pruras rayaka wala ra ban brih wan kata, bara witin ba pliki sip sakras kan, Gâd mita brih wan kan ba bamna. Bara Ulbanka ra wisa, Henoc ba kau brih waras kan kainara, Gâd mawanra pain kulkan kan.#Bla St 5.21-24; Ecl 44.16; Si L 4.10. 6Upla kum kasak lukan lâka âpu kaka, witin ra Gâd mita sip pain kulkbia apia. Kan ani uplika Gâd lamara waia kaka, kasak lukaia sa Gâd ba bâra sa, bara witin ra pliki uplika nani ra sin mana yabisa.
7Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara.#Bla St 6.13-22; Ecl 44.17-18. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.
8Kasak lukan lâka mita Ebraham ba Gâd mita paiwan ba ra, ai bîla kat wali, Gâd mita tasba kum yaia pramis munan kan ba mata taki impaki wan. Ai tasbaya pali ba swih wan, bara anira auya sapa sin kaikras kan.#Bla St 12.1-5. 9Kasak lukan mita, Ebraham ba Gâd mita witin ra pramis munan tasbaya ba ra wih iwi kan, witin ba upla tringsar kum baku. Witin ba kiamp watla nani ra dimi kan, bara Aisak bara Jekob wal sin baku iwi kan, witinka nani sin baha pramiska brin kan ba.#Bla St 35.27. 10Kan Ebraham ba baha tawanka playa bapanka nani karna bri ba bîla kaiki kan, baha tawanka mâmakra ba bara papaskra ba sika Gâd.#Hib 13.14.
11Âu Sara luhpa nani baikaia sip apia kan bara Ebraham sin pat almuk pali takan kan sakuna, kasak lukan lâka ba mita, aisika takaia karnika ba witin brin, kan Gâd ai pramiska kat daukaia witin ra win ba kat kasak lukan bamna.#Bla St 17.19; 18.11-14; 21.2; Ro 4.17-22. 12Baku bamna, Ebraham ba ai rayaka yua nani tnata pat alkaia man kan sakuna, ai kiamka ailal pali takan, kasbrika purara slilma nani bâra ba baku, kabu un ra auhya nani ailalka upla sip kulkras ba baku sin.#Bla St 15.5; 22.17; 32.12; Ecl 44.21.
13Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.#Bla St 23.4; 1 Kr 29.15; Law 39.12. 14Bamna baku aisi uplika nani ba, latan ai tânka marikisa, witin nani ba kau ai kuntrika kum pliki taukisa. 15Witin nani ai tasbaya swih balan ba ra luki kan, bahara kli tawi waia sip kaia kan. 16Sakuna witin nani kuntri kau pain kum brin dauki kan, baha tânka ba lika, kasbrika purara kuntrika ba. Baha mita, baha nani mita witin nani Gâdka mâki ba ra, Gâd ba ai swira lukras, kan witin ba baha nani tawanka kum ridi dauki brisa.
17Kasak lukan lâka mita Ebraham ba, Gâd mita traika kaikan piua, Aisak ba sakripais dauki yaia brih balan. Ai luhpia unhsak ba sakripais dauki yabaia ridi kan,#Bla St 22.1-14. Gâd mita naha pramiska na yaban kan sakuna: 18“Aisak ba mita, man kiamkam nani bri kama.”#Bla St 21.12. 19Ebraham kasak lukan, Gâd ba pruan nani pali sin kli bukaia karnika brisa; bara maprika tânka baku sip sa wiaia, Ebraham ba ai luhpia pruan nani tila wina kli brin.#Bla St 22.13.
20Kasak lukan lâka mita Aisak mita Jekob ra bara Isau ra sin, naika balaia yamnika nani pramis munan.#Bla St 27.27-29,39-40.
21Kasak lukan lâka mita, Jekob ba mahka pruaia kainara, Josep luhpia bani ra yamnika nani pramis munan, bara ai kîn dusa tâura ai tâ baiki ai lal makupi, Gâd ra ai pura suni mayunan.#Bla St 47.31—48.20.
