ရှာန်လုကာ 24
24
အခန်း (၂၄)
ကိုယ်တော်ယေရှုအဆာတ် စားဟာန်းရီဘင်း
(ရှာန်မဿဲ ၂၈:၁-၁၀။ ရှာန်မာကု ၁၆:၁-၈။ ရှာန်ယောဟန် ၂၀:၁-၁၀)
1တနင်္ဂနွေမာန်းရာတ်#24:1 ဂျူးသမီဆာတာတ်ပင်း ဥပုသ်နေ့မာန်းရာတ်ကား စနေမာန်းရာတ်ထှာဘန်း ခုနှစ်ရက်တစ်ပတ်ပင်း ပထမဆုံးမာန်းရာတ်ထှာမှာ။ အတိုင်စောင်းရှီမှါခ့်ခါ အီးရှီတာတ်ကား အန်တာတ်ပြာန်ဆာန်သပဲဘင်း သွန်းဘင်းဆလောတေဒေ လာရီဘန်း ဆာန်းကျိုင်းဂူပါ လာန်ကြီးမှာ။ 2အန်တာတ်ကား အန်ဘင်းဘေထုတ်မှါခ့်ခါ ဆာန်းကျိုင်း ဂူပေါက်ဝတေ ပိတ်သပဲဘင်း လုံးကရှီတုံန်းတေ ဟော်ဝါဟော်ဝါကား လမ်းစာလားပါ ဖယ်သပဲဘင်းနာတေ ကတုံန်ငါန်မှာ။ 3အမှာတွာတ် အန်တာတ်ကား ဆာန်းကျိုင်းဂူနောင်းဘေဆာန်မှါခ့်ခါ ကိုယ်တော်ယေရှုအလောင်းတေ အကတုံန်ကြီးလူဘန်း။ 4အန်တာတ်ကား ဟာနိမ်ထှာရာန်မှာငှေါဘင်းတေ စဉ်းစားသလားအလူ ထှာနင်းကြီးမှါခ့်ခါ အကြီးကျယ်ယားဘင်းဆာန်ဆုန် လုံးပုံပုံတုံန်းတေတော်ပဲဘန်း သမီဆာကလိန်းဟူးကား ဗြုန်းစားတုံန်း ပေါ်ဒီဘန်း အန်တာတ်ပိုက်ပေ စပ်ပန်းနင်းမှာ။ 5အီးရှီတာတ်ကား အကြီးကျယ်စါတ်ကြီးရာန်ဘန်းနာ ဟလာန်းတေ ကာစေါက်ပါ ငွတ်ပန်းနင်းကြီးဘင်းအတွာတ် အန်ဘင်းဆိတ်ကလိန်းဟူးရီးဒါး “ရှီဘင်းဆိတ်တာတ်တေပဲဘင်း ဆာန်းကျိုင်းဂူဘေ ဟမာန်အတွာတ် အဆာတ်စားဘင်းဆိတ်တေ ဒီဘန်း သန်နင်းကြီးတေ။ 6ကိုယ်တော်ကား အဘင်းဘေအဘိုဘန်း။ ဟိန်ကား အဆာတ်စားလဟာန်းပဲဘန်း။ ဂါလိလဲဘေ ဟနိမ်ယောက် အတူတူငှါနင်းမှါခ့်ခါ ကိုယ်တော်ကား ဟနိမ်တေ ဟာနိမ်မိန့်သည်ဘင်းနာတေဒေ ဆတီးလူကြီး။ 7ကိုယ်တော်ကား ‘သမီဆာဆားတော်ကား အမဲဘင်းအပြစ်ဆားတာတ် တဟူးနောင်းပါ အပ်သလား ခံသထှာကူထှာဘန်း တာပ်ပါးကပ်ပင်းတိုင်ဘေ တာန်သဘန်း သာန်းရှီးကြီးကူ။ အန်နိမ်စါန်းငှေါဒီ ဟိန်ကား ဆွန်းရာတ်ထုတ်မားမာန်းရာတ်ပေ ပြန်သဘန်း အဆာတ်စားဟာန်းရီကူ’ ညယ် မိန့်သည်လားအချီနော်” ညယ် ငှေါကြီးမှာ။ 8အန်၌မှါခ့်ခါ အန်ဘင်းအီးရှီတာတ်ကား ကိုယ်တော်ယေရှု မိန့်သည်ဘင်းနာတေဒေ ဆတီးလူကြီးရာန်မှာ။
9အန်တာတ်ကား ဆာန်းကျိုင်းဂူဟက် လာန်ဟာန်းဘဲကြီးဘန်း သာဝကရှစ်နူဘန်းဟော်ဝါယောက် တခြားဘင်းသမီဆာတာတ်တေ အန်ဘင်းအကြောင်းအရာတေဒေ ငှေါကာမှာ။ 10သာဝကတာတ်တေ အန်ဘင်းအကြောင်းတေဒေ ငှေါကာဘင်းအီးရှီတာတ်ကား မာဂဒလထိန်ဘင်းအီးရှီ မာရိ၊ ယောဟန္န၊ ယာကုပ်ပင်းအမယ်ထှာဘင်း မာရိယောက် အန်တာတ်ယောက်အတူတူငှါနင်းဘင်း တခြားဘင်းအီးရှီတာတ် ထှာကြီးမှာ။ 11သာဝကတာတ်ကား အန်ဘင်းအီးရှီတာတ် ငှေါဘင်းတူးတေဒေ အဓိပ္ပာယ်အဘိုဝါးညယ် ထာန်သနင်းကြီးဘင်းအတွာတ် အန်တာတ်ကား အယုံသကြီးရား။ 12အန်နိမ်စါန်းငှေါဒီဒါး ပေတရုကား ရဲဘန်းနာ ဆာန်းကျိုင်းဂူပါ ကာပ်လာန်ဘဲမှာ။ ဟိန်ကား အန်ဘင်းဘေ ထုတ်မှါခ့်ခါ ဆာန်းကျိုင်းဂူနောင်းဘေ ငုံ့သဘန်းယူဝါမ်မှါခ့်ခါ ကိုယ်တော်အလောင်းတေ ပတ်သပဲဘင်း ပိတ်စဆတေ၌ဆာ ကတုံန်လူဘန်းလား။ အမှာတွာတ် ဟိန်ရီးဒါး ဟာနိမ်ထှာရာန်မှာငှေါဘင်းနာတေ စဉ်းစားသဘန်း ကျေမ်းပါလာန်ဟာန်းဘဲမှာ။
