Ezekiyeli 15
15
Umugani w’umuzabibu#15.1 Umugani w’umuzabibu: aha ngaha Ezekiyeli ntavuga imbuto umuzabibu ugomba kwera (nk’uko tubisanga muri Iz 5,1–7), ahubwo aribanda ku giti ubwacyo. Igihimba cy’umuzabibu n’amashami yacyo biba byihotaguye, ku buryo nta kindi byakoreshwa uretse kubicana. Bityo rero n’umuryango w’Imana nta kamaro ugifite: ni ngombwa ko utwikwa.
1Uhoraho ambwira iri jambo, ati
2«Mwana w’umuntu,
igiti cy’umuzabibu kirusha iki ibindi biti byose?
Amashami yacyo arusha iki andi y’ibiti byo mu ishyamba?
3Bashobora se kugira icyo bagikoramo?
Hari uwakibazamo se akantu ko kumanikaho ibikoresho?
4Ngaha rero bakijugunye mu muriro ngo gishye, gikongoke:
kiramutse se gihiye imitwe yombi
ndetse n’igihimba kigakongoka,
hari icyo se cyaba kikimaze?
5Mbere y’uko bagitwika, nta cyo cyari kimaze;
none dore umuriro wagitwitse cyakongotse.
Hari icyo se kikimaze?
6Ni yo mpamvu Nyagasani Uhoraho avuze ati
’Uko nagenjereje umuzabibu mu bindi biti byo mu ishyamba,
nkawujugunya mu muriro ngo ushye, ukongoke,
ni ko nzagenzereza n’abaturage b’i Yeruzalemu.
7Naraboroheye bibwira ko barokotse umuriro,
nyamara undi muriro uzabatwika;
maze muzamenye ko ndi Uhoraho, igihe nzaba nabazinutswe.
8Igihugu nzagihindura amatongo, kuko bambereye abahemu.
Uwo ni Nyagasani Uhoraho ubivuze.’»
Currently Selected:
Ezekiyeli 15: KBNT
Highlight
Share
Compare
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.