22Kasak lukan lâka mita, Josep ba pruaia baila kan ba ra, witin aisan Israel luhpia nani ba kau naika Idsip tasbaya ba wina taki wabia, bara witin ai wîna tara wal dîa daukaia ba sin adarka yabi swin.#Bla St 50.24-25; Imp St 13.19.
23Kasak lukan lâka mita, Moses ba aisubi takan ba ra, aisika nani mita kati yumhpa yukuki bri kan.#Imp St 2.2. Witin nani kaikan baha ba tukta painkira lupia kan, bara king adarka ba bîla lulkaia sibrin lukras kata.#Imp St 1.22.
24Kasak lukan lâka mita Moses ba pat waitna takan ba ra, Idsip kingka luhpia mairin ba luhpia mâkan kaia want apia kan.#Imp St 2.10-12. 25Saurka lâka wina lilia nani piu wiria baman briaia ba watlika ra, Gâd uplika nani aikuki ni pât wahwaia ba kau pain lukan. 26Witin Kraist tâwan bahki kulkan kaia pâtka wahwaia bani ai wîna ba kau yuyakira kulki kan, Idsip yuyaka aiska bri kaia ba wal; kan Gâd mita mana tara yabaia kan ba kat ai nakra kahbi bri kata.
27Kasak lukan lâka mita, Moses ba king kupia baiwanka sîa âpu Idsip tasbaya wina taki wan,#Imp St 2.15. kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku. 28Kasak lukan lâka mita Moses ba Insal luan Yua Liliaka ba dauki, adar yan tala ba dur nani ra srikbi, prura insalka ba Israel luhpia nani luhpia tawahkia kumi ra sin ikbia apia dukiara.#Imp St 12.21-30.
29Kasak lukan lâka mita Israel luhpia nani Kabu Pauni bâk luan, baha ba tasba lâwan kan baku; bara Idsip uplika nani sin baku daukaia munan ba ra, kwapi sut pruan.#Imp St 14.21-31.
30Kasak lukan lâka mita, Jeriko tawanka walpaya kutban nani ba kauhan, Israel luhpia nani ba yu 7 baha nani kir wapi taukan ba ningkara.#Jas 6.12-21. 31Kasak lukan lâka mita Rahab, witinka rug mairin ba, kiamapara nani ba aikuki pruras kata,#Jas 6.22-25. kan witin mita biki kakaira uplika nani ba uplika lâka kat ai watla ra dingki bri kan.#Jas 2.1—2 1.
32¿Bara dîa kau aisamna ki? Piua uya âpu sna Gedeón dahra aisaia,#Wih 6.11—8.32. Barac dahra,#Wih 4.6—5.31. Samson dahra,#Wih 13.2—16.31. Jefté dahra,#Wih 11.1—12.7. Debit dahra,#1 Sa 16.1—1 Ki 2.11. Samuil dahra,#1 Sa 1.1—25.1. bara prapit nani dahra sin. 33Kasak lukan lâka mita, witin nani aiklabi kuntri nani win takan, pain wihta aimakan, bara Gâd mita hilp yaia pramis munan kan ba sin alki banhwan. Layan nani bîla nani prakan,#Dn 6. 34pauta klauhan karna klauhi kan nani ba daskan,#Dn 3. sord ni iki kan ba wina swak takan. Swapni nani ba karna takan; war ra karnakira nani kan, bara ai waihla nani war suliarka daknika nani ba pura luan. 35Mairin nani bâra kan, ai taika pruan nani ba kli raya taki buan ba bri banhwan.#1 Ki 17.17-24; 2 Ki 4.25-37; 2 Mac 6.18—7.42.