ကိုယ်တော်ယောက်ကတုံန်ကြီးဘင်းတပယ့်တော်ကလိန်းဟူး
(ရှာန်မဿဲ ၁၆:၁၂-၁၃)
13အန်ဘင်းမာန်းရာတ်ပေ ကိုယ်တော်ယေရှုဘင်း တခြားတပယ့်တေနောင်းဟက် ကလိန်းဟူးကား ဂျေရုဆလင်ဟက် ခုနှစ်မိုင်လမ်းစာဘင်း ဧမောက်ထိန်ပါ လာန်ကြီးမှာ။ 14အန်နိမ်လာန်နင်းကြီးမှါခ့်ခါ အန်တာတ်ကား စီးရီဘင်းမာန်းရာတ် အစစ်ဆာမှါခ့်ခါ ထှာရီဘင်း အကြောင်းတေယောက် ပတ်သက်သဘန်း အချန်းချန်းငှေါနင်းကြီးမှာ။ 15အန်တာတ်ကား လမ်းဘေ ဟော်ဝါယောက်ဟော်ဝါ ငှေါဘန်းတိုင်ပါန်သနင်းကြီးမှါခ့်ခါ ကိုယ်တော်ကား အန်တာတ်ပိုက်ပါလာန်ဘန်း အန်တာတ်ယောက်အတူတူ လမ်းသယ်မောက်မှာ။ 16အန်နိမ်စါန်းငှေါဒီ ဘုရားရှာန်ကား အန်တာတ်တေ ကိုယ်တော်ယေရှုတေ အမှတ်မိသကွန်း အွန်ဘန်းပဲမှာ။
17ကိုယ်တော်ကား အန်တာတ်တေ “ဟနိမ်ကား လမ်းဟာစါတ် ဟာဘင်းအကြောင်းတေဒေ တိုင်ပါန်သနင်းကြီးတေ” ညယ် စိန်ယူမှါခ့်ခါ အန်တာတ်ကား မန်းတေညိုးသဘန်း စပ်ပန်းနင်းကြီးမှာ။ 18အန်တာတ်နောင်းဟက် ကလောဖကော်ဘင်းဆိတ်ကား ကိုယ်တော်ဒေ “နာန်ကား စီးရီဘင်း မာန်းရာတ်အစစ်ဆာမှါခ့်ခါ ထှာရီဘင်းနာတေဒေ အမိန်းရှာတ်ခါညယ် ဂျေရုဆလင်မြို့ဘေ ထိန်ကွပ်ဒီဘင်း နန်ထှာထှာကူ” ညယ် ငှေါမှာ။
19ကိုယ်တော်ရီးဒါး “ဟမာန်တေထှာရီတေ” ညယ် စိန်ယူမှါခ့်ခါ အန်ဘင်းဆိတ်ကား “နာဇရက်မြို့ဆား ကိုယ်တော်ယေရှုယောက် ပတ်သက်သဘင်း အကြောင်းအရာတေ ထှာရီလားထှာမှာ။ ဟိန်ကား ပရောဖက်ဟော်ဝါထှာဘန်း ဘုရားရှာန်ယောက် သမီဆတာတ်မန်းဘေ ဟိန်ဘင်းဟောသကာ ဆွောန်သကာဘင်းတေယောက် အွန်နီဘင်းနာအားလုံးကား တန်ခိုးအာဏာယောက် ပြေ့စုံသမှာ။ 20အန်နိမ်စါန်းငှေါဒီ အလေဘင်း ဂျူးပုရောဟိတ်ဟလာန်းစါတ်တုံန်းတာတ်ယောက် ဂျူးသမီဆာ ဟလာန်းစါတ်တာတ်ကား ဟိန်ဒေရင်ဘန်း ရှီးဘင်းဒဏ်တေအီဒင် ရောမအာဏာပိုင်တာတ် သဟူးနောင်းဘေ အပ်သကြီးရာန်မှာ။ အန်ဘင်းအာဏာပိုင်တာတ်ကား ဟိန်ဒေ သာန်းရှီးဘင်းအမိန့်ချသဘင်းအတွာတ် ဟိန်ကား တာပ်ပါးကပ်ပင်းတိုင်ဘေ တာန်သဘန်း သာန်းရှီးကြီးရီမှာ။ 21အန်ဘင်းအရှာန်ကား အလေဘင်း အစ္စရေးသမီဆာတာတ်တေ ရန်သူတာတ်သဟူးဟက် လွောပ်သစိန်းဒင် ကယ်တာန်သအီကူဘင်း မေရှိယအရှာန်ထှာမှာညယ် အလေ မန်တာတ်ကြီးရီမှာ။ အန်နိမ်စါန်းငှေါဒီ အန်ဘင်းနာတေ ထှာရီဘင်းနာကား ဆွန်းရာတ်မှါတ်ပန်းထှာမှာ။ 22အန်နိမ်စါန်းငှေါဒီ အလေနောင်းဟက် အီးရှီစယ်ယာကား အံ့ဩသထာတ်မဲဘင်းနာတေဒေ အလေတေငှေါကြီးရီမှာ။ အန်တာတ်ကား အရာတ်မှါတ် အတိုင်စောင်းရှီ ဆာန်းကျိုင်းဂူပါလာန်မှါခ့်ခါ 23ကိုယ်တော်ဘင်းအလောင်းတေ အကတုံန်ကြီးရီရား။ အန်ဘင်းအပြာန် အန်ဘင်းအီးရှီတာတ်ကား ကိုယ်တော်ယေရှု အဆာတ်စားဟာန်းပိန်ညယ် ငှေါဘင်း မဲဘင်းဟမန်းတာတ်ယောက်ရီးဒါး ကတုံန်ရီမှာညယ် အလေပါ ဒီဟာန်းဘန်းငှေါကြီးမှာ။ 24အမှာတွာတ် အလေနောင်းဟက် သမီဆာစယ်ယာရီးဒါး ဆာန်းကျိုင်းဂူပါလာန်ဘန်း ယူဝါမ်မှါခ့်ခါ အန်ဘင်းအီးရှီတာတ်ငှေါရီဘင်းအတိုင်း ကိုယ်တော်ယေရှုဘင်းလာန်တေ အကတုံန်ကြီးရီရား” ညယ် ငှေါကြီးမှာ။
25စီးမှါခ့်ခါ ကိုယ်တော်ကား အန်တာတ်တေ “ဟနိမ်ဟမာန်အတွာတ် အနားလည်သရန်ကြီးတေ။ ပရောဖက်တာတ် မိန့်သည်ဘင်းနာတေဒေ ယုံကြည်သဒင်အတွာတ် ဟမာန်တွာတ် ခါတ်ခဲသနင်းကြီးတေ။ 26မေရှိယကား ဟိန်ဘင်း ဘုန်းတန်ခိုးတော်တေအထာန်ရှားသချီ ဒုက္ခဝေဒနာတေဒေ ခံသထှာဘန်း ရှီးထှာကူညယ် ပရောဖက်တာတ် ရှာန်းရှာန်းလာန်းလာန်း ဟောသပဘဲရီမှာအချီနော်” ညယ် ငှေါမှာ။ 27စီးမှါခ့်ခါ ကိုယ်တော်ကား မောရှေယောက် ပရောဖက်တာတ် ရေးသပဲဘင်း ကျမ်းကျိန်းတေအကုန်လုံးဘေ ရေးသပဲဘင်း ဟိန်အကြောင်းဒေ အန်ဘင်းကလိန်းဟူးနင်း ရှာန်းသကာမှာ။
28အန်တာတ် လာန်နင်းဘင်း ထိန်ပိုက်ပေထုတ်မှါခ့်ခါ ကိုယ်တော်ကား လမ်းစာလားပါ ဆာတ်သဘန်းလာန်ကူဘင်းပုံတေ ကတုံန်ဘင်းအတွာတ် 29အန်တာတ်ကား “စမိတ်ဆာန်ဘန်း ဟလာန်းနာတ်ကဘန်းဘင်းအတွာတ် အလေယောက်အတူတူ နားသော” ညယ် ကိုယ်တော်ဒေ ကော်မှာ။ အမှာတွာတ် ကိုယ်တော်ဒေ အန်တာတ်ယောက်အတူတူ နားသဒင် ကျေမ်းနောင်းပါ ဆာန်မှာ။
30အစစ်ဆာမှါတ်မှါခ့်ခါ အန်တာတ်ကား ယုတ်တင် စားပွဲဝိုင်းဘေထုံန်းငါန်မှာ။ ကိုယ်တော်ကား ပေါင်မုန့်စယ်ယာတေ လာဘန်း ဘုရားရှာန် ကျေးဇူးတော်တေ ချီးမွမ်းသမှာ။ စီးမှါခ့်ခါ ပေါင်မုန့်တေ လပိုက်ပန်း အန်တာတ်နင်း အီရာန်မှာ။ 31အန်ကားအချိန်ဘေ အန်တာတ်ကား ကိုယ်တော်ဒေ ချတ်ချန်း မှတ်မိသဟာန်းကြီးရာန်မှာ။ အန်နိမ်စါန်းငှေါဒီ ကိုယ်တော်ကား အန်တာတ်မန်းဟက် ချတ်ချန်း ကယာလာန်ပဲမှာ။ 32အန်၌မှါခ့်ခါ အန်တာတ်ရီးဒါး “ကိုယ်တော်ယေရှုကား လမ်းဘေ အလေယောက် တူးသပေါက်ပန်း ကျမ်းကျိန်းအဓိပ္ပာယ်တေဒေ ရှာန်းသကာနင်းမှါခ့်ခါ အလေအဆေင်နောင်းဘေ အကြီးကျယ် အံ့ဩသဘန်း ပျော်သနင်းမှာညယ် ခံစားသထှာနင်းမှာအချီနော်” ညယ် အချန်းချန်း ငှေါနင်းကြီးမှာ။
33စီးမှါခ့်ခါ အန်တာတ်ကား ချတ်ချန်းရဲဘန်း ဂျေရုဆလင်မြို့ပါ လာန်ဟာန်းကြီးမှါခ့်ခါ သာဝကရှစ်နူဘန်း ဟော်ဝါတာတ်ကား တခြားဘင်းတပယ့်တာတ်ယောက် အတူတူ စုရုံးသဘန်းနင်းကြီးဘင်းနာတေ ကတုံန်လူမှာ။ 34အန်ဘင်းစုသနင်းဘင်းဆိတ်တာတ်ကား “အရှာန်ကား အဆာတ်ပြန်သဘန်း စားဟာန်းရီဘန်း ရှိမုန်ဒေ ထာန်ထာန်ရှားရှား ကိုယ်ထာန်ကာရီဘင်းနာကား အဟုတ်မလပ်ထှာမှာ” ညယ် ငှေါကာကြီးမှာ။ 35အန်၌မှါခ့်ခါ ဧမောက်ထိန်ဟက် ဒီဟာန်းဘင်း သမီဆာကလိန်းဟူးရီးဒါး လမ်းဘေ ခရီးဟာနင်းစါတ် အန်တာတ်တေ ကိုယ်တော်ယေရှု ဟာနိမ် ကိုယ်ထာန်ကာဘင်းနာယောက် ပေါင်မုန့်ဒေ လပိုက်မှါခ့်ခါ ကိုယ်တော်ယေရှုထှာမှာငှေါဘင်းအကြောင်း အန်တာတ်ဆတီးလူကြီးရာန်ဘင်းတေ ငှေါကာကြီးမှာ။
ကိုယ်တော်ကားတပယ့်တာတ်တေကိုယ်ထာန်ကာဘင်း
(ရှာန်မဿဲ ၂၈:၁၆-၂၀။ ရှာန်မာကု ၁၆:၁၄-၁၈။ ရှာန်ယောဟန် ၂၀:၁၉-၂၃)
36အန်နိမ် တပယ့်တော်တာတ်ကား အန်ဘင်းအကြောင်းတေဒေ ငှေါနင်းမှါခ့်ခါ ကိုယ်တော်ကား အန်တာတ်ဘလန်းဘေ စပ်ပန်း “ဟနိမ်ဘေ အေးချမ်းသဘင်း ငှါစိန်းကိုင်ယုတ်” ညယ် မိန့်သမှာ။
37အန်နိမ်စါန်းငှေါဒီ အန်တာတ်ကား သရဲဒေ ကတုံန်နင်းမှာညယ် မာန်တာတ်ကြီးဘန်းနာ အံ့ဩသဘန်း စါတ်လာန်ပဲကြီးမှာ။ 38ကိုယ်တော်ရီးဒါး “ဟနိမ် ဟမာန်တွာတ် စါတ်နင်းကြီးတေ။ ဟမာန်းငှါး ဟနိမ် အဆေင်နောင်းဘေ သံသယတေ ဆာန်နင်းကြီးတေ။ 39ငါဘင်း တဟူးတေ၊ တာတေဒေယူဝါမ်။ အဟုတ်မလပ် ငါထှာမှာ။ ငါတေ ထိသစမ်းတာန်။ ဟမာန်တွာတ်ငှေါဘန်းတာတ်ငှေါ သရဲဘေ မလာ၊ မာတ်ကူအဘိုဝါး။ ငါဘေကား ဟနိမ်ကတုံန်ဘင်းအတိုင်း မလာတေ၊ မာတ်ကူတေငှါမှာ” ညယ် မိန့်တော်မူသမှာ။
40ကိုယ်တော် အန်နိမ်မိန့်သစီးဘန်းနာ အန်တာတ်တေ ဟိန်သဟူးတေ တာတေဘေငှါဘင်း ရှီဖေင်တေဒေ ကာမှာ။ 41တပယ့်တော်တာတ်ရီးဒါး အယုံကြည်သရန်ကွန်း အံ့ဩဒနင်းကြီးဘန်းနာ အကြီးကျယ်မွန်းဘန်း နင်းကြီးမှာ။ စီးမှါခ့်ခါ ကိုယ်တော်ကား အန်တာတ်တေ “အဘင်းဘေ ယုတ်တင် စားနူစားနာငှါလဲ” ညယ် စိန်ယူမှာ။ 42အန်၌မှါခ့်ခါ အန်တာတ်ကား တာန်းငှါကားတွောမ်နာတေ အီရာန်မှာ။ 43ကိုယ်တော်ရီးဒါး လာဘန်း အန်တာတ်မန်းဘေ ယုတ်အာန်မှာ။
44စီးမှါခ့်ခါ ကိုယ်တော်ကား “ငါကား ဟနိမ်ယောက်အတူတူငှါနင်းမှါခ့်ခါ မောရှေပညတ်ကျမ်း၊ ပရောဖက်တာတ်ပင်းကျမ်းတေယောက် ဆာလံကျမ်းဘေ ရေးသပဲဘင်း ငါယောက်ဆိုင်သဘင်း အကြောင်းအရာဆွန်ကွန်းကား ပြေ့စုံဒီကူညယ် ဟနိမ်တေ ငါငှေါရီမှာ” ညယ် မိန့်တော်မူသမှာ။
45စီးမှါခ့်ခါ ကိုယ်တော်ကား အန်တာတ်တေ ကျမ်းကျိန်းဒေ နားလည်သစိန်းဒင် ရှာန်းသကာမှာ။ 46ကိုယ်တော်ကား “ကျမ်းကျိန်းဘေ မေရှိယကား ဒုက္ခဆာန်းရဲတေဒေ ခံသထှာဘန်း ဆွန်းရာတ်မှါတ်မှါခ့်ခါ အဆာတ်စားဟာန်းရီကူ။ 47မေရှိယတေ ယုံကြည်သဘင်းဆိတ်တာတ်ကား ဂျေရုဆလင်ဟက်စသဘန်း ကမ္ဘာစောက်ပေငှါဘင်း သမီဆ၌တိုင်းပါလာန်ဘန်း ဘုရားရှာန် ခွာမ်းလွှတ်သဘင်းတေလူတင် အန်တာတ်အပြစ်တေဒေ ရပ်သဘန်း နောင်တလူစိန်းဒင် ဟောသကာ ဆွောန်သကာကြီးထှာကူ ညယ် ရေးသပဲမှာ။ 48ဟနိမ်ကား အန်ဘင်းအကြောင်းအရာတေဘင်း မျက်မြင်သက်သေတေထှာကြီးမှာ။ 49အရာတ်ငါကား ငါအဝါဘုရားရှာန် အီပဲဘင်းကတိအတိုင်း ဟနိမ်ပါ ဉာဏ်အလင်းတော်ဒေ တာတ်အီကူ။ အန်နိမ်စါန်းငှေါဒီ ဉာဏ်အလင်းတော်ကား ရွှေမြို့တော်ဟက်ဒီဘန်း ဟနိမ်တေ တန်ခိုးတော်တေ အီဘင်းအချိန်ထုတ်ကွန်း ဂျေရုဆလင်မြို့ဘေ ဒဲဘန်းနင်းကြီး” ညယ် မိန့်သမှာ။
ရွှေမြို့တော်ပါကြွတာန်ဘင်း
(ရှာန်မာကု ၁၆:၁၉-၂၀)
50စီးမှါခ့်ခါ ကိုယ်တော်ကား တပယ့်တော်တာတ်တေကော်ဘန်းနာ မြို့ပြာန်ပါပူဘန်း ဗေသနိထိန်ပိုက်ပါ လာန်မှာ။ အန်ဘင်းနေရာဘေ ထုတ်မှါခ့်ခါ ကိုယ်တော်ကား တဟူးဒေမြှောက်သဘန်း တပယ့်တော်တာတ်ဆွန်ကွန်းဒေ မန်းအီလားခံသထှာကွန်းအတွာတ် ဆုစိန်အီမှာ။ 51အန်နိမ် ဆုစိန်နင်းမှါခ့်ခါ ကိုယ်တော်ယေရှုကား အန်တာတ်တေ ပပဲဘန်း ရွှေမြို့တော်ပါ ကြွသလာန်ဘဲမှာ။ 52တပယ့်တော်တာတ်ကား ကိုယ်တော်ယေရှုတေ သထူထောက်သဘန်း ဝိုင်သစီးမှါခ့်ခါ အကြီးကျယ်မွန်းဘန်းနာ ဂျေရုဆလင်မြို့ပါ လာန်ဟာန်းကြီးမှာ။ 53အန်တာတ်ကား ဗိမာန်တော်ဝါမ်းနောင်းဘေ ပုံမှန်အတိုင်းလာန်ဘန်း ဘုရားရှာန်ဘင်း ကျေးဇူးတော်တေ ချီမွမ်းသနင်းကြီးမှာ။
Currently Selected:
ရှာန်လုကာ 24: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 24
