Hibru Nani 10
10
1Moses lâka ba lika, diara yamni nani naika balaia ba distika baman kan, ai lilka aihwa pali lika apia. Baku bamna, lâ ba ban kaia ra upla nani baha sakripaiska nani dauki bâk, Gâd lamara wi banhwi ba sip kasakkira nani daukras sa, baha sakripaiska nani mani bani dauki ba. 2Bamna lâ ba mita baha nani ra kasak aihwa pali daukaia sip kan kaka, sakripais nani dauki yabi ba mahka swiaia kan; kan sakripais nani dauki yabi uplika nani ba, ai saurka nani wina pat klin daukan sa kaka, witin nani kli saura daukaia luki kaia apia kan. 3Sakuna kau ni, naha sakripais nani mita mani bani yan ai saurka nani ba ai kupia kraukisa, 4kan bîp wainhka nani bara guts lupia nani tâlia ba, upla saurka nani sip brih sakras pali sa.
5Baha mita, Kraist ba naha tasba ra aula kan ba ra, witin bui Gâd ra wisata:
“Man ba daiwan nani iki sakripaiska
bara prisantka ba sin brin mai daukras sa,
sakuna yang dukira wîna tara kum ridi daukram sa.
6Daiwan nani aiska pali altar ra angkan prisantka nani ba,
saurka ba brih sakaia dukiara sakripaiska nani ba sin,
man baha ba yamni kaikras katma.
7Bara yang bili: ‘Gâd, yang nâra sni,
man kupiam lâka ba kat daukaia,
yang dukira lâ wauhkataya ra ulban ba baku.’ ”#Law 40.6-8.
8Pas pali wisa, Gâd ba daiwan iki sakripaiska bara prisantka ba, daiwan nani altar ra angki upla saurka brih sakaia dukiara sakripais dauki yabi ba sin, witin brin daukras bara yamni sin kaikras sa. Naha dukia nani na lâ bîla ba kat daukan kan sakuna, witin baku aisin. 9Baha ningkara witin wisa: “Gâd, yang nâra sni, man kupiam lâka ba kat daukaia.” Baku Gâd mita sakripaiska nani ba brih saki, baha watlika ra sakripais wala ni mangkisa. 10Jisas Kraist ba Gâd kupia lâka kat dauki, aima kumi baman ai wîna tara ba sakripais dauki yaban; baha ba aitani sa ban kaia ra; baku daukan bamna, Gâd yawan na saura lâka ba wina klin wan daukan sa.
11Ju prîska nani bahara bûi yu bani prîs warkka ba daukisa, bara sin sakripaiska nani ba aima manis yabisa. Sakuna sakripaiska nani na mita saurka nani ba sip brih sakras kan.#Imp St 29.38. 12Ban sakuna, Jisas Kraist ba wan saurka nani sakaia dukiara sakripais kumi dauki yan, baha ba ban kaia ra aitani sa, bara baha ningkara Gâd lama pali kat wih iwan. 13Nanara witin bahara bîla kaikisa, Gâd mita ai waihla nani ba ai mina munhtara mangkbia ba kat.#Law 110.1. 14Bamna sakripais kumi ni baman, baha uplika nani saurka wina klin daukan ba, witin mita ban kaia ra kasak aihwa daukan. 15Bara Spirit Holikira sin baha dukiara witnis aisisa. Pas pali witin wisa:
16“Baha yua nani ningkara
witin nani wal lâ daukamna ba, naku kabia wisa, Dawan bila:
Yang lâika nani ba witin nani kupia ra mangkamna,
bara ai lukanka nani bilara baha nani ba ulbamna.”#Jir 31.33.
17Bara baha ningkara wisa:
“Witin nani saurka nani bara watawanka nani ra sin
yang kli lukamna apia.”#Jir 31.34.
18Baku bamna, saurka nani ba pat swih tikan sa kaka, saurka dukiara kau prisant nani yabaia want apia sa.
Yawan ba Gâd lamara waia sa
19Baha mita, muihki nani, Jisas Kraist pruanka ba mita, yawan nanara pri pali Dawan wal aisaia watla ba ra dimi waia sip sa, Jisas Kraist tâlia ba mita. 20Witin mita tempel kwalka paman bâk, yawan ra yabal kum rayakira param saki wankan sa, baha tânka ba lika, ai wîna tara ba bâk. 21Jisas sika wan prîska tara, Gâd watla tâura aimaki ba. 22Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.#Lib 8.30; Isi 36.25. 23Yawan lika Gâd pliki lâka mita, wan kainara diara briaia bîla kaiki ba aihka lakras pali ban alki bri kap, kan Gâd ba yawan ra pramis daukan ba kat witin daukbia. 24Bara yawan pana pana wan walka nani ra hilp munaia trai kaikaia sa, latwan lâka bri kaia bara diara yamni nani sin dauki kaia. 25Yawan asla aidrubi lâka dauki ba swiaia apia sa, upla tila nani dauki ba baku. Baku daukaia watlika ra, yawan pana pana wan walka nani aikuki wan tâ baikaia sa, bara kau pali nanara Dawan yua ba pat baila kan kaiki ba.
26Kan yawan kasak lâka tânka ba kakaira si, wan kupia wina kaiki saura daukisa kaka, wan saurka nani dukiara kli sakripais wala âpu sa. 27Yawan diara wala âpu sa, lâ daukan sibrinkira pali ba bîla kaikaia baman, bara pauta klauhan laptikira ba, Gâd waihla nani angki tikaia ba sin.#Ais 26.11. 28Upla kum Moses lâka ba bîla lulkuya, bara witnis wâl, apia kaka yumhpa witin mapara sa kaka, umpira kaikras pali uplika ba prura pâtka ra mangkisa.#Kli S 17.6; 19.15. 29Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba,#Imp St 24.8; Hib 13.20. bara baha ni sin uplika ba holikira daukan sa. 30Yawan kaikisa Dawan ba naku aisan: “Upla ra klala yaia ba yang mihti ra sa; yang mita sika aibapamna ba.”#Kli S 32.35. Bara naku sin aisisata: “Dawan ba ai uplika nani lâka daukbia.”#Kli S 32.36. 31¡Gâd rayakira ba mihta ra kauhaia lika diara saura pali sa!
32Patitara piua ra man nani ra dîa dîa takan ba, kupiam krauki bas. Baha yua nani ra Gâd ingnika ba, man nani puramra ingwan ningkara, aiklabanka tara kum pâtka nani wahwi, ban bapi buram. 33Man nani tilam wina tila nani upla sut mawanra saura mai wih, saura sin mai munan, bara piu wala nani ra lika man nani ba upla wala nani nahmuna trabilka nani bri kan ba aikuki asla brih wahwaia ridi katma. 34Man nani silak watla ra nani kan ba ra umpira kaikram, bara dukiam nani mihtam dakbi kan ba ra sin liliakira kiki kapram, kan kaiki kapram man nani ba kasbrika purara diara kau pain kum brisma, bara baha ba ban kaia ra bâra ban sa. 35Baku bamna, lukankam brisma ba tikpara, baha mana tara kum maikbia bamna. 36Man nani ba wihka bîla kaikaia lâka want sma, bara baku mika sip kama Gâd kupia lâka ba kat dauki, witin mita dîa pramis daukan ba briaia. 37Kan Ulbanka ba wisa:
“Kau piu wiria lupia baman,
witinka balaia ba pat balbia;
witin kau sin takaskbia apia.
38Sakuna yang upliki kasakkira ba lika,
kasak luki raya iwi kabia,
sakuna witin ai ninara tawbia kaka,
witin dukiara lilia kamna apia.”#Ab 2.3-4.
39Yawan lika ai ninara tawan bara sauhki tiki ba uplika nani apia sa. Sakuna, yawan na kasak lukan lâka brisa bara swaki sin wan sakan sa.
Currently Selected:
Hibru Nani 10: MSKTU
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua
Hibru Nani 10
10
1Moses lâka ba lika, diara yamni nani naika balaia ba distika baman kan, ai lilka aihwa pali lika apia. Baku bamna, lâ ba ban kaia ra upla nani baha sakripaiska nani dauki bâk, Gâd lamara wi banhwi ba sip kasakkira nani daukras sa, baha sakripaiska nani mani bani dauki ba. 2Bamna lâ ba mita baha nani ra kasak aihwa pali daukaia sip kan kaka, sakripais nani dauki yabi ba mahka swiaia kan; kan sakripais nani dauki yabi uplika nani ba, ai saurka nani wina pat klin daukan sa kaka, witin nani kli saura daukaia luki kaia apia kan. 3Sakuna kau ni, naha sakripais nani mita mani bani yan ai saurka nani ba ai kupia kraukisa, 4kan bîp wainhka nani bara guts lupia nani tâlia ba, upla saurka nani sip brih sakras pali sa.
5Baha mita, Kraist ba naha tasba ra aula kan ba ra, witin bui Gâd ra wisata:
“Man ba daiwan nani iki sakripaiska
bara prisantka ba sin brin mai daukras sa,
sakuna yang dukira wîna tara kum ridi daukram sa.
6Daiwan nani aiska pali altar ra angkan prisantka nani ba,
saurka ba brih sakaia dukiara sakripaiska nani ba sin,
man baha ba yamni kaikras katma.
7Bara yang bili: ‘Gâd, yang nâra sni,
man kupiam lâka ba kat daukaia,
yang dukira lâ wauhkataya ra ulban ba baku.’ ”#Law 40.6-8.
8Pas pali wisa, Gâd ba daiwan iki sakripaiska bara prisantka ba, daiwan nani altar ra angki upla saurka brih sakaia dukiara sakripais dauki yabi ba sin, witin brin daukras bara yamni sin kaikras sa. Naha dukia nani na lâ bîla ba kat daukan kan sakuna, witin baku aisin. 9Baha ningkara witin wisa: “Gâd, yang nâra sni, man kupiam lâka ba kat daukaia.” Baku Gâd mita sakripaiska nani ba brih saki, baha watlika ra sakripais wala ni mangkisa. 10Jisas Kraist ba Gâd kupia lâka kat dauki, aima kumi baman ai wîna tara ba sakripais dauki yaban; baha ba aitani sa ban kaia ra; baku daukan bamna, Gâd yawan na saura lâka ba wina klin wan daukan sa.
11Ju prîska nani bahara bûi yu bani prîs warkka ba daukisa, bara sin sakripaiska nani ba aima manis yabisa. Sakuna sakripaiska nani na mita saurka nani ba sip brih sakras kan.#Imp St 29.38. 12Ban sakuna, Jisas Kraist ba wan saurka nani sakaia dukiara sakripais kumi dauki yan, baha ba ban kaia ra aitani sa, bara baha ningkara Gâd lama pali kat wih iwan. 13Nanara witin bahara bîla kaikisa, Gâd mita ai waihla nani ba ai mina munhtara mangkbia ba kat.#Law 110.1. 14Bamna sakripais kumi ni baman, baha uplika nani saurka wina klin daukan ba, witin mita ban kaia ra kasak aihwa daukan. 15Bara Spirit Holikira sin baha dukiara witnis aisisa. Pas pali witin wisa:
16“Baha yua nani ningkara
witin nani wal lâ daukamna ba, naku kabia wisa, Dawan bila:
Yang lâika nani ba witin nani kupia ra mangkamna,
bara ai lukanka nani bilara baha nani ba ulbamna.”#Jir 31.33.
17Bara baha ningkara wisa:
“Witin nani saurka nani bara watawanka nani ra sin
yang kli lukamna apia.”#Jir 31.34.
18Baku bamna, saurka nani ba pat swih tikan sa kaka, saurka dukiara kau prisant nani yabaia want apia sa.