Wala nani lika pri lâka briaia apia win, bara saura pali rausauhkan mita prui tiwan, witin nani kli raya mita rayaka kau pain kum alki briaia dukiara. 36Tila nani lika lawaska kikan nani ba ra klala ni wipan, pât nani brin,#Jir 20.2; 37.15. bara wala nani lika, sîn ni priskan kata bara silak watla ra sin mangkata.#1 Ki 22.26-27; 2 Kr 18.25-26; Jir 20.2; 37.15; 38.6. 37Witin nani ba walpa ni sabi ikan kata,#2 Kr 24.21. sâ ni lilak klaki dakban kan, traika kaikan, sord ni ikan;#Jir 26.23; 2 Mac 5.24-27. sîp taya nani bara guts taya nani ni baman sin aisruki watauki kan; umpira, sari baman, saura sin muni kata. 38¡Tasba na witin nani mapara aitani pain apia kata! Witin nani ba twi biarak, il nani bâk, walpa unta nani bâk, bara tasba unta nani bâk sin pirwi tauki kan.
39Baha nani sut kasak lukan lâka bri kan ba mita aitani kulki kan sakuna, Gâd mita pramis daukan kan dukia ba briras; 40kan Gâd ba yawan dukiara diara kau pain kum pat luki saki bri kan. Gâd diara daukaia luki kan ba lika, baha nani ba yawan aikuki asla kaka lika kasak aihwa nani daukaia sip kan.
Currently Selected:
Hibru Nani 11: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
Hibru Nani 11
11
Blasi piua uplika nani kasak lukanka ba
1Bamna kasak lukan lâka bri kaia ba lika, yawan diara briaia bîla kaiki ba kasak pali luki kaia baha ba bribia, bara diara nani kaikras ba sin kasak pali kaikan kan baku lukaia sa. 2Wan damika nani ba aitani kulkan kata, witin nani kasak lukan lâka bri kan bamna.
3Kasak lukan lâka mita yawan kaikisa, Gâd mita tasba nani na ai bîla aisin ni paskan,#Bla St 1.1; Law 33.6,9; Jn 1.3; 2 Mac 7.28. bara baku mika nanara yawan diara kaiki na, diara nani yawan sip kaikras ba ni paskan kata.
4Kasak lukan lâka mita, Abel ba Gâd ra sakripais kau pain dauki yan Ken yaban ba wal; bara ba mita Gâd mita witin ba upla kasakkira kulki, ai prisantka nani ba brin.#Bla St 4.3-10. Baku bamna, Abel ba pruan sa sakuna, kasak lukan lâka brin bâk, witin kau ban aisisa.
5Kasak lukan lâka mita Henoc ba pruras rayaka wala ra ban brih wan kata, bara witin ba pliki sip sakras kan, Gâd mita brih wan kan ba bamna. Bara Ulbanka ra wisa, Henoc ba kau brih waras kan kainara, Gâd mawanra pain kulkan kan.#Bla St 5.21-24; Ecl 44.16; Si L 4.10. 6Upla kum kasak lukan lâka âpu kaka, witin ra Gâd mita sip pain kulkbia apia. Kan ani uplika Gâd lamara waia kaka, kasak lukaia sa Gâd ba bâra sa, bara witin ra pliki uplika nani ra sin mana yabisa.
7Kasak lukan lâka mita, Noa ba diara nani naika takaia kan ba kaikras kan sakuna, Gâd mita smalki win ba ra, witin lika Gâd bîla kat wali, ark watla ba paskan ai watla uplika nani swaki sakaia dukiara.#Bla St 6.13-22; Ecl 44.17-18. Kasak lukan lâka bri kan ba mita, tasba uplika nani ba Noa bui pât ra dingkan, bara kasakka lâka kasak lukan lâka wina taki ba, witin ba Gâd wina brin.
8Kasak lukan lâka mita Ebraham ba Gâd mita paiwan ba ra, ai bîla kat wali, Gâd mita tasba kum yaia pramis munan kan ba mata taki impaki wan. Ai tasbaya pali ba swih wan, bara anira auya sapa sin kaikras kan.#Bla St 12.1-5. 9Kasak lukan mita, Ebraham ba Gâd mita witin ra pramis munan tasbaya ba ra wih iwi kan, witin ba upla tringsar kum baku. Witin ba kiamp watla nani ra dimi kan, bara Aisak bara Jekob wal sin baku iwi kan, witinka nani sin baha pramiska brin kan ba.#Bla St 35.27. 10Kan Ebraham ba baha tawanka playa bapanka nani karna bri ba bîla kaiki kan, baha tawanka mâmakra ba bara papaskra ba sika Gâd.#Hib 13.14.