24
အခန်း (၂၄)
ကိုယ်တော်ယေရှုအဆာတ် စားဟာန်းရီဘင်း
(ရှာန်မဿဲ ၂၈:၁-၁၀။ ရှာန်မာကု ၁၆:၁-၈။ ရှာန်ယောဟန် ၂၀:၁-၁၀)
1တနင်္ဂနွေမာန်းရာတ်#24:1 ဂျူးသမီဆာတာတ်ပင်း ဥပုသ်နေ့မာန်းရာတ်ကား စနေမာန်းရာတ်ထှာဘန်း ခုနှစ်ရက်တစ်ပတ်ပင်း ပထမဆုံးမာန်းရာတ်ထှာမှာ။ အတိုင်စောင်းရှီမှါခ့်ခါ အီးရှီတာတ်ကား အန်တာတ်ပြာန်ဆာန်သပဲဘင်း သွန်းဘင်းဆလောတေဒေ လာရီဘန်း ဆာန်းကျိုင်းဂူပါ လာန်ကြီးမှာ။ 2အန်တာတ်ကား အန်ဘင်းဘေထုတ်မှါခ့်ခါ ဆာန်းကျိုင်း ဂူပေါက်ဝတေ ပိတ်သပဲဘင်း လုံးကရှီတုံန်းတေ ဟော်ဝါဟော်ဝါကား လမ်းစာလားပါ ဖယ်သပဲဘင်းနာတေ ကတုံန်ငါန်မှာ။ 3အမှာတွာတ် အန်တာတ်ကား ဆာန်းကျိုင်းဂူနောင်းဘေဆာန်မှါခ့်ခါ ကိုယ်တော်ယေရှုအလောင်းတေ အကတုံန်ကြီးလူဘန်း။ 4အန်တာတ်ကား ဟာနိမ်ထှာရာန်မှာငှေါဘင်းတေ စဉ်းစားသလားအလူ ထှာနင်းကြီးမှါခ့်ခါ အကြီးကျယ်ယားဘင်းဆာန်ဆုန် လုံးပုံပုံတုံန်းတေတော်ပဲဘန်း သမီဆာကလိန်းဟူးကား ဗြုန်းစားတုံန်း ပေါ်ဒီဘန်း အန်တာတ်ပိုက်ပေ စပ်ပန်းနင်းမှာ။ 5အီးရှီတာတ်ကား အကြီးကျယ်စါတ်ကြီးရာန်ဘန်းနာ ဟလာန်းတေ ကာစေါက်ပါ ငွတ်ပန်းနင်းကြီးဘင်းအတွာတ် အန်ဘင်းဆိတ်ကလိန်းဟူးရီးဒါး “ရှီဘင်းဆိတ်တာတ်တေပဲဘင်း ဆာန်းကျိုင်းဂူဘေ ဟမာန်အတွာတ် အဆာတ်စားဘင်းဆိတ်တေ ဒီဘန်း သန်နင်းကြီးတေ။ 6ကိုယ်တော်ကား အဘင်းဘေအဘိုဘန်း။ ဟိန်ကား အဆာတ်စားလဟာန်းပဲဘန်း။ ဂါလိလဲဘေ ဟနိမ်ယောက် အတူတူငှါနင်းမှါခ့်ခါ ကိုယ်တော်ကား ဟနိမ်တေ ဟာနိမ်မိန့်သည်ဘင်းနာတေဒေ ဆတီးလူကြီး။ 7ကိုယ်တော်ကား ‘သမီဆာဆားတော်ကား အမဲဘင်းအပြစ်ဆားတာတ် တဟူးနောင်းပါ အပ်သလား ခံသထှာကူထှာဘန်း တာပ်ပါးကပ်ပင်းတိုင်ဘေ တာန်သဘန်း သာန်းရှီးကြီးကူ။ အန်နိမ်စါန်းငှေါဒီ ဟိန်ကား ဆွန်းရာတ်ထုတ်မားမာန်းရာတ်ပေ ပြန်သဘန်း အဆာတ်စားဟာန်းရီကူ’ ညယ် မိန့်သည်လားအချီနော်” ညယ် ငှေါကြီးမှာ။ 8အန်၌မှါခ့်ခါ အန်ဘင်းအီးရှီတာတ်ကား ကိုယ်တော်ယေရှု မိန့်သည်ဘင်းနာတေဒေ ဆတီးလူကြီးရာန်မှာ။
9အန်တာတ်ကား ဆာန်းကျိုင်းဂူဟက် လာန်ဟာန်းဘဲကြီးဘန်း သာဝကရှစ်နူဘန်းဟော်ဝါယောက် တခြားဘင်းသမီဆာတာတ်တေ အန်ဘင်းအကြောင်းအရာတေဒေ ငှေါကာမှာ။ 10သာဝကတာတ်တေ အန်ဘင်းအကြောင်းတေဒေ ငှေါကာဘင်းအီးရှီတာတ်ကား မာဂဒလထိန်ဘင်းအီးရှီ မာရိ၊ ယောဟန္န၊ ယာကုပ်ပင်းအမယ်ထှာဘင်း မာရိယောက် အန်တာတ်ယောက်အတူတူငှါနင်းဘင်း တခြားဘင်းအီးရှီတာတ် ထှာကြီးမှာ။ 11သာဝကတာတ်ကား အန်ဘင်းအီးရှီတာတ် ငှေါဘင်းတူးတေဒေ အဓိပ္ပာယ်အဘိုဝါးညယ် ထာန်သနင်းကြီးဘင်းအတွာတ် အန်တာတ်ကား အယုံသကြီးရား။ 12အန်နိမ်စါန်းငှေါဒီဒါး ပေတရုကား ရဲဘန်းနာ ဆာန်းကျိုင်းဂူပါ ကာပ်လာန်ဘဲမှာ။ ဟိန်ကား အန်ဘင်းဘေ ထုတ်မှါခ့်ခါ ဆာန်းကျိုင်းဂူနောင်းဘေ ငုံ့သဘန်းယူဝါမ်မှါခ့်ခါ ကိုယ်တော်အလောင်းတေ ပတ်သပဲဘင်း ပိတ်စဆတေ၌ဆာ ကတုံန်လူဘန်းလား။ အမှာတွာတ် ဟိန်ရီးဒါး ဟာနိမ်ထှာရာန်မှာငှေါဘင်းနာတေ စဉ်းစားသဘန်း ကျေမ်းပါလာန်ဟာန်းဘဲမှာ။
ကိုယ်တော်ယောက်ကတုံန်ကြီးဘင်းတပယ့်တော်ကလိန်းဟူး
(ရှာန်မဿဲ ၁၆:၁၂-၁၃)
13အန်ဘင်းမာန်းရာတ်ပေ ကိုယ်တော်ယေရှုဘင်း တခြားတပယ့်တေနောင်းဟက် ကလိန်းဟူးကား ဂျေရုဆလင်ဟက် ခုနှစ်မိုင်လမ်းစာဘင်း ဧမောက်ထိန်ပါ လာန်ကြီးမှာ။ 14အန်နိမ်လာန်နင်းကြီးမှါခ့်ခါ အန်တာတ်ကား စီးရီဘင်းမာန်းရာတ် အစစ်ဆာမှါခ့်ခါ ထှာရီဘင်း အကြောင်းတေယောက် ပတ်သက်သဘန်း အချန်းချန်းငှေါနင်းကြီးမှာ။ 15အန်တာတ်ကား လမ်းဘေ ဟော်ဝါယောက်ဟော်ဝါ ငှေါဘန်းတိုင်ပါန်သနင်းကြီးမှါခ့်ခါ ကိုယ်တော်ကား အန်တာတ်ပိုက်ပါလာန်ဘန်း အန်တာတ်ယောက်အတူတူ လမ်းသယ်မောက်မှာ။ 16အန်နိမ်စါန်းငှေါဒီ ဘုရားရှာန်ကား အန်တာတ်တေ ကိုယ်တော်ယေရှုတေ အမှတ်မိသကွန်း အွန်ဘန်းပဲမှာ။
17ကိုယ်တော်ကား အန်တာတ်တေ “ဟနိမ်ကား လမ်းဟာစါတ် ဟာဘင်းအကြောင်းတေဒေ တိုင်ပါန်သနင်းကြီးတေ” ညယ် စိန်ယူမှါခ့်ခါ အန်တာတ်ကား မန်းတေညိုးသဘန်း စပ်ပန်းနင်းကြီးမှာ။ 18အန်တာတ်နောင်းဟက် ကလောဖကော်ဘင်းဆိတ်ကား ကိုယ်တော်ဒေ “နာန်ကား စီးရီဘင်း မာန်းရာတ်အစစ်ဆာမှါခ့်ခါ ထှာရီဘင်းနာတေဒေ အမိန်းရှာတ်ခါညယ် ဂျေရုဆလင်မြို့ဘေ ထိန်ကွပ်ဒီဘင်း နန်ထှာထှာကူ” ညယ် ငှေါမှာ။
19ကိုယ်တော်ရီးဒါး “ဟမာန်တေထှာရီတေ” ညယ် စိန်ယူမှါခ့်ခါ အန်ဘင်းဆိတ်ကား “နာဇရက်မြို့ဆား ကိုယ်တော်ယေရှုယောက် ပတ်သက်သဘင်း အကြောင်းအရာတေ ထှာရီလားထှာမှာ။ ဟိန်ကား ပရောဖက်ဟော်ဝါထှာဘန်း ဘုရားရှာန်ယောက် သမီဆတာတ်မန်းဘေ ဟိန်ဘင်းဟောသကာ ဆွောန်သကာဘင်းတေယောက် အွန်နီဘင်းနာအားလုံးကား တန်ခိုးအာဏာယောက် ပြေ့စုံသမှာ။ 20အန်နိမ်စါန်းငှေါဒီ အလေဘင်း ဂျူးပုရောဟိတ်ဟလာန်းစါတ်တုံန်းတာတ်ယောက် ဂျူးသမီဆာ ဟလာန်းစါတ်တာတ်ကား ဟိန်ဒေရင်ဘန်း ရှီးဘင်းဒဏ်တေအီဒင် ရောမအာဏာပိုင်တာတ် သဟူးနောင်းဘေ အပ်သကြီးရာန်မှာ။ အန်ဘင်းအာဏာပိုင်တာတ်ကား ဟိန်ဒေ သာန်းရှီးဘင်းအမိန့်ချသဘင်းအတွာတ် ဟိန်ကား တာပ်ပါးကပ်ပင်းတိုင်ဘေ တာန်သဘန်း သာန်းရှီးကြီးရီမှာ။ 21အန်ဘင်းအရှာန်ကား အလေဘင်း အစ္စရေးသမီဆာတာတ်တေ ရန်သူတာတ်သဟူးဟက် လွောပ်သစိန်းဒင် ကယ်တာန်သအီကူဘင်း မေရှိယအရှာန်ထှာမှာညယ် အလေ မန်တာတ်ကြီးရီမှာ။ အန်နိမ်စါန်းငှေါဒီ အန်ဘင်းနာတေ ထှာရီဘင်းနာကား ဆွန်းရာတ်မှါတ်ပန်းထှာမှာ။ 22အန်နိမ်စါန်းငှေါဒီ အလေနောင်းဟက် အီးရှီစယ်ယာကား အံ့ဩသထာတ်မဲဘင်းနာတေဒေ အလေတေငှေါကြီးရီမှာ။ အန်တာတ်ကား အရာတ်မှါတ် အတိုင်စောင်းရှီ ဆာန်းကျိုင်းဂူပါလာန်မှါခ့်ခါ 23ကိုယ်တော်ဘင်းအလောင်းတေ အကတုံန်ကြီးရီရား။ အန်ဘင်းအပြာန် အန်ဘင်းအီးရှီတာတ်ကား ကိုယ်တော်ယေရှု အဆာတ်စားဟာန်းပိန်ညယ် ငှေါဘင်း မဲဘင်းဟမန်းတာတ်ယောက်ရီးဒါး ကတုံန်ရီမှာညယ် အလေပါ ဒီဟာန်းဘန်းငှေါကြီးမှာ။ 24အမှာတွာတ် အလေနောင်းဟက် သမီဆာစယ်ယာရီးဒါး ဆာန်းကျိုင်းဂူပါလာန်ဘန်း ယူဝါမ်မှါခ့်ခါ အန်ဘင်းအီးရှီတာတ်ငှေါရီဘင်းအတိုင်း ကိုယ်တော်ယေရှုဘင်းလာန်တေ အကတုံန်ကြီးရီရား” ညယ် ငှေါကြီးမှာ။
