LUKA 17
17
Gogomene nga donzo lilimbisa la engango
(Mt. 18:6-7; Mk. 9:42)
1Yesu gbotbo wamotima kayewo: Gbongo no eto tdé vo eto zanga le. Tda nyomo ka vono meto doma kpazeno gbongo ni to dole. Meto mudu. 2Etodola zuzu nga donzo ye kawo ii ga titbi to ngoye kawo mbuye to tdango, nga gbotboni megbo ga kpoa ka tdipile niyo to siti. 3Nga donzonzo yome ange kayo te to siti ko. Tda gavo kpoa no me enganya no mete to siti nzele tbeye, tda no me zinga tbaleye, limbisa ye.
(Mt. 18:21-22)
4Tda mame tbo siti dada sambo tonza kpakpa kpoa no me donga popomoye kpakpa kpekele limbisa ye.
Engango wadala tdenâ na mutarde
(Mt. 17:20)
5Wamotima wo gbotbo Yesu, sunga yaka a enga Moome la kpekpeke. 6Yesu dule tbowo: Yo dola engango ndzekeni wadala tdenâ na mutarde, yo tdé nga gbotbo Nâ waki tboni gozi kamoya tdu tamo tda tbale, tda eto zé gbongo kamo.
Yama wabili kwa
7Tdakpeno ga kpoa zetiyo nome la wabili kaye no tome bili tdugbiye kaye to wa hekpe ta pata, tdakpeno meto go tdugbiye, meto gbotbeye: Metde nga gbonganga tbeye do kié doto pa meza ka a hun-zoo la tdo dada kpoa? 8Kpoa le, tda moto gbotbeye yapa tbongo kamo tdezoma kama hun tda singanga moto hun-zoo kamo. 9Tda, mo tdenga ha melesi tbo wabili kamo le nga memema bili kaye nome tdenga me. La kitdatda etometaye wani le. 10Tda nga donzoyo, tdakpeno mo tomé mene kpekele no Moome gbotbiyo kayo me, tda yo togbo, yama wabili kwa tda ya la titili tbale.
Yesu kotbo vowo nzokpa kuli tbisi na koni na maba
11Yesu banda nga tdia la tdenzeli kayewo tongba na yelusaleme woya ko zengba na Samaliya la gangba na Galileya. 12Tdakpeno metipa to ga ngba kpoa, wakoniwo nzokpa la maba wodo nga Yesu, wo tdoto molaye. 13Wo banda nga gbogbo la kpekpeke: Yesu, gavo héya la nyomo! 14Tdakpeno Yesu héwo, megbo: Yo ya gotiyo tbo gavo ka Moome wo! Tdakpeno wo banda nga tdia, woma kotbo. 15Tdakpeno ga kpoa zetawo hé tboni yi kotbo, me dulangaye go nga Yesu tda me banda nga ndongo gaga ka Moome la kpesaniye. 16Mekpitito tdino Yesu tdaye gototo nga go zuzu. Mema vona ngba na Samaliya. 17Tda Yesu hinga ye: “Ma kotbo yo vo nzokpa, gagawo litbwa wo maswa? 18Zetiyo kpekele kpoa le nome dula ngaye nga ndongo Moome, boto ka wa yele waki?” 19Tda Yesu gbotbeye: Gozi ka mogo, mo hô engango kamo nga donzo Moome no e kotbo tdo.
Gaga ka Nzambe etodo mapa?
20Bafalisayi wo yinga Yesu, kpakpa nayi no gaga ka Moome tobu? Me gbotbowo: “Gaga ka Moome etodo la nzolo le.” 21Vo kpoa le zetiyo to gbotboni, hé, gaga ka Moome edabiki! Tda edabisono, kwale gaga ka Moome ezitiyo! 22Tda Yesu gbodabi tbo wamotima kaye, tdakpeno etodo no yoto dola nza nga hénga kpakpano noma tdekavo ma nga dole yoto hé le.
(Mt. 24:23-28)
23Vo togbo tbiyo, hé, wakotbo mesoyi, to wakotbo medabiki, yago mbaso ko nga giye. Yo ho dadano yotbo ko. 24Kwale, noma tdekavo matodo wadala so-so kama so tdakpe nga tdo ga kwa dada ngba nga bu tonza ga kwa dada, eno, vo kpekele woto hé noma kpakpano mato go. 25La ngambeyi ka metayé, etdé tboni mamudu tda wapatdato kawo kotdangoma.
(Mt. 24:37-41)
26Tdenge la mene no ebu tdapkekpe ka Nowa langambeyi ka mâ ni no ngô ha patdato kpekelegbo. Etodo kawani tdakpeno noma, tdekavo, ma todon patdato. 27La ngambeyi ka mani patdato, vokpekele wo banda dabi nga hun-zoo langa nzo, wo nsà dabi tawo ngbâ kpakpano Nowa la zute kaye no wotipa dabi tonza masuwa, no ngô doha patdato tda wokpekele wokpi. 28Eto mendo wa tango ka Lota, vowo banda dabi nga hun-zoo langa nzopé, vowo kpekele wo banda nga kotbo wanino womesana le, nga sele mene kawo, nga kpagbiye langa motete. 29To kpakpano zute ka Lota no ita gàngba na sodomo, wa ezon tdakpe wadala mâ ezon tda emovowo kpekele. 30Etodondo la kpakpa noma, Tdekavo mato doyindo. 31To kpakpani, novono meto don patete meto zon le nga ha mene kaye tonza tete. Dada kpoa, vo kpekele no meto do so tdugbiye mego tonza tete kaye le nga ha mene kaye. 32Yo tdenge la wose ka Lota, tdakpeno mese gbongo ka Moome tda me ekpé go sisili. 33Vono meto ye nga kotbo kulu kaye patdato waki meto baye. Tda vono meto yenga bà kulu kaye nga donzo nya meto kotbo. 34Magbo tbiyo la kitdatda, tdakpeno mato go, labiti no, vowo tbisi woto tda pagbagba kpoa: Moome to ha gaga tda meto ita gaga. 35Wose wo tbisi wodada kpoa nga gu kumu woto ha gaga kpoa tda wo ita gaga; 36Mose wo tbisi wo tonza gbiye nga kpagbiye, tda woto ha gaga kpoa tda woto ita gaga. 37Tdenzeliwo hinga ye: Dola meneni etometaye maswa? Yesu dule tbowo: “Dadano kô tbo, nuwo nino woto hun-kô woto dingitdatawo dabino.”
Currently Selected:
LUKA 17: GIX
Highlight
Copy
Compare
Share
Want to have your highlights saved across all your devices? Sign up or sign in
Gilima Bible by Beyond Translation is licensed under Creative Commons Attribution-ShareAlike 4.0 License.
