LUKA 20

Yezu akakoleli bokonzi bwande

(Mt. 21:23-27; Mk. 11:27-33)

1Mokolo mwawi, ntango ebeki Yezu akateyi, bato o Tempelo ya Libanza mpe abeki akasakoli nsango elau, bakonzi banganga Libanza mpe bateyi ba mibeko bayeki ombokande elongo na bampaka. 2Bamotuniki: Olokolela, okakeli makambo mana bokonzi ndei? Nzai obopei bokonzi mei? 3Yezu abaongidjeliki: nga mpe naka botuna motuna mwawi. Bonsangela, 4Yowane mobatisi akulisiki bato. Libanza amopeiki ndingisa ya lokela bona? To bampele ba mopeiki ndingisa ya lokela bona? 5Bamasiki lomanya bango nabango mpe bakoli: tokoloko te libanza akalotuna:bona mpo yandei boimwambolaka bito? 6Bo tokoli bato, bato banso baka loboma na mabanga mpo bato banso bakaambola te Yowane mobatisi alo Nzeni. 7Bona baongeiki: toiyeba moto opeiki Yowane mobatisi ndingisa bito! 8Yezu mpe abaongidjeli: nga mpe nde naibosangela bito bokonzi ndei buka keli nanga makambo ma!

Eyele dja basali babe badjala ya vino

(Mt. 21:33-46; Mk. 12:1-12)

9Bona Yezu amasiki lobakolela eyele ye: moto wawi aloniki djala dja vino, alipeki omboka basali badjaala mpo bafutela, bona akeiki mobembo mpoya ntango elai. 10Ontango ya lonoko mbuma, atomiki mosali wande omboka bafuteli badjala mpo bamopa ndambo ya mbuma ya vino. Kasi bafuteli badjala bamobetiki mpe bamoongei mpamba. 11Nkolo wa djala atomiki koba mosali mosu. Yo mpe bamo bati, bamokombi mpe bamoongei maboko mpamba. 12Bona atomiki koba mosali wa bato. Yo mpe bamo djokei mpe bamobwaki opio ya djaala 13bona nkolo wa djala dja vino akoliki: naka kelandei? Naka toma mwana wanga wa bolingo; mpe na manyeite baka motosa! 14Kasi ntango emweni bafuteli badjaala, bakoli bango nabango: Keka okakoma mu Nkolo wa djaala, tomoboma mpo djaala likoma dja biyo. 15Bona bamotombi libanda djadjala dja vino mpe bamobomiki. Bona wa nkolo djala dja vino akabakela boi? 16Akaya mpe akaboma bafuteli bana badjala mpe akapa djala na bato basu. Ntango eokiki bato bona, bakoliki na Libanza: tika 'te ekelama bito! 17Kasi Yezu abakekiki mpe atuniki: bona makambo makomama madjingi lokolo ndei: libanga litongi nabango ndako balibwaki, ekomi libanga dja nsonge ya ndako; dji lipeli ndako enso 18Moto yo oboyei Masiya alobo moto yo okpei libanga dja linene. Aka bukia nabitei. To alobo moto yo libanga dja linene limo kpeli. Akanyatama mpenza. 19Tu ontango yango, bateyi ba mibeko mpe banganga Libanza baasi nzela yalo kanga Yezu, mpambanya, baebiki te akoliki eyele ena mpoya bango. Kasi babangiki bato.

Eyano ya Yezu mpoya mpako ya Sezale

(Mt. 22:15-22; Mk. 12:13-17)

20Omokia, banganga Libanza bakonzi mpe balaki ba mibeko basiki libaku dja lokanga Yezu. Baboiki bato ba babeki bakakeli boto basembo mpe babatomiki omboka Yezu. Babeki na elikia 'te bato bana nde ba kangi Yezu omotambo mpo akolo likambo djawi dja libe mpo bamopa omaboko ma mokonzi mpe o bokonzi bwa moyangeli wa Loma. 21Ntango eyeki bato ba bamosala omboka Yezu, Bakoliki nande 'te: Moteyi toebi 'te mateya mau malo sembo, mpe oiba okodjinga moto wawi bito loleka moto mosu. Okoteya ntango inso yabwele na madjingi Libanza 'te bato bakela. 22Bona, bamotuniki: Elo balau mpoya biyo lofuta mpako omboka kaisala to bito? 23Kasi Yezu asosoli mayele mabango ma mabe, mpe akoliki nabango 24Undakela mosolo mwa palata ya Loma mu mukukela bango mpoya lofuta mpako. Unkolela elilingi ya djai mpe nkombo ya djai ekomami olikolo dja yango? 25Bampele bango baongeiki 'te: Elo elilingi ya kaisala mpe nkombo ya kaisala. Omokia Yezu akoliki nabango 'te: Bona boengeli lopa kaisala bikei biande. Mpe pa Libanza bikei bi bilo bia Libanza. 26Baikoka lomokanga bito na maloba mande oboo bwa bato; bakamoiki be mpoya eyano yande, mpe badjaliki nye.

Eyano ya Yezu mpoya lisekwa

(Mt. 22:23-33; Mk. 12:18-27)

27Omokia mu, ndambo ya basanduseyo baeki omboka Yezu. Bato babaka bakaamboli nya 'te Libanza asekwisa bato olowa. Batuniki, 28Moteyi moze alokomeliki bo: Te moto wawi awaka, te moto oweiki mpe abeki na mwali wande, mpe aitika bana bito,eboto yande aengeli abo mwali ona nalibala mpo abotela eboto yande owei bana. 29Ebeki olibota djoko bampele nsambo. Owa bo abaliki mwali mpe awei; kasi aitikaka bana bito. 30Owa babale abaliki bodjenge butikiki eboto yande kasi yo mpe aweiki aitikaka mwana bito. 31Likambo django likomeliki wa baato mpe. Nsuka-nsuka biboto bina binso nsambo ba abaliki mwali ona wa bodjenge mpe baweiki djanga na lobota. 32Mokia mwali mpe aweiki. 33Nayango, ntango ekasekwisa Libanza bato ontei ya bawei mpoya loba na bomoi, okaba moloi wande nzai? Mpo bango banso nsambo bamobaliki. 34Bona Yezu abaongidjeli: elo bato bamokili mu nde baka bala. 35Kasi bato bana ba baeni Libanza 'te babongi mpo yaloene bomoi bwango mpe losekwa utobawa nde baibalana bito. 36Mpe nde baiwa bito; mpambanya bakaba bo banzelu. Bakaba bana ba Libanza, mpo baka sekwa ontei ya bawei. 37Ata Moze aenisiki olikolo dja mwete mubeki muka djiki 'te bato babawa bakaba koba na bomoi. Moze akomiki 'te Libanza amibeki Libanza wa bankoko babio Abalayama, Isaka, mpe Yakobo ntango elai mokia baweiki. 38Aiba Libanza wa bato bawa bito. Kasi, alonde Libanza wa bato ba bomoi. Mpoya Libanza bato bande banso balo naino na bomoi. 39Bona bateyi ba mibeko bakoli: Motei, oyanoli nabolu. 40Bona moto na wawi bito aimotuna koba mituna.

Eyano ya Yezu mpoya bo moto bwa Klisto

(Mt. 22:41-46; Mk. 12:35-36)

41Bona Yezu akoliki nabango: mpo yandei bakakolo te klisto alo mwana wa Davidi? 42Mpambanya Davidi yo mpenza akoliki bo obuku bwa nzembo: Nkolo akoliki na nkolo wanga: djala oloboko langa la lele, 43tee ngonga ekakomisanga baini bau enyatelo ya makolo mau. 44Bona 'te klisto alo mpenza mokitani wa Davidi, mpo yandei Davidi amobekiki nkolo wande?

Yezu apameliki bateyi ba mibeko

(Mt. 23:6; Mk. 12:38-40)

45Wa ebekiki bato baka moki, akoliki na bayekoli bande: 46Bokeba na bateyi ba mibeko, bango bakadjinga lodjata na minkoto mia milai, mpe babapaa mambote omando. Bakandjinga mpe lodjala obiyoma bia lokumu omandako ma makita, mpe biyoma bia makita. 47Bazwi bikei bia madjenge omboka bango, mpe mokia bakasambela mabondeli ma malai mpo bato ba manya'te balo sembo. Libanza akapa bato bango etumbu ekali loleka bato banso.

Currently Selected:

LUKA 20: NDW

Highlight

Copy