25စီးမှါခ့်ခါ ကိုယ်တော်ကား အန်တာတ်တေ “ဟနိမ်ဟမာန်အတွာတ် အနားလည်သရန်ကြီးတေ။ ပရောဖက်တာတ် မိန့်သည်ဘင်းနာတေဒေ ယုံကြည်သဒင်အတွာတ် ဟမာန်တွာတ် ခါတ်ခဲသနင်းကြီးတေ။ 26မေရှိယကား ဟိန်ဘင်း ဘုန်းတန်ခိုးတော်တေအထာန်ရှားသချီ ဒုက္ခဝေဒနာတေဒေ ခံသထှာဘန်း ရှီးထှာကူညယ် ပရောဖက်တာတ် ရှာန်းရှာန်းလာန်းလာန်း ဟောသပဘဲရီမှာအချီနော်” ညယ် ငှေါမှာ။ 27စီးမှါခ့်ခါ ကိုယ်တော်ကား မောရှေယောက် ပရောဖက်တာတ် ရေးသပဲဘင်း ကျမ်းကျိန်းတေအကုန်လုံးဘေ ရေးသပဲဘင်း ဟိန်အကြောင်းဒေ အန်ဘင်းကလိန်းဟူးနင်း ရှာန်းသကာမှာ။
28အန်တာတ် လာန်နင်းဘင်း ထိန်ပိုက်ပေထုတ်မှါခ့်ခါ ကိုယ်တော်ကား လမ်းစာလားပါ ဆာတ်သဘန်းလာန်ကူဘင်းပုံတေ ကတုံန်ဘင်းအတွာတ် 29အန်တာတ်ကား “စမိတ်ဆာန်ဘန်း ဟလာန်းနာတ်ကဘန်းဘင်းအတွာတ် အလေယောက်အတူတူ နားသော” ညယ် ကိုယ်တော်ဒေ ကော်မှာ။ အမှာတွာတ် ကိုယ်တော်ဒေ အန်တာတ်ယောက်အတူတူ နားသဒင် ကျေမ်းနောင်းပါ ဆာန်မှာ။
30အစစ်ဆာမှါတ်မှါခ့်ခါ အန်တာတ်ကား ယုတ်တင် စားပွဲဝိုင်းဘေထုံန်းငါန်မှာ။ ကိုယ်တော်ကား ပေါင်မုန့်စယ်ယာတေ လာဘန်း ဘုရားရှာန် ကျေးဇူးတော်တေ ချီးမွမ်းသမှာ။ စီးမှါခ့်ခါ ပေါင်မုန့်တေ လပိုက်ပန်း အန်တာတ်နင်း အီရာန်မှာ။ 31အန်ကားအချိန်ဘေ အန်တာတ်ကား ကိုယ်တော်ဒေ ချတ်ချန်း မှတ်မိသဟာန်းကြီးရာန်မှာ။ အန်နိမ်စါန်းငှေါဒီ ကိုယ်တော်ကား အန်တာတ်မန်းဟက် ချတ်ချန်း ကယာလာန်ပဲမှာ။ 32အန်၌မှါခ့်ခါ အန်တာတ်ရီးဒါး “ကိုယ်တော်ယေရှုကား လမ်းဘေ အလေယောက် တူးသပေါက်ပန်း ကျမ်းကျိန်းအဓိပ္ပာယ်တေဒေ ရှာန်းသကာနင်းမှါခ့်ခါ အလေအဆေင်နောင်းဘေ အကြီးကျယ် အံ့ဩသဘန်း ပျော်သနင်းမှာညယ် ခံစားသထှာနင်းမှာအချီနော်” ညယ် အချန်းချန်း ငှေါနင်းကြီးမှာ။
33စီးမှါခ့်ခါ အန်တာတ်ကား ချတ်ချန်းရဲဘန်း ဂျေရုဆလင်မြို့ပါ လာန်ဟာန်းကြီးမှါခ့်ခါ သာဝကရှစ်နူဘန်း ဟော်ဝါတာတ်ကား တခြားဘင်းတပယ့်တာတ်ယောက် အတူတူ စုရုံးသဘန်းနင်းကြီးဘင်းနာတေ ကတုံန်လူမှာ။ 34အန်ဘင်းစုသနင်းဘင်းဆိတ်တာတ်ကား “အရှာန်ကား အဆာတ်ပြန်သဘန်း စားဟာန်းရီဘန်း ရှိမုန်ဒေ ထာန်ထာန်ရှားရှား ကိုယ်ထာန်ကာရီဘင်းနာကား အဟုတ်မလပ်ထှာမှာ” ညယ် ငှေါကာကြီးမှာ။ 35အန်၌မှါခ့်ခါ ဧမောက်ထိန်ဟက် ဒီဟာန်းဘင်း သမီဆာကလိန်းဟူးရီးဒါး လမ်းဘေ ခရီးဟာနင်းစါတ် အန်တာတ်တေ ကိုယ်တော်ယေရှု ဟာနိမ် ကိုယ်ထာန်ကာဘင်းနာယောက် ပေါင်မုန့်ဒေ လပိုက်မှါခ့်ခါ ကိုယ်တော်ယေရှုထှာမှာငှေါဘင်းအကြောင်း အန်တာတ်ဆတီးလူကြီးရာန်ဘင်းတေ ငှေါကာကြီးမှာ။
ကိုယ်တော်ကားတပယ့်တာတ်တေကိုယ်ထာန်ကာဘင်း
(ရှာန်မဿဲ ၂၈:၁၆-၂၀။ ရှာန်မာကု ၁၆:၁၄-၁၈။ ရှာန်ယောဟန် ၂၀:၁၉-၂၃)
36အန်နိမ် တပယ့်တော်တာတ်ကား အန်ဘင်းအကြောင်းတေဒေ ငှေါနင်းမှါခ့်ခါ ကိုယ်တော်ကား အန်တာတ်ဘလန်းဘေ စပ်ပန်း “ဟနိမ်ဘေ အေးချမ်းသဘင်း ငှါစိန်းကိုင်ယုတ်” ညယ် မိန့်သမှာ။