Yawan ba Gâd lamara waia sa
19Baha mita, muihki nani, Jisas Kraist pruanka ba mita, yawan nanara pri pali Dawan wal aisaia watla ba ra dimi waia sip sa, Jisas Kraist tâlia ba mita. 20Witin mita tempel kwalka paman bâk, yawan ra yabal kum rayakira param saki wankan sa, baha tânka ba lika, ai wîna tara ba bâk. 21Jisas sika wan prîska tara, Gâd watla tâura aimaki ba. 22Baha mita, kaisa yawan wan kupia tânka kunin âpu bara kasak lukan lâka sin kasak pali brih, Gâd lamara waia; kan witin mita wan kupia nani ba klin daukan sa, yawan ba saurka dukiara pâtkira banhwisa lukbia apia dukiara, bara wan wîna tara nani ba lî tâski âpu ni sikban sa.#Lib 8.30; Isi 36.25. 23Yawan lika Gâd pliki lâka mita, wan kainara diara briaia bîla kaiki ba aihka lakras pali ban alki bri kap, kan Gâd ba yawan ra pramis daukan ba kat witin daukbia. 24Bara yawan pana pana wan walka nani ra hilp munaia trai kaikaia sa, latwan lâka bri kaia bara diara yamni nani sin dauki kaia. 25Yawan asla aidrubi lâka dauki ba swiaia apia sa, upla tila nani dauki ba baku. Baku daukaia watlika ra, yawan pana pana wan walka nani aikuki wan tâ baikaia sa, bara kau pali nanara Dawan yua ba pat baila kan kaiki ba.
26Kan yawan kasak lâka tânka ba kakaira si, wan kupia wina kaiki saura daukisa kaka, wan saurka nani dukiara kli sakripais wala âpu sa. 27Yawan diara wala âpu sa, lâ daukan sibrinkira pali ba bîla kaikaia baman, bara pauta klauhan laptikira ba, Gâd waihla nani angki tikaia ba sin.#Ais 26.11. 28Upla kum Moses lâka ba bîla lulkuya, bara witnis wâl, apia kaka yumhpa witin mapara sa kaka, umpira kaikras pali uplika ba prura pâtka ra mangkisa.#Kli S 17.6; 19.15. 29Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba,#Imp St 24.8; Hib 13.20. bara baha ni sin uplika ba holikira daukan sa. 30Yawan kaikisa Dawan ba naku aisan: “Upla ra klala yaia ba yang mihti ra sa; yang mita sika aibapamna ba.”#Kli S 32.35. Bara naku sin aisisata: “Dawan ba ai uplika nani lâka daukbia.”#Kli S 32.36. 31¡Gâd rayakira ba mihta ra kauhaia lika diara saura pali sa!
32Patitara piua ra man nani ra dîa dîa takan ba, kupiam krauki bas. Baha yua nani ra Gâd ingnika ba, man nani puramra ingwan ningkara, aiklabanka tara kum pâtka nani wahwi, ban bapi buram. 33Man nani tilam wina tila nani upla sut mawanra saura mai wih, saura sin mai munan, bara piu wala nani ra lika man nani ba upla wala nani nahmuna trabilka nani bri kan ba aikuki asla brih wahwaia ridi katma. 34Man nani silak watla ra nani kan ba ra umpira kaikram, bara dukiam nani mihtam dakbi kan ba ra sin liliakira kiki kapram, kan kaiki kapram man nani ba kasbrika purara diara kau pain kum brisma, bara baha ba ban kaia ra bâra ban sa. 35Baku bamna, lukankam brisma ba tikpara, baha mana tara kum maikbia bamna. 36Man nani ba wihka bîla kaikaia lâka want sma, bara baku mika sip kama Gâd kupia lâka ba kat dauki, witin mita dîa pramis daukan ba briaia. 37Kan Ulbanka ba wisa:
“Kau piu wiria lupia baman,
witinka balaia ba pat balbia;
witin kau sin takaskbia apia.
38Sakuna yang upliki kasakkira ba lika,
kasak luki raya iwi kabia,
sakuna witin ai ninara tawbia kaka,
witin dukiara lilia kamna apia.”#Ab 2.3-4.
39Yawan lika ai ninara tawan bara sauhki tiki ba uplika nani apia sa. Sakuna, yawan na kasak lukan lâka brisa bara swaki sin wan sakan sa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2010 Bible Society in Nicaragua