11Âu Sara luhpa nani baikaia sip apia kan bara Ebraham sin pat almuk pali takan kan sakuna, kasak lukan lâka ba mita, aisika takaia karnika ba witin brin, kan Gâd ai pramiska kat daukaia witin ra win ba kat kasak lukan bamna.#Bla St 17.19; 18.11-14; 21.2; Ro 4.17-22. 12Baku bamna, Ebraham ba ai rayaka yua nani tnata pat alkaia man kan sakuna, ai kiamka ailal pali takan, kasbrika purara slilma nani bâra ba baku, kabu un ra auhya nani ailalka upla sip kulkras ba baku sin.#Bla St 15.5; 22.17; 32.12; Ecl 44.21.
13Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.#Bla St 23.4; 1 Kr 29.15; Law 39.12. 14Bamna baku aisi uplika nani ba, latan ai tânka marikisa, witin nani ba kau ai kuntrika kum pliki taukisa. 15Witin nani ai tasbaya swih balan ba ra luki kan, bahara kli tawi waia sip kaia kan. 16Sakuna witin nani kuntri kau pain kum brin dauki kan, baha tânka ba lika, kasbrika purara kuntrika ba. Baha mita, baha nani mita witin nani Gâdka mâki ba ra, Gâd ba ai swira lukras, kan witin ba baha nani tawanka kum ridi dauki brisa.
17Kasak lukan lâka mita Ebraham ba, Gâd mita traika kaikan piua, Aisak ba sakripais dauki yaia brih balan. Ai luhpia unhsak ba sakripais dauki yabaia ridi kan,#Bla St 22.1-14. Gâd mita naha pramiska na yaban kan sakuna: 18“Aisak ba mita, man kiamkam nani bri kama.”#Bla St 21.12. 19Ebraham kasak lukan, Gâd ba pruan nani pali sin kli bukaia karnika brisa; bara maprika tânka baku sip sa wiaia, Ebraham ba ai luhpia pruan nani tila wina kli brin.#Bla St 22.13.
20Kasak lukan lâka mita Aisak mita Jekob ra bara Isau ra sin, naika balaia yamnika nani pramis munan.#Bla St 27.27-29,39-40.
21Kasak lukan lâka mita, Jekob ba mahka pruaia kainara, Josep luhpia bani ra yamnika nani pramis munan, bara ai kîn dusa tâura ai tâ baiki ai lal makupi, Gâd ra ai pura suni mayunan.#Bla St 47.31—48.20.
22Kasak lukan lâka mita, Josep ba pruaia baila kan ba ra, witin aisan Israel luhpia nani ba kau naika Idsip tasbaya ba wina taki wabia, bara witin ai wîna tara wal dîa daukaia ba sin adarka yabi swin.#Bla St 50.24-25; Imp St 13.19.
23Kasak lukan lâka mita, Moses ba aisubi takan ba ra, aisika nani mita kati yumhpa yukuki bri kan.#Imp St 2.2. Witin nani kaikan baha ba tukta painkira lupia kan, bara king adarka ba bîla lulkaia sibrin lukras kata.#Imp St 1.22.
24Kasak lukan lâka mita Moses ba pat waitna takan ba ra, Idsip kingka luhpia mairin ba luhpia mâkan kaia want apia kan.#Imp St 2.10-12. 25Saurka lâka wina lilia nani piu wiria baman briaia ba watlika ra, Gâd uplika nani aikuki ni pât wahwaia ba kau pain lukan. 26Witin Kraist tâwan bahki kulkan kaia pâtka wahwaia bani ai wîna ba kau yuyakira kulki kan, Idsip yuyaka aiska bri kaia ba wal; kan Gâd mita mana tara yabaia kan ba kat ai nakra kahbi bri kata.
