Izayi 28
28
V. IBURIRWA RYA ISRAHELI NA YUDA
Umuhengeri usenya Samariya#28.1 usenya Samariya: Izayi yahanuye ibi hasigaye igihe gito ngo Samariya isenywe n’Abanyashuru, (721 mb. K.). Uwo mugi wari wubatse ahirengeye mu mpinga y’umusozi utohagiye, arawugereranya n’ikamba ry’indabo abari mu birori batamiriza mu mutwe.
1Uragowe! Wowe kamba ry’ubwibone bw’abasinzi b’i Efurayimu.
Uzabona ishyano, wowe wubatswe hejuru y’ikibaya kirumbuka,
kuko umeze nk’indabyo zumiranye,
zitatse ku mutwe w’abazahajwe na divayi.
2Dore umurwanyi ukomeye#28.2 umurwanyi ukomeye: uvugwa hano ni umwami w’Abanyashuru (Sarugoni wa kabiri)., aturutse kuri Uhoraho,
ameze nk’amahindu y’urubura n’inkubi y’umuyaga urimbura,
cyangwa se umuhengeri utumbagira amazi akarenga inkombe,
azatsemba byose n’ingufu nyinshi.
3Azaribata rya kamba ry’ubwibone bw’abasinzi b’i Efurayimu,
4na za ndabyo zumiranye zitatse ku mutwe
w’abatuye hejuru y’ikibaya kirumbuka.
Bazamera nk’imbuto y’umutini, ihishije mbere y’icyi :
uyirabutswe wese, agahera ko ayifata akayimira.
5Uwo munsi, Uhoraho Umugaba w’ingabo,
azaba ikamba ribengerana, urugori n’umutako,
bitatse ku mutwe w’abasigaye b’umuryango we.
6Ni we mwuka w’ubutabera w’abaca imanza zitabera,
akaba ubutwari bw’abirukana umwanzi mu marembo y’umugi.
Abasinzi bashungera Izayi
7Abaherezabitambo n’abahanuzi barayobye kubera divayi,
baradandabirana kubera ibinyobwa bikaze,
ibiyobyabwenge birabayobeje na divayi irabatabitse,
baradandabirana kubera ibinyobwa bikaze,
barayoba mu ibonekerwa ryabo, bakibeshya igihe bahanura.
8Ameza yabo yuzuyeho ibirutsi binuka,
imyanda yabo bayikwije ahantu hose.
9Barabazanya bati
«Mbese ni bande uriya muhanuzi ashaka kwigisha ?
Ni bande yaba ashaka gusobanurira iby’ibonekerwa rye ?
Ni abana se bamaze gucuka, cyangwa ni abakiri ku ibere,
10ku buryo yatinyuka kutubwira ngo
’Ca aha, icara, gira utya, tatata, dadada#28.10 dadada: abaherezabitamo n’abahanuzi b’ibinyoma bamaraga gusinda bagakwena Izayi ngo aravuga nk’ubwiriza abana cyangwa se nk’igitambambuga gihoha. Umuhanuzi na we arabasubiza ati «Ahubwo umunsi Abanyashuru bazabageramo bivugira ururimi rw’iwabo ni bwo mutazagira icyo mwitoreramo.»’?
11Nyamara kandi, ni muri iyo mvugo ididimanga,
muri urwo rurimi rw’amahanga,
Uhoraho azavugana n’umuryango we.
12We wari warababwiye ati
«Dore ikiruhuko, nimureke unaniwe aruhuke,
aha ni ahantu h’uburuhukiro.»
Nyamara ntibashatse kumwumva.
13Bityo ijambo ry’Uhoraho kuri bo, rizabe rya rindi:
«Ca aha, icara, gira utya, tatata, dadada!»
Nibaba bagenda, bazitura hasi, babirinduke,
bavunike umugongo, bafatwe n’umutego ubutazawuvamo.
Abagira Yeruzalemu inama mbi nibasigeho#28.13 nibasigeho: ahari Izayi yahanuye ibi ahagana mu mwaka wa 701 mb. K., ubwo benshi mu byegera by’umwami Hezekiya bamutoteraga kwisunga Misiri, ngo babone uko bakoma imbere Abanyashuru. Izayi we yabagiraga inama yo gucisha make, bakizera Imana yonyine.!
14Nuko rero, nimutege amatwi ijambo ry’Uhoraho,
mwe bashungerezi, bategeka uyu muryango w’i Yeruzalemu.
15Muravuga muti «Twagiranye isezerano n’urupfu,
duhana igihango n’ab’ikuzimu.
N’ubwo haza icyorezo gikaze nticyadushyikira,
kuko dufite ikinyoma ho ubuhungiro,
uburyarya bukaba ubwugamo bwacu.»
16Nyamara, Nyagasani Imana avuze atya:
Dore nshyize muri Siyoni ibuye rikomeye,
ibuye ry’insanganyarukuta#28.16 ibuye ry’insanganyarukuta: niba bashaka ko Yeruzalemu iba umugi ukomeye, bagomba kwishingikiriza ku Mana, ku butungane n’ubutabera (28,17), aho kwishingikiriza ububasha bw’abantu. kandi ry’agaciro gakomeye,
kugira ngo ribabere ifatizo.
Uzaryishingikiriza wese, nta bwo azanyeganyega.
17Ubutungane buzambera inago yo gupimisha,
ubutabera bumbere imbaho y’amazi.
Urubura ruzakubura ubuhungiro bw’ikinyoma,
amazi ahitane ubwugamo bwanyu.
18Isezerano ryanyu n’Urupfu rizasibangana,
igihango cyanyu n’ikuzimu ntikizafata.
Icyorezo gikaze rero nikiza, kizabayogoze.
19Buri gihe uko kije kizabageraho,
kuko kizahita buri gitondo, ku manywa na nijoro,
igihe muzacyumva muzagira ubwoba bukabije.
20Uburiri buzaba bugufi, ku buryo umuntu atarambya,
ikiringiti kibe gito, ku buryo yiyorosa ntikimukwire#28.20 ntikimukwire: ni umugani uvuga ko ibintu bigeze iwandabaga..
21Uhoraho agiye guhaguruka,
uko yabigenje ku musozi wa Perasimu,
arakare nko mu kibaya cya Gibewoni,
kugira ngo arangize igikorwa cye kidasanzwe,
asoze umurimo we w’agatangaza.
22None rero, ntimukongere ukundi kumuseka,
hato ingoyi zanyu zitarushaho kubakanaga,
kuko Nyagasani, Uhoraho Umugaba w’ingabo, ambwiye
ko yamaze gufata umugambi wo kurimbura igihugo cyose.
Imigani ibiri yerekeye ku buhinzi
23Nimutege amatwi munyumve!
Nimwitonde, mwumve amagambo yanjye!
24Mbese umuhinzi ujya guhinga umurima we,
amarira igihe cye cyose mu kurima, gutabira,
cyangwa se mu gucoca amasinde gusa?
25Ntageza aho agasanza ubutaka bwe,
hanyuma akabibamo umurama w’icyatsi gihumura neza,
ingano nini n’inkori,
n’andi moko yose y’imbuto, n’ibigori ku ruhande.
26Nuko rero, Imana ni yo imwerekera, ikamwigisha.
27Icyatsi gihumura neza ntigihurishwa imashini,
cyangwa ngo gihonyozwe inziga z’amagare,
ahubwo icyatsi gihumura neza gihurishwa ikibando
kigahonyozwa inshyimbo.
28Ingano se zo zihurwa ku buhe buryo?
Iyo bazihura ntibazisya burundu,
bazinyuza hejuru imashini n’igare riyikurura,
ariko bakirinda kuzimenagura.
29Ibyo na byo bikomoka kuri Uhoraho, Umugaba w’ingabo,
wigaragaza nk’umujyanama mwiza,
n’umuhanga mu kumenya gukora.
Currently Selected:
Izayi 28: KBNT
Highlight
Share
Compare
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.
