လုကာ 15
15
အခန်း (၁၅)
ကျုပ်ငဟော့သိုး
(မဿဲ ၁၈.၁၂-၁၄)
1နှုတ်တောတ်တာအခွန်ကုတ်ဟော့ချောင်ငဲ့လော့ အခွန်ကုပ်ဟော့ချောင်ငဲ့လော့ ဒုစရိုက်အပြစ်စိုးဝဲ့ယဟော့ ကိုယ်တော်ယေရှု တရားဝဲ့ အနာအာဝိုင်းတောက်ယနိဖိုးလူး။ 2အနီကြောင်းငို ဖာရိရှဲရဲ့လော့ ကျမ်းဟယ်ဟော့ဆရာငဲ့လော့ "နီချောင်ငဟော့ ဒုစရိုက်အပြစ်သားဝဲ့ဝို လက်ချောင်းလော့တဲ့ ယနိဝိုအတွက်တူဝါ အေအုပ်လော့ပအအွမ်း" သိမ်အပြစ်ယနိဟောက်တို့။ 3အနီပိစ ကိုယ်တော်ယေရှုလော့ ယနိယာ နီပုံဥပမာနီလှောက်အထုံပိတ်။ ကိုယ်တော်လော့ 4"နောင်နိဒီတ်ကာ ပေါတ်နောတ်နောတ်တာ သိုးအကုန်ချားဝတ် မွက်လော့သဲ့ ကုန်ငေတ် အကျုပ်ကနို ဘောင်နောင်နိစိုင်းရိုင်းရိုး၊ နီပဆိတ်ကာဆိတ် ကိုးဆယ့်ကိုးကုန်ငဟော့လိုင်ယာသောက်ကွက်လော့ ကျုပ်ဟော့သိုးဝဟော့ အခွန်းငှားရှောင်ရှေ့ အရွှီရိုင်ဆိတ်ကမိုး။ 5နောင်းလော့ ဟောနီထိုးငဟော့ အခွင့်ပေါ်ကနို ပျော်လော့တဲ့ အပါးဝါကိုယ့်လော့တဲ့ အင်းနာအပြန်လူးတို့ 6ယငဟော့ မိတ်ဆွေရဲ့ အင်းစိမ်းပွေးရဲ့လော့ ဘိတ်အိပ်လော့တဲ့ 'ကေ့ယာအကျုပ်ကဟော့ သိုးပြန်လော့ကခွန်းဘော်ဟီသိမ် ဟောက်လော့သဲ့ ပျော်ပွေးမစိုင်းရိုင်းသိမ် အဟောက်ဝိုင့်' သိမ်အဟောက်ဝဲ။ 7အနီကြောင်းငို နောင်နိယာကဟောက်ဝိုင့်ယဟော့ နောင်တသံဝေဂအလဝဲငဟော့ လိုငှားဟော့ချောင် ပေါင်းကိုးဆယ်ကိုး ထောက်ကာ နောင်တသံဝေဂ လလော့သဲ့ ပြန်လူးဟော့ဒုစရိုက်သားပေန်းနောတ် အတောတ်ရွှေမြို့တော်ဝါ ပိုလော့ ဝမ်းမြောက်မှုအလာ့အာဝိုင်း" သိမ်အမိန့်တော်မူတို့။
အကျုပ်ငဟော့ ငွေဒင်္ဂါး
8အနီပုန်ပိ ကိုယ်တော်ယေရှုလော့ ချောင်ထုပရိတ်တတ်ဝါ နောက်ထပ် ပုံဥပမာ အုဝေါဝို အမိတ်ဆိုတို့။ "ဟင်းစ ပဲပေါင်း ပဲဟာအမွက်ရာပြားဝေတ် အကျုပ်ကနိုဘောင်းအစိုင်းအရိုင်းရိုး။ မီးအိမ်ထွန်းလော့သဲ့ အင်းစလိုင်ရဲ့ ဟမ်းဖေ့ရိုဖိတ်လော့သဲ့ ခွန်းငှားဝါခွန်းအုံ ဂရုစိုက်လော့ အရွှီရိုင်ဆိတ်ကမိုး။ 9အနီနှတိုးနူးလော့ ငွေဒင်္ဂါးပြန်လော့အခွင်းပေါ်ပြီးစလော့မိတ်ဆွေ၊ အင်းစိမ်းပွေးရဲ့ဘိက်အိပ်လော့ 'အကျုပ်ကဟော့ ကေ့ဟင်းစ ကခွန်းဘော်ဟီကြောင်း အတွက်တူဝါ မပျော်ဝဲ' သိမ်အဟောက်ဝိုင့်။ 10တစ်လောက်ကာနိုး နောင် ချောင်ပေန်းနောတ် ဘုရားရှင်ငှာ နောင်တသံဝေဂဝို အလှည့်လူးကနို ဘုရားရှင်နောတ်ဒေဝါဝဲ့ဟော ယနိပျော်" သိမ်အဟောက်။
ကျုပ်ဟော့ငအစိုး
11ထောက်လော့သဲ့ ကိုယ်တော်ယေရှုလော့ နောက်ထပ် ပံဥပမာ အုဝေါတ်ဝို ထောက်လော့တဲ့ အမိန့်တော်မူဝို့။ "ချောင်ပေန်းနောတ်တာ အစိုးပေန်းဟိအမွက်။ 12နှတ်တောက်တာ အစိုးလော့ ယပအော်ဝါ 'ပအော်၊ ကေ့ကလအာသင့် အမွေငဟော့ အဖိုက်ပိတ်ကဲ့' သိမ်ဟောက်ပြီးစလော့ ယပအော်လော့ အစိုးပေါဟိဝါ အမွေအဖိုက်ပိတတ်တို့။ 13နိုက်စအောင်အကြာပိစ အစိုးညှောင်းလော့ အမွေရဲ့ရေးလော့တဲ့ငှားစငဟော့ လော့အောင်လော့တဲ့ နိုင်ငံခြားဝါ အစီ။ ယငဟော့ ဟောနီတိုင်းပြည်ဝါ အပျော်အပါး လိုက်စားလော့တဲ့ ယဟင်းစငဟော့ ဖြုးတီးတို့။ 14ယလော့ဟင်းစပေါတ်အုံအဆုံးပေါင်ပိစလော့ ထိုတိုင်းပြည်ဝါ အလင်းငဟော့ အအေးအုပ်ဗုန်း ကပ်ဆိုက်ကြောင်းငို ယငဟော့ဟော အအေးလ၊ အအုပ်လ ငှားဟော့ ဘဝဝါအဖိုးတို့။ 15နီကြောင်းငို ယလော့ အနီနိုင်ငံနာမွက်ဟော့ ချောင်ပေန်းနောတ်ငှာစိလော့သဲ့ ရှာက်အစိုင်းရိုင်းတောတ် ယအငှားဝိုင့်ယဟော့ အတုံးအုံ။ အနီချောင်လော့ ယအုပ်ကဲ့အထင်းရှောက်။ 16ယလော့ ကီးကယ်အဘို့အိုကြောင်းငို ဝုတ်ကဲ့လော့ ယနိအေးယဟော့ မှူးလော့သဲ့ အုပ်ကဲ့လော့အေးလာ့လှောက်ကာ ယလော့ဟော အအေးဝိုင့်။ ဆိတ်လော့ဟော ယဝါနီလော့ဟော မအေးဗုန်းပိတ်ကအို့။ 17နောက်ဆုံးငါ ယလော့ အသိစိတ်ဝေါင်လော့သဲ့ 'ကေ့ပအောင် အလုပ်သမားဝဲ့ပ အအေးဗုန်းမှို့အုံအေးလ။ ကေ့သဲ့ နီနေရာဝါ ငတ်ဟလော့ကဒူးဝိုင့်ဟီ။ 18ကေ့ပအောင်ငှာ တိုဝါထောင်ဟလော့ ပြန်ဟလော့သဲ့ ပအောင်ဝေါ ကေ့ယဟော့ ဘုရားရှင်နာ ပြစ်မှားဟလော့သဲ့ ပအောင်ဝါဟော့ ပြစ်ကမှားဘာန်ကြောင်းငို ကေ့ယာ အပြစ်အမွက်။ 19ကေ့ယာ ပအော်နစိုးသိမ် အပိတ်ဝဲငဟော့ပထိုက်တန်နဟူ၊ ကေ့ငဟော့ ပအော်အစေခံလှောက်ကာနော အသတ်မှတ်ဟီဘွေ့ သိမ် အဟောက်ဝိုင့်' ယလော့အစဉ်းစားတို့။ 20နီကြောင်းငို ယငဟော့ ထော့လော့တဲ့ယပအောင်အင်းနာပြန်ဘော်တို့။ ယပအောင်လော့ ယပြန်လူးငဟော့ အလှို့ဝါစထုလော့မှု့ပြီးစလော့ဟန်ဆောလော့တဲ့ စုံးလော့တဲ့ အောက်လော့တဲ့ အနှောင်းတို့။ 21အစိုးလော့ဟော 'ပအောင်ဝေါ၊ ကေ့လော့ ဘုရားရှင်နာ ပြစ်ကမှားဝတ်လော့သဲ့ ပအောင်ဝါဟော့ ကပြစ်မှားဝေါက်၊ ကေ့ယာကစိုး သိမ်အဘိက်အိက်ကိုင်းသိ' သိမ်အဟောက်။ 22ဆိတ်လော့ဟော ယပအောင်လော့ ယအစေခံနဲ့ယာ 'လူးဝေါတ်ပွယ်ရဲ့ မြန်မြန် လောက်ကွက်သလော့ ယဝါရှို့ဝဲ့။ ယကွက်တာခွေးစစ်နှောက်ဘွေ့တို့။ ယခူးဝါ ဖိနတ် စွတ်ပိတ်ကဲ့သို့။ 23အပေါင်ပိစလော့ အပွယ်ဟိုက်ဆုံး ဆိုပိုးကုန်ငေတ်သုတ်သိလော့တဲ့ မသိငဟော့ အအေးအုပ်ဗုန်း မဆင်နွှဲရိုင်။ 24ကေ့စိုးဝဟော့ အဒူးဟီ ဆိတ်လော့ဟော တိုဝါသဲ့ ပြန်လော့အဟိုင်ဘော်ဟီ ယကျုပ်လော့သဲ့ တိုဝါသဲ့ ပြန်လော့ကခွန်းဘော်ဟီ' သိမ်ဟောက်လော့သဲ့ စလော့ အအေးအုပ်ပွဲလင်း ရွှင်ပွေးယနိဆင်နွှဲတို့။ 25အနီအချိန်ငါ အစိုးလင်းလော့ လိုင်ယာရှာက်အစိုင်း။ ယ အင်းနာပြန်လော့အဖိုးပိစ သီချင်းဟောက်အလော့ ယနိလွန်းအွမ်နဟော့ အရောက်တို့။ 26နီကြောင်းငို ယလော့ အစေခံပေန်းနောတ် ဘိက်အိပ်လော့သဲ့ 'ဘောင်ခါ နော အမွက်ရိုး' သိမ်အစက်။ 27နီပိစလော့ အစေခံလော့ 'နောင်းနောင်အောင်အဖိုးလူးဘော်ဟီ။ ယငဟော့ ကျမ်းကျမ်းမာမာဝိုပြန်လော့ အဖိုးလူးပေါ်ကြောင်း နောင်းပအောင်လော့ အပွယ်ဟိုက်ဆုံးဆိုပိုး သုတ်ရှောက်လာ့သဲ့ အအေးအုပ်ပွဲလင်း ယနိစိုင်းနော' သိမ်အဖြေ။ 28အနီပိစ အစိုးလင်းဟော ကီးကယ်အလုန်ရှေးလော့သဲ့ အင်းနာဝေါင်ငယပအောင်ဝဟော့ ဆုလူးလော့သဲ့ အင်းနာအဝေါင်းငိုင်ဖြောင့်ပြတို့။ 29ဆိတ်လော့ဟော့ အစိုးလင်းလော့ ယပအော်ဝါ 'ကေ့လော့ ပအောင်ဝါ ခုကွန်းပေါင်းများစွာစို့ဟလော့ ပအောင်ဝါ အစေခံပေါတ်နောတ်လောက်ကာ ဆိတ်စိုင်းပိဟူလော့ ပအော်လော့ အဟောက်ငဟော့ဟော ပါဟောရောက်ငှားတစ်အုံ အွမ်းဟော့နဟူ။ ဆိတ်လော့ဟော ပအောင် လော့ကေ့အပေါင်းအသင်းနဲ့ဝို ကနိအေးရိုင်သိမ် ဘအယ်စအော် လူဝေါတ်ပ အပိတ်ဖူးဝသည်။ 30ဆိတ်လော့ဟော နီနစိုးလော့သဲ့ ပအောင်ဟင်းစဝဲ့ ပွယ်ငှားဟော့နှတိုးဝဲ့ရိုမနဲ ဖြုန်းတီးလော့သဲ့ ယအပြန်လူးဘော်ပိ အပွယ်ဟိုက်ဆုံးဆို သုတ်သလော့သဲ့ အအေးအုပ်ပွဲလင်း အကျင့်ပပိတ်' သိမ်အဟောက်။ 31အနီပိစ ယပအောင်လော့ဟော 'ကစိုးဝေါ၊ နောင်းသဲ့ ပအောင်ဝို အမြဲတမ်းနမွက် ကေ့ယာမွက်ဟော့ အရာအားလုံးနောင်းအတောတ်နောအဖြစ်။ 32ဆိတ်လော့ဟော နောင်နအောင်သဲ့ ဒူးလော့တဲ့ ပြန်လော့အဟိုင်လူးဘော်ကြောင်းငို။ ကျုပ်လော့အွမ်းနဟော့ ချောင်တိုဝါ မခွန်းဘော်ဟီကြောင်းငို မနိမနိပျော်သိ' သိမ် ပြန်လော့ အဟောက်ဘော်" သိမ်အဟောက်တို့။
Currently Selected:
လုကာ 15: CEY
Highlight
Share
Copy
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.
လုကာ 15
15
အခန်း (၁၅)
ကျုပ်ငဟော့သိုး
(မဿဲ ၁၈.၁၂-၁၄)
1နှုတ်တောတ်တာအခွန်ကုတ်ဟော့ချောင်ငဲ့လော့ အခွန်ကုပ်ဟော့ချောင်ငဲ့လော့ ဒုစရိုက်အပြစ်စိုးဝဲ့ယဟော့ ကိုယ်တော်ယေရှု တရားဝဲ့ အနာအာဝိုင်းတောက်ယနိဖိုးလူး။ 2အနီကြောင်းငို ဖာရိရှဲရဲ့လော့ ကျမ်းဟယ်ဟော့ဆရာငဲ့လော့ "နီချောင်ငဟော့ ဒုစရိုက်အပြစ်သားဝဲ့ဝို လက်ချောင်းလော့တဲ့ ယနိဝိုအတွက်တူဝါ အေအုပ်လော့ပအအွမ်း" သိမ်အပြစ်ယနိဟောက်တို့။ 3အနီပိစ ကိုယ်တော်ယေရှုလော့ ယနိယာ နီပုံဥပမာနီလှောက်အထုံပိတ်။ ကိုယ်တော်လော့ 4"နောင်နိဒီတ်ကာ ပေါတ်နောတ်နောတ်တာ သိုးအကုန်ချားဝတ် မွက်လော့သဲ့ ကုန်ငေတ် အကျုပ်ကနို ဘောင်နောင်နိစိုင်းရိုင်းရိုး၊ နီပဆိတ်ကာဆိတ် ကိုးဆယ့်ကိုးကုန်ငဟော့လိုင်ယာသောက်ကွက်လော့ ကျုပ်ဟော့သိုးဝဟော့ အခွန်းငှားရှောင်ရှေ့ အရွှီရိုင်ဆိတ်ကမိုး။ 5နောင်းလော့ ဟောနီထိုးငဟော့ အခွင့်ပေါ်ကနို ပျော်လော့တဲ့ အပါးဝါကိုယ့်လော့တဲ့ အင်းနာအပြန်လူးတို့ 6ယငဟော့ မိတ်ဆွေရဲ့ အင်းစိမ်းပွေးရဲ့လော့ ဘိတ်အိပ်လော့တဲ့ 'ကေ့ယာအကျုပ်ကဟော့ သိုးပြန်လော့ကခွန်းဘော်ဟီသိမ် ဟောက်လော့သဲ့ ပျော်ပွေးမစိုင်းရိုင်းသိမ် အဟောက်ဝိုင့်' သိမ်အဟောက်ဝဲ။ 7အနီကြောင်းငို နောင်နိယာကဟောက်ဝိုင့်ယဟော့ နောင်တသံဝေဂအလဝဲငဟော့ လိုငှားဟော့ချောင် ပေါင်းကိုးဆယ်ကိုး ထောက်ကာ နောင်တသံဝေဂ လလော့သဲ့ ပြန်လူးဟော့ဒုစရိုက်သားပေန်းနောတ် အတောတ်ရွှေမြို့တော်ဝါ ပိုလော့ ဝမ်းမြောက်မှုအလာ့အာဝိုင်း" သိမ်အမိန့်တော်မူတို့။
အကျုပ်ငဟော့ ငွေဒင်္ဂါး
8အနီပုန်ပိ ကိုယ်တော်ယေရှုလော့ ချောင်ထုပရိတ်တတ်ဝါ နောက်ထပ် ပုံဥပမာ အုဝေါဝို အမိတ်ဆိုတို့။ "ဟင်းစ ပဲပေါင်း ပဲဟာအမွက်ရာပြားဝေတ် အကျုပ်ကနိုဘောင်းအစိုင်းအရိုင်းရိုး။ မီးအိမ်ထွန်းလော့သဲ့ အင်းစလိုင်ရဲ့ ဟမ်းဖေ့ရိုဖိတ်လော့သဲ့ ခွန်းငှားဝါခွန်းအုံ ဂရုစိုက်လော့ အရွှီရိုင်ဆိတ်ကမိုး။ 9အနီနှတိုးနူးလော့ ငွေဒင်္ဂါးပြန်လော့အခွင်းပေါ်ပြီးစလော့မိတ်ဆွေ၊ အင်းစိမ်းပွေးရဲ့ဘိက်အိပ်လော့ 'အကျုပ်ကဟော့ ကေ့ဟင်းစ ကခွန်းဘော်ဟီကြောင်း အတွက်တူဝါ မပျော်ဝဲ' သိမ်အဟောက်ဝိုင့်။ 10တစ်လောက်ကာနိုး နောင် ချောင်ပေန်းနောတ် ဘုရားရှင်ငှာ နောင်တသံဝေဂဝို အလှည့်လူးကနို ဘုရားရှင်နောတ်ဒေဝါဝဲ့ဟော ယနိပျော်" သိမ်အဟောက်။
ကျုပ်ဟော့ငအစိုး
11ထောက်လော့သဲ့ ကိုယ်တော်ယေရှုလော့ နောက်ထပ် ပံဥပမာ အုဝေါတ်ဝို ထောက်လော့တဲ့ အမိန့်တော်မူဝို့။ "ချောင်ပေန်းနောတ်တာ အစိုးပေန်းဟိအမွက်။ 12နှတ်တောက်တာ အစိုးလော့ ယပအော်ဝါ 'ပအော်၊ ကေ့ကလအာသင့် အမွေငဟော့ အဖိုက်ပိတ်ကဲ့' သိမ်ဟောက်ပြီးစလော့ ယပအော်လော့ အစိုးပေါဟိဝါ အမွေအဖိုက်ပိတတ်တို့။ 13နိုက်စအောင်အကြာပိစ အစိုးညှောင်းလော့ အမွေရဲ့ရေးလော့တဲ့ငှားစငဟော့ လော့အောင်လော့တဲ့ နိုင်ငံခြားဝါ အစီ။ ယငဟော့ ဟောနီတိုင်းပြည်ဝါ အပျော်အပါး လိုက်စားလော့တဲ့ ယဟင်းစငဟော့ ဖြုးတီးတို့။ 14ယလော့ဟင်းစပေါတ်အုံအဆုံးပေါင်ပိစလော့ ထိုတိုင်းပြည်ဝါ အလင်းငဟော့ အအေးအုပ်ဗုန်း ကပ်ဆိုက်ကြောင်းငို ယငဟော့ဟော အအေးလ၊ အအုပ်လ ငှားဟော့ ဘဝဝါအဖိုးတို့။ 15နီကြောင်းငို ယလော့ အနီနိုင်ငံနာမွက်ဟော့ ချောင်ပေန်းနောတ်ငှာစိလော့သဲ့ ရှာက်အစိုင်းရိုင်းတောတ် ယအငှားဝိုင့်ယဟော့ အတုံးအုံ။ အနီချောင်လော့ ယအုပ်ကဲ့အထင်းရှောက်။ 16ယလော့ ကီးကယ်အဘို့အိုကြောင်းငို ဝုတ်ကဲ့လော့ ယနိအေးယဟော့ မှူးလော့သဲ့ အုပ်ကဲ့လော့အေးလာ့လှောက်ကာ ယလော့ဟော အအေးဝိုင့်။ ဆိတ်လော့ဟော ယဝါနီလော့ဟော မအေးဗုန်းပိတ်ကအို့။ 17နောက်ဆုံးငါ ယလော့ အသိစိတ်ဝေါင်လော့သဲ့ 'ကေ့ပအောင် အလုပ်သမားဝဲ့ပ အအေးဗုန်းမှို့အုံအေးလ။ ကေ့သဲ့ နီနေရာဝါ ငတ်ဟလော့ကဒူးဝိုင့်ဟီ။ 18ကေ့ပအောင်ငှာ တိုဝါထောင်ဟလော့ ပြန်ဟလော့သဲ့ ပအောင်ဝေါ ကေ့ယဟော့ ဘုရားရှင်နာ ပြစ်မှားဟလော့သဲ့ ပအောင်ဝါဟော့ ပြစ်ကမှားဘာန်ကြောင်းငို ကေ့ယာ အပြစ်အမွက်။ 19ကေ့ယာ ပအော်နစိုးသိမ် အပိတ်ဝဲငဟော့ပထိုက်တန်နဟူ၊ ကေ့ငဟော့ ပအော်အစေခံလှောက်ကာနော အသတ်မှတ်ဟီဘွေ့ သိမ် အဟောက်ဝိုင့်' ယလော့အစဉ်းစားတို့။ 20နီကြောင်းငို ယငဟော့ ထော့လော့တဲ့ယပအောင်အင်းနာပြန်ဘော်တို့။ ယပအောင်လော့ ယပြန်လူးငဟော့ အလှို့ဝါစထုလော့မှု့ပြီးစလော့ဟန်ဆောလော့တဲ့ စုံးလော့တဲ့ အောက်လော့တဲ့ အနှောင်းတို့။ 21အစိုးလော့ဟော 'ပအောင်ဝေါ၊ ကေ့လော့ ဘုရားရှင်နာ ပြစ်ကမှားဝတ်လော့သဲ့ ပအောင်ဝါဟော့ ကပြစ်မှားဝေါက်၊ ကေ့ယာကစိုး သိမ်အဘိက်အိက်ကိုင်းသိ' သိမ်အဟောက်။ 22ဆိတ်လော့ဟော ယပအောင်လော့ ယအစေခံနဲ့ယာ 'လူးဝေါတ်ပွယ်ရဲ့ မြန်မြန် လောက်ကွက်သလော့ ယဝါရှို့ဝဲ့။ ယကွက်တာခွေးစစ်နှောက်ဘွေ့တို့။ ယခူးဝါ ဖိနတ် စွတ်ပိတ်ကဲ့သို့။ 23အပေါင်ပိစလော့ အပွယ်ဟိုက်ဆုံး ဆိုပိုးကုန်ငေတ်သုတ်သိလော့တဲ့ မသိငဟော့ အအေးအုပ်ဗုန်း မဆင်နွှဲရိုင်။ 24ကေ့စိုးဝဟော့ အဒူးဟီ ဆိတ်လော့ဟော တိုဝါသဲ့ ပြန်လော့အဟိုင်ဘော်ဟီ ယကျုပ်လော့သဲ့ တိုဝါသဲ့ ပြန်လော့ကခွန်းဘော်ဟီ' သိမ်ဟောက်လော့သဲ့ စလော့ အအေးအုပ်ပွဲလင်း ရွှင်ပွေးယနိဆင်နွှဲတို့။ 25အနီအချိန်ငါ အစိုးလင်းလော့ လိုင်ယာရှာက်အစိုင်း။ ယ အင်းနာပြန်လော့အဖိုးပိစ သီချင်းဟောက်အလော့ ယနိလွန်းအွမ်နဟော့ အရောက်တို့။ 26နီကြောင်းငို ယလော့ အစေခံပေန်းနောတ် ဘိက်အိပ်လော့သဲ့ 'ဘောင်ခါ နော အမွက်ရိုး' သိမ်အစက်။ 27နီပိစလော့ အစေခံလော့ 'နောင်းနောင်အောင်အဖိုးလူးဘော်ဟီ။ ယငဟော့ ကျမ်းကျမ်းမာမာဝိုပြန်လော့ အဖိုးလူးပေါ်ကြောင်း နောင်းပအောင်လော့ အပွယ်ဟိုက်ဆုံးဆိုပိုး သုတ်ရှောက်လာ့သဲ့ အအေးအုပ်ပွဲလင်း ယနိစိုင်းနော' သိမ်အဖြေ။ 28အနီပိစ အစိုးလင်းဟော ကီးကယ်အလုန်ရှေးလော့သဲ့ အင်းနာဝေါင်ငယပအောင်ဝဟော့ ဆုလူးလော့သဲ့ အင်းနာအဝေါင်းငိုင်ဖြောင့်ပြတို့။ 29ဆိတ်လော့ဟော့ အစိုးလင်းလော့ ယပအော်ဝါ 'ကေ့လော့ ပအောင်ဝါ ခုကွန်းပေါင်းများစွာစို့ဟလော့ ပအောင်ဝါ အစေခံပေါတ်နောတ်လောက်ကာ ဆိတ်စိုင်းပိဟူလော့ ပအော်လော့ အဟောက်ငဟော့ဟော ပါဟောရောက်ငှားတစ်အုံ အွမ်းဟော့နဟူ။ ဆိတ်လော့ဟော ပအောင် လော့ကေ့အပေါင်းအသင်းနဲ့ဝို ကနိအေးရိုင်သိမ် ဘအယ်စအော် လူဝေါတ်ပ အပိတ်ဖူးဝသည်။ 30ဆိတ်လော့ဟော နီနစိုးလော့သဲ့ ပအောင်ဟင်းစဝဲ့ ပွယ်ငှားဟော့နှတိုးဝဲ့ရိုမနဲ ဖြုန်းတီးလော့သဲ့ ယအပြန်လူးဘော်ပိ အပွယ်ဟိုက်ဆုံးဆို သုတ်သလော့သဲ့ အအေးအုပ်ပွဲလင်း အကျင့်ပပိတ်' သိမ်အဟောက်။ 31အနီပိစ ယပအောင်လော့ဟော 'ကစိုးဝေါ၊ နောင်းသဲ့ ပအောင်ဝို အမြဲတမ်းနမွက် ကေ့ယာမွက်ဟော့ အရာအားလုံးနောင်းအတောတ်နောအဖြစ်။ 32ဆိတ်လော့ဟော နောင်နအောင်သဲ့ ဒူးလော့တဲ့ ပြန်လော့အဟိုင်လူးဘော်ကြောင်းငို။ ကျုပ်လော့အွမ်းနဟော့ ချောင်တိုဝါ မခွန်းဘော်ဟီကြောင်းငို မနိမနိပျော်သိ' သိမ် ပြန်လော့ အဟောက်ဘော်" သိမ်အဟောက်တို့။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.