27Kasak lukan lâka mita, Moses ba king kupia baiwanka sîa âpu Idsip tasbaya wina taki wan,#Imp St 2.15. kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku. 28Kasak lukan lâka mita Moses ba Insal luan Yua Liliaka ba dauki, adar yan tala ba dur nani ra srikbi, prura insalka ba Israel luhpia nani luhpia tawahkia kumi ra sin ikbia apia dukiara.#Imp St 12.21-30.
29Kasak lukan lâka mita Israel luhpia nani Kabu Pauni bâk luan, baha ba tasba lâwan kan baku; bara Idsip uplika nani sin baku daukaia munan ba ra, kwapi sut pruan.#Imp St 14.21-31.
30Kasak lukan lâka mita, Jeriko tawanka walpaya kutban nani ba kauhan, Israel luhpia nani ba yu 7 baha nani kir wapi taukan ba ningkara.#Jas 6.12-21. 31Kasak lukan lâka mita Rahab, witinka rug mairin ba, kiamapara nani ba aikuki pruras kata,#Jas 6.22-25. kan witin mita biki kakaira uplika nani ba uplika lâka kat ai watla ra dingki bri kan.#Jas 2.1—2 1.
32¿Bara dîa kau aisamna ki? Piua uya âpu sna Gedeón dahra aisaia,#Wih 6.11—8.32. Barac dahra,#Wih 4.6—5.31. Samson dahra,#Wih 13.2—16.31. Jefté dahra,#Wih 11.1—12.7. Debit dahra,#1 Sa 16.1—1 Ki 2.11. Samuil dahra,#1 Sa 1.1—25.1. bara prapit nani dahra sin. 33Kasak lukan lâka mita, witin nani aiklabi kuntri nani win takan, pain wihta aimakan, bara Gâd mita hilp yaia pramis munan kan ba sin alki banhwan. Layan nani bîla nani prakan,#Dn 6. 34pauta klauhan karna klauhi kan nani ba daskan,#Dn 3. sord ni iki kan ba wina swak takan. Swapni nani ba karna takan; war ra karnakira nani kan, bara ai waihla nani war suliarka daknika nani ba pura luan. 35Mairin nani bâra kan, ai taika pruan nani ba kli raya taki buan ba bri banhwan.#1 Ki 17.17-24; 2 Ki 4.25-37; 2 Mac 6.18—7.42.
Wala nani lika pri lâka briaia apia win, bara saura pali rausauhkan mita prui tiwan, witin nani kli raya mita rayaka kau pain kum alki briaia dukiara. 36Tila nani lika lawaska kikan nani ba ra klala ni wipan, pât nani brin,#Jir 20.2; 37.15. bara wala nani lika, sîn ni priskan kata bara silak watla ra sin mangkata.#1 Ki 22.26-27; 2 Kr 18.25-26; Jir 20.2; 37.15; 38.6. 37Witin nani ba walpa ni sabi ikan kata,#2 Kr 24.21. sâ ni lilak klaki dakban kan, traika kaikan, sord ni ikan;#Jir 26.23; 2 Mac 5.24-27. sîp taya nani bara guts taya nani ni baman sin aisruki watauki kan; umpira, sari baman, saura sin muni kata. 38¡Tasba na witin nani mapara aitani pain apia kata! Witin nani ba twi biarak, il nani bâk, walpa unta nani bâk, bara tasba unta nani bâk sin pirwi tauki kan.
39Baha nani sut kasak lukan lâka bri kan ba mita aitani kulki kan sakuna, Gâd mita pramis daukan kan dukia ba briras; 40kan Gâd ba yawan dukiara diara kau pain kum pat luki saki bri kan. Gâd diara daukaia luki kan ba lika, baha nani ba yawan aikuki asla kaka lika kasak aihwa nani daukaia sip kan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua