YouVersion Logo
Search Icon

လုကာ 14

14
အခန်း (၁၄)
ဥပုသ်နှုတ်တာ ချောင်ပေါတ်နောတ် အကမ်းဆောက်ငဟော့
1ဥပုသ်နှုတ်တောတ်တာ ကိုယ်တော်ယေရှုလော့ အရေးပိုဟော့ ဖာရိရှဲခေါင်းဆောင်ပေန်းနောတ်အင်းနာ ဘုအေးရိုင်အစိတွန်နာ ဖာရိရှဲများလော့ ကျမ်းဟယ်ဟော့ချောင်ငဲ့လော့ ကိုယ်တော်ယေရှုဝါ ဂရုတစ်စိုက်ယနိတိုင်းတို့။ 2အနီအချိန်ငါ အကွက်ခူချိန်ဟော့ ချောင်ပေန်းနောတ်ကိုယ်တော်ယေရှုရှေ့ယာ မွက်ဟော့။ 3ကိုယ်တော်ယေရှုလော့ ဖာရိရှဲရဲ့လော့ ကျမ်းဟယ်ဟော့ဆရာငဲ့ "ဥပုသ်နှုတ်သာ ချောင်ငဲ့ယာ သလှိုင် အကူး ပိတ်ကဟော့ တရားတော်ဝိုအညီမိုး၊ ညီယမိုး" သိမ်အစက်သို့။ 4ဆိတ်လော့ဟော ထော်ချောင်ငဲ့လော့ မောင်းဟောပြန်လော့ဖြေပေါ်ငငှားတစ်အုံ ယနိအွမ်းတို့။ အနီကြောင်းငိုကိုယ်တော်လော့ အနီကာန်းငှား အကွက်ဝိုထိလော့တဲ့ အကူးပိတ်ပေါင်ပြီးစလော့ ရောဂါအ ကူးပိတ်ပိစအနီကာန်းငှားဟော့ချောင်ငဟော့ ပြန်လော့ အလှို့ဘော်တို့။ 5အနီပုန်ပိ ကိုယ်တော်ယေရှုလော့ အနီချောင်ငဲ့ယာ "နောင်နိဒိတ်ကာ ‌ဟောစိုးပဆိတ်ကာဆိတ်၊ ဆိုပဆိတ်ကာဆိတ် ဥပုသ်နှုတ်တာ ကန်တွီးခူဝါ အကျောက်ကနို ဥပုသ်နှတ်အဖြစ်ကြောင်းငို ချက်ချင်းလမ်းငှားတစ်အုံ တောက်ဝိုင်းဆိတ်ကမိုး" သိမ်အမိန့်တော်မူတို့။ 6ဆိတ်လော့ဟော ယနိလော့ငဟော့ ဟောနိကိစ္စဝို ပြတ်တက်လော့တဲ့ မောင်းဟောပြန်လော့ဖြေဖော်ခုဝအွမ်။
နှိမ့်ချခြင်းအမော့ဝဲတောက်သွန်သင်တော်မူငဟော့
7အဖိတ်ငဟော့ အခေါင်းလငဟော့ အခြားအာကန်တုငဟော့ အရေးပိုနောက်ဒုန်းနေရာဝါ အအွမ်းဝဲ အကြိုးစားငဟော့ ကိုယ်တော်ယေရှုလော့အမှု့ပြီးစလော့ နီပုံဥပမာ အုဝေါတ်ငဟော့ အမိန့်တော်မူတို့။ 8ကိုယ်တော် ငဟော့ "ပေါတ်နောတ်ဟိလော့ နောင်နိယဟော့ မင်္ဂလာဆောင်ပွေး၊ အုဝေတ်တာ နောင်နိစိကနို အရေးပပိုနောက်ဒုန်းနေရာဝါ စိသလော့သဲ့ ငုံးငိုင်တို့။ တကယ်လော့ ‌နောင်းထောက်ကာ အရေးပိုဟော့ ချောင်ပေန်းနောတ်တာ ဖိတ်အိပ်လော့သဲ့အသောက်ဟယ်ကြောင်းငိုအဖြစ်။ 9တစ်ကယ်လော့ နောင်းထောက်ကာ အရေးအပို့ငဟော့ ချောင်အပဖိုးလူးကနို နောင်းနိပေါတ်ဟိတစ်ဒေါင် အဖိတ်ငဟော့ချောင်လူးလော့တဲ့ 'နောင်းနေရာဝဟော့ နီချောင်အတောက် အဖင်းပိတ်ကဲ့' သိမ်အဟောက် ကနို နောင်းငဟော့လျှောက်အောက်သလော့သဲ့ အရေးပိုငှားနောက်ဒုန်းနေရာဝါ စိသလော့နငုံးလာဝိုင့်။ 10ဆိတ်လော့ဟော နောင်နိယဟော့ မင်္ဂလာဆောင်ပွေးယာစိသလာ့သဲ့ အရေးပိုငှားနောက်ဒုန်းနေရာဝါအုံးကနို နောင်းငဟော့ အပိတ်ငဟော့ချောင်လူးလော့တဲ့ နောင်ဝါ လူးလော့ 'မိတ်ဆွေ၊ အရေးပိုနောက်ဒုန်းနေရာဝါ လူးလော့တဲ့' အဟောက်ကို နောင်းလော့ အခြား အာကန်တုရှေ့ဝါ ဂုဏ်မလာ့အာဟော့အဖြစ်။ 11အကြောင်းမူကား မိမိကိုယ်တိုင်ချီးမြှောက်ဟော့ချောင်ငဟော့ အနှိမ့်ချငဟော့ခေါင်းလလော့တဲ့ မိမိကိုယ်ကို အနှိမ့်ဟော့ချောင်ငဟော့ ချီးမြှောက်ငဟော့ခေါင်းအယ်" သိမ်အမိန့်တော်မူတို့။ 12အနီပုန်ပိစလော့ ကိုယ်တော်လော့ အင်းမို့ဝါ "နောင်းလော့၊ အနှုတ်လောင်းပဘုပါဆိတ်ငှားတစ် အမူဘုမအေအုပ်ဝဲသိမ်အဖိတ်ကနို နောင်း မိတ်ဆွေရဲ့၊ မိသားစုဝင်နဲ့၊ မိုဆိုးငဲ့၊ ချမ်းသာဟော့ အင်းစိမ်းပွေးရဲ့ ဖိတ်အိပ်ကိုင်းသိ။ နောင်းအလှောက် နစိုင်းကနိူ ယနိလော့ နောင်းပြန်လော့ အဖိတ်အိပ်အိုလို့သဲ့ ပြန်လော့ ဖိတ်အိပ်လော့တဲ့ အစို့ပေါ်ဝဲ။ 13နောင်းငဟော့ အအေးအုပ်ဗုန်း အစို့ခွါ ဆင်းရဲသားဝဲ့၊ မသန်စွမ်းနဲ့၊ လေဖြတ်ဟော့ချောင်၊ အမိတ်ဘေ့ဟော့ ချောင်ငဲ့ ဖိတ်အိပ်ဘွေ့။ 14ထိုချောင်ငဟော့ နောင်းဝါ ဘုရားရှင်လော့ မျက်နှာသာ အပိတ်ကဲ။ ဘယ်သိမ်ကြောင်းငိုဝေါနိုးပုဝါ နောင်းအပိတ်ငဟော့ချောင်ငဲ့လော့ ပြန်လောက်တဲ့ နောင်ငဟော့ အစို့ပေါ်ခုဝါကြောင်းငို အဖြစ်။ ဆိတ်လော့ဟော့ ဘုရားရှင်လော့ ဖြောင့်မြတ်ဟော့ချောင်ငဲ့ငဟော့ အရှောက်ပြန်လော့ ဟိုင်ပေါ်ရှောက်ကနို နောင်းဝါ ကောင်းကျိုးချမ်းသာ ပြန်လော့အပိတ်ပေါ်ဝဲ" သိမ် အမိန့်တော်တို့။
အအေးအုပ်ပွဲလင်းငဟော့ ပုံဥပမာ
(မဿဲ ၂၂.၁-၁၀)
15ကိုယ်တော်ဝိုအတွက်တူဝါ စားပွဲဝါအုံးငဟော့ အာကန်တု ဒိတ်ကာဟော့ပေါတ်နောတ်လော့ အရောက်ပြီးစလော့ ကိုယ်တော်ဝါ "ဘုရားရှင်ဟော့ သာသနာတော်ဝါ အေးအုပ်နောက်ဒုန်းဝါ အေးအုပ်ခွင့်လအာငဟော့ ချောင်ငဟော့ မျက်နာသာ အပိတ်ငဟော့ခေါင်းလငဟော့ချောင်အဖြစ်" သိမ်အလျှောက်တို့။ 16ကိုယ်တော်လော့ "ချောင်ပေါတ်နောတ်လော့ အအေးအုပ်ပွဲလင်းကျန်လော့တဲ့ အာကန်တုမနည်းသငဟော့ အဖိတ်အိပ်တို့။ 17အအေးအုပ်ပွဲလင်းအဆင်သင့်ဖြစ်ပြီးစလော့ ယလော့ အဖိတ်အိပ်ကဟော့ ချောင်ငဲ့ငှာ အစေခံပေန်းနောတ်လှို့ လော့သဲ့ 'တူဝါအားလုံးအဆင်သင့်အဖြစ်ဟီကြောင်းငို အအေးအုပ်နောက်ဒုန်းဝါ လူးဘွေတွက်' အဟောက် တို့တောက်။ 18ဟောနိပိစလော့ ယနိအားလုံးသငဟော့ အကြောင်အမျိုးမျိုး ပြအလော့တဲ့ လူးခုလငှားသိမ် ယနိရမ်းအံတို့။ ပထမပေန်းနောတ်လော့ 'ကေ့လိုင်ကွက်ကွက်တောတ် ကလှေ့ယဟော့ ကသိုင်းငေါတ် လာ့ဝိုင်၊ ကေ့ယဟော့လူးခုဝါဟူးကြောင်းငိုကအံ့နာကိုက်' သိမ်အဟောက်။ 19အရာပေန်းနောတ်လော့ 'ဆိုကုန်ငှာ ကလှေ့ကြောင်းငို စိဟူလော့တဲ့ ကစောင်းလငွယ်၊ ကေ့ယဟော့လူးခုဝါဟူးကြောင်းငိုကအံ့နာကိုက်' သိမ်အဟောက်။ 20အရာချောင်ပေန်းနောတ်လော့ဟော 'ကေ့ငဟော့ တိုဝါနောအင်းထုံက ကျောက်ကြောင်းငိုလူးခုလာ့ဟု' သိမ်အဟောက်တို့။ 21အနီအစေခံလော့ဟော အနီအဖြစ်အပျက်သဟော့ယသခင်ဝါအဟောက်ပိတို့။ ဟောနီပိစ အနီသခင်ငဟော့ဟော့ ကီးကယ် အလုန် ရှေးလော့ 'မြန်မြန်စိရဲ့၊ မြို့ဒိတ်ကာဟော့လော့ လမ်းကြိုလမ်းကြားဝါဟော့ အမြန်စိသည်လော့တဲ့ ဆင်းရဲသားဝဲ့၊ မသန်စွမ်းငှားဟော့ချောင်ငဲ့၊ လေဖြတ်ဟော့ချောင်ငဲ့လော့ အမိတ်မှူးငှားဟော့ချောင်ငဲ့အားလုံးဘိက်အိပ်လူးဘွေ့' သိမ်အတို့။ 22အနီအစေခံပြန်လော့ အဖိုးလူးဘော်ပိလော့ 'အခင်လော့နတို့လှောက်ကာ ကစိုင်းပုန်ဟီ၊ ဆိတ်လော့ဟော နီနေရာဝါချောင်မနဲတောက် နေရာလွတ်အမွက် ဟွန်း' သိမ်အဟောက်တို့။ 23သခင်လော့ဟော အနီချောင်ငါ 'မြို့အပြင်ဝါ အမော့ဝါဟော့ လောင်းဝဲ့လော့ တော်လမ်းကြားဝါ အမော့ငဟော့ချောင်ငဲ့ငဟော့ ကေ့အင်းဝါလလှု့အုံ လူးကိုလူးအုံဘိတ်အိပ်လူးဘွေတွက်။ 24နောင်းဝါကဟောက်ဝဲ ကေ့လော့အရင်ဆုံးကပိတ်ငဟော့ ချောင်ငဲ့လော့ပေါတ်နောတ်လော့ပါ ကေ့အအေးအုပ်ဗုန်းဝါဟော့ပ အမီးလအယ်ဆိတ်လ ဆိတ်လ' သိမ် ယအစေခံနာဟောက်တို" သိမ် အမိန့်တော်မူတို့။
တပည့်တော်သိမ်ဟောက်ဝဟော့
(မဿဲ ၁၀.၃၇-၃၈)
25အနီပုန်ပိ မနဲဟော့ချောင်ပရိတ်သတ်သဲ့ယဟော့ ကိုယ်တော်ဟွေးတူ အပိုလူးကြောင်းငို ကိုယ်တော်လော့ လှည့်လော့တိုင်လော့သဲ့ ယနိယာ 26"နောင်နိယဟော့ ကေ့တပည့်တော်ဝဲ့အဖြစ်နှုးကနို နောင်းနူးပိုး၊ အပေးယှာ၊ အစိုး၊ စီးနောင်သာနောင် ထောက်ကာပတွန်န နောင်နိကိုယ်တိုင်ထောက်ကာ ကေ့ယာပိုလော့ အနိုးသင့်။ တစ်လောက်ကာဆိတ်ငှားတစ်အုံနိုးပုဝါ နောင်နိငဟော့ ကေ့တပည့်တော်အဖြစ်ခုဝဲဆိတ်လ။ 27နောင်နိလက်ဝါးကပ်တိုင် ငဟော့ ကို့သလော့သဲ့ကေ့ဟွေးတူ တွန်းအွမ်ခုငှားသေရာ ကေ့တပည့်တော် ဖြစ်ထိုက်ကသိ။ #14.27 ဤနေရာတွက် ကိုယ်တော်ယေရှုသည် သူ၏တပည့်ဖြစ်လိုသူအား ဒုက္ခဆမ်းရဲနဲ့ သေဆုံးရာ အရှင်သင့် ဖြစ်နေရမည် ဟုပြောလေ၏။ 28နောင်နိဒိတ်ကာဟော့ ပေါတ်နောတ်ဟိလော့ မျှော်စဉ်အဆောက်အရှောက်ကနို ဟောနီမျှော်စဉ်ပေါင်အုံထိ အလုံလောက်ငဟော့ ဟင်းစအမော့မော့ရမှတ်လအုံ ပထမဦးဆုံးပရို့ပေါ့ရယ်သိမ် အတွက်ဝဲဆိတ်ကမိုး။ 29တစ်လောက်ကာ တောက်ငှားဝါတောက်ငှားကနို နောင်းလော့အုတ်မြစ်ချောက်ပေါင်စလော့ မျှော်စင်ငဟော့ ပေါင်အုံရှောက်ခုဝဲ့ ဆိတ်က။ အနီအဖြစ် အပျက်သဲ့ ယနိမှုကနိုချောင်ငဲ့လော့ကဲ့ရဲ့လောလှောင်ပြောင်အလော့တဲ့ 30'နီချောင်ငဟော့ မျှော်စင်ငဟော့ စလော့တဲ့ရှောက်ခုလော့ဟော ပုန်အုံရှောက်တဲ့ ရှောက်ခုတို့ဝါ' သိမ်ယနိဟောက်ဝဲ့။ 31အနီအပြင် ရှန်ပလာန်းပါးလော့ ယဝါ အတိုက်ဝဲ့သိမ်အလူးငဟော့ စစ်သည်အင်အား သောင်းဟိအမော့ငဟော့ ရှန်ပလာန်းလော့ ယစစ်သည်အင်အား သောင်းငေတ်အမော့ငဟော့ ရှန်ပလာန်းလော့ အရမ်လအယ်မျိုး လလမျိုးသိမ် စဉ်းစားလော့ ဆုံးပြတ်ငှားတစ်အုံ အုံးငွယ်မိုး။ 32တစ်ကယ်လော့ အတောက်ခုငှားငနို ရှန်ပလာန်းငဟော့ အလှို့ဝါ အမော့နောက်ဒုန်းဝါ ယစေတမန်ငဟော့ စေလွှတ်လောတဲ့ ငြိမ်းချမ်းရေးစကားငဟော့ အဟောက်ဝဲ။ 33အလှောက်ကာနိုး နောင်နိပိုင်ဆိုင်တကားအားလုံးငဟော့ စွန့်လှို့ခုငှားဟော့ချောင်ငဲ့ယဟော့ ကေ့တပည့်တော်ဖြစ်ထိုက်က" အမိန့်တော်မူတို့။
တန်ဖိုးမော့ငှားစီ
(မဿဲ ၅.၁၃မာကု ၉.၅၀)
34ခုတ်ဝေါတ် ကိုယ်တော်ယေရှုလော့ "စီယဟော့အဘွယ်။ ဆိတ်လော့ဟော့ အစုပ်ဓာတ်သဟော့ အကျုပ်ကနိုအနီစီယဟော့ ပြန်လော့စုပ်ဘော် အုံခါ မနိစိုင်းလာ့ဝိုင်ရိုး။ 35အနီစီယဟော့ ဒိက်အတောတ်ဟော့ပွယ်ယ မြေဩဇာအတွက်ဟော အသုံးဝေါင်သိရကြောင်းငို အကြောင်ဝါ အဖိုင်ငဟော့ အခေါင်းလအယ်။ အနှိုပိုဟော့ချောင်တကားလော့ အရုံစိုက်သလော့သဲ့ဟင်ဘွေ့တို့" အမိန့်တော်မူတို့။

Currently Selected:

လုကာ 14: CEY

Highlight

Share

Copy

None

Want to have your highlights saved across all your devices? Sign up or sign in