37အန်နိမ်စါန်းငှေါဒီ အန်တာတ်ကား သရဲဒေ ကတုံန်နင်းမှာညယ် မာန်တာတ်ကြီးဘန်းနာ အံ့ဩသဘန်း စါတ်လာန်ပဲကြီးမှာ။ 38ကိုယ်တော်ရီးဒါး “ဟနိမ် ဟမာန်တွာတ် စါတ်နင်းကြီးတေ။ ဟမာန်းငှါး ဟနိမ် အဆေင်နောင်းဘေ သံသယတေ ဆာန်နင်းကြီးတေ။ 39ငါဘင်း တဟူးတေ၊ တာတေဒေယူဝါမ်။ အဟုတ်မလပ် ငါထှာမှာ။ ငါတေ ထိသစမ်းတာန်။ ဟမာန်တွာတ်ငှေါဘန်းတာတ်ငှေါ သရဲဘေ မလာ၊ မာတ်ကူအဘိုဝါး။ ငါဘေကား ဟနိမ်ကတုံန်ဘင်းအတိုင်း မလာတေ၊ မာတ်ကူတေငှါမှာ” ညယ် မိန့်တော်မူသမှာ။
40ကိုယ်တော် အန်နိမ်မိန့်သစီးဘန်းနာ အန်တာတ်တေ ဟိန်သဟူးတေ တာတေဘေငှါဘင်း ရှီဖေင်တေဒေ ကာမှာ။ 41တပယ့်တော်တာတ်ရီးဒါး အယုံကြည်သရန်ကွန်း အံ့ဩဒနင်းကြီးဘန်းနာ အကြီးကျယ်မွန်းဘန်း နင်းကြီးမှာ။ စီးမှါခ့်ခါ ကိုယ်တော်ကား အန်တာတ်တေ “အဘင်းဘေ ယုတ်တင် စားနူစားနာငှါလဲ” ညယ် စိန်ယူမှာ။ 42အန်၌မှါခ့်ခါ အန်တာတ်ကား တာန်းငှါကားတွောမ်နာတေ အီရာန်မှာ။ 43ကိုယ်တော်ရီးဒါး လာဘန်း အန်တာတ်မန်းဘေ ယုတ်အာန်မှာ။
44စီးမှါခ့်ခါ ကိုယ်တော်ကား “ငါကား ဟနိမ်ယောက်အတူတူငှါနင်းမှါခ့်ခါ မောရှေပညတ်ကျမ်း၊ ပရောဖက်တာတ်ပင်းကျမ်းတေယောက် ဆာလံကျမ်းဘေ ရေးသပဲဘင်း ငါယောက်ဆိုင်သဘင်း အကြောင်းအရာဆွန်ကွန်းကား ပြေ့စုံဒီကူညယ် ဟနိမ်တေ ငါငှေါရီမှာ” ညယ် မိန့်တော်မူသမှာ။
45စီးမှါခ့်ခါ ကိုယ်တော်ကား အန်တာတ်တေ ကျမ်းကျိန်းဒေ နားလည်သစိန်းဒင် ရှာန်းသကာမှာ။ 46ကိုယ်တော်ကား “ကျမ်းကျိန်းဘေ မေရှိယကား ဒုက္ခဆာန်းရဲတေဒေ ခံသထှာဘန်း ဆွန်းရာတ်မှါတ်မှါခ့်ခါ အဆာတ်စားဟာန်းရီကူ။ 47မေရှိယတေ ယုံကြည်သဘင်းဆိတ်တာတ်ကား ဂျေရုဆလင်ဟက်စသဘန်း ကမ္ဘာစောက်ပေငှါဘင်း သမီဆ၌တိုင်းပါလာန်ဘန်း ဘုရားရှာန် ခွာမ်းလွှတ်သဘင်းတေလူတင် အန်တာတ်အပြစ်တေဒေ ရပ်သဘန်း နောင်တလူစိန်းဒင် ဟောသကာ ဆွောန်သကာကြီးထှာကူ ညယ် ရေးသပဲမှာ။ 48ဟနိမ်ကား အန်ဘင်းအကြောင်းအရာတေဘင်း မျက်မြင်သက်သေတေထှာကြီးမှာ။ 49အရာတ်ငါကား ငါအဝါဘုရားရှာန် အီပဲဘင်းကတိအတိုင်း ဟနိမ်ပါ ဉာဏ်အလင်းတော်ဒေ တာတ်အီကူ။ အန်နိမ်စါန်းငှေါဒီ ဉာဏ်အလင်းတော်ကား ရွှေမြို့တော်ဟက်ဒီဘန်း ဟနိမ်တေ တန်ခိုးတော်တေ အီဘင်းအချိန်ထုတ်ကွန်း ဂျေရုဆလင်မြို့ဘေ ဒဲဘန်းနင်းကြီး” ညယ် မိန့်သမှာ။
ရွှေမြို့တော်ပါကြွတာန်ဘင်း
(ရှာန်မာကု ၁၆:၁၉-၂၀)
50စီးမှါခ့်ခါ ကိုယ်တော်ကား တပယ့်တော်တာတ်တေကော်ဘန်းနာ မြို့ပြာန်ပါပူဘန်း ဗေသနိထိန်ပိုက်ပါ လာန်မှာ။ အန်ဘင်းနေရာဘေ ထုတ်မှါခ့်ခါ ကိုယ်တော်ကား တဟူးဒေမြှောက်သဘန်း တပယ့်တော်တာတ်ဆွန်ကွန်းဒေ မန်းအီလားခံသထှာကွန်းအတွာတ် ဆုစိန်အီမှာ။ 51အန်နိမ် ဆုစိန်နင်းမှါခ့်ခါ ကိုယ်တော်ယေရှုကား အန်တာတ်တေ ပပဲဘန်း ရွှေမြို့တော်ပါ ကြွသလာန်ဘဲမှာ။ 52တပယ့်တော်တာတ်ကား ကိုယ်တော်ယေရှုတေ သထူထောက်သဘန်း ဝိုင်သစီးမှါခ့်ခါ အကြီးကျယ်မွန်းဘန်းနာ ဂျေရုဆလင်မြို့ပါ လာန်ဟာန်းကြီးမှာ။ 53အန်တာတ်ကား ဗိမာန်တော်ဝါမ်းနောင်းဘေ ပုံမှန်အတိုင်းလာန်ဘန်း ဘုရားရှာန်ဘင်း ကျေးဇူးတော်တေ ချီမွမ်းသနင်းကြီးမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.