Daniel TÂ BÎLA NANI
TÂ BÎLA NANI
Daniel wauhkataya ba ulban, Ju nani ba rausauhkan bara taiban lâka ra pât wahwi kan piua nani ra. Diara aihka nani kaikanka bara sturi takan tânka aisanka bâk, âiulbra ba trai munisa nahki kasak lukan lâka bara Gâd lâka kat kulkaia ba, ai uplika nani tilara karna daukaia; bara tânka smalkaia baha traika kaikan lâka, witin nani ai purara ba.
Baku bamna, witin trai munisa baha nani ra yaka tânka briaia, Gâd kat bîla kaikanka bribia bara kasak lukanka sin, witin balbia hilp munaia dukiara, sauhki tikan kabia witin nani ra taiban lâka ra bri nani ra, bara kuntri karnika ba kli pas kata baku daukbia.
Sturka na Nabucodonosor piua nani dukiara aisisa, bara sin Babilon ra dîa takan ba tânka dukiara. Tâura aimaki uplika nani ba sika, Ju wahmika nani kum kum alki priski brih wan nani ba; witin nani king saura kum kum wal prawi unsabisa, bara trai munisa yaka witin nani ba taiban lâka ra ai Gâdka ra kulkaia apia. Sakuna pât saura manis wal prawaia ba tilara, witin nani ai Gâdka wal wapni bara sin mayuni kan, baku sin ai uplika nani wal.
Wauhkataya ba ulbanka wâl ra baiki sakan sa. Pas ulbanka ba Daniel ai pânika nani wal dahra aisisa bara sin nahki king saura ba mapara aiklabi pura luan ba (sapta 1—6). Ulbanka pîska wala ba ra lika, ulban sa Daniel ra lilka aihka nani yumhpa marikan ba, sain ailal nani kira, king karnika manis pâwaia ba, bara sin kauhaia ba, baha lika tâ krikbia Babilon kingka lâka wal. Naha dukia nani takbia ba wal, kaina manis wan marikisa, tataibra nani kauhanka ba, bara Gâd uplika nani pura lubia ba (sapta 7—12).
Currently Selected:
Daniel TÂ BÎLA NANI: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua